Ловечко друштво "Орел" Валандово

Ловечко друштво "Орел" Валандово Contact information, map and directions, contact form, opening hours, services, ratings, photos, videos and announcements from Ловечко друштво "Орел" Валандово, Shooting/Hunting Range, Маршал Тито бб, Валандово, Македонија, Valandovo.

Комисија за едукација при Ловечкото друштв„ОРЕЛ"-Валандово Почитувани ловци и пријатели, секако дека нема да ја забор...
12/09/2026

Комисија за едукација при Ловечкото друштв„ОРЕЛ"-Валандово
Почитувани ловци и пријатели, секако дека нема да ја заборавиме Грлицата ( Streptopelia turtur) и загрижувачката бројна состојба на истата, a во новата тема, ќе Ви ја преставиме Еребицата Каменјарка ( Alectoris graeca) во текст кој ќе го прилагодиме со сегменти од нејзината анатомија, но во услови како постојан жител во ловиштата каде право на користење на дивечот има нашето ловечко друштво „Орел" од Валандово.
Па ајде да започнеме и да се надеваме дека и овој пат ќе ги исполниме Вашите очекувања:

ТЕМА бр.22 : ЕРЕБИЦАТА КАМЕЊАРКА – Alectoris graeca- постојан жител на нашите ловишта

1. Краток историјат на „нашите ловишта"
Ловечкото друштво „Орел„ –Валандово, има право на користење на дивечот во три ловишта со вкупна површина од 22.285 ха, од кои вкупнo ловни површини се 20.895 ха, а 18.183 ха, се ловно продуктивни површини. Местоположбата на ловиштата, нивните геолошки, педолошки и останати еколошки услови, како и големата висинска разлика од околу 1.200 м, придонеле во нив да се формираат поголем број на шумски заедници од кои најзастепени се : шумската заедница од даб благун и бел габер, шумските заедници од даб горун и шумските заедници од подгорска бука.
Во ловиштата постои доволно прехрамбен потенцијал, со просечни врнежи кои се движат од околу 660 мм на 100 м.н.в до 1080 мм на 1.200 м.н.в. но за жал врнежите се многу нерамномерно распоредени во текот на годината. Средната годишна температура е околу 16,1 степен целзиусов со апсолутно постигнат максимум од 44,5 степени и апсолутен минимум од -12,5 степени целзиусови.
Ловиштата се од отворен тип, уредени со задолжителната работна активност на активните членови со потребните ловно-технички објекти (чеки,набљудувачници,хранилишта, солишта, поила,ловни сместувачки објекти, стрелиште за летечки мети и сл.) и нивната основна намена е претежно стопанска, односно територија на која ќе се врши одгледување, заштита и ловење на дивеч.
Ловиштата „Пирава” и „Чештово”, според главните природни карактеристики на биотопот, се погодни за одгледување и заштита на ситниот дивеч. Додека ловиштето „Башибос” е наменето за одгледување,заштита и застрел пред се на крупен дивеч и во него главни стопански видови се, дивата свиња и срната. Бидејќи и во ловиштата „Пирава" и „Чештово" во последниве години се забележува поголемо присуство да крупен дивеч, а за да се контролира неговата бројна состојба и ловците да можат законски да го ловат, благовремено Ловечкото друштво во соработка со Државниот инспекторат за ловство како и МЗШВ, ги направи потребните измени и дополнувања (Анекси) кон Посебните ловностопански основи, со што се утврди точниот број на грла кои може да се застрелат во текот на сезоната за лов и во овие ловишта.
Веруваме дека преокупираноста на нашите колеги ловци со лов на диви свињи е само една од причините на одржување на стабилни популации на оваа прекрасна птица - Еребицата камењарка.
2. Alectoris graeca- Еребица камењарка
Овој вид во многу се одвојува и им дава посебна убавина на овие ловишта.
Камењарката има на растолагање ловна површина од вкупно 10.022 ха, во двете ловишта, а вкупната ловнопродуктивна површина каде овој вид има нормални услови за опстанок и развој изнасува 2.500 ха.
Прекрасно е доживувањето кога ловците наутро полека и нечујно се движат по патеките на овие ловишта, од дремливоста неочекувано да ги разбуди и исплаши ненадејниот лет на оваа убава птица. Оружјето не е подготвено, а во дневната дозвола пишува дека денес е дозволен лов само на дива свиња. И што ни преостанува, да застанеме за миг, од нашите гради да излета воздишка на изненадување и едвај чујно да изустиме „каква убавина”, душата ни е полна погледот пресреќен.
Еребицата Камењарка е далеку најубавата дива кокошка која живее во „нашите” ловишта. Kолегите ловци знаат дека овој мошне редок вид птица ги разубавува терените на „нашите” планини: Погана ,Плавуш и Беласица. Камењарката е редок и заштитен со ловостој вид на дивеч. Ние во „нашите ловишта” (мислиме на ловиштата во кои Ловечкото друштво „Орел” од Валандово го има правото на користење на дивечот), ја имаме привилегијата да го делиме животниот простор со овој уникатен вид птица.
Еребицата камењарка, е распространета на целиот Балкански полуостров. Таа е немиграторен вид и населува претежно суви, отворени и ридести терени, токму какви што се терените во овие ловишта.
Камењарката има тркалезна форма на телото, со релативно куси и заоблени крилја. Бојата на горниот дел од главата, грбот и градите е голубаво-сива, со кафеникав одблесок. Лицето под очите, грлото и подбрадокот се белузливи. Омеѓени се со црн „ѓердан” (крагна), која започнува од горната страна на коренот на клунот, минува преку очите и завршува со заоблен врв под вратот. Околу ушите имаат црни перца. Стомакот е со посветло кафеаво-кремаста боја, а слабинскиот дел под крилјата од двете страни има изразени напречени црни и бели пруги, прошарени со сивосини и кафеаво-црвени делови. Необраснатиот „прстен” околу очите (ружа), поизразен кај мажјаците во периодот на репродукција, има црвена боја. Клунот и нозете се корално-црвени, потемни кај возрасните примероци. На задниот дел од писката, мажјаците имаат тап израсток во вид на брадавица. Должината на телото изнесува обично од 32 до 39 см, распонот на крилјата од 45 до 55 см, а масата нателото од 450 до 650 гр, кај машките, ( на планината Беласица во граничниот појас со Република Грција, каде постои природно погоден хабитат, со сите потребни природни предуслови, голем број од машките примероци достигнуваат и до 800-900гр). Женските примероци достигнуваат маса на телото од 400 до 500 (650)грама. Ете, токму таква е еребицата каменјарка на овие терени.
Можеме да кажеме дека се работи за автохтон вид со сите типични карактеристики за Alectoris graeca graeca, и повеќе од тоа. Лично сметам дека овој вид камењарка на овие простори заслужува поголемо внимание и детално проучување од страна на науката. Ако го направиме ова, нема да изгубиме ништо а можеме да добиеме многу. Ве уверувам дека ова е најубавиот и најпосебниот вид на еребица каменјарка на овие Балкански простори. Предизвик зарем нe.
По долг период на стагнација и опаѓање на бројната состојба на каменјарката , пред се поради деградацијата на живеалиштата, предизвикана со зараснување и зашумување на нејзините типични места на живеење, како последица на напуштање на екстензивното сточарење и намалувањето на бројот на ситната домашна стока (овци и кози), кои, со начинот на исхрана (брст и испаша) и ги одржуваа хабитатите и овозможуваа поволни услови за нејзин опстанок , во поново време, благодарение на поволни природни околности (зголемување на бројот на стока која напасува, намалениот застрел и др.) во последните десетина години бројката е во постојан пораст. Во ловиштето ,,Чештово” (Погана) , нашите податоци покажуваат дека денес , каменјарката пополнува речиси 70% од капацитетот на оваа ловиште. Во ловиштето ,,Пирава” (Плавуш) , очекуваме пополнетост од 80% од капацитетот на ловиштето. Во ловиштето ,,Башибос” (Беласица) , кое е ловиште пред се за крупен дивеч исто така камењарката на наше задоволство ја има во поголем број. Овие податоци за обичниот читател можеби не значат многу но ние ловците многу добро знаеме колкаво е тоа богатство.
3. Ловечкото друштво „Орел" за кемењарката (деловна стратегија)
Ловечкото друштво „Орел”-Валандово, има своја традиција и воспоставени принципи на раководење. Во овој дел, влегуваат членови ловци, со богато ловно искуство, кои имаат што да остават во истото. Помладите се составен дел во органите на управување и имаат своја цел да учат и со тоа да ја продолжат традицијата.
При изработка на Годишните планови за спроведување на посебната ловностопанска основа, посебно се води грижа за правилно утврдување на бројната состојба на овој вид дивеч во ловиштата и врз основа на утврдената нормална бројна состојба на дивечот во ловиштата ( матичен фонд, годишен прираст, и капацитат) се утврдува и нормалниот годишен застрел.
Притоа преовладува принципот на намален застрел се со цел да се одржува нормална бројна состојба, со што застрелот никогаш повеќе нема да биде една од причините за евентуално намалување или исчезнување на овој вид од „нашите" ловишта.
4. Еден вистински настан и пример како се постапува исправно во ловството
Како Ваш едукатор и колега, имав посебна прилика, преку катедрата за ловство на Факултетот за Шумарски науки, пејсажна архитектура и екоинжинеринг „Ханс Ем" во Скопје, да го пречекам и да му организирам мониторинг-посматрање на Професор д-р Ренато, токму на Alectoris graeca graeca на нашите терени. Тој престојуваше кај нас повеќе денови и тоа што мене ме фасцинира, не беше неговото научно познавање на камењарката, кое се подразбира, туку неговата подготовка и познавање на животот на нашата еребица камењарка многу повеќе од самите нас. Тој, во својот концепт за работа точно имаше поцртано и кои терени сака да ги посетиме и тука да ја посматра. Прв пат видов како изгледа личност кој го сака дивечот и кој целата своја кариера ја посветил на дивечот и би рекол дека целиот свој живот го посветил на дивечот. Професорот кој инаку држи катедра по ловство на Факултетот во Рим, беше воодушевен од тоа што го виде. Тогаш за прв пат во мојот живот видов колку малку знам (а се сметав за добар познавач на дивечот) се засрамив и си ветив дека многу повеќе ќе се посветам на ловството и постојано ќе учам.
На заедничка жалост, моравме да отстрeлaме еден, по можност машки примерок еребица камењарка за научно третирање во неговата лабораторија во Рим ( тој ден тој носеше со себе и мал ладилник во кој имаше намера да го транспортира примерокот без истиот да се оштети). За негова среќа застрелавме токму машка птица. Камо да напревев видео снимка за да видете почитувани ловци како професорот ја галеше и бакнување камењарката, колку е убава, фантастична, каква убавина (che belo... fantastiko... che bellezza)... само да ја видевте таа радост на неговото лице, тој израз полн со емоции и понекоја солза, солза која ја разбрав како солза радосница и уверување дека оригиналниот Meisner постои и живее токму тука на падините на планината Плавуш.
Подоцна професорот ми објасни дека се работи за Еребици камењарки кои кај нас во Македонија а посебно во овој дел ја имат зачувана автентичноста и дека за него тоа се најдобрите примероци во Европа, вистински Alectoris graeca graeca Meisner (по научникот кој ја открил и прв ја опишал) и дека сака токму нив да ги проучи. Подоцна по завршувањето на неговата студија професорот ми прати примерок од неговото дело.

Еве почитувани пријатели ова е една вистинска сторија за Еребицата камењарка на нашите терени, која сакам да Ви ја пренесам а со тоа да Ви ги пренесам и моите чувства и видување кон ловот и ловството се со цел и кај Вас да го потикнам чувството дека ловството е наука и дека треба да уживаме во ловот, да се чувствуваме горди што сме ловци и посебно членови во Ловечкото друштво „Орел" од Валандово, да го чуваме истото и да ја прославуваме заедно традицијата која трае 80 години. Здрави и живи догодина.

***** Да останеме со добро здравје и СО ДОБАР ПОГЛЕД****
***** Да ги сакаме, чуваме и одгледуваме природата и дивите животни*****

11/09/2026

ИЗВЕСТУВАЊЕ❗❗❗

📅 Се известуваат членовите на Ловечкото друштво „ОРЕЛ“ Валандово дека ловната сезона за лов на дива свиња започнува на 19.09.2026 година.

📌 Право на учество во ловот имаат членовите на Друштвото со подмирена членарина за 2026/27 година, кои поседуваат:

- важечка ловечка легитимација со маркица од ЛФМ за 2026 година;
- важечка дозвола за оружјето наменето за ловење;
- дозвола за ловење на дивечот, издадена од Друштвото.

⚠️ ОБВРСКА ЗА ДОСТАВУВАЊЕ ДОКУМЕНТАЦИЈА

Се задолжуваат сите членови кои ќе учествуваат во ловот пред издавање на дневната дозвола за лов да достават до Друштвото:

- копија од важечка ловечка легитимација;
- копија од важечка дозвола за оружјето (оружен лист).

Дневна дозвола за лов нема да се издава без претходно доставена и проверена документација.

⚖️ Согласно член 63 став (1) од Законот за дивечот и ловството, за ловење на дивеч ловецот е должен да поседува ловечка легитимација, дозвола за ловење на дивеч издадена од корисникот на дивечот и важечка дозвола за оружјето наменето за ловење.

🦺 ЗАДОЛЖИТЕЛНО

Согласно член 61 став (5) од Законот за дивечот и ловството, при ловење, односно застрел на дивеч, сите учесници во ловот задолжително носат портокалов флуоресцентен елек.

⚠️ Секој ловец е должен при ловот да ги почитува законските прописи, актите на Друштвото и сите мерки за безбедно и одговорно вршење на ловот.

#ЛДОрелВаландово
#СоДобарПоглед

Комисија за едукација при Ловечкото друштв„ОРЕЛ"-Валандово Почитувани ловци и пријатели, продолжуваме со вториот дел ...
04/09/2026

Комисија за едукација при Ловечкото друштв„ОРЕЛ"-Валандово
Почитувани ловци и пријатели, продолжуваме со вториот дел од темата за Грлицата, во кој ако добро се сеќававте ветивме дека ќе отвориме дебата за состојбата со оваа миграторна птица кај нас, а и во поширокиот регион.
Иако кај нас во Република Македонија не пронајдов податоци и не верувам дека постои мониторинг и посветено следење на состојбата со оваа птица. Сепак ќе се обидеме да Ви дадеме податоци од веродостојни извори кои во своите програми ја следат и состојбата со грлицата, како и лични сознанија на оваа тема.

ТЕМА бр.21 - Дел II : Streptopelia turtur - ГРЛИЦА - Состојба која загрижува.

Ако се согласивме дека Грлицата е најмала и „најшарена" во однос на другите видови гулаби и дека нејзиниот лет со нагли и брзи промени на правецот е прекрасен, за жал, мораме да се согласиме и со констатацијата дека нејзината бројна состоба е загрижувачка, дека таа состојба е во драматично опаѓање и дека ако продолжи овој тренд може и да исчезне (нешто кое не го посакуваме никако).
Бројноста на Грлицата во последните децении рапидно се намалува во најголем дел од размножувачкиот ареал (за 78% во Европа, за периодот од 1980 до 2020 година), како последица на трансформациите во земјоделските практики, губитокот на живеалиштата, болестите (Trichomonas gallinae), но и интензивниот лов (Според Европската комисија, само во европските медитерански земји, годишно се отстрелуваат помеѓу 2 и 4 милиони птици), особено на гнездечката популација за време на пролетните миграции кон север (Малта и Кипар).
Грлицата (Streptopelia turtur) за жал е сè поретка во последните 10–15 години што е во согласност со научните податоци и ова не е само локален впечаток.
Ако констатиравме дека во нашата држава немаме многу податоци за оваа птица, тогаш да видиме што покажуваат европските податоци :
• Европскиот мониторинг покажува дека популацијата на грлицата се намалува во долг период. Во анализата на Pan-European Common Bird Monitoring Scheme, бројноста се намалувала во просек за речиси 4% годишно од 1980 година, а во последните анализирани 10 години падот бил околу 3,2% годишно.
• Тоа значи дека пад од 3,2% годишно, ако приближно се одржува десет години, би одговарал на околу 28% намалување на бројноста за една деценија ( почнавме од 1980 година).
Кај нас, ситуацијата е малку посложена. Кај нас не сретнав податоци од доволно квалитетна долгорочна серија на систематски броења за да можеме со сигурност да кажеме, на пример : „Грлиците се намалиле точно 35% од 2014 до 2024“.
BirdLife во својот извештај ја проценува гнездечката популација во Македонија на околу 20.000–60.000 единки, врз основа на податоци од 2014–2019. За краткорочниот и долгорочниот тренд, меѓутоа, оценката е означена како непозната/недоволно потврдена.
Но важно е дека : Отсуството на точен македонски процент не значи дека нема намалување, туку дека немаме доволно стандарден мониторинг за да го измериме со сигурност.

* Зошто ја има сè помалку?
Најважните причини што ги наведуваат истражувањата се:
• намалување и промена на земјоделските живеалишта;
• помалку храна, особено семиња од плевелни и други растенија;
• промени во земјоделските практики;
• губење на погодни места за гнездење;
• прекумерен лов на миграциските патишта;
• незаконско убивање и проблеми со живеалиштата во Африка.

* Лично би го апострофирал прекумерниот лов на миграционите патишта. При ова не мислам само на лов долж коридорот кој поминува низ нашата земја, туку и пошироко. Ова го базирам на видените состојби и обемот на лов и застрел посеверно и појужно од нас. Овде ќе го придодадам и коментарот на нашиот колега за неконтролираниот лов со мрежи во приморските земји низ кои водат коридорите до зимските престојувалишта во Африка и пошироко.
Зошто лично сметем дека прекумерниот лов е еден од големите виновници за драстичното намалување на бројната состојба на грлицата.
Моето мислење го потврдува и бројката која ја дава Европската комисија (види на почетокот) но и моето лично размислување за „семејниот" живот на секое животно. Да токму тоа го мислам. Една од основните функции на секое животно е опстанокот и репродукцијата на видот односно како што наведувам „семејството". Во таа борба за опстанок на видовите, нормално е во конкретниот случај и оваа птица да бара алтернативни патишта за безбеден прелет со што ќе се оствари природниот инстикт на мајката да обезбеди опстанок на семејството. Ова неизвесност ја чини многу скапо и резултира со опаѓање на бројната состојба. Секако дека и останатите фактори кои ги наведовме имаат свој удел во состојбите со грлицата.
Кај нас, не постои континуирана национална годишна серија на бројност на грлицата (Streptopelia turtur). Значи, не би било коректно да ви прикажам измислени бројки за секоја година.
Сепак, можеме да составиме прилично добра слика од достапните податоци.
Особено важно е дека проценката 20.000–60.000 гнездечки единки за 2014–2019 не треба да се толкува како броење на 20.000–60.000 птици во една конкретна година.
Тоа е проценет интервал за гнездечката популација.
Но постои еден многу важен европски тренд.
За споредба, најновите податоци на Pan-European Common Bird Monitoring Scheme (PECBMS) се многу посистематски. За Европа, индексот на грлицата покажува огромен долгорочен пад.
Најновата анализа за периодот 1980–2025 покажува:
• 1980–2025: −88%
• просечна долгорочна промена: околу −3,76% годишно
• последните 10 години во ажурирањето за 2025: −11%
• трендот во поново време е подобрен во делови од Западна Европа, но Централно-Источниот миграциски коридор и понатаму покажува пад/стагнација. Ова е особено релевантно за Македонија бидејќи нашите грлици припаѓаат на централно-источната миграциона популација, па европскиот западен опоравок не треба автоматски да се применува на нашата ситуација.
Анализа за 2025 година го дава конечниот долгорочен пад од околу 88 %.
* Што можеме да заклучиме за Македонија?
Моето сопствено набљудување дека во последните десетина години грлицата е многу поретка е биолошки сосема можно и се вклопува во поширокиот регионален тренд. Но, немаме доволно национални мерења за да кажеме дека во Македонија се намалила, на пример, за 30%, 40%, 50% или можни 80%.
За Македонија, во периодот 2010–2025, не најдов национална стандардизирана годишна серија што би дозволила директно да се каже колку грлици имало секоја година.
За споредба, ги најдов само старите IBA податоци објавени во 2010 година, кои давале проценка од 25.000–60.000 гнездечки единки за Македонија.
Подоцнежните податоци ја даваат проценката 20.000–60.000 за периодот 2014–2019, но повторно ќе напомнам дека - тоа не е годишно броење.
Да имаме докази дека грлицата и понатаму се размножува во Северна Македонија, но немаме доволно стандардизирани бројки за да го пресметаме нејзиниот процентуален пад во Македонија.
И тука е всушност најинтересниот резултат од нашето пребарување : Најголемата празнина не е дека грлицата не е истражувана -туку дека истражувањата не се правени со ист метод и на исти пунктови од година во година.
Тоа е причината што моето лично набљудување може да биде сосема точно, а сепак научно да немаме бројка „пад од 60%“.
Би напомнал дека, Македонското еколошко друштво за периодот 2024-2025 година , собира податоци за првиот македонски Breeding Bird Atlas, но тоа е различен тип проект и не ни дава автоматски годишен индекс на бројност на грлицата.
Значи, празнината е вистинска:
2010–2011: имаме релативно добар мониторинг
2012–2020: имаме многу расфрлани локални податоци
2021–2025: повторно има локални истражувања, но не национален индекс
И токму затоа досега никој не може научно коректно да ни каже: „Во Северна Македонија грлицата се намалила за XХ % во последните 10 години.“
Но Европскиот контекст е драматичен: PECBMS наведува дека грлицата има долгорочен пад, а во источниот/централно-источниот миграционен коридор состојбата и понатаму е многу проблематична. За Македонија за жал, токму тука е особено интересно, бидејќи немаме доволно национален мониторинг за да утврдиме колку од европскиот пад се случил и кај нас. И мислам дека тоа е најчесниот заклучок од целото пребарување.
Во Македонија имаме многу орнитолошки набљудувања, локални студии и проценки, но немаме континуиран, стандарден мониторинг на грлицата (Streptopelia turtur) што би ни овозможил да ја измериме промената на популацијата од година во година.
Затоа не можеме научно да кажеме:
„Од 2010 до 2025 година грлицата во Македонија се намалила за ХX%.“
Можеме само да кажеме дека:
• видот и понатаму се размножува во повеќе делови од земјата;
• постојат индикации дека е поредок и локално се намалува;
• европскиот тренд е многу негативен;
• но македонскиот тренд не е измерен.
И всушност, моето набљудување од терен е многу вредно токму поради оваа празнина. Научно набљудување и лично искуство не се исто, но кога искусен човек со години гледа дека птица која порано била честа постепено ја има сè помалку, тоа е сигнал што заслужува систематско проверување.
Ви благодарам и Вам ( на Стојанчо, Јовица, Дејан, Милан и другите), што ме натеравте да одам подлабоко во податоците. Но подобро е да кажеме „немаме доволно податоци“, отколку од неколку локални броења да создадеме привид на точна статистика.

* Почитувани, се трудев да Ви презентирам доволно податоци но оставам Вие сами да си создадете мислење за состојбата со Грлицата и да предложите конкретни мерки.
Кога би сакале да го слушнете моето мислење, тоа е следното, мораме да го забраниме ловот на Грлица на одреден период. За почеток тоа нека биде на 5 (пет) години, но за тоа време да се врши мониторинг на состојбата со оваа птица па потоа да се одлучиме за дали мерката е доволна или ќе ја продолжиме на подолг период.
* Почитувани, како што напомнав ова е мое лично размислување и не значи дека е и најдобро и најточно. За жал ја немам привилегијата да се занимавам со научни испитувања но кај мене постои љубовта и опседнатоста со животинскиот свет. Го обожавам и сакам тој убав свет.
Секое друго размислување и искуство е добредојдено лично за мене како и за останатите наши пријатели кои не следат.

***** Остануваме со добро здравје и СО ДОБАР ПОГЛЕД*****

Комисија за едукација при Ловечкото друштв„ОРЕЛ"-Валандово ТЕМА бр. 22 : Спроведување на заштитни и контролни мерки ...
31/08/2026

Комисија за едукација при Ловечкото друштв„ОРЕЛ"-Валандово

ТЕМА бр. 22 : Спроведување на заштитни и контролни мерки во однос на болеста Африканска чума кај дивите свињи

Оваа нова и невообичаена тема, почитувани пријатели е наменета пред се членовите на Ловечкото друштво „Орел" од Валандово.
Сигурно ќе се запрашате зошто е оваа забелешка. Веднаш ќе Ви одговорам дека причината за посветата кон дел од моите колеги ловци од ловечкото друштво е затоа што ова е на некој начин изнудено од членови кои за жал, активно не учествуваат во исполнување на обврските кои, Ловечкото друштво како корисник на дивечот во ловиштата „Башибос", „Чештово" и „Пирава" ги има предвидено во Програмата за работа за истите, а врз основа на истата и во Годишните планови за спроведување на Посебната ловностопанска основа за секое ловиште посебно.
Покрај ваквите обврски, посебна тежина имаат и Решенијата кои по разни основи (согласно позитивните законски прописи кои се однесуваат на оваа дејност), се добиваат од МЗШВ - Државниот инспекторат за ловство, надлежниот подрачен ловен инспектор, Агенцијата за храна и вино, Агенцијата за ветерина и слично.
Сите овие решенија и акти имаат законска основа и непостапувањето по истите подлежи на соодветни казни кои може да одат и до одземање на самите ловишта преку еднострано раскинување на Договорот за користење
За жал, после беспрекорно организираните активности за спроведување на ваквите задолжувања, дел од нашите колеги се јавуваат (прикриено) со негативни критики и се „многу загрижени" за спроведувањето на овие активности. За жал одговорот не го барат на вистинското место, во самото друштво, туку како „многу загрижени за дивечот" се јавуваат по институциите, каде за среќа ги добиваат вистинските информации, по што, се се стишува како да не било ништо. Но тоа воопшто не е така почитувани колеги. Ваквото делување не носи добро на високото реноме кое го има нашето ловечко друштво и на основниот постулат на нашето постоење, друштвото да ни биде место каде ќе другаруваме, дружиме и ќе се сплотуваме.
Ќе бидам конкретен.
Со Решение бр. 10-870/1, донесено од директорот на Агенција за храна и вино, се наложува корисникот на дивечот во ловиштата ( ловишта каде имаме право на користење на дивечот) да спроведе заштитни и контролни мерки во однос на болеста африканска чума кај дивите свињи.
Ова Решение е донесено врз основа на член 55 став (6) а во согласност со член 54,55 и 56 од Законот за ветеринарно здравство (Сл.весник на РМ. бр.113/07,24/11, 136/11, 154/15 и 53/16) и Правилникот за мерки за сузбивање и искоренување на болеста африканска чума кај свињите (Сл.весник на РМ бр.91/12 и 128/14) и е доставено до концесионерите и до нашето ловечко друштво. Истото сите заинтересирани можат да го добијат на увид во канцеларијата на друштвото. Овие институции го имат ова право и врз основа на членовите 18, 19 согласно член 75 од Законот за дивечот и ловството (Сл.весник на РМ бр.263/23).
Со оваа Решение, задолжени сме да организираме засилен застрел на дива свиња, како мерка за спроведување на заштита и контрола во однос на болеста Африканска чума кај дивите свињи. Врз основа на ова, У.О. на друштвото донесе одлука за спроведување на Решението со која ги одреди деновите 23 и 30. Август.2026 година како денови за организиран лов, со што се премина на организирање и спроведување на истата. За ова е известен надлежен ветеринарен инспектор и доставен е записник до АХВ. На терен се констатира присуство на дива свиња, но овој пат немаше застрел пред се поради густината на ремизите каде се засолнуват дивите свињи, а и поради внимателниот пристап поради високите температури и опасноста од пожари. Се се заврши со убаво дружење на сопствен трошок и со продукти од ловечкиот ранец.
И токму од овде произлезе дилемата од каде недоверба кај поединци и какви се тие дилеми. Сите ние сме разумни и доволно паметни, сите нејаснотии да ги решиме во заеднички разговор и конструктивна дискусија. Добрите предлози се секогаш добредојдени.

* Сега накратко ќе дадеме појаснување на овие термини:

Поимот „засилен застрел на дива свиња“ (честопати наведен и како санитарен застрел) е посебен вид застрел на дивеч кој се прави за да се заштити здравјето на другите животни и луѓето. Тој се користи кога има опасност од ширење опасни болести, како што е африканската свинска чума, или кога животните се болни, повредени или премногу стари.
Цели на санитарниот лов
• Запирање на болести меѓу дивите животни.
• Отстранување на болни или слаби единки.

Поимот „засилен застрел на дива свиња“, се однесува на вонредна мерка во ловството што се спроведува и со цел драстично намалување на популацијата на дивите свињи.
Оваа мерка најчесто се активира поради неколку клучни причини:
• Спречување на африканска свинска чума (АСЧ):
Ова е примарната причина за ваквите акциони планови во Македонија и регионот. Дивите свињи се главни преносители на овој високозаразен вирус. Со намалување на нивната густина, се намалува веројатноста за ширење на болеста кон комерцијалните фарми за домашни свињи, каде што економските штети би биле катастрофални.
• Здравствена контрола (мониторинг):
Од секоја застрелана дива свиња при ваков лов се земаат примероци за лабораториско тестирање (за свинска чума, трихинелоза и сл.) за да се следи состојбата на терен.
• Спречување штети во земјоделството:
Прекумерната популација на диви свињи може да предизвика огромни штети на земјоделските култури во руралните средини.

Како се спроведува?
Мерката ја носат државните институции — како Агенцијата за храна и ветеринарство (АХВ) и Министерството за земјоделство, шумарство и водостопанство. Таа се реализира организирано преку ловечките друштва и концесионерите на ловните терени, кои имаат обврска строго да ги почитуваат биосигурносните протоколи при манипулација со застреланиот дивеч.

* Почитувани колеги ловци, забележувате дека за прв пат Ви се обраќам директно како автор на страницата која ја водам во име на комисијата за ловство при ловечкото друштво. Сето неслагање со овој текст, препишете ми го лично, затоа што ова го правам со „свој разум и убедување", длабоко разочаран од делувањето на поедини колеги во друштвото. Мојата животна желба секогаш била да го почитуваме и да го чуваме ловечкото друштво „Орел"-Валандово, друштво кое има длабока и долга традиција (наскоро ќе славиме јубилеј 80 години) и дека ова е најдобрата форма и начин да бидеме ловци, со оглед на нашата материјално-финансиска состојба и стандард на живеење. Се друго е повисока форма на организирање која верувајте за голем дел од нас обичните ловци е недопирлива и некако далечна.
Затоа почитувани мои колеги, Ве замолувам како Ваш искрен колега и пријател, да се почитуваме и да си го чуваме ловечкото друштво.
***** Да сме живи и здрави и да ја започнеме новата сезона со верба и позитивни гледања и се разбира СО ДОБАР ПОГЛЕД И МИРНА РАКА *****

* во прилог се фотографии од нашата активност на ден 30.08.2026 (недела).

Address

Маршал Тито бб, Валандово, Македонија
Valandovo
2460

Website

Alerts

Be the first to know and let us send you an email when Ловечко друштво "Орел" Валандово posts news and promotions. Your email address will not be used for any other purpose, and you can unsubscribe at any time.

Shortcuts

Share

Category