Zizawarsoe

မနေ့က အမှတ်တရ ပုံရိပ်များ ….
နောက်တခါအခွင့်ကြုံရင်ပြန်ဆုံကြမယ်ရှင်🌹

ဒီနေ့ ကျနော်တို့ရဲ့ Lifestyle Community ရဲ့ ပထမဆုံး ရန်ကုန်တွေ့ဆုံပွဲလေးကို အချိန်ပေးပြီး လာရောက်ပေးကြတဲ့ မိတ်ဆွေများအားလုံးကို အထူးကျေးဇူးတင်ပါတယ်ရှင်🥰
တချို့အလုပ်တွေ ရွှေ့ဆိုင်းပြီး လာခဲ့ကြသလို၊ တချို့တော်တော်ဝေးဝေးကနေ တကူးတက လာတွေ့ပေးကြတာ မြင်ရတော့ တကယ်ကို ဝမ်းသာပြီး စိတ်ခွန်အားတွေရပါတယ်။ 🌹

နောင်လည်း ဒီထက်မက ပိုမိုကောင်းမွန်တဲ့ ကျန်းမာပျော်ရွှင်တဲ့ လူနေမှုဘဝပုံစံတွေကို အတူတူ တည်ဆောက်သွားကြမယ်နော်။
အားလုံးကို ချစ်ခင်လေးစားလျက်။ ❤️💪

ဇီဇဝါစိုး

သူငယ်ချင်းက Diet လုပ်တယ်ဆိုပြီး အစားတွေနည်းနည်းပဲစားတယ်။
ကျနော် စားနေတာကို ကြည့်ပြီး “နင် Diet မလုပ်ဘူးလား” တဲ့... 🤩
ကျနော့်ဘဝမှာ Diet ဆိုပြီး တကူးတက လုပ်တာမျိုး၊ အစားလျှော့စားနေရတာမျိုး တစ်ခါမှ မရှိခဲ့ဘူး။ ခုစားနေတာလည်း ကျနော့အတွက် diet ပဲ🤩

အကုန်စားလိုက်မှ ဗိုက်က ၈၀% ပဲ ပြည့်သေးတာပါ 🤩
ကျနော့်လို စိတ်ချမ်းသာကိုယ်ကျန်းမာနဲ့ အကုန်စားပြီး မဝချင်ရင် ကျနော့် Post တွေကို အမြဲဖတ်ပါလို့ မှာလိုက်တယ်😄

ကျန်းမာပါစေရှင်

ဇီဇဝါစိုး

လူတစ်ယောက်အသက်အရွယ်တစ်ခုရောက်လာလို့ အမြဲ ကျန်းမာ သွက်လက်လန်းဆန်းနေတယ်ဆိုတာ ဘဝကုသိုလ်ကံကောင်းနေလို့မဟုတ်ဘူး။ ဒီကုသုလ်ကံကောင်းအောင် ကိုယ်တိုင်ဖန်တီးလုပ်ဆောင်ခဲ့တာ။

✅စားသောက်မှုပုံစံကို စနစ်တကျ ပြုပြင်ခဲ့ခြင်း
ခန္ဓာကိုယ်အတွက် တကယ်လိုအပ်တဲ့ အာဟာရတွေကို ရွေးချယ်စားသောက်ပြီး အစွန်းမရောက်တဲ့ စားသောက်မှုပုံစံကို ကျင့်သုံးခဲ့လို့

✅ပုံမှန်ကိုယ်လက်လှုပ်ရှားမှု ရှိခြင်း
လေ့ကျင့်ခန်းလုပ်တာကို ဝတ္တရားတစ်ခုလိုမဟုတ်ဘဲ ဝါသနာတစ်ခုလို ပျော်ပျော်ရွှင်ရွှင် တစိုက်မတ်မတ် လုပ်ဆောင်ခဲ့လို့

✅စိတ်ဖိစီးမှုကို ကောင်းစွာစီမံနိုင်ခြင်း
အလုပ်နဲ့ မိသားစုကြားမှာ စိတ်ရောလူပါ မပင်ပန်းရအောင် အကောင်းမြင်စိတ်နဲ့ မျှတအောင် နေထိုင်တတ်ခဲ့တာဟာ ဒီနေ့ရဲ့ ပျော်ရွှင်မှုတွေအတွက် အဓိကသော့ချက်ပါ။

✅စဉ်ဆက်မပြတ် လေ့လာသင်ယူနေခြင်း
ဘဝသင်ခန်းစာတွေလေ့လာသလို အာဟာရနဲ့ ကျန်းမာရေးဗဟုသုတတွေကို အမြဲလေ့လာပြီး ခန္ဓာကိုယ်ရဲ့တုံ့ပြန်မှုစကားသံကိုအမြဲနားထောင်ခဲ့လို့

✅စည်းကမ်းရှိတဲ့ နေထိုင်မှုပုံစံ
အိပ်ချိန်၊ စားချိန်နဲ့ အလုပ်လုပ်ချိန်တွေကို စနစ်တကျ ထိန်းညှိနေထိုင်ခဲ့တဲ့ အကျိုးကျေးဇူးကြောင့် လန်းဆန်းတက်ကြွနေတာပါ။

ကျန်းမာပါစေရှင်

ဇီဇဝါစိုး

ဒီမနက် စီးနေကျ road bike အစား mountain bike ထုတ်စီးလိုက်တယ်။
Road bike ဖိနပ်စီးပြီး Mountain bike ရဲ့ pedal ပေါ်တပ်တော့ အံမဝင်ဖြစ်မှ ဖိနပ်မှားစီးမိတာကို သိလိုက်တယ်🤩
ကိုယ်လုပ်နေကျ အလေ့အကျင့်တွေက ဦးနှောက်ထဲမှာ အလိုအလျောက် မှတ်မိသွားပြီး အသိစိတ်မပါဘဲ လုပ်မိနေတတ်တာ သဘာဝကျပါတယ်😄

အစားအသောက်ဆင်ခြင်တာ၊ လေ့ကျင့်ခန်းပုံမှန်လုပ်တာတွေလည်း အတူတူပါ။ တစ်ခါတလေ ကိုယ့်ရဲ့ ခန္ဓာကိုယ်နဲ့ ဦးနှောက်က အလေ့အကျင့်ဟောင်းတွေကိုပဲ အလိုအလျောက် လုပ်နေတတ်တော့ အသစ်တစ်ခုခု ပြောင်းလဲလုပ်ဆောင်တဲ့အခါ အမှားအယွင်းလေးတွေ ရှိလာတယ်။

အရေးကြီးတာက မှားသွားတာကို သိလိုက်တဲ့အချိန်မှာ ပြန်ပြင်ဖို့ပါ🤩
အကျင်းကောင်းလေးတွေ ပျိုးထောင်ဖို့ အချိန်နဲ့ စိတ်ရှည်မှု လိုတယ်ရှင်💪

ဇီဇဝါစိုး

ဘဝဆိုတာ အမြဲတမ်း ပြေးလွှားနေရတဲ့ ပြိုင်ပွဲတစ်ခု မဟုတ်ဘူး။ တစ်ခါတစ်လေ နှေးကွေးခြင်းက ကျနော်တို့ကို ပို ဝေးဝေးရောက်အောင် ပို့ဆောင်ပေးနိုင်တယ်🤩

နေ့စဉ်စားဝတ်နေရေး ၊ အိမ်မှုကိစ္စတွေနဲ့ အချိန်ကုန်နေချိန်မှာ ကိုယ်လက်လှုပ်ရှားမှုဆိုတာ ဝန်ထုပ်ဝန်ပိုးတစ်ခုလို ဖြစ်လာတယ်။
ကျန်းမာရေးဆိုတာ Gym သွားမှ၊ အချိန်အကြာကြီး ပင်ပန်းခံမှ ဆိုတဲ့ ဖိအားတွေအောက်မှာ ရှိနေတာ မဟုတ်ဘူး။
စက်ဘီးလေးစီးရင်း လှပတဲ့ရှုခင်းကြည်းရင်း စိတ်ကြည်လင်စေတာမို့ စက်ဘီးစီးတာသဘောကျတယ်။

စက်ဘီးစီးတာ ဘာတွေကောင်းလဲဆိုတော့….

✅ နှလုံးကျန်းမာရေးကောင်းမွန်စေပြီး ကြွက်သားအုပ်စုအမျိုးမျိုးကို တစ်ပြိုင်နက်တည်း အလုပ်လုပ်စေတယ်။ ဒါဟာ အဆီကို စွမ်းအင်အဖြစ် ပြောင်းလဲပေးပြီး Metabolic Flexibility ကို မြှင့်တင်ပေးတဲ့ Cardio လေ့ကျင့်ခန်းတစ်ခု။
✅ သဘာဝတရားနဲ့ ထိတွေ့ရင်း လေ့ကျင့်ခန်းလုပ်တဲ့အခါ ဝိတ်ချနေတယ်ဆိုတဲ့ စိတ်ဖိစီးမှုထက်၊ ဒီနေ့တစ်နေ့တာကို ပျော်ရွှင်စွာ ဖြတ်သန်းနေရတယ်ဆိုတဲ့ ခံစားချက်ပိုရှိစေမယ်။
✅ အချိန်အကြာကြီး ပင်ပန်းခံတာထက်၊ စဉ်ဆက်မပြတ်တဲ့ သေးငယ်တဲ့ အလေ့အကျင့်ကောင်းလေးတွေကသာ ကျနော်တို့ကို ပိုမိုကျန်းမာပြီး တက်ကြွတဲ့ဘဝကို ပိုင်ဆိုင်စေမှာပါ။

ကျန်းမာရေးဆိုတာ အချိန်အကြာကြီး ပင်ပန်းခံမှ ရတာမဟုတ်ဘူး။ သေးငယ်တဲ့ အလေ့အကျင့်လေးတစ်ခုကနေ စလို့ရပါတယ်။
ခန္ဓာကိုယ်က အမြဲရွေ့လျားနေဖို့ လိုအပ်သလို၊ စိတ်ကလည်း အေးချမ်းဖို့ လိုအပ်ပါတယ် 💪

ဒီနေ့အတွက် မိတ်ဆွေရဲ့ ကိုယ်လက်လှုပ်ရှားမှုလေးက ဘာဖြစ်မလဲ ????

ကျန်းမာပါစေရှင်

ဇီဇဝါစိုး

စနေနေ့ ( မေလ ၃၀ ရက်) ရန်ကုန်မှာရှိနေမှာမို့ ကျနော် မဇီဇဝါစိုး နဲ့ ဆရာ Nay San Lin ကို ချစ်ခင်ပေးကြတဲ့ မိတ်ဆွေတွေနဲ့ တွေ့ဆုံပြီး ပျော်ပျော်ပါးပါးစကားတွေ ပြော ကော်ဖီသောက်ဖို့စီစဉ်ထားပါတယ်။
ဒီစနေနေ့ နေ့လယ် ၂:၀၀ နာရီကနေ ၃:၃၀ နာရီအထိ Golden Inya Cafe & Restaurant ( အင်းယားလမ်း ၊ ကမာရွတ်) မှာ ဆရာ Nay San Lin နဲ့အတူ ရှိနေပါမယ်။ အချိန်ရရင်လာခဲ့ဖို့ ကျနော်တို့ ၂ ယောက်စလုံးဖိတ်ခေါ်ပါတယ် 😍 ။ ကော်ဖီသောက်ရင်း စိတ်ခွန်အားဖြည့်စကားလေးတွေ ပြော၊ ပျော်ပျော်ပါးပါး ဆုံတွေ့ရဖို့ မျှော်လင့်နေပါတယ်ရှင်။

နေရာလေး ကြိုတင်စီစဉ်ထားချင်တာမို့ လာဖြစ်ရင် CB or Comment ကနေတစ်ဆင့် အကြောင်းကြားပေးပါဦးနော်။ ဆုံဖို့ စောင့်မျှော်နေပါမယ်ရှင်😍

ကော်ဖီတိုက်မယ်ရှင့် ☕️
Key chains လေးတွေအရင်ရောက်သူများ အမှတ်တရလက်ဆောင်ပေးမယ်ရှင့် 😍

ဘဝမှာ အောင်မြင်မှုတွေ တရိပ်ရိပ်တက်နေချိန်မှာ အဲဒီအောင်မြင်မှုရဲ့ အသီးအပွင့်ကို အပြည့်အဝခံစားနိုင်ဖို့ ကျန်းမာတဲ့ခန္ဓာကိုယ် ရှိနေဖို့လိုတယ်။

အကြောင်းအမျိုးမျိုးကြောင့် စီးပွားရေးတွေ ကျရှုံးခဲ့လို့ သုညကနေ ပြန်စရမယ်ဆိုရင်လည်း ကျန်းမာသန်စွမ်းတဲ့ ခန္ဓာကိုယ်ရှိနေမှ အရာရာကိုအစကနေ ပြန်တည်ဆောက်လို့ ရမယ်။

ကျန်းမာရေးက ကျနော်တို့ရဲ့အကြီးမားဆုံးသော အရင်းအနှီး ဆိုတာ မေ့လို့မရဘူး။

ဒီနေ့ကစပြီး ကိုယ့်ခန္ဓာကိုယ်အတွက် အာဟာရနဲ့ လေ့ကျင့်ခန်းကို အချိန်ပေး ရင်းနှီးမြှုပ်နှံကြစို့ 💪

ကျန်းမာပါစေရှင်

ဇီဇဝါစိုး