Online Betting Tips

Premier League ( ၅ ) ပွဲဆက်ဂိုးသွင်းထားတဲ့ Lewin

Merseyside ပွဲတို့ ထုံးစံအတိုင်း အကြိတ်အနယ်နဲ့ ပွဲကောင်းတစ်ပွဲ ဖြစ်ခဲ့ပါတယ်။ လက်ရှိ ချန်ပီယံ Liverpool အသင်းဟာ အဲဗာတန် အိမ်ကွင်းမှာ သရေ ( ၁ ) မှတ်ဖြင့်သာ ကျေနပ်ခဲ့ရပြီး နောက်ဆုံး ( ၃ ) ပွဲဆက် နိုင်ပွဲ ပျောက်ဆုံးခဲ့ရပါတယ်။ အဲဗာတန်အတွက် ဒုတိယချေပဂိုး သွင်းယူပေးခဲ့တဲ့ အင်္ဂလန်တိုက်စစ်မှူး Lewin ဟာ Premier League ရာသီအစ မှာ ( ၅ ) ပွဲဆက်တိုက် ဂိုးသွင်းယူနိုင်ခဲ့ပါတယ်။ Lewin ဟာ ယခုရာသီမှာ အဲဗာတန်အတွက် ပြိုင်ပွဲစုံ ( ၇ ) ပွဲကစားထားပြီး ( ၁၀ ) ဂိုးထိ သွင်းယူထားနိုင်တဲ့ သူလည်း ဖြစ်ပါတယ်။

စပါးအသင်းဟာ ဝေးလ် နောက်တန်းကစားသမား Joe Rodon ကို Swansea အသင်းမှ ပေါင် ( ၁၅ ) သန်းနဲ့ ခေါ်ယူနိုင်ခဲ့ပါတယ်။ လာမယ့် ဝက်ဟမ်း အသင်းနဲ့ ပွဲစဉ် အတွက် စပါးနည်းပြ မော်ရင်ဟိုက "Lo Celso နဲ့ Tanganga တို့ကပါဝင်နိုင်မှာမဟုတ်ပါဘူး၊ Gereth Bale က ပါချင် ပါနိုင်ပါတယ်၊ Eric Dier က ပေါင်ဒဏ်ရာ ကြောင့် မသေချာသေးဘူးဆိုပေမယ့် အတိအကျမသိသေးပါဘူးဟု" ပြောထားပါတယ်။ လက်ရှိစပါးအသင်းဟာ အိမ်ကွင်း မှာ နိုင်ပွဲမရှိသေးပါဘူး။အိမ်ကွင်း ( ၂ ) ပွဲ ကစားထားပြီး ( ၁ ) ပွဲ သရေ၊ ( ၁ ) ပွဲ ရှုံး ရလဒ်သာ ရရှိ ထားပါတယ်။

ဂျူဗင်တပ်စ်မှာ အနာဂတ်မရေရာတဲ့ Dybala

လက်ရှိစီးရီးအေချန်ပီယံ ဂျူဗင်တပ်စ် အသင်းဟာ ဒီနှစ် တိုက်စစ်မှူးဟောင်း အဲဗာရိုမိုရာတာကို ပြန်လည် ခေါ်ယူခဲ့ သလို တောင်ပံတိုက်စစ်ကစားသမား ကူလူဆက်စကီးနဲ့ ချီယေဇာ တို့ကို ခေါ်ယူအားဖြည့်ခဲ့တာကြောင့် လက်ရှိ အသင်းရဲ့ တိုက်စစ်ကစားသမား Dybala က သူ့ရဲ့နေရာ ပျောက်ဆုံးလာနိုင်သလို အနာဂတ်အခြေအနေတွေလဲ မရေမရာ ဖြစ်လာပါတယ်။ အသက် ( ၂၆ ) နှစ်အရွယ်ရှိ အာဂျင်တီးနား ကစားသမား Dybala ဟာ ကြွက်သား
ဒဏ်ရာ နဲ့ ဝမ်းဗိုက်နာကျင်မှုတွေကြောင့် အသင်းရဲ့ စီးရီးအေ အဖွင့်ပွဲစဉ်တွေကို လွဲချော်ခဲ့ရပြီး ခေါ်ယူထားတဲ့ ကစားသမားအသစ်တွေ ခြေစွမ်းပြနေနိုင်မှုကြောင့် တိုက်စစ်မှာ ပုံမှန်နေရာ ရရှိဖို့ အာမခံချက်ပေးနိုင်ဖွယ်မရှိတဲ့
အတွက် Dybala အနေနဲ့ အသင်းနဲ့ စာချုပ်သက်တမ်း တိုးဖို့ကိစ္စကို ပြန်လည် ဆန်းစစ်နေပြီး အသင်းနဲ့လမ်းခွဲရဖွယ် ရှိနိုင်တယ်လို့ သိရပါတယ်။

အင်္ဂလန်-ဒိန်းမတ် ပွဲစဉ်မှာ ပွဲအစတည်းက နှစ်သင်းလုံး အပြန်အလှန် ထိုးဖောက်မှုတွေကြောင့် ဘောလုံးပရိတ်သတ်တွေအတွက် ပွဲကောင်းတစ်ပွဲ ဖြစ်ခဲ့ရပါတယ်။ ပွဲချိန် ( ၃၁ ) မိနစ်အရောက်မှာတော့ အပြောင်းအလဲ တစ်ခု ဖြစ်ခဲ့ရပါတယ်။ ပွဲအစ ( ၅ ) မိနစ်ထဲက အဝါကဒ်ပြခံ ထားရတဲ့ Maguire ဟာ ( ၃၁ ) မိနစ်မှာပဲ ထပ်မံ အဝါကဒ် ပြသခံခဲ့ရပြီး ( ၂ ) ဝါ ( ၁ ) နီနဲ့ ထုတ်ပယ်ခံခဲ့ရတာပဲ ဖြစ်ပါတယ်။ ဒိန်းမတ်ရဲ့ အနိုင်ဂိုးကိုတော့ ပွဲချိန် ( ၃၅ ) မိနစ်မှာ ရရှိတဲ့ ပင်နယ်တီမှ တဆင့် အဲရစ်ဆင်က သွင်းယူ နိုင်ခဲ့ပါတယ်။ အနီကဒ်ပြသခံခဲ့ရတဲ့ Maguire အနေနဲ့ လက်ရှိမှာ ဝေဖန်မှုတွေ အကြီးအကျယ် ခံနေရတယ်လို့ သိရပါတယ်။ အင်္ဂလန်အသင်းနည်းပြ ဆောက်ဂိတ်က
"Maguire ဟာ သူ့အတွက် ခက်ခဲတဲ့ အချိန်ကာလကို ဖြတ်သန်းနေရပြီး မကြာခင်မှာ ခြေစွမ်းကောင်းများ ပြန်လည်ရရှိလာမယ်လို့ ယုံကြည်မှု အပြည့်ရှိကြောင်း" ပြောကြားခဲ့ပါတယ်။

အက်ဒရီယန် ကိုပဲ ပွဲထွက်ဦးမယ့် Liverpool

Liverpool အသင်းဟာ အခုလ ( ၁၆ ) ရက်နေ့ မတိုင်မှီ ဂိုးသမားအသစ်ခေါ်ယူဖို့ အစီအစဉ်မရှိဘူးလို့ သိရပါတယ်။ အသင်းနည်းပြ ကလော့ပ် ဟာ ဗီလာကို ဂိုးပြတ် ရှုံးနိမ့်တဲ့ ပွဲမှာ ဂိုးသမား အက်ဒရီယန်ကို အပြစ်တင်မှု တွေ မပြုလုပ်ပဲ အဲဗာတန်နဲ့ ပွဲစဉ်မှာလဲ အက်ဒရီယန်ကိုပဲ ပွဲထွက် အသုံးပြုမှာပဲ ဖြစ်ပါတယ်။
အသင်းရဲ့ ပထမဂိုး အလီဆန် ဒဏ်ရာကြောင့် ( ၁ ) လကြာ အနားယူနေရပါတယ်။ ဒုတိယဂိုးသမား အက်ဒရီယန် ဟာ ဗီလာ အသင်းနဲ့ ပွဲမှာ ပွဲဦးထွက်ကစားခဲ့ပြီး Liverpool အသင်းဟာလည်း ၇-၂ ဂိုးနဲ့ အရေးနိမ့်ခဲ့ပါတယ်။ Liverpool အသင်းဟာ ယခုနှစ် Premier League ( ၄ ) ပွဲ ကစားပြီး ( ၃ ) ပွဲ နိုင် ( ၁ ) ပွဲ ရှုံးနိမ့်ထားပါတယ်။

ဘရာဇီးဂန္တဝင်ကစားသမားရော်နယ်ဒိုရဲ့ စံချိန်ကို ကျော်ဖြတ်ခဲ့တဲ့ နေမာ

​အင်္ဂါနေ့က ကစားခဲ့တဲ့ ကမ္ဘာ့ဖလား ခြေစစ်ပွဲစဉ်မှာ
ဘရာဇီးအသင်းက ပီရူးအသင်းကို ၄-၂ နဲ့ အနိုင်ရရှိခဲ့ပြီး
အဲပွဲစဥ်မှာ နေမာက Hat Trick သွင်းယူခဲ့ပါတယ်။ ဘရာဇီး အသင်းရဲ့ ဂန္တဝင်ကစားသမား ရော်နယ်ဒိုရဲ့ ဂိုးသွင်း စံချိန်ကိုလည်း ကျော်ဖြတ်နိုင်ခဲ့တယ်လို့ သိရပါတယ်။ သမိုင်းတလျှောက် ဒုတိယဂိုးသွင်းအများဆုံးဖြစ်တဲ့ ရော်နယ်ဒိုရဲ့ ၉၈ ပွဲ ၆၂ ဂိုး စံချိန်ကို နေမာဟာ ၁၀၃ ပွဲ သွင်းဂိုး ၆၄ ဂိုးနဲ့ ကျော်ဖြတ်နိုင်ခဲ့တာပဲဖြစ်ပါတယ်။ ပထမ သွင်းဂိုးအများဆုံး ကစားသမားဖြစ်တဲ့ ပီလီ ရဲ့ စံချိန်ကို မှီဖို့ ( ၁၇ ) ဂိုး လိုသေးတယ်လို့ သိရပါတယ်။

အင်္ဂလန်အသင်းဟာ ဒိန်းမတ်အသင်းနဲ့ ပွဲစဉ်မှာ ချီဝဲလ် / ဂျော်ဒန်တို့၏ ဒဏ်ရာပြဿနာများကြောင့် ဟာရီကိန်းကို ပွဲဦးထွက်အသုံးပြုရဖွယ်ရှိပါတယ်။ အင်္ဂလန်နည်းပြ ဆောက်ဂိတ်က Wale နဲ့ ပွဲတွင် ဟာရီကိန်းကို အနားပေး ခဲ့သော်လည်း Belgium နဲ့ပွဲစဉ်တွင် လူစားလဲ အသုံးပြုခဲ့ ပါသည်။
ထို့ကြောင့် ယခုလရာသီအစတွင် စပါးအသင်းနှင့် ပွဲများ ဆက်တိုက် ကစားထားရမှုကြောင့် နိုင်ငံတကာပွဲ ( ၃ ) ပွဲ တွင် ဟာရီကိန်းကို အသုံးမပြုရန် ပြောထားသည့် စပါး နည်းပြ မော်ရင်ဟို နှင့် အင်္ဂလန် နည်းပြ ဆောက်ဂိတ် တို့ အကြား မကျေနပ်မှုများ ပြဿနာ များဖြစ်ပေါ်လာနိုင် သည်ဟု သတင်းများကဖော်ပြနေကြကြောင်း သိရသည်။

မန်ယူမှာ စာချုပ်ကုန်ထိ ဆက်ရှိသွားမယ့် မာတာ

မန်ယူအသင်းရဲ့ ကွင်းလယ်ကစားသမား မာတာ ဟာ
သူ့ကိုဆော်ဒီကလပ်အသင်းရဲ့ တစ်နှစ်လုပ်ခ ပေါင် ( ၂၀ ) သန်း ကမ်းလှမ်းမှုကို ပယ်ချကာ မန်ယူအသင်း မှာပဲ ဆက်နေသွားဖို့ ဆုံးဖြတ်ခဲ့ကြောင်း သိရပါတယ်။ လက်ရှိမှာလဲ မာတာရဲ့ Agent ဖြစ်သူနဲ့ ဖခင်တို့ဟာ ဆော်ဒီအသင်းနဲ့ ဆွေးနွေးမှုများကို ရပ်ဆိုင်း လိုက်ပြီ ဖြစ်ကြောင်း သတင်းဌာနများကဖော်ပြသွားပါတယ်။
မန်ယူအသင်းမှာ ပုံမှန်ပွဲထွက်ခွင့် ပျောက်ဆုံးနေပေမယ့် မန်ယူအသင်းမှာ ကစားရတာကို ပျော်ရွှင်နေသူဖြစ်ပြီး သူချုပ်ဆိုထားတဲ့ စာချုပ်အသစ်မှာလဲ လုပ်ခလစာကို အရင်ကထက် လျှော့ယူမှုတွေ ပြုလုပ်ထားကြောင်းလဲ သိရပါတယ်။

2022 World Cup ဟာ သူ့ရဲ့နောက်ဆုံး ပြိုင်ပွဲလို့ ပြောလိုက်တဲ့ Ronaldo

ပေါ်တူဂီ ပရိတ်သတ်တွေဟာ Ronaldo ကို အသက် ( 40 ) အထိ ပေါ်တူဂီအသင်းအတွက် ကစားစေချင် ပေမယ့် သူကတော့ 2022 World Cup ပြိုင်ပွဲက နောက်ဆုံးပြိုင်ပွဲပါပဲလို့ ပြင်သစ်နဲ့ ကစားမယ့် Nations League မတိုင်မှီ ပွဲကြို သတင်းစာရှင်းလင်းပွဲမှာ ပြောကြားခဲ့ပါတယ်။ Ronaldo ဟာ Ballon D' or ( 5 ) ကြိမ် ရရှိထားပြီး၊ Man U ၊ Real ၊ Juventus အသင်းတွေနဲ့ အတူတူ ဆုဖလားများစွာကို ရရှိထားပါတယ်။ 2016 Euro Cup နဲ့ 2019 Nations League Cup ပိုင်ဆိုင်ထားပြီး World Cup ကိုတော့ ရရှိထားခြင်း မရှိသေးပါဘူး

Ronaldo ဟာ သူ့ရဲ့ ငယ်ဘဝ Idol ပါဆိုတဲ့ Mbappe

Mbappe က Ronaldo ဟာ သူ့ရဲ့ Idol ပါဆိုပြီး မကြာခဏ ပြောခဲ့ဖူးပါတယ်။ သူက "Ronaldo ဟာ ငယ်စဉ်ကတည်းက ကျွန်တော့်ရဲ့ Hero ကြီးဖြစ်ခဲ့ရသူပါ၊ သူ့ကို ချစ်ခင်လေးစားခဲ့ပါတယ်။ အခုတော့အဲဒါတွေက ပြီးဆုံးခဲ့ပါပြီ၊ ကျွန်တော်ဟာ ယှဉ်ပြိုင်လိုစိတ်ရှိပြီး နိုင်ပွဲ ရရှိရေးအတွက် အစွမ်းကုန် ကြိုးစားသွားမှာပါ၊ ကျွန်တော် တို့ရဲ့ အရှေ့မှာ ဘယ်သူရှိနေလဲ ဆိုတာ အရေး မကြီးပါဘူး၊ ကျွန်တော်တို့ အနိုင်ရလဒ်ကို လိုချင်ပါတယ်၊ Ballon D' or ( 5 ) ကြိမ်ရရှိထားတဲ့ ကစားသမားတစ်ဦးဆီက သင်ယူမှုတွေ အများကြီး လုပ်ဆောင်နိုင်ပါ လိမ့်မယ်၊ သူဟာ ခမ်းနားတဲ့ ကစားသမား တစ်ဦးပါ" ဟု ပြောကြားခဲ့ဖူးတာဖြစ်ပါတယ်။

Q ဝင်ရတာ နဲ့ ရှုပ်နေတာနဲ့ Page အဟောင်းပျက်သွားတယ်

ဒီမှာ ibet ကစားနေတဲ့ အစ်ကိုတွေ အခု Page ကိုလာပါ

Members အဟောင်းတွေနဲ့Fan များလည်း ဒီမှာ ✅

ဒီည ပြန်စကြရအောင် ✅

ပြန်စကြတဲ့ အနေနဲ့ တစ်ပတ်စာ ဘော်ဒီ / မောင်း

မန်ဘာ ကဒ် ကို Share ပြီးယူပါ ✅

အရင်က Records တွေ ကစားဖူးတဲ့ ညီကိုတွေ သိပါတယ် ✅