Атлетски клуб ОЛИМП

28/09/2026

💫🏃‍♂️🏃‍♀️

Уште еден успешен викенд е зад атлетичарите на АК Олимп од Битола кои на Ilinden Run забележаа три пласмани на подиумот, личен рекорд, најдобар сезонски резултат и нов на...

28/09/2026

🏆

28/09/2026

Викендот го затворивме со три подиуми, личен рекорд и нов национален рекорд🏆

АК Олимп се враќа од Ilinden Run со уште една силна тркачка приказна и резултати што зборуваат сами за себе.

🥇 Дарија Крстевска | 5 км
18:41 и нов личен рекорд.

🥈 Греса Бакрачи | 10 км
35:41 и нов национален рекорд на Косово.

🥉 Адријана Поп Арсова Рашиќ | 10 км
37:26, нејзино најдобро време оваа сезона.

Ирма Хајдари | 5 км
4. место во женска конкуренција и 2. место меѓу македонските натпреварувачки.

Димитар Илиев | 10 км
32:57, 5. место во генералниот пласман и 3. место меѓу македонските натпреварувачи.

Игор Стојановски | 5 км
19:09 и 25. место.

Три подиуми. Два рекорди. Уште еден викенд во кој се гледа што значат континуитет, тренинг и работа без кратенки.

Понеделник е. Медалите се тука. Тренингот продолжува.

Честитки, Олимп⭐️

28/09/2026

🎥🏃‍♀️🏃‍♂️

27/09/2026

🏆 ТРИУМФ НА ДАРИЈА КРСТЕВСКА НА ILINDEN LIFE RUN!

Нашата атлетичарка Дарија Крстевска оствари одличен настап и триумфираше на трката на 5 километри на првото издание на Ilinden Life Run! 🥇

Дарија стигна до првото место со одлично време од 18:40, уште еднаш потврдувајќи ја својата одлична форма.

Честитки Дарија👏 Честитки Диме, за цел напор и труд вложен период наназад💫

20/09/2026

Дарија Крстевска го заврши својот настап на Светското првенство во Копенхаген 🇩🇰

Македонската репрезентативка Дарија Крстевска настапи на трката на 5 километри на Светското првенство во трчање на пат во Копенхаген.

Дарија ја заврши трката со резултат 19:22 и го освои 42. место во конкуренција од исто толку учеснички.

За 19-годишната Крстевска ова беше прв настап на едно Светско првенство и драгоцено искуство во конкуренција на атлетичарки од светскиот врв.

Како убедливо најмлада учесничка во трката на 5 километри, Дарија зад себе има значаен чекор во својата млада кариера, а пред неа се уште многу простор за развој, напредок и нови настапи на големата меѓународна сцена.

Честитки за дебитантскиот настап на едно Светско првенство и достојното претставување на Македонија. 🇲🇰

20/09/2026

Нашите најмали атлетичари веќе ги прават своите први натпреварувачки чекори! 🏃‍♀️🏃‍♂️

Денес во Скопје, седум млади атлетичари и атлетичарки од детската атлетика на АК Олимп беа дел од детска атлетска трка Виталиа, каде имаа можност да го почувствуваат натпреварувачкиот дух и да го покажат она што вредно го учиме на тренинзите.

На 100 метри, во категоријата 7–8 години, настапија Матеа Ризовска, Марко Кочовски, Антонија Котевска, Лара Браво и Дамјан Гагалевски. Во своите тркачки групи Матеа, Марко и Лара завршија на првото место🥇, а Антонија и Дамјан како третопласирани🥉.

На 200 метри во категоријата 9–10 години настапија Ирина Здравевска и Матеј Наумовски – Ирина заврши прва во својата група 🥇, а Матеј втор🥈.

На оваа возраст пласманите и времињата не се најважни. Најважно е децата да уживаат во атлетиката, да учат, да стекнуваат самодоверба и преку спортот да создаваат навики кои ќе ги следат понатаму.

Горди сме што само по краток период заеднички тренинзи веќе можеме да ги гледаме нашите најмали како со насмевка и храброст излегуваат на стартната линија. 🤍💛

Ова се само првите чекори на нашите мали олимпијци. Атлетската приказна допрва започнува. 💪🏽💥

Посебна честитка за најпрекрасните тренери на овие деца - Цаци и Димитар, без кои оваа наша убава бајка не би била возможна🌟

15/09/2026

🪽

15/09/2026

Нов младински национален рекорд за Дарија Крстевска! 🏆🇲🇰

Дарија Крстевска постави нов национален рекорд за младинки под 20 години во дисциплината 3000 метри стиплчез на Купот на Македонија за младинци и младинки, одржан изминатиот викенд во Велес.

Атлетичарката на АК Олимп ја мина делницата за 12:09.33, со што за повеќе од 10 секунди го подобри претходниот национален рекорд од 12:19.8, поставен од Александра Митроска на 19 јуни 2010 година во Марса.

Ова е уште еден значаен успех за младата македонска атлетичарка и потврда за нејзиниот континуиран напредок.

👏 Честитки до Дарија Крстевска и нејзиниот тренер за новиот национален рекорд и одличниот настап!

15/09/2026

🏆 ТРИУМФАЛЕН ДЕН ЗА АК ОЛИМП НА „ТРЧАЈ БЕ“! 🏆

Атлетскиот клуб Олимп имаше исклучително успешен ден во рамките на битолската градска трка „Трчај Бе“, во склоп на која се одржа и Националното првенство на Македонија во полумаратон.

Олимп триумфираше во национална конкуренција, и во женска, и во машка конкуренција, освојувајќи ги двете шампионски титули! 🥇

Во женска конкуренција, Адријана Поп Арсова Рашиќ со одличен настап го освои првото место и стана национална шампионка во полумаратон. Успехот го надополни Марина Домазетовска, која со одлична трка се искачи на подиумот и го освои третото место во национална конкуренција. 🥉

Кај мажите, Димитар Илиев донесе уште едно злато за Олимп, освојувајќи го првото место и титулата национален шампион во полумаратон. 🥇 Димитар Илиев одличната трка ја заокружи со трето место во генерален пласман, веднаш зад двајцата Кенијци🥉

Но, успесите на Олимп не запреа тука. Нашиот тренер Димитар Петровски, овој пат и во улога на натпреварувач, во силна конкуренција, го освои второто место на трката на 5 километри. 🥈

На трката на 10 километри, Григоријан Никовски истрча една од своите најдобри трки во кариерата и го освои второто место, веднаш зад кенискиот натпреварувач. 🥈 Одличен настап имаше и Ирма Хајдари, која исто така се најде на подиумот, освојувајќи го второто место на трката на 5 километри. 🥈

Посебно нè радува и настапот на младите членови од нашата новоформирана детска атлетска школа, кои беа дел од „Трчај Бе“. Меѓу нив се истакна Михаила Гештаковска, која ја истрча својата прва трка на 5 километри, и тоа со одлично време од 26 минути. 👏

Злато, медали, подиуми, лични достигнувања и нова генерација која ги прави своите први чекори во атлетиката – ден за паметење за АК Олимп! 💪🏃‍♀️🏃‍♂️

Честитки до сите наши атлетичари! Продолжуваме во ист ритам🏆