ПСК Орле

Врвот Орле денес беше исполнет со насмевки, позитивна енергија и вистински планинарски дух!
Благодарност до сите учесници кои беа дел од оваа прекрасна авантура. Вашата енергија, поддршка и љубов кон планината го направија денот посебен. 💚

Се гледаме на следната тура!

ПСК Орле ве поканува на искачување на врв Орле – планина Вишешница! 🏔️

📅 Датум: 25.05.2026 (понеделник)

🕘 Поаѓање:
• 08:00 часот од паркингот пред клубот
или
• 09:00 часот од село Шешково

🥾 Дополнителна варијанта за поискусни и подготвени планинари:
• Тргнување пеш од браната на ХЕЦ Тиквеш во 06:00 часот
(делницата од браната до село Шешково е околу 7 км)

Подгответе се за прекрасна планинарска тура и уживање во недопрената природа на Вишешница. Врвот Орле (1.514 м.н.в.) нуди неверојатен поглед и вистинско планинарско доживување исполнето со добра дружба и планински дух. 🌿⛰️

📌 Детали за турата:
• Старт: село Шешково
• Должина на патеката: 6 км (во еден правец од Шешково)
• Времетраење на искачувањето: околу 2,5 часа во еден правец

🚐 Превоз:
• Со сопствен превоз до село Шешково
(патот од браната до селото е земјен и неасфалтиран, но во добра состојба.)
• Можност и за организиран превоз, но местата се ограничени
• Предност имаат членовите со заверена членарина
• За тие што ќе користат организиран превоз, тргнувањето е од пред клубот во 08:00 часот

📍 Пријавување најдоцна до 22.05.2026:
• Во просториите на клубот после 20:00 часот
или
• Во порака

Понесете добра енергија, вода, соодветна планинарска опрема и желба за нови височини! 🥾💙

Ве очекуваме – се гледаме на врвот!

🌙 Успешно реализирана ноќната тура до Мал Љубаш 🌙

Под светлината на ѕвездите и челните ламби, поминавме уште една прекрасна вечер, исполнета со дружба, смеа и убави погледи кон градот. 🏔️✨

🌙 Ноќна тура до Љубаш 🌙

Оваа среда ве водиме на брза вечерна тура исполнета со добра дружба, свеж воздух и прекрасна ноќ под ѕвездите. ✨

📅 13.05.2026 ( среда )
📍 Поаѓање: 19:00 часот пред клубот
🥾 Лесна и брза тура
🌌 Убава атмосфера, разговори и прекрасен поглед кон градот осветлен во ноќта

Понесете:
🔦 челна ламба
💧 вода
🧥 резерва облека
🍫 нешто лесно за јадење
😊 Добро расположение е задолжително!

Магла, снег, дожд и силен ветер… природата денес го стави нашиот карактер на тест.

Но кога има желба, упорност и вистинска екипа – нема пречка што може да нè запре.

На моменти и сонцето ни се насмевна по патеката, како награда за секој направен чекор.

Успешно искачен врвот Пелистер на Баба Планина. Уште еден доказ дека најубавите погледи се заслужуваат со труд, истрајност и заеднички дух.

Честитки за целата екипа!

Планинарска тура „Видиковец“
Прекрасен ден исполнет со позитивна енергија, дружба и насмевки.
Во друштво на прекрасни личности, поминавме уште една убава и успешна планинарска акција.

Благодарност до сите учесници што беа дел од оваа приказна.
Се гледаме на некоја наредна авантура! 🥾

🌄 Патеката до Видиковец е подготвена!

Нè очекува прекрасно време, дружење во природа и прекрасен поглед. ☀️

🚶‍♂️ Се гледаме во недела.

Денес членови на ПСК „Орле“ имаа прекрасно дружење со идни мали планинарчиња, а тоа беа децата од 5-6 г. од објектот „Детелинка“ при ЈОУДГ „Рада Поцева“.

На децата им го претставивме поставувањето на планинарски шатор, а најинтересниот дел беше тоа што сите имаа можност да влезат внатре и барем за момент да го почувствуваат духот на планината и авантурата.

Веруваме дека љубовта кон природата и планината се гради уште од најмали нозе, а ваквите активности се чекор поблиску до создавање идни мали планинари.

Им благодариме на вработените за топлиот пречек и гостопримството, а посебна благодарност до Флорида Димитрова за поканата и иницијативата за реализација на овој настан.

Со радост договоривме и нова средба, со уште поинтересни активности кои дополнително ќе ги воведат децата во светот на планинарството.

🥾 Подготвен си за планина?

Добрата авантура започнува со добра подготовка!
Погледни што ти е потребно за безбедна и пријатна еднодневна планинарска акција ⛰️

Нема потреба од сè веднаш – најважно е да почнеш! 👍

🔔 Потсетник за сите љубители на природата!

Во недела (19.04) одиме на 🌄 Видиковец – пријавувањето е во тек!

🌄 Се гледаме – понесете добра енергија, насмевка и желба за убав ден во природа.

🌄 Планинарска тура: Видиковец 🌄

Драги планинари,

Ве покануваме на уште една прекрасна планинарска авантура! На 19.04.2026, ќе имаме можност повторно да го посетиме Видиковец — место кое плени со својот неверојатен поглед кон Тиквешкото Езеро и живописниот кањон на Црна Река.

Оваа локација е позната под повеќе имиња — Видиковец, Сирочнил, Сироточник или Меќеме — но без разлика како ја нарекуваме, убавината што ја нуди е секогаш иста и неповторлива.

Програма на турата:

• Старт: Недела, 19.04.2026, во 08:00 часот – паркинг пред клубот

• Превоз: Со организиран превоз до село Бојанчиште (900 мнв), пристигнување околу 09:00 часот

• Пешачење: Од Бојанчиште започнуваме пријатна прошетка по лесен терен кон село Куманичево (870 мнв), во должина од околу 5 км

• Потоа следува кратко спуштање и умерено искачување (околу 30 минути) до Видиковец

• Видиковец (855 мнв) нè наградува со прекрасен панорамски поглед кон езерото и кањонот

Должина на турата: 7 км во еден правец

Времетраење: околу 5 часа (во двата правци)

Во село Куманичево ќе направиме пауза за одмор и ќе уживаме во топол планински чај пред враќањето назад. ☕🌿

Цена за превоз: 300 денари

⚠️ Напомена: Учесниците кои ќе користат организиран превоз потребно е да се пријават и да извршат уплата најдоцна до 16.04.2026.

Пријавување: најдоцна до 16.04.2026 или до пополнување на местата. Пријавување во клубот по 20:00 часот, во порака или на телефон: 070/376-796 (Александар).

Не ја пропуштајте оваа можност за убав ден во природа, исполнет со дружење, свеж воздух и прекрасни глетки! 🌄✨