ПК "Олимпик" Битола

Битола избра спортисти за 2025 година!

Првите натпревари оваа година за пливачкиот клуб Олимпик од Битола не се одиграа во вода, тука на копно. Имено, вчера во салата на Народниот театар Битола се одржа манифестација - Избор на најдобри спортисти на Битола за 2025 година по 62. пат во организација на Сојузот на спортови на Битола. Во конкуренција на многу млади спортисти, Сојузот на спортови наградуваше најдобри младинци во 2025 година, меѓу кои и нашите пливачки Мила Петровски, Кристина Петровски и Анабела Динева се закитија со ова престижно признание.

Честитки и уште поголеми успеси упати тренерот Кире Марков.

Успешно завршена пливачката сезона 2025 со освоени два бронзени медали и тоа Мартин Белески во 50m градно и Кристина Петровски во 100m градно.

Пливачкиот клуб Олимпик Битола зеде учество на интернационалниот пливачки митинг Santa Claus Talent Cup 2025 и се претстави со 6 пливачки и пливачи. На натпреварот зедоа учество над 360 учесника од 40 клубови. Нашиот клуб покажа одличен натреварувачки дух во дисциплините што ги пливаа, подобрувајќи си ги своите лични резултати.

Браво пливачишта, рече тренерот Кире Марков.

Пливачкиот клуб Олимпик ги прогласи најдобрите пливачки и пливачи за 2025 година. Од дваесетте успешни пливачки и пливачи во оваа пливачка сезона, најуспешни беа три пливачки и тоа:
Мила Петровски
Анабела Динева и најмалата
Кристина Петровски.
Честита новата година и многу успеси во 2026 година.

Успешен настап на пливачките и пливачите на Олимпик Битола

Во деновите 12.13. и 14. декември се одржа зимското државно пливачко првенство 2025 во Скопје. На ова државно првенство учествуваат 40 пливачки клубови од државата. Од нашиот клуб учествуваа следните пливачки и пливачи:
Анабела Динева
Јована Георгиевска
Мила Петровски
Јана Ставреска
Ава Србиновска
Борјан Георгиевски и
Кристина Петровски.
Постигнат е значителен успех, при што полека се доближуваме до финалните натпревари. Да напоменеме и тоа дека нашите учесници сите си ги подобрија своите лични резултати за неколку секунди. Браво за пливачите од Олимпик Битола!

ПК Олимпик од Битола учествуваше на најстариот меѓународен пливачки натпревар во Бугарија - Стефан Попов - Замората.

На 01. и 02.11.2025 ПК Олимпик зеде учество на пливачкиот митинг во Софија кој се одржа на базенот Спартак каде што учествуваа пливачи од Бугарија, Македонија, Кипар и Полска каде имаше вкупно 542 учесника. Од нашиот клуб учествувавме со 2 пливачки. Одлично испливани сите дисциплини, подобрувајќи ги своите лични времиња. Честитки кажа тренерот Кире Марков.

Успешен настап на пливачите од ПК Олимпик од Битола во Скопје

Во деновите 25. и 26.10.2025 во Скопје се одржа интернационалниот пливачки натпревар XXI Немо куп 2025 кој се одржа на базенот Борис Трајковски каде што учествуваа пливачи од Македонија, Србија, Косово, Словачка и Албанија, или вкупно околу 380 учесници. Од нашиот клуб учествувавме со 3 пливачки и еден пливач. Освоени се два медали во женска конкуренција: Петровски Мила на 1500m освои златен медал, Динева Анабела на 1500m освои сребрен медал. Додека Георгиевски Борјан и Петровски Кристина си ги подобрија своите лични времиња. Од трка во трка многу сме подобри. Честитки кажа тренерот Кире Марков.

Успешно учество на 15. меѓународен натпревар Лесковачки победник 2025, каде што младите пливачки на Олимпик од Битола, Мила Петровски и Кристина Петровски, си ги подобрија сопствените времиња. На натпреварот зедоа учество 320 натпреварувачи од Србија, Македонија и Бугарија и во голема конкуренција успешно го претставивме градот Битола, рече тренерот Кире Марков.

Пливачкиот клуб “Олимпик” Битола денес зеде учество на меѓународниот пливачки митинг Орион Куп мини 2025 кој се одржа на Олимпискиот базен Центар во Скопје. На натпреварот зедоа учество над 120 натпреварувачи од повеќе држави. Нашиот клуб учествуваше со 3 пливачки и пливачи, кои одлично испливаа подобрувајќи ги своите лични резултати и пласирајќи се во горната половина.

На ден 31.8.2025 година се одржа Делфин опен 2025 во Охридското езеро кај автокампот Љубаништа, каде што 7 пливачки од клубот Олимпик Битола зедоа учество. Мила Петровски го освои третото место во трката на 2.5km, Анабела Динева го освои третото место во трката на 5km, а останатите пливачки: Никита Ангеловски, Ава Србиновска, Јана Ставреска, Кристина Петровски и Леона Ендековски си ги подобрија своите лични времиња. Честитки за сите!