03/10/2026
Уште еден крајно неизвесен натпревар за нашите ракометари, овојпат на гостувањето во Прилеп. Во текот на целата средба се водеше голема борба, а резултатот постојано беше тесен и ниту една од екипите не успеа да создаде посериозна предност.
На полувреме заминавме со гол предност – 15:16, а неизвесноста продолжи и во вторите 30 минути. Во драматична завршница двете екипи останаа израмнети, за конечни 29:29 и освоен бод на гостински терен.
Најефикасен во нашите редови беше Ненад Костоски со 6 погодоци, Дарко Георгиевски постигна 5, а Марио Танкоски 4. По 3 погодоци додадоа Костадин Петров, Никола Јукиќ и Дарио Симоноски.
