Фудбалската школа Грозданоски е формирана на 17 Септември 2016 година, од поранешниот репрезентативец на Македонија, петкратен шампион со Фудбалскиот клуб Вардар и играч со богато меѓународно искуство Влатко Грозданоски.
Фудбалската школа се наоѓа на три локации, во Општина Илинден, СУГСГ Орце Николов и стадионот на АРМ во Градски парк. Тренинзите ги одвиваме на фудбалскиот терен со природна трева во населеното место Илинден и стадионот на АРМ и теренот со вештачка трева во Орце Николов.
Задачите и целите на нашата школа, освен да се создадат добри фудбалери, е да се насочат децата на една правилна линија во животот и лесно да ги воочат вистинските вредности. Преку спортот децата создават здрави навики и дисциплина, се социјализираат, дружат, едуцираат и најважно се формираат во здрави карактери кои во иднина би придонеле во општеството.
Со дечињата работат 6 УЕФА лиценцирани тренери кои имаат фудбалско искуство.
Децата, освен во лигите организирани при Фудбалската Федерација на Македонија, постојано играат на силни меѓународни натпревари во земјава и надвор од неа.
Нашата школа на родителите не им ветува ништо освен педагошка, правилна, напорна и квалитетна работа со дечињата. Индивидуалниот напредок на дечињата е најважен, за разлика од барањето резултати од дечињата. Резултатите до 12-13 години ги оставаме во втор план, затоа што дечињата преку тренинзите и натпреварите треба да чувствуваат задоволство и да уживаат, а не да имаат притисок од резултатот.
Секојдневно вршиме уписи на момчиња и девојчиња од 6 до 15 години.
Ве очекуваме!
