PK BETA Sharks

🏆🇲🇰НОВ МАКЕДОНСКИ РЕКОРД И НОВ ГЕРМАНСКИ ШАМПИОН 🇩🇪🏆

На Државното првенство на Германија за генерации 2013 - 2015, кое се одржа во Дизелдорф изминатиов викенд, нашата Јована Тодоровска донесе огромна радост за својот клуб и тим во Германија, но и за целото македонско пливање! 🤩🇲🇰

Јована стана ГЕРМАНСКИ ШАМПИОН во техниката краул, освојувајќи го првото место во конкуренција на најдобрите млади пливачки во Германија. Во германскиот систем на натпреварување постои само еден шампион во секоја пливачка техника, што дополнително ја истакнува големината на овој успех.💯🇩🇪

Како круна на настапот, Јована постави и нов пионерски Македонски рекорд на 200 метри мешано со време од 2:33.89, со што го урна рекордот кој повеќе од 40 години го држеше Весна Стојановска.

Овој резултат не е само потврда за огромниот талент, дисциплина и секојдневна работа на Јована, туку и доказ дека македонските деца успеваат да блеснат и да остават трага каде и да се наоѓаат. Нашите деца се борбени, дисциплинирани и истрајни! Македонија има со што да се гордее! 🫶🇲🇰

Честитки Јована!👏👏👏

Честитки и до твоите прекрасни родители, кои со огромна љубов, посветеност и пожртвуваност го трасираат патот на своите деца кон големи достигнувања! 👏👏👏

Вашите континуирани успеси се гордост за македонското пливање и инспирација дека сите можеме да сонуваме големи соништа. 💜🦈🇲🇰

ВАЖНО ИЗВЕСТУВАЊЕ‼️

ИЗВЕСТУВАЊЕ‼️

Почитувани родители,

Ве информираме дека поради намален број на деца и со цел поквалитетна организација на работата во покомпактни групи, терминот Вторник/Четврток од 17:00 часот во текот на месеците јуни и јули привремено се укинува.

Сите пливачи кои го посетуваат овој термин ќе продолжат со тренинзи во терминот Вторник/Четврток од 18:00 часот.

Сите останати термини остануваат непроменети.

Термини за месеците јуни и јули:

❌ Вторник / Четврток – 17:00 ч. (се прекинува)

✅ Вторник / Четврток – 18:00 ч. + Сабота – 10:00 ч.

✅ Понеделник / Среда / Петок – 18:00 ч.

✅ Понеделник / Среда / Петок – 19:00 ч.

Ви благодариме за разбирањето.

Со почит,
ПК Бета Шаркс Скопје

❌НЕМА ПОБЕДА ВО ВУЛГАРНОСТА.❌

Во спортот, победите имаат вистинска вредност само кога се постигнати со чесност, почит и достоинство.

Како клуб, ја препознаваме важноста на изградбата на спортски карактер и етика, кои се прикажуваат преку секојдневното спортско однесување - на тренинг, на натпревар, но и надвор од спортските објекти.

Секоја спортска прослава треба да биде достоинствена и никогаш вулгарна.

Најголемите резултати можат да се остварат само кога односот меѓу спортистите, тренерите, родителите и публиката се темели на вистинските спортски вредности.

Наша обврска е да создаваме општество кое ќе биде пример за младите генерации - генерации кои во здрава спортска средина ќе градат спортски дух што ја истиснува негативноста.

Да не заборавиме: ГРАДИМЕ СПОРТИСТИ, НО ПРЕД СЕ ЛУЃЕ‼️

🏆🏆 ДВАЈЦА НАЈУСПЕШНИ ПЛИВАЧИ И ЗЛАТО ЗА НАШАТА MIX ШТАФЕТА! 🥇💜

Изминатиов викенд имавме одличен настап на меѓународниот натпревар „Шаренградски Куп“ во Крушевац, Србија! 🦈🔥

Нашите пливачи уште еднаш покажаа дека посветената работа, дисциплината и борбеноста носат сигурни резултати. Освоивме многу медали, најдобри резултати и уште една потврда дека клубот се движи во вистинска насока. 📈💪

Нашите најдобри пионери, Андреј Чичаковски и Дамјан Јуруковски, беа прогласени за НАЈУСПЕШНИ ПЛИВАЧИ на целиот натпревар во своите категории! 👏🔥

Одлично исплива и нашата штафета 4x50м слободно MIX (2 женски + 2 машки) во состав: Јована Младеновска, Нина Кермичиева, Дамјан Јуруковски и Андреј Чичаковски, која со одличен тимски настап успеа да го освои ПРВОТО МЕСТО! 💫💯

Овие резултати се доказ дека со правилен пристап, трпение и континуирана работа се создаваат вистински можности за правилен раст и развој. Чекор по чекор! ✅🫶

Продолжуваме уште помотивирани да работиме уште посилно и попосветено! 💪🏼🙌

SHARKSSS! 🦈🇲🇰

🇲🇰 НОВИ ДРЖАВНИ РЕКОРДИ ЗА НАШАТА ЈОВАНА ТОДОРОВСКА! 🇲🇰

Нашата млада пливачка надеж, Јована Тодоровска, повторно блесна со извонреден настап! Овој пат на регионалниот натпревар во Регенсбург, Германија, каде исплива историски резултати за македонското пливање! 💥

Во категоријата постари пионерки, Јована успеа да собори ТРИ државни рекорди:

🏊‍♀️ 50м грбно - 33.10
🏊‍♀️ 100м грбно - 1:11.33
🏊‍♀️ 200м грбно - 2:33.44

Особено импресивен е фактот што Јована моментално се наоѓа меѓу ТОП 5 пливачки во својата категорија на ниво на цела Германија во дисциплините грбно и краул, а веќе важи и за една од главните кандидатки за висок пласман на Државното првенство во Диселдорф, каде ќе настапи за својот клуб од Германија! 🇩🇪🔥

Но, пред сѐ, Јована влева огромна надеж за македонското пливање преку својата посветеност, дисциплина и системски развој во Германија, каде веќе подолг период живее, учи и тренира.💯

Талентот, дисциплината и посветеноста немаат граници!
Македонија има деца со кои се гордее и во кои силно верува - и во татковината, и надвор од неа! ❤️🇲🇰

БРАВО, ЈОВАНА! 🙌🙌🙌
ЗА МАКЕДОНИЈА! 🇲🇰🇲🇰🇲🇰

🇲🇰Илија Гигов - дете од Велес со пример што мотивира и буди надеж!

💯Дисциплината, воспитувањето и вистинските вредности се број еден приоритет за сите кои работиме со деца.

🫡Илија не се двоумеше што треба да направи со парите што ги пронајде. Свесен, одговорен и пред се воспитан, знаеше колку тие пари можат да значат за човекот што ги загубил.

❗️14-годишно дете успеа од несреќен да направи среќен човек.

👏Постапката на младиот Илија е пример што треба да се следи.

💪🏼Чесноста, одговорноста и човечноста се најголемите победи во животот.

🧑🏽‍🎓Спортот е многу повеќе од тренинг и натпревар. Тој е процес во кој се создаваат луѓе со карактер. Се помалку од тоа е залудно поминато време на спортските терени или базени.

🫶Токму затоа, овој пример вреди повеќе од било какви медали, пехари или рекорди.

Ова дете е нашиот јасен патоказ. ✔️
Капа доле, Илија! ❤️

🏊‍♂️ Спортот не е само резултат. Спортот е животен пат. 🇲🇰

Викендов учествувавме на силен меѓународен натпревар во Белград, но овие насмевки кај нашите деца значат многу повеќе од резултат… повеќе од сите медали што ги освоивме викендов. 🥇

Учиме дисциплина. Учиме трпение. Учиме како да станеш кога ќе паднеш, како да издржиш кога е најтешко и како да веруваш во себе кога никој не гледа. 💯

Овие деца секој ден го избираат потешкиот, но вистинскиот пат. Таков е спортскиот пат.
И токму затоа, секоја нивна насмевка по трка се чувствува толку силно. 💫

Ги гледаме како растат, како се борат и како се оформуваат во личности со карактер и вредности.
Гордо потенцираме дека не градиме само спортисти. Градиме вредности, луѓе, иднина. 🇲🇰

Резултатите ќе дојдат и ќе поминат…
Но тоа што го градат во себе овие наши деца ќе остане засекогаш. 💜

🔥 БРАВО, ШАМПИОНИ НАШИ! 🔥

Искрена благодарност до ПВК „Делфин“ - клубот кој веќе две децении посветено го организира меѓународниот натпревар „Делфин Куп“ - место каде што растат нови пливачки таленти, се создаваат пријателства и се раѓа љубовта кон пливањето.

Низ овие 20 години, бројни генерации деца го почувствуваа адреналинот на стартот, радоста на победата и лекциите од секој финиш. Ретко која спортска манифестација прераснува во ваква голема традиција што обединува генерации и остава траен белег во нашиот македонски спорт.

Чест ни е што сме дел од оваа приказна.
Ви благодариме за вложениот труд, визијата и љубовта кон спортот.

Нека следат уште многу години исполнети со успеси, рекорди и незаборавни моменти за сите учесници!

Со почит,
ПК Бета Шаркс

Искрена благодарност до ПК „Делфин“ - клубот кој веќе две децении посветено го организира меѓународниот натпревар „Делфин Куп“ - место каде што растат нови пливачки таленти, се создаваат пријателства и се раѓа љубовта кон пливањето.

Низ овие 20 години, бројни генерации деца го почувствуваа адреналинот на стартот, радоста на победата и лекциите од секој финиш. Ретко која спортска манифестација прераснува во ваква голема традиција што обединува генерации и остава траен белег во нашиот македонски спорт.

Чест ни е што сме дел од оваа приказна.
Ви благодариме за вложениот труд, визијата и љубовта кон спортот.

Нека следат уште многу години исполнети со успеси, рекорди и незаборавни моменти за сите учесници!

Со почит,
ПК Бета Шаркс