КК Кожув

31/08/2026

И МЛАДИОТ АНДРЕЈ ИЧЕВ ОСТАНУВА ВЕРЕН НА ЦРВЕНО-БЕЛАТА ФАМИЛИЈА!

Со големо задоволство ви соопштуваме дека Андреј Ичев и во новата сезона ќе го носи црвено-белиот дрес! ❤️🤍

Младиот и перспективен кошаркар продолжува да биде дел од Кожув, со желба за нови успеси, победи и уште подобри настапи на паркетот.

Андреј, со среќа во новата сезона!
Заедно до нови победи!

ЕДЕН КЛУБ ЕДЕН ГРАД КОЖУВ ГЕВГЕЛИЈА!! 🔴⚪️🏀 🇲🇰

26/08/2026

Никола Бојчев останува верен на црвено-белата фамилија! 🔴⚪️

Продолжуваме заедно!
На Бојчев му посакуваме многу успеси, победи и одлични моменти во новата сезона!

Напред Кожув! 🔴⚪️🏀🇲🇰
#ЕденКлубЕденГрадКожувГевгелија

23/08/2026

Помошен тренер на клупата на КК Кожув и оваа сезона ќе биде 24-годишниот Живко Старделов, кој во изминатиот период беше дел од стручниот штаб на македонската репрезентација до 16 години 🇲🇰🏀

Од оваа сезона, покрај ангажманот како помошен тренер на првиот тим на КК Кожув, Живко ќе биде и тренер на М16 екипата во М16 младинската лига.

Млад, амбициозен и посветен на кошарката – Живко продолжува да биде дел од црвено-белото семејство! ❤️🤍

Му посакуваме многу успеси, победи и одлични резултати во новата сезона!
Напред Кожув! 🔴⚪🏀

20/08/2026

МИХАИЛ СТОЈАНОВ Е НОВО ЗАСИЛУВАЊЕ НА БЕКОВСАТА ПОЗИЦИЈА!!

КК Кожув го претставува своето ново засилување – 21-годишниот македонски бек Михаил Стојанов.

Михаил е висок 185 сантиметри и во изминатите сезони беше дел од ТФТ Моцарт Скопје, каде што го стекна своето искуство во македонската кошарка, но и на меѓународна сцена.

Зад себе има настапи во АБА 2 лигата, каде што се соочил со силна регионална конкуренција и стекнал драгоцено искуство. Во сезоната 2025/26 имаше и одличен индивидуален настап против Златибор, кога за 23 минути постигна 13 поени, со 3/3 за два и 2/2 за три поени.

Млад, борбен и амбициозен, Михаил пристигнува во Гевгелија со желба за нови предизвици, напредок и успеси со нашиот тим.

Михаил, добредојде во црвено-белата фамилија !🔴⚪️

🔴⚪️🏀🇲🇰

14/08/2026

🏀 Денес ПОЛУФИНАЛНИ НАТПРЕВАРИ од FIBA U16 EuroBasket – Division B во Гевгелија!

Денес продолжуваат возбудувањата со 6 натпревари во двете спортски сали, а вечерта нè очекуваат и двата полуфинални натпревари! 🔥

📍 Спортска сала „26 Април“

🏆 ПОЛУФИНАЛЕ
18:30 🇮🇸 Исланд – Босна и Херцеговина 🇧🇦

21:00 🇭🇷 Хрватска – Естонија 🇪🇪

🔥 Четири репрезентации вечерва ќе се борат за две места во големото финале!

Повелете на трибините и бидете дел од претпоследниот ден на европското првенство во Гевгелија! 🏀

08/08/2026

НОВО ЗАСИЛУВАЊЕ ЗА КОЖУВ – СТЕФАН СИМИЌ!
КК Кожув со задоволство го претставува Стефан Симиќ, 30-годишниот српски бек, кој во новата сезона ќе го носи дресот на гевгелискиот клуб.

Висок 193 сантиметри, Симиќ зад себе има богато искуство во српската кошарка, настапувајќи за Мега Баскет, Слобода Ужице, Младост Земун и Вршац, како и во црногорскиот клуб Сутјеска.

Во 2020 година го освои Купот на Кошаркарската лига на Србија, а во Кожув пристигнува со амбиција, искуство и желба за нови победи.

Стефан, добредојде во црвено-белата фамилија!🔴⚪️
Заедно ја пишуваме новата приказна!

07/08/2026

🏀🇲🇰 ДЕНЕС СИТЕ ЗА МАКЕДОНИЈА! 🇲🇰🏀
Нашата машка кадетска репрезентација денес го продолжува настапот на Европското првенство – Дивизија Б, со натпревар против селекцијата на Исланд.

На младите македонски кошаркари им е потребна силната поддршка од трибините. Да покажеме дека Гевгелија знае да биде вистински домаќин и да создаде атмосфера достојна за европско првенство.

Особена чест за нашиот град е што гевгеличанецот Живко Старделов е дел од стручниот штаб на репрезентацијата како асистент-тренер, давајќи свој придонес во развојот и успесите на македонските кошаркарски надежи.

Спортска сала „26 Април“ – Гевгелија
18:30 часот

Вашето присуство значи поддршка. Вашиот аплауз – дополнителна сила.

🇲🇰 Македонија 🆚 Исланд 🇮🇸
Да ги исполниме трибините и заедно да навиваме за Македонија! ❤️💛

03/08/2026

ОТВОРЕНИ УПИСИ – КОШАРКАРСКА АКАДЕМИЈА КК КОЖУВ

Кошаркарска академија КК Кожув ги отвора уписите за новата сезона, овозможувајќи им на децата и младинците квалитетен кошаркарски тренинг базиран на дисциплина, стручност и континуиран развој.

Нашата академија веќе докажа дека произведува вистински кошаркарски таленти – Ристе Букршлиев, Јордан Кузманов и Лука Чучанов ги направија своите први чекори токму во КК Кожув, потоа ги облекоа дресовите на младинските репрезентации на Р. Македонија, а денес се дел од сениорскиот прв тим на клубот. Нивниот пат е доказ дека во нашата академија трудот и талентот се препознаваат и негуваат.

Категории за упис:
🔸 М18 – 2009/2010
🔸 М16 – 2011/2012
🔸 М14 – 2013/2014
🔸 М12 – 2015/2016
🔸 М10 - 2017 и помали

Стручен тренерски кадар и професионален пристап - те чека во КК Кожув.

Децата ќе имаат можност да работата со македонската кошаркарска легенда Перо Блажевски и кондицискиот тренер Трајче Стојанов.

Не пропуштај ја можноста твоето дете да го започне својот кошаркарски пат со нас.

За повеќе информации и упис, контактирај нè.

070 232 500

Кошаркарски клуб КОЖУВ Гевгелија

02/08/2026

ГЕВГЕЛИЈА ЌЕ БИДЕ ДОМАЌИН НА ЕВРОПСКО КОШАРКАРСКО ПРВЕНСТВО ДО 16 ГОДИНИ!

Од 6 до 15 август, Гевгелија заедно со Скопје ќе биде домаќин на Европското првенство за кошаркари до 16 години – Б Дивизија, на кое ќе настапат 22 национални селекции од цела Европа.

Во спортската сала „26 Април“ во Гевгелија како и во спортската сала НБ ,,Ноел" ќе се одиграат натпреварите од групите А и Б.

Подготовките се завршени, а спортската сала е целосно адаптирана и опремена за меѓународниот настан.

Група А: 🇸🇰 Словачка, 🇮🇪 Ирска, 🇵🇹 Португалија, 🇲🇪 Црна Гора, 🇳🇱 Холандија

Група Б: 🇲🇰 Македонија, 🇺🇦 Украина, 🇨🇭 Швајцарија, 🇭🇷 Хрватска, 🇮🇸 Исланд, 🇨🇾 Кипар

За нашиот град ова претставува голема чест и уште една потврда дека Гевгелија е препознатлива спортска средина, подготвена да организира врвни меѓународни настани.

Да ја дадеме нашата поддршка на младите македонски кошаркари и да ја исполниме салата до последно место.

КК Кожув Гевгелија им посакува добредојде на сите репрезентации, гостите и љубителите на кошарката. Нека победи спортот!

30/07/2026

Трајче Стојанов останува дел од КК Кожув!

Кондицискиот тренер Трајче Стојанов го продолжува договорот со КК Кожув и во претстојната сезона ќе биде дел од нашиот стручен штаб.

Минатата сезона беше значаен дел од тимот што го освои сребрениот медал во Купот на Македонија, а воедно беше и член на стручниот штаб на младинската репрезентација на Македонија до 18 години, која го оствари најголемиот успех во својата историја освојувајќи златен медал.

Со својот професионален пристап, темелен на современи научни и практични принципи, значително придонесува за физичката подготвеност на нашите кошаркари, како и за превенција на повреди во текот на сезоната.

Стојанов е докторанд на програмата „Теорија и методологија на спортската наука“, редовно учествува на научни конференции, а неговото научно истражување е насочено кон физичката подготвеност на кошаркарите.

Му посакуваме многу успех и нови заеднички победи во дресот на КК Кожув!
🔴⚪️🇲🇰