18/09/2026
သေမင်းနဲ့လက်တစ်ကမ်းအလိုထိ ဖြစ်သွားတာဆိုရင် ဘယ်သူမှယုံမှာမဟုတ်ဘူးဆိုတာသိတယ်
14ရက်နေ့ အေးဆေးကိတ်သွားပို့ပြီးဆိုင်ပြန်လာ အလုပ်တွေလုပ်နေခဲ့တာ နေ့လည်လောက်ကျတော့ အန်ရော ဝမ်းလဲသွားတော့ အထက်လန်အောက်လျောဖြစ်ပြီဆိုပြီး ဆေးပဲသောက်မယ်ဆိုပြီးဆိုင်ကနေစောစောပြန်ခဲ့တာ ဆိုင်ကလေးတွေညဘက်ကို မကြီးသက်သာရဲ့လားမေးတုန်းကတောင် နင်တို့အစ်မကကျန်းမာရေးဒေါင်ဒေါင်မြည်ပဲ မနက်ဖြန်အတွက်ကိတ်တွေပဲပြင်ထားပေးဖို့ပဲပြောခဲ့တယ်
15 ရက်နေ့ ပါပါးမွေးနေ့မှာ အိမ်ကမေမေကဒံပေါက်ချက်ကျွေးတယ် ပါပါးအတွက်မွေးနေ့ကိတ်ဘာညာ မလုပ်ရသေးဘူး အဲ့နေ့မနက် 8နာရီခွဲကို ပြနေခဲ့ဆေးခန်းကို ဝမ်းလျောပြီးအန်တာအကြိမ်ရေများနေပြီဆိုပြီး ပြခဲ့လို့ ဆရာဝန်က ဆေးချိတ်ပေးခဲ့တယ် ဆေးပေးတယ်
15ရက်နေ့ နေ့လည်ဆေးခန်းကအပြန်မှာပဲ ဆိုင်မှာခဏနားပြီး အိမ်ပေါ်တက်တာ ၃လွှာလောက်လေးကို ၂လွှာလောက်မှတင်ပြိုလဲနေပြီ ခဲအိုကမနည်းထိန်းထားလို့နောက်လန်မကျခဲ့တာ အိမ်ကကြားပြီး၃ယောက်လောက်အပေါ်ထိဆွဲတင်ခဲ့တယ်
15ရက်နေ့ နေ့လည် 1:00 PM ကနေ 3:00 PM အတွင်း
ရေသောက်ရင်ရေအန် ဆေးသောက်ရင်ဆေးအန် ကြက်ပေါင်းရည်ဆိုမမကပူမှာဆိုလို့မှုတ်မှုတ်ပြီးတိုက်ပေမယ့် ပါးစပ်ထဲကိုနည်းနည်းပဲရောက်တဲ့ထိ မလှုပ်နိုင်တော့ဘူး အန်တဲ့အရေအတွက်ဆို မရေတွက်နိုင်တော့ဘူး ခြေသလုံးကလဲကြွက်တွေတက်တာဆိုတာ
ခြေထောက်တွေဆိုအကြောတွေဆိုင်းတော့မယ် ကွေးနေပြီ လက်တွေလဲညိုပြီး အေးစက်နေပြီ
အောက်ကဆေးဆိုင်ကနေ pressure တိုင်းဖို့အပေါ်ရောက်လာတော့ 90/60
3:00 PM to 4:30PM
ဆရာဝန်ကိုစောင့်နေရင်းနဲ့ မွေးနေ့ကိတ်တွေကို မမကငိုပြီးလိုက် cancel ငွေပြန်လွှဲစရာရှိတာပြန်လွှဲပေးခဲ့တယ်
(ဒီနေ့လည်ဖြစ်ပြီးမနက်ဖြန်မှာထားတဲ့ကိတ်တွေပါcancel ရတာကိုလက်ခံပေးတဲ့ တကယ်ကိုကျေးဇူးတင်ရတဲ့ Customer က 99% ရှိပါတယ် 1% ကတော့ အပြောခံရတာပေါ့လေ ) မမကတော့ငိုပြီးအစ်မညီမအသက်လောက်ဘယ်ဟာမှအရေးမကြီးဘူးဆိုပြီး ပြောနေသံလဲကြားရပါတယ်
မမကCancel ဖုန်းတွေဆက်နေရင်းနဲ့ကို လူကမလှုပနိုင်ပဲ မဲပြာနေပြီ မေမေ့ကိုခဲအိုက အခြေအနေမကောင်းတော့ဘူးဆိုပြီးပြောတော့ မေမေကငိုပြီး ပြာယာခတ် သူ့အစ်မတွေဆီဆက်ပြီးငို ခဲအိုကတော့အောက်ကိုဆင်းပြီးအိမ်နားကနာမည်ရှိတဲ့ဆေးရုံကိုတင်ဖို့ဖုန်းဆက်ခဲ့ပေမယ့် အရေးပေါ်အခြေအနေဆိုရင် ရန်ကုန်ဆေးရုံကြီးကိုပဲလွှဲမှာလို့ အားလုံးကဝိုင်းပြောကြတော့ ကားမောင်းပို့ပေးဖို့အကိုလိုခင်ရတဲ့ကိုသူ့ကိုအကူအညီလှမ်းတောင်း ကိုသူကလဲချက်ချင်းရောက်လာပါတယ်
ကို့ကိုဆွဲမလိုက်တဲ့အချိန်မှာ မှန်ထဲတစ်ချက်မြင်မိတာ ကြောက်ဖို့တောင်ကောင်းတယ် ဒါငါမှဟုတ်ရဲ့လားပေါ့ မျက်တွင်းကအဆုံးထိကျပြီး မျက်ခုံးပဲပေါ်တော့တယ် ပါးတွေချိုင့်ပြီး လက်တွေ ခြေထောက်တွေကအကြောကပ်နေပြီလေ အောက်ထိကိုဘယ်လိုဆွဲချသွားကြလဲမသိဘူးတော့ဘူး ဘာတွေမမြင်ရဘဲဝေဝါးပြီး
ရန်ကုန်ဆေးရုံကြီး အရေးပေါ်ဌာနကိုရောက်သွားပါရော
ဝှီးချဲပေါ်လဲဘယ်လိုရောက်သွားလဲမသိဘူး
ကုတင်ပေါ်ရောက်ပြီး pressure တောင်စမ်းမရ မျက်ဖြူပါလန်နေပြီ နောက်နာရီဝက် ၁နာရီလောက်
နောက်ကျခဲ့ရင် ကိုဆိုတာမရှိတော့ဘူး ခဲအိုနဲ့ပါပါးကတော့ဆေးရုံတက်ဖို့ စာရွက်စာတမ်းတွေပြင်ဆင်ရတာပေါ့
အရေးပေါ်ဌာနကဆရာဝန်တွေကိုလဲကျေးဇူးတင်ရပါတယ် ဆေးထိုးဖို့ပြင်နေချိန်မှာ လက်ကိုမလှုပ်နဲ့နော်လို့ပြောသံတစ်ချက်ကြားရပေမယ့် ကို့မှာလှုပ်ဖို့ အားတစ်စက်မှမရှိဘူး ဆရာဝန်ရောက်လာပြီးလူနာအသိရှိလားလို့ ရသလောက်အားတင်းပြီးမျက်လုံးဖွင့်ပြခဲ့တယ် အသက်မေးလို့ နှစ့်ဆယ့်ကိုးဆိုပြီးပြောခဲ့မိတာ မှတ်မိတယ် ချက်ချင်းကိုဆေးတွေချိတ်ကြတာ ၂လုံးလောက်ချိတ်ပြီးချိန်မှာ pressure ပြန်တက်လာတယ် ၄လုံးလောက်ချိတ်ပြီးချိတ်ပြီးချိန်မှာတော့ စိတ်ချရတဲ့အခြေအနေရောက်ပါပြီတဲ့ အရေးပေါ်ဌာနက ၈လုံးချိတ်ပေးလိုက်ပြီး ဆေးရုံတက်ကိုတက်ရမှာမို့ အစ်မတစ်ဝမ်းကွဲတို့လင်မယားကလဲချက်ချင်းရောက်လာပြီး လိုအပ်တာဝယ်ပေးပြင်ဆင်ပေး အိမ်ကိုစောင်ခေါင်းအုံးဘာညာသွားယူပေးပြီး ဆေးရုံတက်ခဲ့ရတာပါ
လူနာစောင့်တဲ့သူများလို့မရတာကြောင့် ပါပါးပဲနေခဲ့ရပြီး ခဲအိုနဲ့မမကပြန်ခဲ့ရတယ် မေမေကတော့သူလိုက်မစောင့်ရလို့ အိမ်မှာစိတ်ပူငိုပြီးကျန်ခဲ့တာပေါ့
#15ရက်နေ့ ပါပါးမွေးနေ့မှာ ပါပါးရဲ့ဘုရားသခင်က ပါပါးမွေးနေ့အတွက်လက်ဆောင်ကို သူ့သမီးအငယ်လေးရဲ့အသက်ကိုပြန်ပေးခဲ့တယ်
15ရက်နေ့ တစ်ညလုံးပါပါးကမအိပ်ဘဲ
ဆေးကုန်တာနဲ့ချိတ်ပေး ကိုအိမ်သာသွားချင်ရင်လိုက်ပို့ပေး အန်ပြီးရင် အမှိုက်တွေသိမ်း tissue နဲ့သုတ်ပေး
လှဲလိုက်ရင်စောင်ခြုံပေးနဲ့ Ovaltine သောက်ချင်တယ်ဆိုရေနွေးသွားယူလာပြီးဖျော်ပေးနဲ့ အစစအရာရာမျက်စိဒေါက်ထောက်ကြည့်ပေးခဲ့တာ
16ရက်နေ့ မနက်ကျတော့ မမကစာပို့တယ် သားကြီးကသက်ပြင်းတွေပဲချနေပြီးတီတီ့ဆီသားသွားတွေ့လို့မရဘူးလားတဲ့မေးတယ်တဲ့ သားငယ်လေးက တီတီဘယ်တော့ပြန်လာမှာလဲမေးတယ်ဆိုတဲ့ မမကလဲ ငါ့မှာဒီညီမတစ်ယောက်လေးရှိတာငါနင့်ကိုချစ်တာပေါ့တဲ့ ကျန်းမာအောင်နေပါတဲ့ မိသားစုအားလုံးရဲ့ ကို့ကိုဘယ်လောက်ထိစိတ်ပူနေကြောင်း အရူးမီးဝိုင်းလိုဖြစ်နေကြကြောင်း စကားတွေကြားပြီး မျက်ရည်တောက်တောက်ကျတဲ့ထိ ငိုပြီး သောက်တိုင်းအန်ထွက်တဲ့ဓာတ်ဆားရည်ကို ၄လီတာသောက်ခဲ့တယ်
17ရက်နေ့မနက် ခေါင်းဖြီးပေးဆိုပြီးခေါင်းဖြီး ကျစ်ဆံမြီးကျစ်ခိုင်းပြီး နှုတ်ခမ်းကွဲနေလို့ နှုတ်ခမ်းနီပါဆိုးပြီး ဆရာဝန်လာတဲ့ထိ သန်မာအောင်နေပြီးငုတ်တုတ်ထထိုင်နေခဲ့တာ ဆရာဝန် round လှည့်တော့ အခြေအနေကောင်းပြီး ပြန်လို့ရပြီဆိုတာနဲ့ ပါပါးညဘက်စောင့်ပြီးမနက်ပြန်အိပ်ချိန်ကို အိမ်ကညီမလေးကမနက်တစ်ပိုင်းစောင့်ပေးတော့ သူကချက်ချင်းပျော်ပြီးပစ္စည်းတွေသိမ်း ခြုံထားတဲ့စောင်ပါသိမ်းတဲ့ထိသူပျော်နေတာ မမကိုဖုန်းဆက်တော့ မမကဝမ်းသာပြီးချက်ချင်းရောက်လာတာ ခဲအိုကဆေးရုံဆင်းဖို့စာရွက်စာတမ်းလုပ်ပေါ့ မိနစ် ၄၀လောက် စောင့်ပြီး စာရွက်ရလာတော့ ပျော်ပျော်ကြီး ပြန်ခဲ့ကြတယ် ဆေးရုံကိုလာကြိုပေးတဲ့အစ်မဝမ်းကွဲလင်မယားကိုလဲကျေးဇူးအများကြီးတင်ပါတယ် ဆေးရုံကဆင်းတာနဲ့ချက်ချင်းလာကြည့်တဲ့မအိကိုလဲကျေးဇူးတင်ပါတယ်
အိမ်ပြန်ရောက်တော့လဲ သားကြီးလေးကပြုံးပြီး သားငယ်လေးက သူ့မျက်စိအောက်ကအပျောက်မခံတော့ဘူး တီတီ့ကိုအရမ်းချစ်တာပဲဆိုပြီး ဘယ်သွားသွားတစ်ကောက်ကောက်လိုက်တော့တာပဲ
ဆေးရုံတက်နေစဉ်အတွင်း မေမေ့ကိုလူအား ငွေအား စိတ်ခွန်အားတွေပေးခဲ့တဲ့ သမီးရဲ့အဒေါ်တွေနဲ့ဦးလေးတွေကိုကျေးဇူးတင်ပါတယ်
လူနာသတင်းလှမ်းမေးဖို့ ဖုန်းဆက်တဲ့မိတ်ဆွေအားလုံးနဲ့ဆုတောင်းပေးခဲ့တဲ့မိတ်ဆွေတွေအားလုံးရဲ့ကျေးဇူးကြောင့် အခုလိုအမြန်ဆုံးဆေးရုံကဆင်းလာနိုင်ခဲ့တာပါ
ဆေးရုံတက်စဉ်ကာလမှာ ဂရုတစိုက်နဲ့ဆောင်ရွက်ပေးခဲ့ကြတဲ့ ရန်ကုန်ဆေးရုံကြီးက ဆရာဝန်များနဲ့သူနာပြုများ security များပါမကျန် အားလုံးကိုကျေးဇူးတင်ပါတယ်ရှင်
အပြည့်အဝအနားယူလိုက်ပါဦးမယ်ရှင် 🙏🏻
