Планинарскиот спортски клуб Х2O ја продолжува 37 годишна традиција на безбедно организирано планинарење и уживање во природните убавини и богатства на Македонија и светот. Безбедно продолжуваме кон целта, омасовавување на планинските спортови со едукација на нашите членови, и организирање на еднодневни и повеќедневни планинарски излети, акции и експедиции. Нашите членови знаат да знаат да одберат соодветна облека и обувки за акциите, успешно се движат по означени патеки и беспаќа, активно користат лична и заедничка планинарска опрема во летни и зимски услови, препознаваат временски (не)прилики на планина, ја чуваат и почитуваат планината и околината. Наши членови се сите вљубеници во планината, децата, младинците, нивните родители, нивните наставници, полнолетни лица со желба, но без искуство, или со голема желба и големо искуство, активни планинари, неактивни планинари, мажи, жени, другари, другарки, сестри, браќа, дедовци и баби кои делат една љубов-љубовта кон планината и активното уживање во природата. Љубовта која го мотивира и движи напред Х2O.
