Shan State Football Association-SSFA

ရှမ်းပြည်နယ်ဘောလုံးအဖွဲ့ချုပ်ဥက္ကဌဖလား အသက်(၁၈)နှစ်အောက်အမျိုးသားဘောလုံးပြိုင်ပွဲ ဆုပေးပွဲပုံရိပ်များ…⚽️⚽️⚽️

👏🏻👏🏻👏🏻

ရှမ်းပြည်နယ်ဘောလုံးအဖွဲ့ချုပ်မှ မိသားစုနဲ့ထပ်တူဝမ်းနည်းမိပါသည်။
ကောင်ရာဘုံဘဝကိုရောက်ရှိပါစေလို့ဆုတောင်းပေးပါတယ်🙏🙏🙏

ဥက္ကဌ နှင့် အလုပ်အမှုဆောင်အဖွဲ့

ရှမ်းပြည်နယ်ဖူဆယ်ဒိုင်လူကြီးသင်တန်း (၁/၂၀၂၆)

၂၀၂၆ ခုနှစ်၊ ဒုတိယအကြိမ်မြောက် ကမ္ဘောဇ
ဖလား အလွတ်တန်း ဖိတ်ခေါ်အမျိုးသားဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနားကျင်းပ
=====================================

ရှမ်းပြည်နယ်အစိုးရအဖွဲ့၏ ကြီးကြပ်လမ်းညွှန်မှုများနှင့်အတူ ကျင်းပပြုလုပ်သည့် ဘောလုံးအားကစားအဆင့်အတန်းပိုမိုတိုးတက်မြင့်မားလာစေရေးအတွက် အားကစားနှင့်လူငယ်ရေးရာဝန်ကြီးဌာန ပြည်နယ်အားကစားနှင့်ကာယပညာဦးစီးဌာနမှကြီးမှူးကျင်းပပြုလုပ်သည့် ၂၀၂၆ခုနှစ်၊ဒုတိယအကြိမ်မြောက်
ကမ္ဘောဇဖလား အလွတ်တန်း ဖိတ်ခေါ်အမျိုးသားဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားက်ို ယနေ့ညနေ(၁၅း၀၀)နာရီအချိန်တွင် တောင်ကြီးမြို့၊ပြည်နယ်အားကစားကွင်း၌ ကျင်းပပြုလုပ်ခဲ့ပါသည်။

အဆိုပါအခမ်းအနားသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင် ၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိန်ဝင်း ၊ ပြည်နယ်စီးပွားရေးရာဝန်ကြီး ဦးခွန်သိန်းမောင် ၊ ပြည်နယ်သယံဇာတရေးရာဝန်ကြီး ဦးစိုင်းလိတ် ၊ ပြည်နယ်လမ်းပန်းဆက်သွယ်ရေးရာဝန်ကြီး ဦးနေဝင်းအောင် ၊ ပြည်နယ်တိုင်းရင်းသားရေးရာဝန်ကြီး ဦးအောင်ကြည်ဝင်း ၊ ပြည်နယ်ဥပဒေချုပ် ဦးစိုင်းကျော်ဇံ ၊ ပြည်နယ်ရဲတပ်ဖွဲ့မှူး ရဲမှူးချုပ် ကျော်ကျော်ဟန် ၊ ပြည်နယ်အားကစားနှင့်ကာယပညာဦးစီးဌာန ညွှန်ကြားရေးမှူး ဦးကျော်ကျော်သိန်း ၊ ပြည်နယ်လူငယ်ရေးရာဦးစီးဌာန ညွှန်ကြားရေးမှူး ဦးဝင်းဌေး ၊ အားကစားနှင့်ကာယပညာသိပ္ပံ(တောင်ကြီး) ကျောင်းအုပ်ကြီး ညွှန်ကြားရေးမှူး ဒေါ်နှင်းစန္ဒာဦး ၊ ရှမ်းပြည်နယ်ဘောလုံးအဖွဲ့ချုပ် ဥက္ကဌ ဦးစိုးလင်း ၊ KBZ BANK Head Of Bank Operations Shan and Kayah ဒေါ်စန္ဒာဝင်း နှင့် ပြည်နယ်/ခရိုင်/မြို့နယ်အဆင့်ဌာနဆိုင်ရာတာဝန်ရှိသူများ ၊ ပြည်နယ်ဘောလုံးဆပ်ကော်မတီအဖွဲ့ဝင်များ ၊ ပြိုင်ပွဲစပွန်ဆာကုမ္ပဏီများမှတာဝန်ရှိသူများ၊ဖိတ်ကြားထားသောဧည့်သည်တော်များ၊ ဆုရအသင်းများမှ အုပ်ချုပ်သူ / နည်းပြများ ၊ ပြိုင်ပွဲဝင်အားကစားသမားများ နှင့် ဘောလုံးအားကစားဝါသနာရှင်မိဘပြည်သူများ တက်ရောက်ခဲ့ကြကြောင်း သိရှိခဲ့ရပါသည်။

​ရှေးဦးစွာ ဆုချီးမြှင့်ခြင်းအခမ်းအနားမစတင်မီ ပြည်နယ်ဝန်ကြီးများနှင့်တာဝန်ရှိသူများက မွန်းလွဲ (၁၅း၀၀)နာရီအချိန်၌ ဗိုလ်လုပွဲစဥ်အဖြစ် ကာကွယ်ရေးဝန်ကြီးဌာန ကိုယ်စားပြု MOD FC အသင်း နှင့် ရှမ်းပြည်နယ်ကိုယ်စားပြု မြင့်မိုရ်ခမ်း​အသင်းတို့၏ယှဥ်ပြိုင်ကစားနေမှုများကို ကြည့်ရှုအားပေးကာ အဆိုပါပွဲစဥ်၌ မြင့်မိုရ်ခမ်းအသင်းက MOD FC အသင်းကို (၂) ဂိုး ၊ (၁) ဂိုးဖြင့် အနိုင်ရဗိုလ်စွဲသွားကာ ဆက်လက်၍ဆုချီးမြှင့်ပွဲအခမ်းအနားကိုကျင်းပရာ ယခုဘောလုံးပြိုင်ပွဲကို ပွဲစဥ်အစအဆုံး တာဝန်ယူဆောင်ရွက်ပေးခဲ့သော ဒိုင်လူကြီးများအား ရှမ်းပြည်နယ်ဘောလုံးအဖွဲ့ချုပ်ဥက္ကဌ ဦးစိုးလင်း ၊ ပြည်နယ်ရဲတပ်ဖွဲ့မှူး ရဲမှူးချုပ် ကျော်ကျော်ဟန် ၊ ပြည်နယ်ဥပဒေချုပ် ဦးစိုင်းကျော်ဇံ ၊ ပြည်နယ်တိုင်းရင်းသားရေးရာဝန်ကြီး ဦးအောင်ကြည်ဝင်း ၊ ပြည်နယ်လမ်းပန်းဆက်သွယ်ရေးရာဝန်ကြီး ဦးနေဝင်းအောင်တို့က အမှတ်တရဆုတံဆိပ်များကိုလည်းကောင်း ၊ ယနေ့ပွဲစဥ်တွင် Kpay Man Of the Match အကောင်းဆုံးအားကစားသမားဆုရရှိသွားသော မြင့်မိုရ်ခမ်းအသင်းမှ ကျောနံပါတ် (၂၃) မောင်ဖိုးသား ကို ငွေသားဆု (၅)သိန်းကျပ်အား KBZ BANK Head Of Bank Operations Shan and Kayah ဒေါ်စန္ဒာဝင်းက လည်းကောင်း ၊ ဒုတိယဆုရရှိသွားသော ကာကွယ်ရေးဝန်ကြီးဌာန ကိုယ်စားပြု MOD FC အသင်းကို တစ်ဦးချင်းဆုတံဆိပ်များအား ပြည်နယ်သယံဇာတရေးရာဝန်ကြီး ဦးစိုင်းလိတ်က လည်းကောင်း ၊ ငွေသားဆု ကျပ်သိန်း(၅၀၀)တိတိအား ပြည်နယ်စီးပွားရေးရာဝန်ကြီး ဦးခွန်သိန်းမောင်က လည်းကောင်း ၊ ပထမဆုရရှိသွားသော မြင့်မိုရ်ခမ်းအသင်းကို တစ်ဦးချင်းဆုတံဆိပ် အား ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိန်ဝင်းက လည်းကောင်း ၊ ငွေသားဆု ကျပ်သိန်း(၁၀၀၀)တိတိနှင့် တံခွန်စိုက်ဆုဖလားတို့အား ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင်က လည်းကောင်း ဆုများအသီးသီးပေးအပ်ချီးမြှင့်ခဲ့ကြပြီး အမှတ်တရ စုပေါင်းမှတ်တမ်းတင်ဓာတ်ပုံအားရိုက်ကူးခဲ့ကြကြောင်း သိရှိခဲ့ရပါသည်။

ရှမ်းပြည်နယ်မှ ပဏာမရွေးချယ်ခံရသောကစားသမားစာရင်း⚽️⚽️⚽️

မြန်မာ့လက်ရွေးစင် ယူ-၁၆ အသင်းအတွက် လူရွေးပွဲများပြုလုပ်ပြီး ပဏာမလူစာရင်း ထုတ်ပြန်

–-----------
မြန်မာနိုင်ငံဘောလုံးအဖွဲ့ချုပ် (MFF) သည် အနာဂတ်မြန်မာ့လက်ရွေးစင်အသင်းအတွက် အားထားရမည့် မျိုးဆက်သစ်လူငယ်များ ရှာဖွေဖော်ထုတ်ရန် ရည်ရွယ်၍ မြန်မာ့လက်ရွေးစင် ယူ-၁၆အသင်းအတွက် ပဏာမလူစာရင်းကို ထုတ်ပြန်ကြေညာပေးလိုက်ပါသည်။

ယခု ပဏာမလူစာရင်းကို ထုတ်ပြန်နိုင်ရန်အတွက် မြန်မာနိုင်ငံတစ်ဝှမ်းရှိ ဘောလုံးဝါသနာရှင်လူငယ်များအားလုံး ပါဝင်ခွင့်ရရှိစေရေး ရန်ကုန်၊ မန္တလေး၊နေပြည်တော်၊တောင်ကြီး၊ပုသိမ်နှင့် မော်လမြိုင်မြို့တို့တွင် အခြေပြု၍ ရွေးချယ်ပွဲများ ပြုလုပ်ခဲ့ခြင်းဖြစ်သည်။

ပဏာမလူစာရင်းတွင် ရွေးချယ်ခံရသည့် လူငယ်ကစားသမားများအနေဖြင့် မိမိတို့၏ အရည်အသွေးကို ထပ်မံပြသရမည့် နောက်ဆုံးအဆင့် လူရွေးချယ်ပွဲကို ဆက်လက်ယှဉ်ပြိုင်ရမည်ဖြစ်ပြီး အဆိုပါ ရွေးချယ်ပွဲအား မတ် ၁၉ ရက်၊ နံနက်ပိုင်းမှ စတင်၍ အမျိုးသား ဘောလုံးအကယ်ဒမီ(ရန်ကုန်)၊ မြက်ခင်းတုကွင်း၌ ပြုလုပ် သွားမည်ဖြစ်သည်။

ယင်း ရွေးချယ်ပွဲတွင် လူငယ်ကစားသမားများ၏ နည်းစနစ်ပိုင်း၊ ကြံ့ခိုင်မှုပိုင်းနှင့် အသင်းအလိုက် ကစားနိုင်မှုစွမ်းရည်များကို အနီးကပ်စိစစ်၍ အပြီးသတ်လူစာရင်းကို ဆက်လက်ရွေးချယ် သွားမည်ဖြစ်သည်။

ရှမ်းပြည်နယ်ဘောလုံးအဖွဲ့ချုပ်ဥက္ကဌဖလား အသက်(၁၈)နှစ်အောက်အမျိုးသားဘောလုံးပြိုင်ပွဲ ကွာတားပွဲစဉ်များ…

ရှမ်းပြည်နယ်ဘောလုံးဒိုင်လူကြီးသင်တန်းနှင့် ဒိုင်ကြီးကြပ်သင်တန်းဆင်းပွဲအခမ်းအနားကျင်းပ
=====================================

ရှမ်းပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် အားကစားနှင့်လူငယ်ရေးရာဝန်ကြီးဌာန ရှမ်းပြည်နယ်အားကစားနှင့်ကာယပညာဦးစီးဌာန၊မြန်မာနိုင်ငံဘောလုံးအဖွဲ့ချုပ်နှင့်ရှမ်းပြည်နယ်ဘောလုံးအဖွဲ့ချုပ်တို့မှ​ပူးပေါင်းကျင်းပပြုလုပ်သည့် ၁/၂၀၂၆ ဘောလုံးဒိုင်လူကြီးသင်တန်းနှင့် ဒိုင်ကြီးကြပ်သင်တန်းဆင်းပွဲအခမ်းအနားကို ယနေ့ ပြည်နယ်သင်တန်းခန်းမဆောင်၌ ကျင်းပခဲ့ရာ အခမ်းအနားသို့ အားကစားနှင့်လူငယ်ရေးရာဝန်ကြီးဌာန ပြည်နယ်အားကစားနှင့်ကာယပညာဦးစီးဌာန ညွှန်ကြားရေးမှူး (ကိုယ်စား) ဒုတိယညွှန်ကြားရေးမှူးဦကျော်သူဆွေ၊ မြန်မာနိုင်ငံဘောလုံးအဖွဲ့ချုပ်အလုပ်အမှုဆောင်နှင့်ဒိုင်ကော်မတီဥက္ကဌဦးလှတင့်၊ရှမ်းပြည်နယ်ဘောလုံးအဖွဲ့ချုပ် ဥက္ကဌ ဦးစိုးလင်းနှင့် ပြည်နယ်ဘောလုံးအဖွဲ့ချုပ်မှတာဝန်ရှိသူများ ၊ ဖိတ်ကြားထားသူများ ၊ မြန်မာနိုင်ငံဘောလုံးအဖွဲ့ချုပ်မှ ဒိုင်သင်တန်းနည်းပြဆရာများ ၊ သင်တန်းသားများတက်ရောက်ခဲ့ကြပါသည်။

ဆက်လက်၍ တာဝန်ရှိသူများမှ သင်တန်းဆင်းလက်မှတ်များပေးအပ်ရာ သင်တန်းသားများကလက်ခံရယူပြီး အစီအစဉ်အရ ရှမ်းပြည်နယ်ဘောလုံးအဖွဲ့ချုပ်ဥက္ကဌမှ သင်တန်းနည်းပြဆရာများနှင့် သင်တန်းသားထူးချွန်သူများကို အမှတ်တရလက်ဆောင်များပေးအပ်ခဲ့ပြီး သင်တန်းသားများမှလည်း သင်တန်းနည်းပြဆရာများအား ဒေသထွက်လက်ဆောင်များပေးအပ်ခဲ့ပြီး အမှတ်တရစုပေါင်းမှတ်တမ်းတင်ဓာတ်ပုံရိုက်ကူးခဲ့ကြပါသည်။

ရှမ်းပြည်နယ်အစိုးအရအဖွဲ့၏ကြီးကြပ်လမ်းညွှန်မှုဖြင့် ရှမ်းပြည်နယ်အားကစားနှင့်ကာယပညာဦးစီးဌာန၊မြန်မာနိုင်ငံဘောလုံးအဖွဲ့ချုပ်နှင့်ရှမ်းပြည်နယ်ဘောလုံးအဖွဲ့ချုပ်တို့ပူးပေါင်းဖွင့်လှစ်သော ဒိုင်လူကြီးသင်တန်း(၁/၂၀၂၆)ဖွင့်ပွဲအခမ်းအနားကို ယနေ့မနက်(၁၁:၀၀)နာရီအချိန်တွင် ပြည်နယ်အားကစားကွင်းတွင်ကျင်းပပြုလုပ်ခဲ့သည်။

အဆိုပါအခမ်းအနားကို ရှမ်ပြည်နယ်အားကစားနှင့်ကာယပညာဦးစီးဌာန ဒုတိယညွှန်ကြားရေးမှူး ဦးကျော်သူဆွေ၊မြန်မာနိုင်ငံဘောလုံးအဖွဲ့ချုပ်အလုပ်အမှုဆောင်အဖွဲ့ဝင်နှင့်ဒိုင်ကော်မတီဥက္ကဌ ဦးလှတင့်၊ရှမ်းပြည်နယ်ဘောလုံးအဖွဲ့ချုပ်ဥက္ကဌ ဦးစိုးလင်း နှင့် တာဝန်ရှိသူများ၊သင်တန်း
နည်းပြဆရာများနှင့်သင်တန်းသားများတက်ရောက်ခဲ့ကြပါသည်။

အခမ်းအနားအစီအစဉ်အရ ရှမ်ပြည်နယ်အားကစားနှင့်ကာယပညာဦးစီးဌာန ဒုတိယညွှန်ကြားရေးမှူး ဦးကျော်သူဆွေ၊မြန်မာနိုင်ငံဘောလုံးအဖွဲ့ချုပ်အလုပ်အမှုဆောင်အဖွဲ့ဝင်နှင့်ဒိုင်ကော်မတီဥက္ကဌ ဦးလှတင့်၊ရှမ်းပြည်နယ်ဘောလုံးအဖွဲ့ချုပ်ဥက္ကဌ ဦးစိုးလင်းတို့က အဖွင့်အမှာစကားအသီးသီးပြောကြားပြီး စုပေါင်းမှတ်တမ်းတင်ဓာတ်ပုံရိုက်ကူးကာအခမ်းအနားကိုရုတ်သိမ်းခဲ့ပါသည်။

ယခုဖွင့်လှစ်သောသင်တန်းအား ရှမ်းပြည်နယ်အတွင်းမှသင်တ်န်းသား(၄၈)ဦးတက်ရောက်ခဲ့ပြီး သင်တန်းကာလမှာ ၅.၃.၂၀၂၆ရက်မှ ၁၁.၃.၂၀၂၆ထိဖြစ်ပါသည်။

ယနေ့ယှဉ်ပြိုင်ကစားခဲ့သော HTI PHOUNG YOUTH FC 3-1 SAGAING UNITED FC ပွဲစဉ်တွင် KBZ PAY MAN OF THE MATCH ဆုကို HTI PHOUNG YOUTH FC အသင်းမှကျောနံပါတ်(၇) ငြိမ်းချမ်းအောင်ရရှိ⚽️⚽️⚽️

အဆိုပါဆုအား ရှမ်းပြည်နယ်ဘောလုံးအဖွဲ့ချုပ်တွဲဖက်အတွင်းရေးမှူးဦးအောင်အောင်မျိုးမှချီးမြှင့်ပေးအပ်ခဲ့ပါသည်။

Man Of The Match ငွေသားဆု(၅)သိန်းကျပ်အား KBZ PAY မှချီးမြှင့်ခြင်းဖြစ်ပါသည်။

ယနေ့ယှဉ်ပြိုင်ကစားခဲ့သော MYO MA 3-2 ROYAL CHINDWIN FC ပွဲစဉ်တွင် KBZ PAY MAN OF THE MATCH ဆုကို MYO MA FC အသင်းမှကျောနံပါတ်(၁၀) အောင်ကောင်းကျော် ရရှိ⚽️⚽️⚽️

အဆိုပါဆုအား ရှမ်းပြည်နယ်အားကစားနှင့်ကာယပညာဦးစီးဌာနဒုတိယညွှန်ကြားရေးမှူး ဦးကျော်သူဆွေမှချီးမြှင့်ပေးအပ်ခဲ့ပါသည်။

Man Of The Match ငွေသားဆု(၅)သိန်းကျပ်အား KBZ PAY မှချီးမြှင့်ခြင်းဖြစ်ပါသည်။