MTU Mobile Legend Tournament

အသက်ပေးသွားခဲ့တဲ့သူတွေအတွက် ကျနော်တို့ ဒီလောက်မှ မစွန့်လွှတ်ရင် လိပ်ပြာလုံမှာမဟုတ်ဘူး ကျနော်တို့နိုင်တဲ့အခါမှသာ ဒီ Game ကို ကြိုက်သလိုစီရင်ပါ ။

အခုလက်ရှိကနေစပီး Mobile Legends Tournament များကို အကန့်အသတ်မရှိ ရပ်နားသွားပါမည် တော်လှန်ရေးအနိုင်ရခဲ့မှသာ ကျောင်းသား/သူ များ၏ ဆန္ဒအတိုင်း ပြန်ကျင်းပ/ဖျက်သိမ်း ဆုံးဖြတ်သွားပါမည်

တော်လှန်ရေးအောင်မြင်ခဲ့ပီး ပြိုင်ပွဲများပြန်လည်ကျင်းပဖြစ်ခဲ့ပါကလဲ Mobile Legends ဆော့သော MTU မှ လောက်ကောင်များအား ကျင်းပမည့်ပြိုင်ပွဲများ မှ ရာသက်ပန် ထုတ်ပယ်သွားပါမည်

ကျနော်တို့ဟာ MTUSU နှင့်တကွ တစ်နိုင်ငံလုံးရှိ အာဏာရှင်ဆန့်ကျင်ရေး အင်အားစုများနှင့် ထပ်တူ ရှိပါသည်

#အရေးတော်ပုံအောင်ရမည်

❗️အာဏာသိမ်း အကြမ်းဖက်အုပ်စု အတွက် "ဖြတ်လေးဖြတ်" ဗျူဟာ✊

ဖြတ်လေးဖြတ် ဆိုတာ ဦးနေဝင်းတို့ လက်ထက်က သုံးခဲ့တဲ့ ဗျူဟာတစ်ခုဖြစ်ပါတယ်
အာဏာရှင်စနစ်ကျဆုံးဖို့ နည်းလမ်းမျိုးစုံ သုံးနေကြတဲ့ အချိန်မှာ ဒီ ဖြတ်လေးဖြတ် ဗျူဟာကို လက်ရှိ အခြေအနေနဲ့ ကိုက်ညီအောင် တန်ပြန်အသုံးချတတ်ဖို့ အရေးကြီးပါတယ်။

(၁) ရိက္ခာ + ထောက်ပံ့ပစ္စည်းများ ဖြတ် 🚫

⁃ CDM အရှိန်ပိုကောင်းအောင်လုပ်ပြီး အုပ်ချုပ်ရေးယန္တရားပျက်အောင်ဖျက်ရပါမယ်။
⁃ ထိုမှတစ်ဆင့် ကုန်ပစ္စည်း၊ ရိက္ခာ၊ လူအင်အား၊ တပ်အထောက်ကူပြု logistics သယ်ယူပို့ဆောင်ရေးများ ပါ ရပ်တန့်၊ ပျက်ပြားလာပါမယ်။
⁃ ပြည်တွင်း + နယ်စပ် အားလုံးရပ်တန့်သွားသည်အထိ လုပ်ဆောင်ရပါမယ်။
⁃ နောက်ဆုံး ရှေ့တန်းကိုရိက္ခာထောက်ပံ့ပစ္စည်းမပို့နိုင်‌၊ မြို့တွင်းရှိရဲများကိုပါ အစားအစာမထောက်ပံ့နိုင်သည်အထိ ဖြစ်ရပါမယ်။

(၂) ဝင်ငွေထောက်ပံ့ကြေး ဖြတ် 🚫

⁃ ပြည်တွင်းပြည်ပ ငွေအဝင်ထွက် စီးပွားရေးပိတ်ဆို့မှု( sanction ) လုပ်ရပါမယ်
⁃ ဝင်ငွေမရှိရှင် တပ်ပျက်ပါပြီ
⁃ မြဝတီဘဏ်အဖြစ် နဲ့ ဘုရားဘဏ္ဍာကိုခိုးနေရတဲ့အဖြစ်ကိုကြည့်ရင် သိသာပါတယ်
⁃ သူတို့စီးပွား‌ေရးတွေကို ပြည်တွင်းမှာလည်း boycott လုပ်ရပါမယ်
ဥပမာ City Mart ကမြန်မာဘီယာမရောင်းတော့တာမျိုး ၊ UMD ကိုလုပ်တာမျိုး တွေလိုအပ်ပါတယ်
⁃ ရှေ့ဆက်ပြီး ပြည်သူတွေနဲ့စီးပွားရေးသမားတွေကလည်း အာဏာသိမ်းအကြမ်းဖက်အုပ်စုကို ပြည်တွင်းစီးပွားရေးစနစ်နဲ့ ဈေးကွက်ထဲကပါ လုံးလုံး ပထုတ်ရပါမယ်။ သူတို့တွေမပါတဲ့ဈေးကွက်တစ်ခုဖန်တီးရပါမယ်။ တစ်ချိန်ထဲမှာ ပြည်ပကစီးပွားရေးပိတ်ဆို့မှုတွေက အာဏာသိမ်းအကြမ်းဖက်အုပ်စုပိုင်လုပ်ငန်းတွေကို ချိန်ရွယ်ပြီးအရှိန်အဟုန်တိုးပိတ်ပင်ဖျက်ဆီးသွားရပါမယ် ။
⁃ အခုဆိုရင် CRPH ကနေစစ်ကောင်စီကို terrorist group ဆိုပြီး‌ေကြညာတာအစပဲရှိပါသေးတယ်။ အမေရိကန်အစိုးရနဲ့သူတို့ရဲ့မဟာမိတ်တွေကပါဒါကိုအခြေခံပြီး terrorist group လို့ကြေညာသတ်မှတ်လိုက်ရင် သူပုန်တွေလုံးဝဆက်ရှင်သန်လို့မရတော့အောင် အဖြတ်အတောက်၊ ပိတ်ဆို့မှုတွေလုပ်လို့ရပါပြီ ။ Terrorist group ဆိုရင်တရုတ်တောင်မှမကယ်နိုင်တော့တဲ့ အနေအထားဖြစ်ပါတယ် ။ တရုတ်ဘက်ကလည်း အာဏာသိမ်းစစ်ကောင်စီတွေအခြေနေမဟန်တော့ရင် ရူးသလိုလိုပေါသလိုလိုနဲ့အသာလေးရှောင်သွားပါလိမ့်မယ်။ တရုတ်ဟာ သူတို့အကျိုးအမြတ် တစ်ခုတည်းကုိသာ ကြည့်တတ်တာဖြစ်လို့ ရှုံးမယ်ထင်ရင် သေချာပေါက်လက်လွှတ်ပါလိမ့်မယ်။

(၃) သတင်းအချက်လက်ရနိုင်ရေး ဖြတ် 🚫

⁃ မြို့တွေမှာရှိတဲ့ CCTV camera တွေမရရအောင်ဖျက်ပါ။
⁃ ရပ်ကွက်ထဲက ဒလန်တွေမရရအောင်ဖော်ပြီး မောင်းထုတ်ပါ။
⁃ Live video တွေလွှင့်တဲ့အခါ ကိုယ့်ဘက်ကအနေအထားကို ရန်သူဘက်ကမသိသွားအောင်တတ်နိုင်သလောက်သတိထားပါ။
⁃ ထောက်လှမ်းရေးရသလောက်လုပ်ပါ။
တစ်ဖက်အဖွဲ့ရဲ့ FB group တွေ၊ သူတို့ group chat တွေပါမရရအောင်ဝင်စုံစမ်းပါ။ ဒလန်တွေနောက်ခြေရာခံနိုင်ရင်လည်းလုပ်ပါ။
⁃ အခုလက်ရှိမှာ အာဏာသိမ်းအကြမ်းဖက်အုပ်စုပိုင် FB Page တွေအကုန်ပြုတ်သွားပါပြီ ဖြစ်ပါတယ်။ အကောင့်တွေကိုပါ အင်တိုက်အားတိုက် report ထုကြဖို့လိုပါတယ်။ Acc Report လုပ်မယ့်အဖွဲ့တွေထောင်ပါ။ အဖွဲ့ရဲ့ group ထဲမှာ share ပြီဆိုရင် ဝိုင်းပြီး report ထုပေးကြပါ။ group ထဲမှာတော့ စိတ်ချရသူများကိုပဲ စီစစ်ပြီး ထည့်ပေးပါ။

(၄) လူအင်အား ဖြတ် 🚫

⁃ ရဲ နဲ့ တပ်က အင်အားနည်းနေပါပြီ။ တစ်နေ့က တောင်ငူမှာ နီးရာလေတပ်စခန်းကအင်အား ထုတ်သုံးနေရပါတယ် ။ သံလျင်ဘက် မှာလည်း ရေတပ်တွေထုတ်လာတာတွေ့ရပါတယ်။ တော်လှန်ရေးသမိုင်းမှာမကြုံစဖူးတွေပါ။ ရေတပ် လေတပ်ဆိုတာလည်း မြေပြင်မှာစစ်ဆင်ရေးအတွေ့အကြုံမရှိသလောက်ကိုနည်းပါတယ်။ တပ်ပျက်ခါနီးလို့ ရှိတဲ့အင်အားအကုန်ထုတ်သုံးနေရပါပြီ။
⁃ တိုင်းရင်းသားလက်နက်ကိုင်အဖွဲ့တွေဘက်ကလည်း များများတိုက်‌ပေးကြဖို့လိုပါတယ်။ KIA KNU ကိုတိုက်ရင်း အကြမ်းဖက်စစ်ကောင်စီတပ်တွေအကျအဆုံးများလာပါပြီ။ တပ်သား‌ေတွလည်း ထပ် မစုဆောင်းနိုင်ပါ။ ဒါကြောင့် တစ်ပြည်လုံးနေရာအနှံ့ဆက်လမ်းပေါ်ထွက်ကြဖို့ လိုပါတယ်။ တပ်နဲ့ရဲ ဦးရေဟာ တစ်နိုင်ငံလုံး ဖိနိုင်လောက်အောင် မလောက်ပါဘူး။ တိုင်းရင်းသားတွေနဲ့တိုက်ရာမှာစစ်ကူမပို့နိုင်အောင်နေရာအနှံ့ ဆက်ဆန္ဒပြပြီး ဖိအားပေးပါ။ ဗျူဟာအရကြည့်မယ်ဆိုရင် အကြမ်းဖက်အဖွဲ့ဟာ စစ်မျက်နှာပြင်အများကြီးကိုမနိုင်ပါဘူး။ စစ်အာဏာရှင် ကျဆုံးချိန်နီးလာပါပြီ။
⁃ ရဲတွေလည်း CDM လုပ်ဖို့ဆက်ဖိအားပေးပါ။

အရေးတော်ပုံအောင်ရမည်။ ❤️

တစ်ပွဲတစ်လေလောက် ရှုံးရင်တောင် လျော့သွားတဲ့ MMR , Win Rate ကို တစ်ညလုံး ပြန်ရှာတဲ့ Gamer တွေ လုယူခံလိုက်ရတဲ့ Democracy ကို လက်လွှတ်ပေးရအောင် ငါတို့စိတ်ဓာတ်တွေ မပျော့ည့ံဘူး

Rank match မှာ Global squad တွေ ပါလာရင်တောင် အနိုင်ရဖို့ပဲ တွေးတဲ့ငါတို့အတွက်
လက်နက်နဲ့ဖြဲချောက်တိုင်း ​မကြောက်တတ်ဘူး

Game ဆော့ရင်တောင် Role ပြောင်းပေးတတ်တဲ့ ငါတို့က နိုင်ငံ့အတွက် ဘယ်နေရာကဝင်ပါရပါရ လက် မတွန့်ဘူး

ဒီတိုက်ပွဲမှာ သွေးမအေးကြေး
ဒီတိုက်ပွဲက အနာဂတ်အတွက်
ဒီတိုက်ပွဲက ဒီမိုကရေစီအတွက်
ဘယ်တော့မှသွေးမအေးကြေး

ဖိရင်ကြွထိရင်ချ
အရေးတော်ပုံအောင်ရမည်

Mandalay Universities' Esports Community ၏ သဘောထား ထုတ်ပြန်ချက်

အနာဂတ်တွေကို မရင်းနိုင်ပါ

ယခုလက်ရှိဖြစ်ပေါ်နေသော အနေအထားများအရ ကျွန်တော်တို့ ကျင်းပရန် စီစဉ်ထားသော ပွဲစဉ်များအားလုံးကို ရက်အကန့်အသတ်မရှိ ရွှေ့ဆိုင်းလိုက်ပါသည်

ထို့အတူ ကျွန်တော်တို့ တစ်ဖွဲ့လုံးသည် ရှေ့တန်းကဦးဆောင်နေသော စီနီယာ အစ်ကို အစ်မ ဆရာ ဆရာမ များ၏ Civil disobedience လုပ်ရပ်များကို အပြည့်အဝထောက်ခံပါသည်

We stand with MTUSU

အနာဂတ်တွေရင်းရမဲ့အခြေအနေကို လက်ပိုက်ပီးကြည့်မနေနိုင်ပါဘူး

ကိုဗစ်ကြောင့်ဒစ်လည်နေတဲ့ ဘဝ တေကို ထပ်ပီး အနိုင်ကျင့်တဲ့ မင်းတို့ကို ချီးထက်ရွံပါတယ် 🙂

အခြေအနေတွေတည်ငြိမ်တဲ့ထိ အရာအားလုံးကို ရွှေ့ဆိုင်းထားပါမယ် အားလုံး ပဲ အဆင်ပြေကြပါစေ

" မင်းကျောင်းထက် ငါ့ကျောင်းကပိုမိုက်တယ် "
Feb ထဲ မှာ စတင်ကျင်းပသွားမဲ့ Universities Invitational Cup (UIC) ပွဲ အတွက် MTU က Mlbb အသင်းတွေအနေနဲ့ ကျောင်းကိုယ်စားပြုယှဥ္ပြိုင်ဖို့ အဆင်သင့်ဖြစ်နေကြပီလား 🤔🤔

ပါဝင်မဲ့ University တွေအနေနဲ့
MTU , UMM , UOPM , UDMM , TUM , MU , UCSM , TUK တို့နဲ့ အတူ Private Uni ဖြစ်တဲ့ STI တို့ပဲ ဖြစ်ပါတယ် 😍😍

ဘယ်အသင်းက Mandalay Region ရဲ့ ပထမဆုံးအကြိမ် ကျင်းပတဲ့ UIC ရဲ့ Champion ဖြစ်လာမလဲ ???

Hello guys!!! ဘာလဲ ပွဲမရှိဘူးဆိုပီး ပျင်းနေပီလား ? ဒီ Page admin တွေ အလုပ်မလုပ်ဘူးလို့ တွေးနေပီလား :3

ဒီ တစ်ခု က တကယ်ကို ထူးခြားပါလိမ့်မယ် ။ Covid ကာလ အတွင်း last online tournament တစ်ခုလဲ ဖြစ်လာပါလိမ့်မယ်

ကျောင်းကိုကိုယ်စားပြုပီးယှဥ္ပြိုင်ရမှာမို့ training စ ဆင်းဖို့ တော့ လိုအပ်နေပီနော်

ဘယ်ကျောင်းတွေပါမလဲ ဆိုတာနဲ့ ပြိုင်ပွဲရဲ့ Information အပြည့်အစုံကို သိပ်မကြာခင် ရက်ပိုင်းမှာ ထပ်ပီး တင်ဆက်ပေးပါမယ်

Let's do this guys !!!

တစ်ခုခု ကတော့ သင်တို့ဆီ လာနေပါပီ ။
အဲတစ်ခုခုက ဘာဖြစ်မယ်လို့ ထင်မိကြလဲ .....?

Just Wait for the moment🤩🤩

လုံးဝ ဂုဏ်မငယ်စေခဲ့တာတော့ သေချာပါတယ် ။ တာဝန်ကျေခဲ့တာထက်လဲ ပိုပါတယ် ။ မြန်မာနိုင်ငံကလူငယ်တွေအတွက် Esports လမ်းသစ်ဖောက်တဲ့ပွဲလို့ ပြောလို့ရလောက်တဲ့ထိကို Burmese Ghouls တို့ စွမ်းဆောင်နိုင်ခဲ့ပါတယ် ။

Congratulation Burmese Ghouls 🇲🇲🇲🇲🇲🇲🇲🇲🇲🇲