ВК БЕЛ КАМЕН - СЕРТА Радовиш

🚴‍♂️ Вело Фест Мантово Конче 2026 – Енергија, Единство, Благодарност

„Вело фест Мантово Конче 2026“ беше повеќе од обична велосипедска тура – тоа беше празник на спортот, заедништвото и позитивната енергија! Прекрасна атмосфера, насмевки и искрена дружба со луѓе кои ја делат истата страст кон велосипедизмот и здравиот живот.

🙏 Голема благодарност до сите учесници кои со својата енергија ја направија оваа тура незаборавна.
👏 Благодарност до Советот на Општина Конче и градоначалникот Златко Ристов за поддршката и визијата.
💙 Огромна благодарност до клиниката „Жан Митрев“, компаниите „Филофарм“, „Алкалоид Скопје“, и млекарницата „Горгиеви“ за нивната несебична поддршка.
🛡️ Поддршка од МВР – ПС Радовиш, Здравствен дом Радовиш, како и од Црвен крст – Општинска организација Радовиш, кои се грижеа за безбедноста и здравјето на сите учесници.
Овој фестивал покажа дека кога спортот, институциите и заедницата се обединети – се создава магија. Велосипедизмот не е само спорт, туку начин на живот, инспирација и сила која ги поврзува луѓето.
„Вело фест Мантово Конче 2026“ е доказ дека Македонија има енергија, има луѓе и има дух кој може да создаде големи приказни. Да продолжиме да градиме традиција, да мотивираме нови генерации и да покажеме дека заедно можеме многу повеќе!

🚴‍♂️ Денес на прекрасната планина Кожув се одржа велотурата „Сите уф Серменин“ во организација на Гевгелија Точак Клуб. Настан кој собра велосипедисти од цела Македонија, меѓу кои гордо учествуваа и членовите на нашиот клуб Бел Камен – Серта.

Поддршката на вакви спортски случувања е секогаш наш приоритет, затоа што преку нив се промовира здрав живот, спорт и другарство. 🌿💪

#БелКаменСерта #Велотура #Кожув #СпортИПријателство

🚴‍♂️ Европска недела на мобилност 🚴‍♀️

Во рамките на Европската недела на мобилност, нашиот клуб Бел Камен – Серта учествуваше во практична активност – возење велосипед!

Преку оваа интересна и едукативна дружба ги поттикнавме најмладите да развиваат вештини за безбедно учество во сообраќајот, како и да го препознаат велосипедот како здрав, забавен и еколошки начин на превоз. 🌱💚

Заедно градиме подобра иднина со повеќе движење, спорт и грижа за околината!

🌿🏃‍♂️ Викенд исполнет со спорт, рекреација и дружење!
Настаните како овој на Водно не потсетуваат колку е важно да го негуваме здравиот начин на живот, да уживаме во природата и да си подариме моменти кои го полнат духот и телото со позитивна енергија. ✨

💚 Поддршката на вакви активности е повеќе од спорт – тоа е инвестиција во нашето здравје, во заедништвото и во подобро утре.

Да останеме активни, мотивирани и инспирација еден за друг – затоа што секој чекор што го правиме за себе, е чекор напред кон посреќен живот. 🙌

#ЗдравЖивот #Мотивација #Водно #СпортИРекреација

🚴‍♂️ Овој викенд во Словенија се одржа престижната трка L'Étape Slovenia, дел од светскиот серијал под покровителство на Tour de France.

Нашиот член Коста Донев со гордост го претстави клубот Бел Камен – Серта, Општина Радовиш како и нашата татковина Македонија, на овој врвен спортски настан.

Со својот настап тој уште еднаш покажа што значи спортски дух, истрајност и љубов кон велосипедизмот. Голема чест и инспирација за сите нас! 👏🇲🇰

Заедно чекориме напред, градејќи спортска приказна која не мотивира и обединува! 💪🚴‍♀️✨

🚵‍♂️ Бел Камен Серта на MTБ МАВРОВО 2025 🇲🇰

Изминатиов викенд нашите членови беа дел од една од најубавите МТБ авантури во земјава – MTБ МАВРОВО 2025, која се одржа во срцето на Националниот парк Маврово.
Настанот беше беспрекорно организиран од нашите пријатели од Gv MTB Club, кои се погрижија за секој детаљ – од пријавување, патеки, обезбедување, до атмосфера што не се заборава! 🙌
Голема благодарност до организаторите и сите учесници за енергијата, другарството и љубовта кон планината и велосипедизмот! 💚

#БелКаменСерта

Искрена благодарност до сите велосипедски клубови од цела Македонија!
Од срце Ви благодариме што со Вашето присуство, енергија и позитивен дух го збогативте нашиот Вело фест Конче 2025. Вашето учество ни беше огромна чест и мотив за да продолжиме со уште поголема посветеност да го развиваме велосипедизмот и спортот во нашата земја.
Секоја насмевка, секој извозен километар и секој момент на дружење го направи овој настан посебен. Ви благодариме што сте дел од нашето вело-семејство!

Со почит,
Тимот на Вело фест Конче

Покана за учество на Вело Фест Конче 2025

Почитувани љубители на велосипедизмот,
Асоцијацијата на аматерски спортски здруженија на велосипедисти Ве поканува да бидете дел од Вело Фест Конче 2025, настан што ќе се одржи во два незаборавни дена исполнети со авантура, дружење и уживање во природата.

Програма на настанот:

Сабота (прв ден):

Организирано возење со локален водич, должина околу 8 км, со искачување до локалитетот Чуката, од каде се пружа величествена глетка кон езерото Мантово и незаборавно зајдисонце.

По завршувањето на турата, следува логорски оган и организирана вечера за сите учесници.

За оние кои сакаат да го продолжат доживувањето, обезбедено е кампување на локацијата Влашки Колиби.

Недела (главен ден на настанот):

Возење на прекрасната велосипедска рута околу езерото Мантово.

За сите учесници ќе биде организиран доручек, освежување за време на рутата и ручек по завршување на возењето.

Дополнително:
Секој учесник ќе добие драјфит маица со логото на Вело Фест Конче 2025 и на нашите спонзори и поддржувачи.

Ве очекуваме на уште едно незаборавно велосипедско доживување!
Пријавувањето е отворено – не пропуштајте ја можноста за викенд исполнет со природа, дружење и спортски дух!За било какви информации и прашања може да ме контактирате на 078-495-850.

Среќна нова година 2025!!! Продолжуваме таму каде што застанавме,традиционално отварање на сезоната 2025.Велосипедизам/спорт а со тоа и здрав начин на живот.

💪На ден 19.11.2024 година во Хотел Гарденија, Велес се одржа IX седница на Македонска Асоцијација на Аматерски Велосипедски Здруженија и Клубови
На оваа последна седница за оваа година се сумираа резултатите од работата на вкуупно 2️⃣4️⃣ здруженија и клубови членки на Асоцијацијата од цела Македонија.
Во 2024 година здруженијата и клубовите членки на Асоцијацијата одржаа вкупно 27 велосипедски настани низ целата територија на Република Македонија со што во целост го исполнија предвидениот календар на велосипедски настани. На овие 27 велосипедски настани учествуваа преку 5000 велосипедисти што е позитивен сигнал дека Асоцијацијата е вистинската организација за промоција на велосипедизмот во Македонија, а покрај тоа овие настани се промотори на сите региони на Македонија, на нивните природни убавини и секако промотори на активниот и алтернативниот туризам кој е во постојан пораст во Македонија.
Во текот на својата работна седница беа направени и планови за идната 2025 година и беше креиран нацрт-планот за Календарот на Велосипедски настани за 2025 година. За наредната 2025 година се предвидени преку 30 велосипедски настани, а Асоцијацијата се надева на уште поголем интерес на вљубениците на планинскиот велосипедизам во Македонија и во регионот.
✍️Покрај тоа на седницата беа усвоени и неколку идни планови на Асоцијацијата кои во голема мерка ќе им бидат на помош на сите организатори на овие спортски манифестации.
Покрај Нацрт плановите за 2025, Претседателот на Асоцијацијата, Зоран Јаневски даде извештај за финансиското работење на Асоцијацијата за 2024 година.
🇲🇰Македонската Асоцијација на Аматерски Велосипедски Здруженија и клубови МААВЗК се финансира единствено од сопствени средства, односно од членарина.
Наредната седница е предвидено да се одржи кон крајот на февруари 2025 година каде точно ќе се дефинираат активностите кои ќе бидат организирани под капата на Асоцијацијата.
🤝Нашето здружение ЗВК ,,Бел камен -Серта " е дел од Асоцијацијата, и секако редовен член на истата.
Македонска Асоцијација на Аматерски Велосипедски Здруженија и Клубови
Велосипедски настани 2024.

,,Сите уф Серменин 2024"...прекрасна природа ...прекрасна дружба...