Hunting Area Nidze

, wolves, birds, and more. Experience the famous Balkan hospitality in premium accommodation and comfort, and enjoy the delicious traditional feasts and drinks of the land, prepared from locally grown produce and game. Find out more at our website, book your trip, and prepare for a positively memorable experience. We are expecting you. https://www.huntinginmacedonia.com.mk/en

--------------------------------------------------------------------------------------

Југоисточно од градот Битола, во областа позната како Мариово се наоѓа Ловиштето за крупен дивеч „Ниџе”. Вкупната површина на ловиштето изнесува 20.286ha, а ловната површина изнесува 19.694ha.
Застапеноста на најразлични типови шуми, на дивечот му обезбедуваат природни засолништа што е многу значајно, особено во репродуктивниот период.
Ловиштето „Ниџе“ има и историско значење стекнато за време на Првата светска војна, при што линијата на фронтот каде се бореле голем број на војници од разни европски земји, се протегала на дел од просторот на ловиштето. Тоа е дел од историјата на сериозен број на европски народи и поголемиот број на ровови, бункери и разни други остатоци од тоа време, во денешнината претставуваат значаен историско-културен споменик.

Ловиштето „Ниџе“ располага со два сместувачки капацитети.
Помалиот сместувачки капацитет има 13 легла, распоредени во 4 спални соби, една голема трпезарија со кујна и две тераси.
На одалеченост од 300 m и 100 m висинска разлика, во изработка е вториот сместувачки капацитет кој во себе ќе вклучува 10 апартмани.
Двата објекти се наменети за сместување и на ловци и на вљубениците во планинскиот и селски туризам.
Репроцентарот во ловиштето „Ниџе“ се протега на ограден простор од 400 hа и претставува живеалиште на: елени лопатари, горски елени, сика елени, срни, диви свињи, муфлони, и берберски овци. Тие се размножуваат по системот на формирање на матични стада, а секоја наредна година одреден број на единки се пуштаат во природата со цел нивна интродукција и репродукција. На овој начин, репроцентарот има сериозен допринес кон зголемување на вкупниот број на дивеч.