Училишен спортски клуб Училишни Ѕвезди Гевгелија

🏊‍♂️ ЈАВЕН ПОВИК ЗА БЕСПЛАТНИ ЧАСОВИ ПО ПЛИВАЊЕ ЗА ДЕЦА - 2026 ✅

Согласно Програмата за спортски активности, Општина Гевгелија и оваа година ја реализира активноста - Бесплатни часови по пливање за деца на возраст од 7 до 12 години.

По тој повод, се објавува Јавен повик за пријавување на заинтересирани учесници.

Целта на оваа активност е поттикнување на здравиот психо - физички развој на децата, промовирање на активниот начин на живот и стекнување на основните пливачки вештини.

Часовите ќе ги спроведуваат професори по физичко и здравствено образование и се наменети за деца жители на Општина Гевгелија, на возраст од 7 до 12 години.

ℹ️Активностите ќе се реализираат во периодот од 3 до 27 август 2026 година, четирипати неделно на базен „Coconut“ во Гевгелија.

📝 Пријавувањето започнува во вторник (28.07) и ќе трае до четврток (30.07), во просториите на Општина Гевгелија (Голема сала), во периодот од 10:00 до 12:00 часот.

Преку оваа иницијатива инвестираме во развојот на најмладите, создавајќи можности за активно, здраво и квалитетно детство.

Одличен успех на нашата ученичка Пепика Дебникова . Прво место на 60 метри на државно ниво на Плазма спортските игри . Одиме во Сплит по медал ....
Честитки 🏆😍💪

🏆 Завршија училишните лиги во фудбал, кошарка и одбојка! 🏆

По многу натпревари, неизвесни завршници, радост, разочарувања и незаборавни моменти, уште едно издание на училишните лиги успешно е завршено.

Во изминатиот период учениците покажаа дека спортот не е само борба за победа, туку и школа за живот. На терените видовме пожртвуваност, тимска игра, дисциплина, почит кон противникот и вистински спортски дух. Секој натпревар носеше нови емоции, нови пријателства и спомени кои долго ќе се паметат.

Победниците ги освоија пехарите и медалите, но вистински победници се сите учесници кои со својата посветеност, труд и желба за натпреварување придонесоа овие лиги да бидат успешни и исполнети со прекрасни спортски моменти.

Нека овие натпревари бидат потсетник дека успехот не се мери само со освоено прво место, туку и со храброста да се излезе на терен, да се даде максимум и достоинствено да се прифати секој резултат.

Честитки до сите ученици кои беа дел од оваа прекрасна спортска приказна. Се гледаме повторно следната година, со нови предизвици, нови шампиони и уште повеќе спортски возбудувања! ⚽🏀🏐👏🏅

Со големо задоволство споделуваме прекрасни моменти од заедничкото дружење на нашите ученици.
Активноста беше успешно реализирана од училишниот спортски клуб, а ние продолжуваме со нови спортски содржини и активности.

Најголема љубов кон татковината е влогот во идните генерации. Им се заблагодаруваме на нашите спонзори , Pecatnica Alfabet и Винарија Маркудови за несебичната поддршка во реализација на нашата скијачка школа Банско 2026 ✨

Тимот на Училишни Ѕвезди