Paragon Gym

🍚 ထမင်းစားရင် ဝိတ်တက်လား?

Weight loss လုပ်နေတဲ့အချိန်မှာ လူအများဆုံးပြောကြတာတစ်ခုက “ထမင်းလျှော့စား” “Carb ဖြတ်” “ညဘက်ထမင်းမစားနဲ့” ဆိုတာတွေပါ။

ဒါပေမယ့် ထမင်းကိုယ်တိုင်က ဝိတ်တက်စေတဲ့အစားအစာ မဟုတ်ပါဘူး။

ဝိတ်တက်တာ၊ ဝိတ်ကျတာက တစ်နေ့တာအတွင်း ကိုယ်စားသုံးတဲ့ စုစုပေါင်း energy, portion size, ကိုယ်လက်လှုပ်ရှားမှုနဲ့ overall eating pattern တွေပေါ်မှာ ပိုမိုမူတည်ပါတယ်။

White rice က carbohydrate ဖြစ်တာကြောင့် ကိုယ်ခန္ဓာအတွက် အဓိက energy source တစ်ခုဖြစ်ပါတယ်။ Gym ဆော့တဲ့သူတွေ၊ exercise လုပ်တဲ့သူတွေအတွက်လည်း carbohydrate က workout လုပ်ဖို့ energy ရစေဖို့ အသုံးဝင်ပါတယ်။ ⚡️

ဒါဆို white rice ကို များများစားလို့ရလား?

ဒီမှာ portion က အရေးကြီးလာပါတယ်။

ထမင်းတစ်ပန်းကန်လုံးအများကြီးစားပြီး ဆီများတဲ့ဟင်း၊ အကြော်၊ အချိုရည်၊ dessert တွေနဲ့ တွဲစားနေရင် total calories မြင့်သွားပြီး weight gain ဖြစ်နိုင်ပါတယ်။

ဒါက rice တစ်ခုတည်းကြောင့်မဟုတ်ဘဲ meal တစ်ခုလုံးနဲ့ တစ်နေ့တာစားသမျှပေါ် မူတည်တာပါ။

Weight loss လုပ်နေတယ်ဆိုရင် ထမင်းကို လုံးဝမဖြတ်ဘဲ balanced plate လုပ်စားကြည့်ပါ။

🥦 ½ plate Vegetables
🍗 ¼ plate Protein
🍚 ¼ plate Rice or other carbohydrates

ဒီလို protein နဲ့ vegetables တွဲစားပေးရင် meal က ပို balanced ဖြစ်လာပြီး စားပြီးနောက်လည်း ပိုပြည့်ဝနေစေနိုင်ပါတယ်။

Brown rice က white rice ထက်ပိုကောင်းလားဆိုရင် Brown rice နဲ့ whole grains တွေမှာ fiber ပိုများတတ်တဲ့အတွက် အာဟာရပိုင်းမှာ အကျိုးကျေးဇူးရှိနိုင်ပါတယ်။

ဒါပေမယ့် “Brown rice ပဲစားမှ ဝိတ်ကျမယ်” ဆိုတာလည်း မဟုတ်ပါဘူး။

White rice ကိုလည်း ကိုယ့်စားနေကျအစားအစာအဖြစ် သင့်တော်တဲ့ portion နဲ့ protein နဲ့ vegetables တွဲပြီး စားနိုင်ပါတယ်။

Carbs စားတာနဲ့ အဆီဖြစ်သွားတာ မဟုတ်ပါဘူး။ ထမင်းဖြတ်မှ ဝိတ်ကျမယ်ဆိုတာလည်း မဟုတ်ပါဘူး။ ညဘက်ထမင်းစားတာနဲ့ ချက်ချင်းဝိတ်တက်သွားတာမျိုးလည်း မဟုတ်ပါဘူး။

အဓိကဂရုစိုက်ရမှာက စားတဲ့ပမာဏ၊ meal balance, protein နဲ့ fiber ပါဝင်မှု၊ တစ်နေ့တာ overall food intake, ကိုယ်လက်လှုပ်ရှားမှုနဲ့ ရေရှည်ထိန်းနိုင်တဲ့ eating habits တွေပါ။

Weight loss ဆိုတာ ကိုယ်ကြိုက်တဲ့အစားအစာအားလုံးကို ဖြတ်ပစ်ရတာ မဟုတ်ပါဘူး။

ကိုယ်နေ့တိုင်းစားနေကျ ထမင်းကိုပါ balance ဖြစ်အောင်စားရင်း ဝိတ်ချနိုင်ပါတယ်။ 🍚🤍

ထမင်းကို မကြောက်ပါနဲ့။ Portion ကိုသိပြီး စားတတ်ဖို့က ပိုအရေးကြီးပါတယ်။

🌸 Workout မလုပ်ခင်နဲ့ လုပ်ပြီး ဘယ်လိုစားမလဲ?

Workout မှာ energy ကောင်းကောင်းရှိဖို့နဲ့ workout ပြီးရင် ခန္ဓာကိုယ်ပြန်လည်နာလန်ထူဖို့ အစားအသောက်စားတဲ့ အချိန်နဲ့ ပမာဏ ကလည်း အရေးကြီးပါတယ်။

💗 Workout မလုပ်ခင် 2–4 နာရီ

Carbohydrate နဲ့ protein ပါတဲ့ balanced meal တစ်နပ်စားနိုင်ပါတယ်။

Carbohydrate က လေ့ကျင့်ခန်းလုပ်တဲ့အချိန်မှာ အသုံးပြုမယ့် energy ကို ပေးပါတယ်။ Protein ကလည်း ကြွက်သားအတွက် လိုအပ်တဲ့ amino acids ရရှိစေပါတယ်။

Rice + chicken + vegetables, oatmeal + yogurt + fruit, eggs + toast + fruit လိုမျိုး စားနိုင်ပါတယ်။

🌸 Workout မလုပ်ခင် 30–60 မိနစ်

Workout လုပ်ဖို့ နီးနေပြီဆိုရင် meal အကြီးကြီးထပ်စားမယ့်အစား အစာကြေလွယ်တဲ့ carbohydrate snack နည်းနည်းကို ရွေးတာ ပိုအဆင်ပြေပါတယ်။

Banana, toast, fruit, oatmeal နည်းနည်းလိုမျိုး စားနိုင်ပါတယ်။

ဒီအချိန်မှာ အဆီများတဲ့၊ fiber အရမ်းများတဲ့၊ portion အရမ်းကြီးတဲ့အစားအစာတွေက အစာချေဖို့ကြာပြီး workout လုပ်တဲ့အချိန် ဗိုက်မအီမသာ ဖြစ်စေနိုင်ပါတယ်။

💗 ဘယ်လောက်စားရင် များလွန်းသလဲ?

လူတိုင်းအတွက် တူညီတဲ့ portion မရှိပါဘူး။

Workout စချိန်မှာ ဗိုက်အရမ်းပြည့်နေတယ်၊ လေးနေတယ်၊ ပျို့ချင်တယ်၊ အစာပြန်တက်တယ်၊ လှုပ်ရှားရခက်တယ်ဆိုရင် အစာများလွန်းတာ ဒါမှမဟုတ် workout နဲ့ အရမ်းနီးပြီး စားထားတာ ဖြစ်နိုင်ပါတယ်။

အလွယ်မှတ်ရင်

Meal ကြီး → 2–4 နာရီအလို
Snack သေးသေး → 30–60 မိနစ်အလို

🌸 Workout လုပ်နေတုန်း

Workout 60 မိနစ်အောက် ဆိုရင် လူအများစုအတွက် ရေသောက်တာနဲ့ လုံလောက်တတ်ပါတယ်။

Workout 60 မိနစ်ကျော်ပြီး intensity မြင့် ရင် carbohydrate 30–60 g တစ်နာရီလျှင် ရရှိတာက energy ကို ထိန်းထားဖို့ အသုံးဝင်နိုင်ပါတယ်။

Boxing လို ကြာကြာနဲ့ ပြင်းပြင်းထန်ထန် training လုပ်တဲ့နေ့တွေမှာ ဒီအချက်က ပိုအရေးကြီးပါတယ်။

💗 Workout ပြီးရင်

Workout ပြီးတာနဲ့ 30 မိနစ်အတွင်း မဖြစ်မနေ အစားအစာစားရမယ်ဆိုတာ မဟုတ်ပါဘူး။

ဒါပေမယ့် အချိန်သင့်တော်တဲ့အချိန်မှာ protein + carbohydrate ပါတဲ့ meal စားပေးတာက recovery အတွက် ကောင်းပါတယ်။

Protein က ကြွက်သားပြန်လည်ပြုပြင်ဖို့ ကူညီပြီး carbohydrate က exercise လုပ်တဲ့အချိန် အသုံးပြုထားတဲ့ glycogen ကို ပြန်ဖြည့်ပေးပါတယ်။

Rice + chicken + vegetables, fish + potatoes, eggs + toast + fruit, Greek yogurt + fruit + oats လိုမျိုး စားနိုင်ပါတယ်။

🌸 Protein ဘယ်လောက်လိုလဲ?

Strength training လုပ်သူတွေအတွက် meal တစ်ကြိမ်မှာ 20–40 g protein လောက်ရရှိအောင် စားတာက muscle protein synthesis ကို support လုပ်နိုင်ပါတယ်။

တစ်နေ့တာ protein ကို meal တစ်နပ်တည်းမှာ အများကြီးစားတာထက် တစ်နေ့တာ meals တွေထဲ ခွဲစားတာ ပိုကောင်းပါတယ်။

Protein shake မဖြစ်မနေ မလိုပါဘူး။ ပုံမှန်အစားအစာကနေ protein လုံလောက်ရင်လည်း ရပါတယ်။

💗 Boxing & Zumba

ဒီလို intensity မြင့်ပြီး လှုပ်ရှားမှုများတဲ့ workout တွေမှာ carbohydrate က အရေးကြီးပါတယ်။

Carbohydrate ကို အရမ်းလျှော့ထားရင် workout လုပ်တဲ့အချိန် energy မရှိတာ၊ မြန်မြန်ပင်ပန်းတာနဲ့ performance ကျတာတွေ ဖြစ်နိုင်ပါတယ်။

🌸 Strength Training

Strength training အတွက် protein တစ်မျိုးတည်းကိုပဲ အာရုံမစိုက်သင့်ပါဘူး။

Carbohydrate က training လုပ်ဖို့ energy ပေးပြီး protein က workout ပြီးနောက် muscle recovery နဲ့ muscle building ကို support လုပ်ပါတယ်။

💗 Yoga

ပေါ့ပေါ့ပါးပါး Yoga session ဆိုရင် special pre-workout meal ကြီး မလိုအပ်တတ်ပါဘူး။

ဗိုက်ဆာရင် အစာကြေလွယ်တဲ့ snack နည်းနည်းစားနိုင်ပါတယ်။ Meal ကြီးစားထားရင်တော့ Yoga မလုပ်ခင် အစာချေဖို့ အချိန်ပေးတာ ပိုအဆင်ပြေပါတယ်။

💧 ရေသောက်ဖို့လည်း မမေ့ပါနဲ့

Workout မစခင်ကတည်းက ရေဓာတ်ပြည့်ဝနေဖို့ အရေးကြီးပါတယ်။

Workout လုပ်နေတုန်း ရေကို ပုံမှန်သောက်ပါ။ အချိန်ကြာကြာ လေ့ကျင့်တာ၊ အပူချိန်မြင့်တာနဲ့ ချွေးအများကြီးထွက်တာဆိုရင် fluid နဲ့ electrolytes ပိုလိုနိုင်ပါတယ်။

Carbs = Workout အတွက် Fuel ⚡
Protein = Muscle Repair & Recovery 💪
Water = Hydration 💧

Workout လုပ်တယ်ဆိုပြီး carbohydrate ဖြတ်တာ၊ အစာမစားဘဲနေတာ၊ protein ကို အများကြီးစားတာမျိုးထက် ကိုယ့် workout intensity နဲ့ ကိုက်ညီအောင် အာဟာရမျှတစွာစားတာက ပိုအရေးကြီးပါတယ်။

👴👵 အသက် ၈၀ ကျော် လူကြီးတွေ ကျန်းကျန်းမာမာနဲ့ သန်သန်မာမာ နေနိုင်ဖို့ ဘယ်လိုစားပြီး ဘယ်လိုလေ့ကျင့်ခန်းလုပ်သင့်လဲ? ❤️

အသက် ၈၀ ကျော်လာတဲ့အခါ အရင်လို အားအင်မပြည့်တော့တာ၊ ကြွက်သားနည်းလာတာ၊ လမ်းလျှောက်ရတာ နည်းနည်းခက်လာတာတွေ ဖြစ်တတ်ပါတယ်။

ဒါကြောင့် အနားယူနေရုံထက် ကိုယ်ခံနိုင်သလောက် လှုပ်ရှားပေးပြီး အာဟာရပြည့်အောင် စားပေးဖို့ အရေးကြီးပါတယ်။

အဓိကကတော့ ကြွက်သားမလျော့ဖို့၊ ဟန်ချက်ကောင်းဖို့၊ လမ်းလျှောက်နိုင်ဖို့နဲ့ နေ့စဉ်ဘဝမှာ ကိုယ့်အလုပ်ကိုယ် ဆက်လုပ်နိုင်ဖို့ ပါ။ 🌿

🏋️‍♂️ ဘယ်လိုလေ့ကျင့်ခန်းတွေ လုပ်သင့်လဲ?

အရမ်းပြင်းတဲ့ လေ့ကျင့်ခန်းတွေ လုပ်စရာမလိုပါဘူး။ ကိုယ်ခံနိုင်တဲ့အတိုင်း ဖြည်းဖြည်းနဲ့ ပုံမှန်လုပ်ပေးတာ ပိုကောင်းပါတယ်။

🚶 လမ်းလျှောက်ခြင်း
နေ့တိုင်း ပေါ့ပေါ့ပါးပါး လမ်းလျှောက်ပေးတာက ခန္ဓာကိုယ်လှုပ်ရှားမှုကို ထိန်းထားနိုင်သလို နှလုံးနဲ့ အဆုတ်ကျန်းမာရေးအတွက်လည်း ကောင်းပါတယ်။

🏋️ ကြွက်သားအားကောင်းအောင် လေ့ကျင့်ခြင်း
တစ်ပတ်ကို ၂ ရက်လောက် လုပ်ပေးနိုင်ပါတယ်။ ထိုင်ခုံပေါ်ကနေ ဖြည်းဖြည်း ထိုင်၊ ထ လုပ်တာ၊ နံရံကို လက်ထောက်ပြီး push-up လုပ်တာ၊ ရေပုလင်းအသေးလေး ကိုင်ပြီး လက်မောင်းလေ့ကျင့်တာမျိုးတွေက စလုပ်ဖို့ လွယ်ပါတယ်။

⚖️ ဟန်ချက်ထိန်းတဲ့ လေ့ကျင့်ခန်း
အသက်ကြီးလာရင် လဲကျတာကို ပိုဂရုစိုက်ရပါတယ်။ လိုအပ်ရင် ထိုင်ခုံကို ကိုင်ထားပြီး လုံလုံခြုံခြုံ လုပ်ပေးပါ။

🧘 အကြောလျှော့ခြင်း
ခန္ဓာကိုယ် တောင့်တင်းမနေဘဲ လှုပ်ရှားရလွယ်အောင် ပေါ့ပေါ့ပါးပါး အကြောလျှော့ပေးလို့ရပါတယ်။

နေ့တိုင်း အရမ်းပင်ပန်းအောင် လုပ်စရာမလိုပါဘူး။ ခန္ဓာကိုယ်ကို အနားပေးဖို့လည်း မမေ့ပါနဲ့။ ❤️

🥗 ဘယ်လိုစားသင့်လဲ?

အသက်ကြီးလာတဲ့အခါ အစားနည်းလာရင် ကြွက်သားပါ လျော့သွားနိုင်ပါတယ်။ ဒါကြောင့် စားတဲ့အစားတိုင်းမှာ Protein ပါအောင် သတိထားပေးပါ။

ကြက်ဥ၊ ငါး၊ ကြက်သား၊ နို့၊ Yogurt၊ Tofu နဲ့ ပဲအမျိုးမျိုးလို စားနေကျအစားအစာတွေကနေ Protein ရနိုင်ပါတယ်။

ဝါးရခက်တဲ့ လူကြီးတွေဆို အသားနဲ့ငါးကို နူးနူးညံ့ညံ့ ချက်ပေးတာ၊ အသားကို နှုတ်နှုတ်စင်းပြီး ချက်ပေးတာ၊ စွပ်ပြုတ်လေး လုပ်ပေးတာမျိုးက ပိုစားရလွယ်ပါတယ်။

ဟင်းသီးဟင်းရွက်နဲ့ အသီးအနှံတွေလည်း မမေ့ပါနဲ့။ ရွှေဖရုံသီး၊ ကန်စွန်းရွက်၊ သင်္ဘောသီး၊ ငှက်ပျောသီး၊ Avocado နဲ့ Oats လို စားရလွယ်တဲ့အစားအစာတွေ ထည့်ပေးနိုင်ပါတယ်။

🍚 ဘယ်လောက်စားဖို့ လိုလဲ?

လူတစ်ယောက်နဲ့တစ်ယောက် လိုအပ်တဲ့ပမာဏ မတူပါဘူး။

အကြမ်းဖျင်းအားဖြင့် ကိုယ်အလေးချိန် 1 kg ကို တစ်နေ့ 30 kcal ခန့် လိုအပ်နိုင်ပါတယ်။

60 kg လောက်ရှိတဲ့ လူကြီးတစ်ယောက်ဆို တစ်နေ့ 1,800 kcal ဝန်းကျင် လိုအပ်နိုင်ပါတယ်။

🍳 Protein ကရော ဘယ်လောက်လိုလဲ?

60 kg လောက်ရှိတဲ့ လူကြီးတစ်ယောက်ဆို တစ်နေ့ Protein 60–72 g ခန့် ရအောင် စားပေးနိုင်ပါတယ်။

ဒါက အသား 60–72 g စားရမယ်လို့ ဆိုလိုတာ မဟုတ်ပါဘူးနော်။ တစ်နေ့လုံး စားသမျှအစားအစာထဲက Protein ကို ပေါင်းပြီး ပြောတာပါ။

ကြက်ဥ ၁ လုံးမှာ Protein 6 g လောက်၊ နို့တစ်ခွက်မှာ 8 g လောက် ရနိုင်ပါတယ်။ ငါးဟင်း ဒါမှမဟုတ် ကြက်သားဟင်း လက်ဖဝါးအရွယ်လောက်စားရင် Protein 20 g ကျော်လောက် ရနိုင်ပါတယ်။

ဒါကြောင့် မနက်စာမှာ ကြက်ဥနဲ့ နို့၊ နေ့လယ်မှာ ထမင်းနဲ့ ငါးဟင်း၊ ညစာမှာ ကြက်သားဟင်း ဒါမှမဟုတ် Tofu၊ ပဲဟင်းလိုမျိုး စားနေကျ မြန်မာအစားအစာထဲမှာပဲ Protein ပါအောင် ထည့်စားပေးလို့ရပါတယ်။

တစ်နပ်တည်း အများကြီးစားဖို့ မလိုပါဘူး။ မနက်၊ နေ့လယ်၊ ည အစားတိုင်းမှာ နည်းနည်းစီ ပါအောင်စားတာ ပိုလွယ်ပါတယ်။

အစားမဝင်တဲ့ လူကြီးတွေဆိုလည်း တစ်ခါတည်း အများကြီးမကျွေးဘဲ နည်းနည်းစီ မကြာခဏ စားပေးနိုင်ပါတယ်။ 🧡

💧 ရေဘယ်လောက်သောက်သင့်လဲ?

အသက်ကြီးလာတဲ့အခါ ရေငတ်တဲ့အာရုံ နည်းလာတတ်ပါတယ်။ ဒါကြောင့် ရေငတ်မှ သောက်တာထက် တစ်နေ့လုံး နည်းနည်းစီ မကြာခဏ သောက်ပေးတာ ပိုကောင်းပါတယ်။

👵 အမျိုးသမီးတွေဆို တစ်နေ့ 1.6 L ခန့်
👴 အမျိုးသားတွေဆို တစ်နေ့ 2.0 L ခန့် သောက်ပေးနိုင်ပါတယ်။

ရေတင်မကဘဲ နို့၊ စွပ်ပြုတ်လို အရည်ပါတဲ့အစားအစာတွေလည်း ပါဝင်ပါတယ်။

🧂 ဆား၊ အချိုနဲ့ ဆီကိုလည်း ပမာဏလေး ထိန်းပေးပါ

ငါးပိ၊ ငါးခြောက်၊ ငံပြာရည်လို ဆားများတဲ့အစားအစာတွေကို များများမစားဘဲ ချင်း၊ ကြက်သွန်ဖြူ၊ စပါးလင်၊ သံပရာသီးတို့နဲ့ အရသာတိုးပေးလို့ရပါတယ်။

အချိုရည်၊ အချိုမုန့်နဲ့ ဆီကြော်တွေကိုလည်း လုံးဝမစားရဘူးဆိုတာမျိုး မဟုတ်ဘဲ ပမာဏလေး ထိန်းစားပေးတာ ပိုကောင်းပါတယ်။

ကောင်းကောင်းစားပါ • နေ့တိုင်းလှုပ်ရှားပါ • အနားယူဖို့လည်း မမေ့ပါနဲ့ 🌿

⚠️လူတစ်ယောက်နဲ့တစ်ယောက် ကျန်းမာရေးအခြေအနေ မတူနိုင်ပါဘူး။ ဆီးချို၊ နှလုံး၊ ကျောက်ကပ် သို့မဟုတ် အခြားရောဂါရှိရင် စားသောက်ပုံနဲ့ လေ့ကျင့်ခန်းပမာဏကို ဆရာဝန် သို့မဟုတ် ကျန်းမာရေးပညာရှင်ရဲ့ အကြံပြုချက်နဲ့ ကိုက်ညီအောင် ပြင်ဆင်ပေးပါ။
-Admin Sammy

🥗 Paragon Gym Nutrition

ဒီနေ့ကစပြီး Paragon Gym Page မှာ Nutrition နဲ့ပတ်သက်တဲ့ အခြေခံ knowledge လေးတွေကို နားလည်လွယ်အောင် တစ်ခုချင်းစီ share ပေးသွားမယ်နော် 🤍

ပထမဆုံးအနေနဲ့ လူတိုင်းနီးပါး ကြားဖူးပေမယ့် တကယ်ဘာကိုဆိုလိုတာလဲ မသိသေးတဲ့ Calories အကြောင်းကနေ စကြမယ်။

✨ Calorie ဆိုတာဘာလဲ?

Calorie ဆိုတာ ကိုယ်စားတဲ့ food နဲ့ drinks တွေကနေ ရရှိတဲ့ energy ကိုတိုင်းတာတဲ့ unit တစ်ခုပါ။

ကိုယ်ခန္ဓာက energy ကို Gym ဆော့တဲ့အချိန်မှာပဲ သုံးတာမဟုတ်ပါဘူးနော်။

အသက်ရှူတာ၊ နှလုံးခုန်တာ၊ ဦးနှောက်အလုပ်လုပ်တာ၊ ကိုယ်အပူချိန်ထိန်းတာ၊ လမ်းလျှောက်တာ၊ အလုပ်လုပ်တာနဲ့ exercise လုပ်တာတွေအတွက်လည်း energy ကို တစ်နေ့လုံးအသုံးပြုနေပါတယ်။

🍚 Food ကနေ Calories ဘယ်လိုရလဲ?

Food တွေထဲက energy အဓိကပေးတဲ့ macronutrients တွေကတော့ —

Carbohydrate — 4 kcal/g
Protein — 4 kcal/g
Fat — 9 kcal/g

ဒါကြောင့် ကိုယ်စားတဲ့ food ထဲမှာ ဘယ် nutrient ဘယ်လောက်ပါလဲ၊ portion ဘယ်လောက်ရှိလဲဆိုတာပေါ်မူတည်ပြီး total calories က ကွာသွားနိုင်ပါတယ်။

ဥပမာ မုန့်ဟင်းခါးတစ်ပွဲ 🍜

မုန့်ဖတ်က carbohydrate အဓိကပေးတယ်၊
ငါးနဲ့ ကြက်ဥက protein ပါဝင်တယ်၊
အကြော်၊ ဆီနဲ့ toppings တွေထည့်ထားရင် fat နဲ့ total calories လည်း ပိုတိုးလာနိုင်ပါတယ်။

ဒါကြောင့် မုန့်ဟင်းခါးဆိုတိုင်း calories အတိအကျတူနေမှာမဟုတ်ပါဘူး။ Portion နဲ့ ထည့်ထားတဲ့ ingredients ပေါ်မူတည်ပြီး ကွာနိုင်ပါတယ်။

💗 Calories ကို ကြောက်ဖို့လိုလား?

မလိုပါဘူးနော်။

Calories က ကိုယ်ခန္ဓာအတွက် လိုအပ်တဲ့ energy ပါ။

အစားအစာတစ်ခု calorie များတယ်ဆိုပြီး “မကောင်းတဲ့ food” လို့ တန်းသတ်မှတ်လို့လည်း မရပါဘူး။ Food quality, nutrients, portion နဲ့ ကိုယ်တစ်နေ့တာစားသောက်ပုံတစ်ခုလုံးကို အတူကြည့်ဖို့လိုပါတယ်။

အချိန်ကြာလာတာနဲ့အမျှ ကိုယ်စားသုံးတဲ့ energy နဲ့ ကိုယ်ခန္ဓာအသုံးပြုတဲ့ energy ကြားက balance က body weight ပြောင်းလဲမှုနဲ့ ဆက်စပ်ပါတယ်။

ဒါပေမယ့် လူတိုင်းရဲ့ calorie needs က တူတူမဟုတ်ပါဘူး။ Body size, age, s*x, activity level နဲ့ ကိုယ်ခန္ဓာဖွဲ့စည်းပုံ စတာတွေကြောင့် တစ်ယောက်နဲ့တစ်ယောက် ကွာနိုင်ပါတယ်။

ဒါကြောင့် calories ကို လုံးဝဖြတ်ဖို့ထက်
ကိုယ်စားနေတဲ့ food, portion နဲ့ ကိုယ့်ခန္ဓာကိုယ်ရဲ့လိုအပ်ချက်ကို နားလည်လာဖို့ က ပိုအရေးကြီးပါတယ် 🤍

Nutrition ကို အရမ်းခက်ခက်ခဲခဲမလုပ်ဘဲ နေ့စဉ်ဘဝမှာ တကယ်အသုံးချလို့ရအောင် ဖြည်းဖြည်းချင်း share ပေးသွားမယ်နော် 🫶🏻