15/06/2026
Зад секој успешен настан стојат луѓе и компании кои веруваат во идејата и несебично ја поддржуваат. ВелоЛисец Камп-Аут 2026 не би бил тоа што беше без помошта од нашите пријатели и поддржувачи.
Посебна благодарност до нашиот генерален спонзор дисконти МАКОМ, кој втора година по ред застана зад настанот и ги обезбеди стартните пакети за сите учесници. Вашата доверба и поддршка ни значат неизмерно многу.
Голема благодарност и до мобилна галантерија ЦОЦЕ, која со значителен придонес помогна во обезбедувањето на наградите за Вело-Полигонот и донесе дополнителна радост кај најмладите учесници.
Благодарност до ЕВРОПРИНТ, кои ги обезбедија наградите за сите учесници до 8-годишна возраст и се погрижија секое дете да си замине со насмевка.
За вкусниот дел од викендот се погрижија ресторан АМБАСАДОР со преубавата скара за ручек, пекара ЛУКАС-ТРЕЈД со највкусното лебче, пекара ДИАНА со своите препознатливи и вкусни пирошки, МЛЕКАРА ЃОРГИЕВИ со најдобриот јогурт, како и пиљара ПАМЕЛА со свежо и вкусно овошје.
Прекрасните медали кои ќе останат траен спомен за учесниците беа донација од ЦНЦ ГРАВИРАЊЕ.
Вашата поддршка не е само помош за еден настан. Таа е инвестиција во децата, спортот, здравите навики, природата и иднината на нашата заедница.
Искрена благодарност до манастирот „Св. Архангел Гаврил“ и свештенството кое не пречека со отворени врати, овозможувајќи ни да го реализираме ВелоЛисец Камп-Аут во нивниот прекрасен манастирски двор. Вашата поддршка, разбирање и гостопримливост беа значаен дел од оваа прекрасна приказна.
Благодарност и до Општина Радовиш за поддршката на годишната програма на ВелоЛисец. Се надеваме дека вложениот труд, растечкиот број на учесници, промоцијата на Радовиш и позитивните ефекти кои овие настани ги создаваат кај децата, младите и целата заедница се доволен показател дека ваквите иницијативи заслужуваат уште поголема поддршка во иднина.
Од срце Ви благодариме што сте дел од приказната наречена ВелоЛисец 💙💛
