RK Multi Essence

🇲🇰🏆 Завршниот турнир кај пионерите ќе се игра во Автокоманда на 16 мај (сабота)!
🔵⚪ Дел од Ф4 ќе бидат нашите екипи РК Алкалоид и РК Мулти Есенс, заедно со ГРК Охрид и РК Еурофарм Пелистер 2.
▶️ Во првото полуфинале од 12:00 часот играат РК Алкалоид и РК Мулти Есенс, додека во второто од 14:00 часот играат ГРК Охрид и РК Еурофарм Пелистер 2. Финалето е закажано од 19:30 часот, а претходно од 17:30 е мечот за третото место.

🇲🇰🏆 Младинците на РК Мулти Есенс се шампиони на Македонија!
🔵⚪ Нашиот тим во рамки на 6. коло од плејофот го победи РК Бутел Скопје (31:27) и ја осигура титулата.
🚀🥅 Најдобар стрелец во нашиот тим беше Дарјан Ѓоќески со седум гола, а Марин Крстевски постигна шест гола.

🔵⚪🤾‍♂️ РК Мулти Есенс со победа кај РК Вардар Неготино (29:37) ги заврши гостувањата во Првата лига! Најдобар стрелец на мечот беше Бобан Поповски со десет гола, а Дарјан Ѓоќески и Немања Џигеровски постигнаа по седум гола.
📅↪️ Во следното коло, последно од шампионатот, нашиот тим на домашен терен ќе игра со РК Драчево Јуниор за место во Суперлигата!

🔵⚪🤾‍♂️💥 Пионерите на РК Мулти Есенс со звукот на сирената до место на Ф4! Нашиот тим го победи МРК Куманово со 23:19 во Автокоманда и беше подобар за еден гол во двомечот за завршницата. Најдобар стрелец во екипата беше Горјан Петрушевски со шест гола, а авторот на последниот гол Христијан Ангеловски имаше четири гола, исто колку и Максим Тотиќ.

🤾‍♂️🔵⚪ Младинците на РК Мулти Есенс забележаа уште една победа во лигата, овој пат го совладаа РК Пролет 62 со резултат 37:35. Најдобар стрелец во нашиот тим беше Јулијан Матевски со десет гола, а Стефан Ѓоргиевски постигна шест гола.

🔵⚪🤾‍♂️ Последно гостување за РК Мулти Есенс во Првата лига! Нашиот тим во претпоследното коло патува кај РК Вардар Неготино. Мечот се игра во сабота (09.05) со почеток од 18:30 часот.

🔵⚪🤾‍♂️ Уште еден триумф за РК Мулти Есенс во Првата лига! Нашиот тим на домашен терен беше подобар од РК Текстилец, против кого славеше со 47:36 (25:14). Најдобар стрелец во екипата беше Јулијан Матевски со десет гола, а Дарјан Ѓоќески и Немања Џигеровски постигнаа по седум гола.

🤾‍♂️🏆🇲🇰 Кадетската селекција на Македонија е освојувач на Светското училишно првенство!

Нашата репрезентација во финалето во Скопје беше подобра од Израел (38:32). Честитки момци за успехот и достојното претставување на Македонија! 👏👏👏

🔵⚪ РК Мулти Есенс игра за нова домашна победа! Нашиот тим во новото коло на Првата лига ќе се соочи со РК Текстилец. Натпреварот е закажан во четврток од 16:30 часот. Се гледаме во сала! 👋👋

🔵⚪🤾‍♂️ Пионерите на РК Мулти Есенс славеа со висока разлика во дербито со РК Струга (24:12). Најдобар стрелец во нашиот тим беше Богдан Серафимовски со четири гола, а Емануел Вумвулакис даде три гола.

🔵⚪🤾‍♂️ РК Мулти Есенс во следното коло од Првата лига има гостување кај РК Партизан 2016. Натпреварот ќе се одигра на 26 април (недела) со почеток од 19:30 часот во Гевгелија.