Веслачка федерација на Република Македонија

06/08/2026

🌊 За побезбедна, поинклузивна и родово одговорна спортска средина

Денес, во рамки на проектот „Веслање без бариери: Зајакнување на жената и промена на политиките за родова еднаквост во ВФРСМ“, Веслачката федерација на Македонија ја одржа обуката на тема „Родово чувствителен, безбеден и инклузивен пристап во спортската средина“.

Учесниците, тренери, управа, волонтери се запознаа со основите на дискриминацијата, родово чувствителните пристапи, стратегиите за создавање безбедна спортска средина и пристапноста за лицата со попреченост. Преку практични вежби, дискусија и размена на искуства, беа разгледани и значењето и практичната примена на родово одговорното буџетирање во спортските политики.

На обуката беше презентиран и аналитичкиот извештај подготвен во рамки на проектот, со што се отвори простор за заедничко размислување за идните чекори и унапредување на родовата еднаквост во веслањето.

Продолжуваме посветено да градиме спорт во кој секој има еднаква можност да учествува, да се развива и да се чувствува безбедно и прифатено. 💙

28/07/2026

🌊 Со мотивација, поддршка и знаење – кон спорт без родови бариери!

Во пријатна, позитивна и работна атмосфера се одржа обуката „Мотивација, поддршка и отпорност кон родови бариери на девојките во спортот“, наменета за девојките веслачки.

Преку интерактивни дискусии, практични вежби, работа во парови и мали групи, учесничките имаа можност отворено да разговараат за родовите стереотипи и предизвиците со кои се соочуваат во спортот. Тие ги споделија своите спортски приказни, ги препознаа сопствените силни страни и работеа на зајакнување на самодовербата, личната мотивација и асертивната комуникација.

Особено значаен дел од обуката беше поттикнувањето на тимската поддршка и женската солидарност – вредности што создаваат посигурна, поправедна и поохрабрувачка спортска средина. На крајот, секоја учесничка го дефинираше својот следен чекор, заминувајќи со новостекнати знаења, практични вештини и уште поголема мотивација кон реализација на спортските цели.

Обуката се реализираше во рамки на проектот „Веслање без бариери: Зајакнување на жената и промена на политиките за родова еднаквост во ВФРСМ“.

💙 Затоа што секоја девојка заслужува поддршка, еднаква можност и простор да го покаже својот потенцијал!

16/07/2026

За Илинден сите во Струга!
Спортски фестивал Илинден

Годинава ја збогатуваме програмата на фестивалот со уште една автентична струшка дисциплина, ВЕСЛАЊЕТО. Можеби не во неговата природна средина поради ограничениот простор во реката, но ергометарот е во суштина достојната замена кога условите тоа не го дозволуваат.
Натпреварите ќе се одвиваат согласно правилата на Македонската веслачка федерација која во целост ја презема отранизацијата на натпреварувањето. Пријавување на лице место, на 1 Август на инфо пултот на Кеј Осми Ноември во 17 часот. Или дирекно на страницата на Веслачка федерација на Република Македонија :

29/06/2026

Да ја погледнеме атмосферата од Отворениот ден во Охрид! 🚣‍♀️☀️

Насмеани лица, детска радост, заинтересирани родители и првите искуства на најмладите во чамци беа дел од овој настан. Благодарни сме на сите што дојдоа да се запознаат со веслањето и да ја почувствуваат убавината на овој спорт.

Веруваме дека токму ваквите денови создаваат нови спортски навики, еднакви можности и го доближуваат веслањето до сите.

Се гледаме на следната станица од нашиот промотивен караван во рамки на проектот Веслање без бариери – Отворен ден во Дебар, каде повторно ќе им овозможиме на децата, младите, родителит да го запознаат светот на веслањето како свет на еднаквост.

📅 Вторник, 30. 06.2026
🕗 08:00 – 12:00 часот
📍 Дебарско езеро, јужна страна

За посетителите повторно ќе има информативни флаери и освежување.

🚣‍♂️ Дебар, подгответе се – доаѓаме!

26/06/2026

🚣 По Отворениот ден во Струга, продолжуваме со промоцијата на веслањето и во Охрид!

Веслачката федерација на Македонија, заедно со Веслачкиот клуб „Горица Ремо“, ве поканува на **Отворен ден во веслање во Охрид**.

📅 **Недела, 28.06.2026**
🕗 **08:00 – 13:00 часот**
📍 **Горица 2 – кај Дивоно, Охрид**

Дојдете во термин кој ви одговара и запознајте се опремата и чамците, завеслајте на ергометар, разговарајте со тренери и активни веслачи/ки и дознајте повеќе за можностите за вклучување во тренинг.

За посетителите ќе има информативни флаери и освежување.

Активноста се реализира во рамките на проектот **„Веслање без бариери“**, поддржан од Европската Унија, со посебен акцент на охрабрување на девојчињата да се вклучат во спортот.

Веслањето гради самодоверба, тимски дух и равноправност. Дојдете и на овој отворен ден да го запознаете одблизу.

20/06/2026

ДРЖАВНО ПРВЕНСТВО ВО ВЕСЛАЊЕ 2026

Денес, во прекрасна атмосфера исполнета со спортски дух, фер-плеј и голема љубов кон веслањето, се одржа Државното првенство во веслање.
На водата се сретнаа најдобрите веслачи од земјата, кои преку одлични настапи, пожртвуваност и натпреварувачки елан покажаа дека македонското веслање има светла иднина. Секој старт, секој замав со веслото и секој финиш беа потврда за трудот, дисциплината и посветеноста на спортистите.
Во рамки на првенството успешно беше реализиран и Отворениот ден во веслање, преку кој голем број деца, млади, родители и љубители на спортот имаа можност одблиску да се запознаат со овој прекрасен спорт, неговите вредности и придобивки. Посетителите се дружеа со тренери и активни веслачи, ги следеа натпреварите и добија дополнителни информации за можностите за вклучување во веслачките клубови.
Им честитаме на сите учесници за прикажаните резултати, а особено на освојувачите на медали кои денес се искачија на победничкиот подиум. Благодарност и до тренерите, судиите, организаторите и публиката кои придонесоа овој настан да помине во најдобар ред.
Веслањето повторно покажа дека е повеќе од спорт, тоа е карактер, истрајност и заедништво.
Честитки до сите и се гледаме на следните предизвици!

Наскоро ќе ги објавиме и резултатите на најдобрите веслачи по категории.

17/06/2026

🚣‍♀️ Запознај го веслањето одблиску! 🚣‍♂️

Веслачката федерација на Македонија ве поканува на првиот Отворен ден во веслање, кој ќе се одржи на 20 јуни (сабота) во Автокамп АС – Струга, од 08:00 до 11:00 часот, заедно со Државното првенство во веслање.

Што Ве очекува?

✅ Запознавање со веслањето и неговите придобивки
✅ Средба со тренери и активни веслачи
✅ Следење на трките од Државното првенство
✅ Освежување за посетителите
✅ Информативни материјали за деца, млади и родители

Настанот се организира во рамки на проектот „Веслање без бариери“, ко финансиран од Европската унија.

Да потсетиме уште еднаш:

📍 Автокамп АС – Струга
📅 20 јуни
⏰ 08:00 – 11:00 часот

Ве очекуваме!

30/05/2026

Денес дадовме несебична поддршка на иницијативата на клубот за параспорт ,,И ЈАС МОЖАМ" во организирањето на првенството во паравеслање за лица со оштетен вид. Се надеваме дека на овој начин го зголемуваме веслачкото семејство во Република Македонија бидејќи докажавме дека веслањето не познава попреченост.
Цврсто сме уверени дека овие деца се сосема способни да учествуваат на официјалните национални првенства во веслање на ергометар, за што ќе се залагаме да се оствари во иднина.

17/05/2026

Веслачката федерација на Република Македонија објавува јавен повик за ангажирање на едно или повеќе лица – обучувачи за подготовка и реализација на три работилници/обуки во рамките на проектот „Веслање без бариери: Зајакнување на жената и промена на политиките во за родова еднаквост во ВФРСМ“.