Ok Mladost UGD

Our Last Dance 🥹🫀

Денес не се збогуваме – денес ѝ велиме благодарам.
Со крајот на сезоната денеска се враќа дома, но зад себе остава нешто што не може да се спакува во куфер – длабока трага во историјата на овој клуб.

Со своето огромно искуство, професионалност и срце, секојдневно несебично им даваше поддршка на целата екипа и знаење на помладите играчи. Се бореше за секоја топка, за секоја победа, со максимална посветеност и почит кон дресот што го носеше.
Таа не е само играч – таа е пример, лидер и инспирација.

Затоа ќе биде запаметена засекогаш.
И затоа овој клуб секогаш ќе биде нејзин дом.

А најубавото нешто од сè… не се резултатите, не се трофеите.
Највредното е изненадувањето што денес ѝ го приредија нејзините соиграчи – моменти, насмевки и спомени собрани во безброј заеднички фотографии. Најискрен доказ колку значи за овој тим и колку љубов остави зад себе.

Затоа што токму таа енергија, таа поддршка и таа взаемна почит меѓу нас се поважни од секој трофеј и секој пораз.
Само така се гради вистински клуб. Само така се расте.

Ти благодариме за сè.
Ова беше твојот Last Dance – но твојата приказна со нас никогаш не завршува. 💫
Со почит ОК Младост УГД

КРАЈ НА СЕЗОНАТА 25/26❗️

Денес ја завршивме сезоната.Со пораз во полуфиналето.
Тежок пораз!
Не затоа што не се боревме… туку затоа што знаеме дека можевме повеќе.

Имаше моменти кога изгледавме како тим што заслужува финале.И имаше моменти кога неискутвото нè оттурна чекор назад.
Кога желбата да се победи беше поголема од стабилноста што ни беше потребена и од концентрацијата што прави разлика во вакви натпревари.

Оваа полусезона ја завршивме со само еден пораз.
Во 5 сета. На поен разлика.
И се изборивме за две полуфиналиња до кој дојдовме преку “најтешките” противници.
Тоа кажува многу.
Кажува дека имавме квалитет. Дека полека градиме идентитет, свој идентитет за секој следен успех.
Дека бевме блиску.
НО и дека нешто недостасуваше. Она што не се гледа во статистика а тоа е карактерот во најтешките моменти.

Ова беше една од најтешките сезони досега!
Со конкуренција каде што секој натпревар беше дерби.
Немаше лесен противник.Немаше простор за грешка.
И можеби токму тука најмногу научивме.

Овој клуб постои само 3 години а ние не сакаме успех што трае една сезона.
(прва сезона 23/24 6то место,втора сезона 24/25 пето место, трета сезона 25/26 3то место).
Сакаме тим што ќе расте. И РАСТЕ ЗАЕДНО!
Што ќе учи од вакви порази.
Што ќе гради нешто што ќе остане.

За тоа треба време.
Трпение.
И многу работа.

Од утре продолжуваме.
Со работа во младите категории,
каде речиси во сите сме меѓу најдобрите 4 и со работа со оној дел од екипата
кој доби повик во сите младински
и сениорски репрезентативни селекции.

Тоа е нашата иднина.Тоа е нашиот пат!

Ова не е крај.
Ова е дел од патот што го избираме!
И ќе продолжиме.
Благодарност до сите Вас за вашата поддршка, ветуваме подобра следна сезона за која ќе размислуваме веќе од утре.

Со почит,
Ок Младост УГД
Екипа И кога победува и кога губи!!!

🔥 ПЛЕЈ-ОФ ПОЛУФИНАЛЕ – 1 НАТПРЕВАР 🔥

ОК Младост УГД 🆚 ОК Работнички Скопје
📅 17.04.2026 (Петок)
🕡 18:30 часот
📍 Спортска сала „Јордан Мијалков“ – Штип

Ова е моментот за кој работевме цела сезона! 💪
Нè очекува жесток дуел, борба за секој поен и атмосфера каква што заслужува полуфинале!

📣 Ве повикуваме да дојдете и да бидете наш седми играч!
Вашата поддршка од трибините прави разлика – да ја наполниме салата и заедно да одиме кон победа! 🔥

🎥 Натпреварот ќе може да се следи и на YouTube, но ништо не ја заменува енергијата во живо!

💥 Сите во сала – за Младост УГД - за историја! 💥

Уште една важна победа и заслужен пласман во полуфиналето! 💪🔥

Иако по убедливите 0:3 на гостински терен против екипата на ЖОК ВАРДАР ЕМ ни беше потребен само еден добиен сет за влез во полуфинале, можеби токму тоа нѐ внесе поопуштено во натпреварот, па го пропуштивме првиот сет. Сепак, веќе во вториот сет одговоривме како што доликува – сигурно и концентрирано, го добивме и го заверивме пласманот во полуфиналето.

Во продолжение настапивме со изменет состав, давајќи им можност на сите играчи да добијат минути и да стекнат искуство на вакви важни натпревари. Ова е тим кој се гради чекор по чекор, ден за ден, со јасна цел – секој играч да добие шанса и да се избори за своето место.

По настапот на Final4 во Купот на Одбојкарска федерација на Македонија, сега сме дел и од завршницата во првенството – успех кој има уште поголема тежина во сезона со силна конкуренција и најизрамнета лига, каде секој викенд носеше нови изненадувања. Нашиот квалитет го потврдивме и со освојувањето на втората позиција на табелата.

Следува кратка пауза – време за одмор, рехабилитација и максимална подготовка за она што нѐ очекува понатаму.

Голема благодарност до нашата публика која ја исполни салата до последното место и беше нашата најсилна поддршка во секој поен. Вашата енергија е наш мотив!
Ветуваме дека ќе продолжиме да се бориме со срце – за секој поен, за вас и за нас! 🩷🏐

Со ❤️ до финале !

Утре, на домашен терен во 18:00 часот нѐ очекува вториот натпревар од плејоф четвртфиналето против екипата на ЖОК Вардар ЕМ од Скопје.

Првиот натпревар го завршивме со убедлива победа од 3:0 против освојувачот на Купот на Одбојкарска федерација на Македонија за 2026 година, што ни дава дополнителна самодоверба и мотив но и тежина на овој натпревар.

Се надеваме дека утрешниот дуел ќе биде само потврда на претходниот резултат и на нашата добра форма. Подготвени сме, фокусирани и решени да го дадеме максимумот на терен.

Ве повикуваме да дојдете и да нѐ поддржите – вашата енергија од трибините ни значи многу! 💪🔥
#1/4finals

ПОБЕДАААААА 💥💥💥

Денес излеговме на терен со јасна визија – да ја покажеме нашата цел. Против освојувачот на Купот ЖОК Вардар ЕМ одигравме натпревар со целосна доминација и забележавме убедлива победа од 0:3 (19:25, 19:25, 15:25).

Првиот сет го отворивме под очекувањата, надвор од нашиот ритам, но токму тогаш го покажавме карактерот – се стабилизиравме, ја презедовме контролата и го свртевме текот во наша корист.

Потоа – едноставно немаше дилеми. Темпо, дисциплина и сигурност во секој сегмент од играта. Од поен во поен ја зголемувавме предноста и не дозволивме противникот ниту за момент да се врати во игра.

Ова не беше само победа – ова беше најава🔥

Продолжуваме веќе во сабота на домашен терен против истиот противник во реванш натпреварот 💪 💪

Team 2025/26 ✨
📸Вангел Тануровски

✨📸

Moments ✨