Снукер Федерација на С. Македонија

04/10/2026

Берат освојувач на третото коло за максимална неизвесност на последниот турнир.
Со победата над својот долгогодишен ривал Панов со 4 спрема 0, Јашари најави неизвесна завршница во последното коло од годинешново снукер првенство на Македонија. Тие се единствените двајца издвоени на врвот на табелата и последниот турнир ќе одлучи за шампионскиот пехар за 2026год.
Во полуфиналето и двајцата триумфираа убедливо без изгубен фрејм против своите противници Теодор Величковски и пријатното изненадување Марјан Ризов.
Овој мастерс донесе дополнително една поттикнувачки неизвесност и во средниот и долниот дел на табелата за следниот турнир со оглед на многу неизвесни и квалитетни мечеви во групната фаза.
Позитивно е да се издвои и ретко видена статистика од многу брејкуво +30, но и +40 на повеќе натпреварувачи Панов, Јашари, И. Лазаревски, Т. Величковски и Лукревски, како и еден "half century" на актуелниот шампион.
Следен настан од снукер агендата е натпреварувањето од Б Лигата на 17 и 18.10

04/10/2026

По одигрувањето на полуфиналните мечеви, добивме финале кое е најповторувано во македонскиот снукер. Според ранкингот може да биде и одлучувачко за севкупен државен шампион за 2026год.

Петар Панов - Берат Јашари

Судија Ана Србиновска

Во живо на www.snookeron.com

03/10/2026

Трет турнир од Алфа Плам Национално првенство во снукер е денес на програмата.
Турнирот беше отворен петок вечерта со интересниот меч од група Б помеѓу Марјан Ризов и Иван Лазаревски кој заврши во корист на поискусниот натпреварувач со 3 спрема 2.
Денес во утринската сесија се мечевите од група А каде лидерот на табелата Петар Панов се соочува со А Лига билјард и снукер натпреварувачот Димитар Лукревски, а на маса 12 јуниорот Теодор Величковски игра против замената за неговиот брат Марко кој отсуствува овој турнир со актуелниот лидер во Б Лигата, Александар Ставриќ.
Попладневна сесија е резервирана за останатите мечеви од Б групата.
Сите мечеви стандардно одат во живо SnookerOn каде може дополнително да добиете детални статистички информации за мечевите од турнирот и ранкингот на учесниците, распоредот, сатници... А од ова коло SnookerOn е составен дел од делегирање на турнирот преку автоматизираниот турнир менаџер, што представува софистицирано технолошко решение што овозможува независен софтвер кој совршено го раководи целото првенство.
Директен линк од третото коло https://snookeron.com/tournament/?draw=153

01/10/2026

ЖДРЕБ ВО ЖИВО 21ЧАСОТ НА:

20/09/2026

Македонија и оваа година беше дел од Европското првенство во натпреварите од дисциплината 6 црвени во Софија.
Тимот беше составен на чело со повеќекратниот и актуелен државен шампион Берат Јашари, и дебитантите Марјан Ризов и Иван Лазаревски.
Берат се најде во неверојатно тешка група која ја започна со 2 пораза. Првиот од поранешен професионалец од Англија Питер Делвин, а вториот од полуфиналистот од турнирот Крис Пеплов од Малта со кој го направи и највисокиот брејк од 41поен во единствениот фрејм кој го доби на мечот, а успеа со чисти 4 0 да издвои победа против Бугарот Борис Лазарков. Што, за жал, не беше доволно за следната елиминациона фаза. Лазаревски и Ризов не успеа да добијат меч, но успеа да земат неколку фрејмови во конкуренција на успешни и повеќегодишни учесници на Европски првенства и да одиграат многу неизвесни мечеви. За одбележување е првиот освоен фрејм на Иван Лазаревски против ланскиот Светски шампион до 21год, големата надеж на Полска, Себастијан Милевски. Иван беше втор најмлад учесник на првенството.
Да потсетиме дека и нашиот меѓународен судија Мартин Петрушевски е дел од овој континентален собир.
Останува горчливиот впечаток од непоминување на групната фаза, иако не настапивме со најдобрите наши играчи со исклучок на шампионот Јашари. Сепак нашите репрезентативци се вратија со искуство повеќе и достоинствено се бореа во сите мечеви кои ги одиграа.
Инаку турнирот 6 црвени го освои Малтежанецот Арон Бусутил, победувајќи го Германецот Александер Видау со 5 спрема 3.
Учеството на нашиот тим на ова првенство го одложи Јуниорското Национално првенство кое беше на програмата оваа недела, за следниот викенд кога најдобрите снукер натпреварувачи до 18год. ќе го одиграат годишниот јуниорски турнир.

08/09/2026

Минатиот викенд во организација на најголемиот хрватски снукер клуб The Nuggets,и прекрасниот домаќин Александар Сабјак беше одигран традиционалниот турнир Zagreb Open. Боите на Македонија оваа година ги бранеа 3цата најмлади А Лига натпреварувачи и наши репрезентативни младинци Теодор и Марко Величковски, Иван Лазаревски (најмлад учесник на турнирот со 14г) заедно со нивниот тренер Лазар Лазарвски.
Турнирот заслужено го освои моментално вице шампионот во јуниорска категорија на последното Европско првенство, Тадија Матијашевиќ кој го совлада еден од најдобрите босански снукер играчи Марио Жељо Милошевиќ. Трето место за Свен Горан Маер од Хрватска кој ја совлада извонредната српска надеж Димитриј Вуковиќ.
Нашите натпреварувачи имаа солиден настап. Браќата Величкоски, и Л. Лазаревски успеаа да ја поминат групната фаза и 1/8 финалните мечеви да ги загубат. Младиот И. Лазаревски иако неуспеа да се квалификува изигра 2 одлична и неизвесни меча со шампионот на БиХ Недим Рамиќ , и со искусниот Хрватска Давор Античиќ.
Останува впечатокот Македонија не настапи со најдобрите свои играчи на овој турнир, но дека младите даваат сигнали за евидентен прогрес во конкуренција со најдобрите сениори од Балканот што радува и дава мотивација лично за нив како и за подобри резултати во наредниот период за македонскиот снукер.
Следува Европското првенство за 6 црвени каде ќе настапат Јашари, Ризов и И. Лазаревски од 17 Септември, па потоа продолжува редовните настани од Националното првенство.

Снукер федерацијата го честита Денот на независноста на сите Македонци
Нека ни е вечна Македонија

ZAGREB SNOOKER OPEN 2026 – OSVRT NA TURNIR

Iza nas je još jedno sjajno izdanje Zagreb Snooker Opena, turnira koji iz godine u godinu okuplja sve širu snooker zajednicu!

Ove godine na turniru su nastupili igrači iz čak 6 zemalja, a odlična atmosfera, vrhunski mečevi i sportski duh obilježili su cijeli vikend.

Posebno zanimljiv podatak je da se po prvi put u povijesti turnira dogodilo da pobjednik ponovno osvoji Zagreb Open!

1. mjesto – Tadija Matijašević
Tadija je još jednom potvrdio svoju kvalitetu i zasluženo podigao pobjednički pehar!

2. mjesto – Mario Željo Milošević
Izvrstan nastup i sjajan turnir, okrunjen plasmanom u veliko finale.

3. mjesto – Sven-Goran Maier
Odlične partije i zasluženo mjesto na pobjedničkom postolju.

Čestitamo svim igračima na sjajnim mečevima, fer igri i atmosferi koju ste zajedno stvorili!

Veliko HVALA našim sucima na profesionalnosti i pomoći tijekom cijelog turnira, a posebno želimo istaknuti Marijanu Željković sutkonji iz Bosne i Hercegovine, koja je svojim pristupom, profesionalnošću i pozitivnom energijom bila pravo osvježenje ovogodišnjeg turnira.
Vidimo se sljedeće godine!

31/08/2026

Незаборавен момент, точно пред 7години...
Институционален почеток на спортот снукер во Македонија

Благодарност до сите подржувачи, клубови, натпреварувачи, спортски работници, судии, делегати, новинари, SnookerON..

Од Раководството на СФСМ

11/07/2026

ЛЕТЕН СНУКЕР КАМП 2026 – ОХРИД

Со завршетокот на првиот дел од снукер сезоната и со почетокот на летниот период од 03-09.07, СФСМ во соработка со домаќинот Гранклуб – Охрид, за прв пат успешно организираше Летен снукер камп за јуниори на возраст од 12 до 18 години. Учесници на кампот беа членови од неколку клубови од Скопје, заедно со младите надежи од градот домаќин – Охрид.

Кампот го водеше тимот од лиценцирани ЕБСА тренери, предводен од претседателот на федерацијата Лазар Лазаревски, заедно со колегите од Охрид, Сашко и Филип Каланоски.

Овој проект, кој е дел од програмата на СФСМ, веќе неколку години беше во подготовка и немаше да биде реализиран без поддршката од раководството на ОЕМУЦ „Св. Наум Охридски“ на чело со Директор Недески, кое минатата година ја поддржа иницијативата за дисперзија на снукерот низ цела Македонија, дозволувајќи поставување на професионална снукер маса во холот на училиштето. Воедно, за време на училишниот распуст ги отвори вратите на училиштето и овозможи фантастични услови за шестдневни интензивни тренинзи од по осум часа дневно, натпревар во снукер вештини и мини турнир.

Посебно радува фактот што меѓу учесниците на кампот беа и Никола Спростран и Андреј Симиџиоски, ученици во ОЕМУЦ „Св. Наум Охридски“, што претставува уште една потврда за успешната соработка помеѓу училиштето и снукер заедницата во Охрид.

Децата, заедно со тренерите, беа сместени во комплексот Десарет во Пештани, на самиот брег на Охридското Езеро. Програмата на кампот успешно опфати и утрински физички тренинзи, растегнување и кондициски вежби прилагодени за снукер играчи, водени од лиценцираниот фитнес и јога тренер Ана Лазаревска.

Индивидуалниот напредок на сите млади снукеристи, интензивните тренинзи, убавините на Охрид и езерото, гостопримството на домаќините од училиштето и локалниот снукер клуб, како и богатата програма која вклучуваше туристичка прошетка низ Охрид, пловење со катамаран по езерото и вечерни дружења со гитарата на Делиниколов, ќе останат во трајно сеќавање на сите учесници од овој прв камп од ваков вид во нашата земја. Сите се надеваат дека ова ќе прерасне во традиција и ќе стане неизоставен дел од создавањето врвни македонски снукер натпреварувачи конкурентни на европската и светската сцена.

По завршувањето на тренажниот дел, организаторот приреди натпреварување меѓу младите снукер играчи, по што беа доделени дипломи и награди. За најнапреден јуниор беше прогласен 12-годишниот Гораст Ивановски, додека победник на мини турнирот во дисциплината „6 црвени топки“ стана Теодор Величковски., кој во финалето го совлада победникот во дисциплината „Снукер вештини“, Иван Л.

Организаторите упатуваат искрена благодарност до Општина Охрид за поддршката на овој значаен спортски проект, како и до Хотел Десарет за гостопримството и одличните услови за сместување, со што значително придонесоа првиот Летен снукер камп во Македонија да биде успешно реализиран.

14/06/2026

Александар Ставриќ за 2 од 2 турнира во Б Дивизијата.
Освојувајќи го и вториот турнир нашиот долгогодишен репрезентативец како да потврди само дека местото не му е во Б Дивизијата.
Иако во групната фаза беше изненаден од повратникот на големи турнири Нешкоски, во полуфиналето беше доволно сконцентриран и успеа да возврати за поразот и закаже финале. Од друга страна Проданов без пораз до дуелот со лидерот Ставриќ. До полуфиналето освен Нешкоски, и Проданов и вториот полуфиналист имаше 100% учинок и пријатно изненадување, долгогодишен натпреварувач Миланов. Сепак овој пат во дуелот со Проданов остана да сонува за финале за следниот турнир. Финалето започна со доминација на Ставриќ и водство од 2 спрема 0, да третиот фрејм Проданов намали на еден фрејм разлика. Иако во последниот фрејм меч топката беше ставена и порано од страна на Ставриќ, неизвесноста траеше уште неколку минути со одлични снукери од Проданов, кој сепак не беа доволни за украден фрејм и decider.

На отворениот турнир во Тирана, Балкан купот, имавме сумирано одличен настап на нашите играчи. Нажалост на патот до повисок пласман и титула застана една препрека,во моментов 128 рангиран билјард играч, Бесар Спахиу кој успеа да ги елиминира И. Лазаревски во 1/8 финалето, Т. Величковски во 1/4 финалето и нашиот шампион во финалето со 3 спрема 1. Сепак Јашари покажа дека можеби домашниот терен беше пресуден за да не успее да го одбрани пехарот од лани. Се на се, одличен настап на сите наши натпреварувачи, и со огромна мотивација до следните натпреварување во есенскиот дел од сезоната кога следуваат настапите како во домашното првенство, така и на натпреварот во 6црвени во Бугарија.

14/06/2026

Богат снукер спортски ден за завршување на првата половина од календарската година.
Четвртфиналните мечеви од Б Дивизијата на домашен терен и осминафиналето на 3ца наши представници во Тирана.
Сите мечеви во живо на www.snookeron.com.