Ultimate Sports Myanmar

ဗီနီးဆီးယက်စ် ဇာတ်လမ်း
===============

၂၈-၇-၂၀၂၆ ။

ဗီနီးဆီးယက်စ်ဟာ ဘရာဇီးရဲ့အဓိက ကစားသမားဖြစ်လာသလို ရီးယဲလ်မက်ဒရစ်မှာ ကြော်ငြာစပွန်ဆာအရဆုံး ကစားသမားလည်း ဖြစ်လာပါတယ်။ ဗီနီးဆီးယက်စ် နဲ့ ရီးယဲလ်မက်ဒရစ် စာချုပ်သစ် ချုပ်ဆိုဖို ဆွေးနွေးနေပြီး အာဆင်နယ်က အခြေအနေကို စောင့်ကြည့်နေပါတယ်။

တကယ်လို ဗီနီးဆီးယက်စ် နဲ့ ရီးယဲလ် အဆင်မပြေရင် အာဆင်နယ်က ဗီနီးဆီးယက်စ် ကို ခေါ်ယူဖို ရည်မှန်းထားပါတယ်။ ၂၀၂၇-၂၈ ဘောလုံးရာသီပြီးရင် ရီးယံလ်နဲ့ဗီနီးဆီးယက်စ် စာချုပ်သက်တမ်းကုန်မှာဖြစ်ပြီး ဒီနေ့အထိ ရီးယဲလ်ရဲ့ ရာသီကြိုလေ့ကျင့်ရေးအစီအစဉ်မှာ ဗီနီးဆီးယက်စ် မပါသေးပါဘူး။
ဒါပေမယ့်ပေါ့လေ....။

ဗီနီးဆီးယက်စ် လို စပွန်ဆာငွေအများကြီးရှာပေးနေတဲ့ ကစားသမားမျိုး ရွှေတွင်း ကစားသမားမျိုးကို ရီးယဲလ်မက်ဒရစ် ဘယ်လက်လွှတ်ခံပါ့မလဲ။
ဗီနီးဆီးယက်စ် မှာ စပွန်ဆာ (၁၆)ခုတောင် ရှိနေတယ်။

ပြီးခဲ့တဲ့ကမ္ဘာ့ဖလားမှာ ဒုတိယစပွန်ဆာအများဆုံးကစားသမားဟာ ဗီနီးဆီးယက်စ် ပါပဲ။ နေမာက စပွန်ဆာအများဆုံး ။ စပွန်ဆာ (၂၀)တောင်။

အားကျလိုက်တာ။

၂၀၂၂တုန်းက ရီးယဲလ်နဲ့စာချုပ်သစ်ချုပ်ဆိုရာမှာ ဗီနီးဆီးယက်စ်ဟာ သူ့စပွန်ဆာဝင်ငွေ တစ်ဝက်ကို ရီးယဲလ်ဆီ ပေးပါမယ်လို သဘောတူခဲ့ပါတယ်။ အခု ဗီနီးဆီးယက်စ် လစာ တိုးတောင်းနေပြီ။

ရီးယဲလ်က အမ်ဘက်ပေ လစာထက်ကျော်ပြီး ဗီနီးဆီးယက်စ် ကို မပေးချင်။

ဒါပေမယ့်ပေါ့လေ....။

( Ultimate team )

အပြောင်းအရွှေ့သတင်းများ
================

၂၇-၇-၂၀၂၆ ။

လီဗာပူးက အသက်၂၃နှစ်အရွယ် ဘာကိုလာကို ခေါ်ယူဖို့ ကြိုးပမ်းနေပါတယ်။ ဘာကိုလာကလည်း အသင်းပြောင်းချင်တဲ့ ဆန္ဓရှိနေပါတယ်။ ပီအက်စ်ဂျီကတော့ ဘာကိုလာပြောင်းရွှေ့ကြေးကို ပေါင် သန်း၁၄၀ စျေးခေါ်ထားပါတယ်။ လီဗာပူးဟာ ဆာလာနေရာ ဖြည့်တင်းဖို့ လိုအပ်နေတယ်။
===========

လီဗာပူးတိုက်စစ်မှူးဆာလာဆီက အကြောင်းပြန်ကြားချက်ကို မိမိတို့စောင့်မျှော်နေတယ်လို့ ဘက်ဆစ်တပ်ကလပ်အသင်းဥက္ကဌ အက်ဒလီက မီဒီယာတွေကို ဖွင့်ဟလိုက်ပါတယ်။ တူရကီကလပ် ဘက်ဆစ်တပ်ဟာ ဆာလာကို ခေါ်ယူဖို့ နောက်ဆုံးအကြိမ် ကမ်းလှမ်းထားပါတယ်။ မေဂျာလိဂ်ကလပ် စပို့တင်းကန်းဆက်စီးတီးကလည်း ဆာလာကို ၂နှစ်စာချုပ်ချုပ်ဆိုဖို့ ကမ်းလှမ်းထားပါတယ်။
============

မန်ယူနဲ့စာချုပ်သက်တမ်းကုန်ဆုံးသွားတဲ့ ဂျော်ဒန်ဆန်ချိုကို ကာတာကလပ် အယ်ရေးယန်က ခေါ်ယူဖို့ စိတ်ဝင်စားနေပါတယ်။ အသက်၂၆နှစ်အရွယ် ကလပ်လက်မဲ့ ဆန်ချိုကို လာလီဂါကလပ် အသလက်တီကိုကလည်း ခေါ်ယူဖို့ စိတ်ဝင်စားနေပါတယ်။
============

ဘရိုက်တန်နဲ့စာချုပ်ကုန်ဆုံးသွားတဲ့ အသက်(၁၈)နှစ်အရွယ် ဂိုးသမား ဖင်လေတေလာကို ဘလက်ဘန်းက ခေါ်ယူလိုက်ပါတယ်။ ဂိုးသမားတေလာဟာ ဘလက်ဘန်းရဲ့ စစ်ဆေးချက်တွေကို အထင်ကြီးလောက်ဖွယ် ဖြတ်ကျော်နိုင်ခဲ့ပါတယ်။
=============

ပေါ်တူဂီကလပ် ဘရာဂါ ဂိုးသမား ဟော်နီဆက် ကို နယူးကာဆယ်က ခေါ်ယူဖို့ စိတ်ဝင်စားနေပါတယ်။ ဟားလ်စီးတီးက ခေါ်ယူဖို့ ကမ်းလှမ်းခဲ့ပေမယ့် ဟော်နီဆက်က ပယ်ချခဲ့ပါတယ်။
============

ဆန်းဒါးလန်းနည်းပြ လီဘရစ်က အသင်းခေါင်းဆောင် ရှာခါကို ရောင်းချဖို့ အစီအစဉ်မရှိဘူးလို့ ဆိုလိုက်ပါတယ်။ ချဲလ်ဆီးနည်းပြသစ်အလွန်ဆိုက ရှာခါကို ခေါ်ယူဖို့ ချဉ်းကပ်နေလို့ လီဘရစ်က သတိပေးလိုက်တာပါ။
============

နယူးကာဆယ်ကွင်းလယ်လူ ဘရူနိုဂွီမာရေးက အာဆင်နယ်ဆီ ပြောင်းရွှေ့ချင်တယ်လို့ အသင်းတာဝန်ရှိသူတွေထံ တောင်းဆိုလိုက်ပါတယ်။ အာဆင်နယ်က ဂွီမာရေးကိုခေါ်ယူဖို့ ပေါင် ၇၅သန်းနဲ့ ကမ်းလှမ်းထားပါတယ်။
(ULTIMATE TEAM)

၂၀၂၆ ကမ္ဘာ့ဖလား ဗိုလ်လုပွဲစပိန် vs အာဂျင်တီးနားနံနက် ၁း၃၀ (၂၀-၇-၂၀၂၆) အမေရိကန် - နယူးယော့ခ်ကွင Enjoy the videos and music you love, upload original content, and share it all with friends, family, and the world on YouTube.