Conditioning.mk

Дали знаеме колку чекори правиме во текот на еден живот?

Просечен човек чекори по околу 7.500 чекори дневно. Со тој просек и животен век од 80 години, еден човек би поминал околу 180.000 километри пешки.

Вебањето е здравје. Нашите мускули се создадени да се движат. За еден чекор напред, користиме околу 200 мускули во нашето тело.

За професионалците, многу е важно да се влезе во едно натпреварување со најголемата можна количина на гликоген во мускулите. Гликогенот е основното гориво на мускулот, кое се наоѓа во неговите депоа, односно резервоари.

Затоа, се препорачува адекватно консумирање на јаглехидрати по тренинг сесиите, особено во периодот од 2 до 4 часа по тренингот, кога синтезата на гликогенот е најголема.

За да се предизвика синтеза на гликогенот пред натпревар, потребно е да се намали интензитетот на тренингот, а да се зголеми консумацијата на јаглехидрати (8 до 10 грама јаглехидрати по килограм телесна маса) во последните еден или два дена пред еден натпревар.

Истото важи и за рекреативците, но со поинаква формула.

Не размислувајте, туку почнете веднаш да вежбате. Подгответе се за летото.

На телото му се потребни најмалку 6 до 8 недели, да се адаптира на некоја тренинг програма. Потоа може да се случи плато, кое може да се избегне само со внимателен мониторинг и со соодветно дозирање на вежбите.

Изберете тренер-професионалец, наместо да се фаќате во комерцијалните замки. Нема шорткат до успехот!

Вежбањето го редуцира нивото на лошиот холестерол (LDL) и го зголемува нивото на добриот холестерол (HDL).

Вежбајте редовно и соодветно на вашите можности, а ако не знаете како и колку, тогаш обратете се кај професионалец.

Внимателно изберете го вашиот ментор. Грешките, за жал, се плаќаат скапо.

Вежбањето го регулира притисокот и спречува хипертензија.

Вежбањето треба да се практикува на долги патеки, испланирано и редовно, со мали можни исклучоци, но со голема самосвест и дисциплина и кај рекреативците и кај професионалците.

Рим не е изграден за еден ден!

Спортските закуски или ужинки треба да бидат составени од идеална пропорција на потребните протеини и јаглехидрати.

Се останато е само губење време и враќање наназад во прогресот, кој може да се претвори во регрес не само на физички, туку и на ментален план.

Затоа, внимателно бирајте ги оброците.

Слушањето музика може да го подобри вежбањето, односно "резултатите" од вежбите за 15%, што воопшто не е бројка за занемарување, особено на долг рок.

Срцебиењето и дишењето најчесто се синхронизираат со музиката која ја слушаме за време на тренингот, па дури и во останатото време во текот на животот.

Музиката директно ја тригира психолошката промена која ни се случува и која ни влијае на крвниот притисок, на срцевиот притисок и на респирацијата.

Добрата програма за вежбање која опфаќа и вежби кои превенираат или спречуваат повреди, го намалува за 30% времето што се губи со евентуални повреди или несакани последици кои се случуваат од практикување несоодветни тренинг програми.

Прегледот на спортска медицина е клучен за остварување добри резултати и за спречување на повреди.

Професионалните атлети мора да се прегледаат пред почетокот на секоја сезона, односно имаат прегледи и за време на сезоната. Со прегледите лесно и навремено се идентификуваат одредени појави кои може да доведат до несакани последици.

Истото важи и за рекреативците, особено за повозрасните.

Нoва година, стари предизвици. Здравјето ќе ни биде главниот приоритет и во 2022-та, а тоа најдобро се чува преку имунитетот.

Витаминот Д игра една од клучните улоги во дефанзивниот систем на телото, помага во кардиоваскуларните функции, во метаболизмот на коските и во функцијата и развојот на мускулите.

Недоволната количина на витаминот Д може да предизвика негативни ефекти во нашето тело и да доведе до абнормалности во коските.

Извори на витамин Д: риба (туна, лосос), говедски џигер, сирење, млеко од соја, сок од портокал, житарици, спанаќ...

#2022

Прогресот на телото почнува на тренингот. Таму се создава базата за подобро функционирање на органите и за развој на мускулите.

Мускулните влакна се кинат и дозволуваат да бидат унапредени, односно да пораснат, што е процес кој може да се случи само со добра исхрана и со квалитетен одмор.

Уредувањето на времето е клучно за учење, за работа и за напредок. Истото важи и за тренингот, кога се работи за здравјето на човекот. Заедно со тренингот, треба да се планира и одморот, како и исхраната.

Побарајте совети и програми од стручни лица на оваа тема и внимавајте да не паднете во некоја од популистичките комерцијални замки. Ништо не се случува преку ноќ. За успех на секое поле е потребно време, но тоа треба да биде внимателно искоординирано.