Riboloven Klub KRAP Radovis

20/07/2026

07/07/2026

🎣 Денес членовите на Риболовниот клуб “Крап“ – Радовиш активно учествуваа во акцијата за порибување на езерото Мантово со 300 килограми крап.

Акцијата беше реализирана со финансиска поддршка од Општина Конче, во соработка со градоначалникот Златко Ристов концесионерот “Даниго ДООЕЛ – Мантовски Крап“ и риболовците, со заедничка цел – збогатување на рибниот фонд и зачувување на природното богатство на езерото.

Како клуб, секогаш ќе даваме поддршка и активно ќе се вклучуваме во вакви акции, бидејќи тие се од особено значење за развојот на спортскиот риболов, заштитата на рибниот фонд и зачувувањето на езерото Мантово за идните генерации.

Упатуваме искрена благодарност до Општина Конче, градоначалникот Златко Ристов, концесионерот “Даниго ДООЕЛ – Мантовски Крап“ и до сите риболовци кои придонесоа оваа акција успешно да се реализира.

14/06/2026

🎣 На езерото Мантово денес се одржа натпреварот во риболов „И РИБОЛОВОТ Е СПОРТ“ - Мантово 2026!

Во прекрасна спортска атмосфера и со рекорден број учесници, рекреативните риболовци имаа можност да ги покажат своите вештини и љубовта кон спортскиот риболов. За најуспешните натпреварувачи беа обезбедени признанија и награди од организаторите.

Организатори на настанот беа Риболовниот клуб „Крап“ Радовиш и концесионерот на езерото Мантово „Мантовски Крап 2025“.

Со идејата да ги обедини рекреативните риболовци на едно место под мотото “И риболовот е спорт“, организаторот успешно реализираше настан кој прерасна во вистински празник на спортскиот риболов.

🏆 Првото место го освои Никола Ципушев,
🥈 втор беше Стефан Митев,
🥉 а третото место му припадна на Игор Јосифовски.

Риболовниот клуб „Крап“ Радовиш уште еднаш потврди дека е еден од најактивните клубови во државата, кој преку својата организација, масовност и посветеност ги промовира спортските вредности и рекреативниот риболов.

👏 Честитки и благодарност до сите учесници и помагателите за успешно реализираниот настан! 🎣🏆

14/06/2026

“И РИБОЛОВОТ Е СПОРТ“ - Мантово 2026 год.

13/06/2026

🌿РЕАЛИЗИРАНА „ЕКО АКЦИЈА“ ЗА ЧИСТЕЊЕ НА КРАЈБРЕЖЈЕТО НА ЕЗЕРОТО МАНТОВО 🎣

Во пресрет на утрешниот најмасовен рекреативен натпревар во риболов со мотото „И РИБОЛОВОТ Е СПОРТ“, на кој ќе учествуваат повеќе од 50 рекреативни риболовци, денес беше реализирана „Еко акција“ за чистење на крајбрежјето на езерото Мантово.

Членовите на Риболовниот клуб „Крап“ Радовиш, заедно со концесионерот на езерото Мантово „Мантовски Крап 2025“и Здружението „Здрава Еко Долина“, со заеднички сили придонесоа за почиста и поубава животна средина, испраќајќи порака дека љубовта кон риболовот оди рака под рака со грижата за природата.

Ги покануваме сите љубители на природата, спортот и риболовот да присуствуваат и да го проследат овој прекрасен риболовен хепенинг на езерото Мантово.

🎣 „И РИБОЛОВОТ Е СПОРТ“
📍 Езеро Мантово. Недела 14.06.2026 год.
👥 Над 50 учесници

Да ја чуваме природата и заедно да уживаме во спортот!

09/06/2026

🎣 ПРИЈАВУВАЊЕТО Е ВО ТЕК! 🎣

Бидете дел од традиционалниот натпревар во риболов „И РИБОЛОВОТ Е СПОРТ“ – Мантово 2026!

📍 Езеро Мантово
🗓️ 14 Јуни 2026 година
⏰ Почеток во 07:00 часот

✅ Поединечен натпревар
✅ Ограничен број на учесници
✅ Обезбедени признанија и награди за најдобрите
✅ За секој учесник е обезбедена маица и појадок

📢 Пријавувањето трае до 10 Јуни 2026 година.

📞 Пријавување и информации: 075 493 172

Организатор:
🎣 Риболовен клуб „Крап“ Радовиш
🎣 Концесионер на езеро Мантово „Мантовски Крап 2025“

Не ја пропуштајте можноста за дружење, спортски дух и незаборавен ден покрај водите на Мантово!

#ИРиболовотЕСпорт #Мантово2026 #Риболов #КрапРадовиш #МантовскиКрап #СпортскиРиболов #Радовиш #ЕзероМантово 🎣🐟🏆

07/06/2026

🎣🏆