Myanmar Care

Myanmar Brewery Limited မိသားစုမှ မင်္ဂလာရှိသော သီတင်းကျွတ်မီးထွန်းပွဲတော် အခါသမယတွင် မြန်မာပြည်သူပြည်သားအပေါင်း ကိုယ်စိတ်နှစ်ဖြာ ကျန်းမာချမ်းသာပါစေကြောင်း နွေးထွေးစွာ ဆုမွန်ကောင်းတောင်းအပ်ပါသည်။

#သီတင်းကျွတ် #မီးထွန်းပွဲတော်

MBL သည် အထူးချွန်ဆုံးသော ကုမ္ပဏီတစ်ခု တည်ဆောက်ခြင်းဆိုသည်မှာ လုပ်ငန်းစွမ်းဆောင်ရည် ကောင်းမွန်ခြင်းတစ်ခုတည်းသာမက၊ ကျွန်ုပ်တို့၏ ကုမ္ပဏီဆိုင်ရာ အတွေးအမြင်များကို နေ့စဉ်လုပ်ဆောင်ချက်တိုင်း၊ ဆုံးဖြတ်ချက်တိုင်းနှင့် အဖွဲ့တိုင်း၏ အစိတ်အပိုင်းတစ်ခုအဖြစ် စွဲမြဲစွာထည့်သွင်းခြင်းဖြစ်သည်ဟု ယုံကြည်ပါသည်။

မေလမှ စက်တင်ဘာလအတွင်းတွင် ကျွန်ုပ်တို့၏ ကော်ပိုရိတ်အတွေးအခေါ်ဆိုင်ရာ လက်တွေ့ဖော်ဆောင်ခြင်း၏ ဒုတိယအဆင့် (Phase II) ကို အရောင်းဌာန (ရန်ကုန်၊ အောက်မြန်မာပြည်နှင့် အထက်မြန်မာပြည်)၊ MIS ဌာနနှင့် Logistics ဌာနတို့နှင့်အတူ အောင်မြင်စွာ ကျင်းပနိုင်ခဲ့ပါသည်။ ဤအဆင့်၏ အဓိကရည်ရွယ်ချက်မှာ ကျွန်ုပ်တို့၏ ရည်မှန်းချက် (Mission)၊ မျှော်မှန်းချက် (Vision) နှင့် တန်ဖိုးထားမှု (Values) များကို သိရှိနားလည်သည့်အဆင့်မှ နေ့စဉ်လုပ်ငန်းခွင်တွင် လက်တွေ့အသုံးချသည့်အဆင့်သို့ ကူးပြောင်းရန်ဖြစ်ပြီး၊ ၎င်းတို့သည် စာရွက်ပေါ်ရှိ စာသားများမျှသာမဟုတ်ဘဲ နေ့စဉ်လုပ်ငန်းဆောင်တာများအတွက် လမ်းညွှန်ပေးသည့် မူများဖြစ်လာစေရန်ဖြစ်ပါသည်။

အလုပ်ရုံဆွေးနွေးပွဲများနှင့် လက်တွေ့ကျသော ဆွေးနွေးမှုများမှတစ်ဆင့် ဝန်ထမ်းများသည် ကျွန်ုပ်တို့၏တန်ဖိုးထားမှုများဖြစ်သော ခေါင်းဆောင်မှု (Leadership)၊ ရိုးသားဖြောင့်မတ်မှု (Integrity)၊ ကွဲပြားမှုကိုလေးစားခြင်း (Diversity) နှင့် အားလုံးပါဝင်နိုင်မှု (Inclusion) တို့ကို သုံးစွဲသူများအား ဝန်ဆောင်မှုပေးခြင်း၊ စနစ်များအား စီမံခန့်ခွဲခြင်းမှသည် ကုန်စည်ပို့ဆောင်ရေးကို အကောင်းဆုံးဖြစ်အောင်လုပ်ဆောင်ခြင်းအထိ လက်တွေ့လုပ်ငန်းတာဝန်များတွင် မည်သို့ပေါင်းစပ်ထည့်သွင်းရမည်ကို လေ့လာခဲ့ကြပါသည်။ ဤအစီအစဉ်သည် ဝန်ထမ်းတိုင်းတွင် တာဝန်ယူစိတ်၊ ဦးဆောင်လုပ်ကိုင်လိုစိတ်များရှိပြီး စိတ်အားထက်သန်မှုနှင့် တာဝန်သိစိတ်အပြည့်ဖြင့် အလုပ်လုပ်သည့် စွမ်းဆောင်ရည်မြင့်မားသော လုပ်ငန်းခွင်ယဉ်ကျေးမှုတစ်ခုကို ပျိုးထောင်ရာတွင် အရေးပါသောခြေလှမ်းတစ်ရပ် ဖြစ်ပါသည်။

ဤအစီအစဉ်ခရီးစဉ်ကို ပွင့်လင်းသောစိတ်ထားနှင့် ခိုင်မာသောစိတ်ပိုင်းဖြတ်မှုတို့ဖြင့် ပါဝင်ဆင်နွှဲခဲ့ကြသော ကျွန်ုပ်တို့၏အဖွဲ့များ၏ စိတ်အားထက်သန်မှုကို အလွန်ဂုဏ်ယူမိပါသည်။

ဤသည်မှာ အစဦးခြေလှမ်းမျှသာဖြစ်ပြီး၊ ယခုနှစ်အတွင်း MBL ကုမ္ပဏီတစ်ခုလုံးရှိ ဌာနအားလုံးအတွက် Phase II ကို တစ်ဌာနပြီးတစ်ဌာန ဆက်လက်အကောင်အထည်ဖော်သွားမည် ဖြစ်ပါသည်။

သွေးလှူဒါန်းပြီးတဲ့အခါ ကျန်းမာရေးကို ဂရုစိုက်ကြစို့။ 💪
အသက်ပေါင်းများစွာကို ကယ်တင်ဖို့ သွေးလှူဒါန်းခဲ့ကြတဲ့ သူရဲကောင်းများအားလုံးကို MBL က လှိုက်လှဲစွာ ကျေးဇူးတင်ရှိပါတယ်။ သွေးလှူဒါန်းခြင်းဟာ မြင့်မြတ်တဲ့အလုပ်ဖြစ်သလို၊ လှူဒါန်းပြီးတဲ့အခါမှာလည်း မိမိရဲ့ကျန်းမာရေးကို ဂရုစိုက်ဖို့ အလွန်အရေးကြီးပါတယ်။ သွေးလှူရှင်တွေအနေနဲ့ သတိပြုလိုက်နာသင့်တဲ့ အချက်တွေကို ပုံထဲမှာ အသေးစိတ်ဖော်ပြပေးထားပါတယ်နော်။

Myanmar Brewery Limited (MBL) ဟာ "အမြဲအတူရှိနေမယ်" ဆိုတဲ့ ဆောင်ပုဒ်နဲ့အတူ လူမှုအသိုင်းအဝိုင်းကို အစဉ်အမြဲ ကူညီထောက်ပံ့လျက်ရှိပါတယ်။

အဓိက ဦးတည်ချက်တွေကတော့:
❤️ ကျန်းမာရေး: လိုအပ်သောနေရာများသို့ သွေးလှူဒါန်းပွဲများ ပြုလုပ်ခြင်း၊
🎓 အလုပ်အကိုင်: ရုံးတွင်း စွမ်းဆောင်ရည်မြှင့်တင်မှုဆိုင်ရာပွဲများလုပ်ဆောင်ခြင်း
🤝 သဘာဝဘေးထောက်ပံ့ရေး: ဘေးအန္တရာယ်ကြုံတွေ့ရချိန်တွင် လိုအပ်တဲ့ အကူအညီများနဲ့ ပြန်လည်ထူထောင်ရေးလုပ်ငန်းများကို တတ်နိုင်သလောက် ပါဝင်ဆောင်ရွက်ခြင်းတို့ပဲ ဖြစ်ပါတယ်။

MBL ဟာ တာဝန်သိတဲ့ လုပ်ငန်းတစ်ခုအနေနဲ့ မြန်မာပြည်သူတွေနဲ့အတူ အမြဲတမ်း ရပ်တည်နေမှာပါ။

#လူမှုအကျိုးပြုလုပ်ငန်းများ #မြန်မာဘရူဝါရီ

သွေးလှူဒါန်းခြင်းဆိုတာ သူတစ်ပါးအသက်ကို ကယ်တင်နိုင်တဲ့ မြင့်မြတ်တဲ့ အလုပ်တစ်ခုပါ။ ဒါနဲ့ပတ်သက်တဲ့ သင်အံ့ဩသွားစေမယ့် အချက်တွေကို ဒီပုံလေးထဲမှာ စုစည်းဖော်ပြပေးထားပါတယ်။

ဘယ်အချက်ကို အခုမှ သိတာလဲ? ဒါမှမဟုတ် သွေးလှူဒါန်းခြင်းနဲ့ပတ်သက်တဲ့ သင့်ရဲ့အတွေ့အကြုံလေးတွေရှိရင်လည်း comment မှာ ဝေမျှပေးခဲ့ပါဦး။
Myanmar Brewery Limited အနေနဲ့ အခုလို လူမှုအကျိုးပြုလုပ်ငန်းတွေမှာ အမြဲတမ်းတက်ကြွစွာ ပါဝင်ခွင့်ရတဲ့အတွက် ဂုဏ်ယူမိပါတယ်။

#သွေးလှူဒါန်းခြင်း

သွေးလှူဒါန်းတယ်ဆိုတာဟာ ရိုးရှင်းပေမယ့် အသက်ပေါင်းများစွာကို ကယ်တင်နိုင်တဲ့ အလွန်အရေးပါတဲ့ လူမှုရေးလုပ်ငန်းတစ်ခု ဖြစ်ပါတယ်။ သင့်ရဲ့ သွေးတစ်ယူနစ်ဟာ မတော်တဆမှုတွေ၊ ခွဲစိတ်မှုတွေနဲ့ သွေးရောဂါဝေဒနာ ခံစားနေရသူတွေအတွက် အသက်ဆက်ရှင်သန်ဖို့ အခွင့်အရေးတစ်ခု ဖြစ်စေနိုင်ပါတယ်။

ဘာကြောင့် သွေးလှူဖို့ အရေးကြီးတာလဲ။

၁။ အသက်ကယ်ဖို့အတွက်
သွေးဟာ လူ့ခန္ဓာကိုယ်အတွက် အသက်ဆက်ရှင်သန်ဖို့ မရှိမဖြစ်လိုအပ်တဲ့အရာ ဖြစ်ပါတယ်။ နေ့စဉ်နဲ့အမျှ လူနာအများအပြားဟာ ခွဲစိတ်မှုတွေ၊ သွေးသွင်းကုသမှုတွေအတွက် သွေးလိုအပ်နေပါတယ်။ သွေးလှူဒါန်းသူတွေရှိမှသာ သူတို့ရဲ့ အသက်တွေကို ကယ်တင်နိုင်မှာပါ။

၂။ သွေးဘဏ်တွေအတွက်
သွေးဘဏ်တွေဟာ သွေးကို အမြဲတမ်း လိုအပ်နေပါတယ်။ လတ်ဆတ်တဲ့သွေးတွေကို ပုံမှန်ရရှိနေမှသာ အရေးပေါ်အခြေအနေတွေမှာ လုံလောက်တဲ့ သွေးပမာဏကို အသင့်ပြင်ဆင်ထားနိုင်မှာပါ။

၃။ ကျန်းမာရေးအတွက် ကောင်းကျိုးများ
သွေးလှူဒါန်းခြင်းဟာ အခြားသူတွေကို ကူညီပေးနိုင်တဲ့အပြင် သွေးလှူရှင်ရဲ့ ကိုယ်ပိုင်ကျန်းမာရေးကိုလည်း အကျိုးပြုပါတယ်။ ပုံမှန်သွေးလှူခြင်းဟာ သံဓာတ်ပမာဏကို ထိန်းညှိပေးပြီး နှလုံးရောဂါဖြစ်ပွားနိုင်ခြေကို လျှော့ချပေးနိုင်ပါတယ်။

သွေးလှူဒါန်းတယ်ဆိုတာ သင့်ဘဝရဲ့ အချိန်အနည်းငယ်ကို ပေးဆပ်ပြီး အခြားသူတစ်ဦးရဲ့ ဘဝကို ပြန်လည်အသက်သွင်းပေးနိုင်တဲ့ အခွင့်အရေးတစ်ခုပါပဲ။ တစ်စုံတစ်ယောက်ရဲ့ အသက်ကို ကယ်တင်နိုင်ဖို့အတွက် သွေးလှူဒါန်းဖို့ စဉ်းစားပေးပါလို့ တိုက်တွန်းချင်ပါတယ်။ သွေးလှူခြင်းဖြင့် အသက်ကယ်တင်ခြင်းမှာ ပါဝင်ကြပါစို့။

Myanmar Brewery Limited မှ ဝါဆိုသင်္ကန်းကပ်လှူပူဇော်ပွဲအခမ်းအနားကို ဇူလိုင်လ ၂ ရက်နေ့ မှာ အောင်မြင်စွာကျင်းပပြီးစီးခဲ့ပါပြီ။ မြန်မာ့ရိုးရာအစဉ်အလာကို ထိန်းသိမ်းပြီး ဘာသာရေးကုသိုလ်ပွားများတဲ့အနေနဲ့ ဒီပွဲကို နှစ်စဉ်နှစ်တိုင်း ကျွန်တော်တို့ ကျင်းပပြုလုပ်လျက်ရှိပါတယ်။ ယခုနှစ်မှာလည်း သံဃာတော်အရှင်သူမြတ်များအား ဝါဆိုသင်္ကန်းများ ကပ်လှူပူဇော်ခွင့်ရတဲ့အတွက် ဝမ်းမြောက်ဝမ်းသာ ဖြစ်ရပါတယ်။

ဒီလိုကောင်းမှုကုသိုလ်ပြုခွင့်ရတာဟာ ကျွန်တော်တို့ Myanmar Brewery Limited ရဲ့ ဝန်ထမ်းများနဲ့ မြန်မာပြည်သူပြည်သားအားလုံးအတွက် မင်္ဂလာရှိတဲ့ပွဲဖြစ်ပြီး စိတ်၏ချမ်းသာခြင်း၊ ကိုယ်၏ကျန်းမာခြင်းများ ပြည့်စုံကြပါစေလို့ ဆုတောင်းမေတ္တာပို့သအပ်ပါတယ်။

#ဝါဆိုသင်္ကန်းကပ်လှူပူဇော်ပွဲ #မြန်မာ့ရိုးရာ #ကောင်းမှုကုသိုလ်

၁.၈.၂၀၂၅ တွင် အသည်းကျန်းမာရေး ကောင်းမွန်စေရန် ထိန်းသိမ်းစောင့်ရှောက်ခြင်း နှင့် ပက်သက်သော ဗဟုသုတများကို ဟောပြောပွဲ အပါအဝင် "အသည်း ကျန်းမာပျော်ရွှင် MBL လုပ်ငန်းခွင်” ခေါင်းစဉ်ဖြင့် အခမ်းအနားတစ်ခု ကျင်းပပြုလုပ်ခဲ့ပါတယ်။

ပါမောက္ခ ဒေါက်တာ ဦးအေးအောင်မှ အသည်းနဲ့ပက်သက်သည်များကို ဟောပြောပို့ချခဲ့ပြီး OSC ဆေးရုံ ၊ Vitanaz ဆေးကုမ္ပဏီ နှင့် Elotus Medical Laboratory တို့မှလည်း အသည်းအားတိုးဆေး နှင့် အခြားလက်ဆောင်များကို တက်ရောက်သူများကို ပေးအပ်ခဲ့ပါတယ်။

MBL အနေဖြင့် ကျန်းမာရေးနှင့် လူမှုဘဝ ကဏ္ဍဆိုင်ရာ လှုပ်ရှားမှုများအား ဆောင်ရွက်လျက်ရှိရာ ကျန်းမာရေးဆိုင်ရာ အသိပညာပေးခြင်းမှတဆင့် ဖြစ်ပေါ်လာနိုင်သော ရောဂါများကို ကြိုတင်ကာကွယ်နိုင်ခြင်းအတွက်လည်း အထူးအလေးပေးဆောင်ရွက်လျက်ရှိပါတယ်။

#အသည်းကျန်းမာပျော်ရွှင် #ကျန်းမာရေးဆိုင်ရာအသိပညာပေးခြင်း

Myanmar Brewery Limited (MBL) မှ ကြီးမှူးကျင်းပသော (၃၃) ကြိမ်မြောက် စုပေါင်းသွေးလှူဒါန်းပွဲကို ၂၀၂၅ ခုနှစ်၊ ဩဂုတ်လ ၁၃ ရက်နေ့တွင် မင်္ဂလာဒုံမြို့နယ်ရှိ MBL စက်ရုံ၏ Tavern ခန်းမ၌ အောင်မြင်စွာ ကျင်းပပြီးစီးခဲ့ကြောင်း ဝမ်းမြောက်စွာ အသိပေးအပ်ပါတယ်။
အများပြည်သူကျန်းမာရေးအတွက် အရေးပါသော သွေးလှူဒါန်းမှုကို ရန်ကုန်သွေးလှူဘဏ်နှင့် လက်တွဲ၍ စီစဉ်ကျင်းပခဲ့ခြင်းဖြစ်ပါတယ်။ လှူဒါန်းခဲ့သော သွေးများကို ရန်ကုန်သွေးလှူဘဏ်၏ Mobile Team မှ လာရောက်လက်ခံခဲ့ပြီး သွေးလိုအပ်နေသော လူနာများအတွက် များစွာအထောက်အကူ ပြုနိုင်မှာဖြစ်ပါတယ်။ စေတနာထက်သန်စွာ သွေးလှူဒါန်းပေးခဲ့ကြသော ဝန်ထမ်းများအားလုံးကို MBL မှ အထူးပင် ကျေးဇူးတင်ရှိပါတယ်။ MBL သည် တာဝန်ယူမှုရှိသော ကော်ပိုရိတ်လုပ်ငန်းတစ်ခုအဖြစ် ရေရှည်တည်တံ့ကောင်းမွန်သော ပြောင်းလဲမှုများ ဖြစ်ပေါ်စေရန် အစဉ်တစိုက် ကြိုးပမ်းဆောင်ရွက်လျက်ရှိပါတယ်။

#သွေးလှူဒါန်းပွဲ #လူမှုအကျိုးပြုလုပ်ငန်း

MBL ရဲ့ ၃၃ ကြိမ်မြောက်သွေးလှူဒါန်းပွဲအခမ်းအနားကို ရန်ကုန်အမျိုးသားသွေးလှူဘဏ်တွင် ကျင်းပပြုလုပ်ခဲ့ပါတယ်။ ရန်ကုန်အမျိုးသားသွေးလှူဘဏ်တွင် လှူဒါန်းခဲ့ကြသော အဖွဲသားများအားလုံးကိုလည်း အထူးပင်ကျေးဇူးတင်ရှိပါတယ်။ ယခုအခါ မင်္ဂလာဒုံမြို့နယ် MBL စက်ရုံခန်းမအတွင်း သွေးလှူဒါန်းပွဲအား ရန်ကုန်သွေးလှူဘဏ်မှ စေလွှတ်သော Mobile Team ဖြင့် ပြုလုပ်သွားမည် ဖြစ်သည်။ ၂၀၂၅ ခုနှစ်၊ သြဂုတ်လ ၁၃ ရက် (ဗုဒ္ဓဟူးနေ့) မှာ ကျင်းပပြုလုပ်သွားမှာဖြစ်လို့ ပါဝင်နိုင်ကြဖို့လည်း ဖိတ်ကြားလိုက်ရပါတယ်။

#သွေးလှူပွဲ

ပျော်ရွှင်စရာ အပြည်ပြည်ဆိုင်ရာ လူငယ်များနေ့ဖြစ်ပါစေ။

မြန်မာဘရူဝါရီလီမိတက်အနေနဲ့ မြန်မာ့လူငယ်တွေရဲ့ စွမ်းအား၊ ရဲစွမ်းသတ္တိနဲ့ စေတနာကို အသိအမှတ်ပြု ဂုဏ်ပြုပါတယ်။ ဘေးအန္တရာယ်ကယ်ဆယ်ရေးလုပ်ငန်းတွေမှာပဲဖြစ်ဖြစ်၊ အသက်ကယ်သွေးလှူဒါန်းတာတွေမှာပဲဖြစ်ဖြစ်၊ အားကစားဘက်မှာပဲဖြစ်ဖြစ် လူငယ်တွေဟာ တက်ကြွစွာပါဝင်ပြီး လူ့အဖွဲ့အစည်းအတွက် အကျိုးပြုလျက်ရှိတာကို မြင်တွေ့ရတာ ဂုဏ်ယူမိပါတယ်။

လူငယ်တွေရဲ့ စိတ်ဓာတ်နဲ့ ကြိုးပမ်းအားထုတ်မှုတွေက မြန်မာနိုင်ငံအတွက် ပိုမိုကောင်းမွန်တဲ့ အနာဂတ်ကို ပုံဖော်နေပါတယ်။

#လူငယ်များနေ့

မတ်လ ၂၈ ရက်နေ့က မြန်မာနိုင်ငံအလယ်ပိုင်းကို လှုပ်ခတ်ခဲ့တဲ့ ငလျင်ကြောင့် ထိခိုက်ခံစားခဲ့ရသူအားလုံးနဲ့အတူ စိတ်မကောင်းဖြစ်ရပါတယ်။ ဒီလိုခက်ခဲတဲ့အချိန်တွေမှာ မန္တလေး၊ စစ်ကိုင်းနဲ့ ကျောက်ဆည်မြို့နယ်တွေမှာ သောက်ရေသန့်နဲ့ အမိုးအကာပစ္စည်းလိုမျိုး မရှိမဖြစ်လိုအပ်တဲ့ အကူအညီတွေကို ချက်ချင်းပေးအပ်နိုင်ခဲ့တဲ့အတွက် ဂုဏ်ယူဝမ်းမြောက်မိပါတယ်။

ပံ့ပိုးကူညီမှုအနေနဲ့ ဒုတိယအကြိမ်အဖြစ် မိသားစုပေါင်း ၁၆၀ အတွက် စားသောက်ကုန်ပစ္စည်းတွေနဲ့ အိမ်သုံးပစ္စည်းတွေကို ထပ်မံကူညီပေးခဲ့ပါတယ်။ ဘေးအန္တရာယ်ကြောင့် ထိခိုက်ခံစားခဲ့ရတဲ့ ကျွန်တော်တို့ရဲ့ ကိုယ်ပိုင်ဝန်ထမ်းတွေ၊ ဖြန့်ဖြူးသူတွေနဲ့ အရောင်းဆိုင်ပိုင်ရှင်တွေကိုလည်း ကူညီထောက်ပံ့မှုတွေ ပေးအပ်ခဲ့ပြီး သူတို့ရဲ့ ပြန်လည်ထူထောင်ရေးကြိုးပမ်းမှုတွေအတွက် စုစုပေါင်း ကျပ်သိန်း ၄,၀၀၀ ကို ပံ့ပိုးပေးခဲ့ပါတယ်။

ပြန်လည်တည်ဆောက်ရေးဆိုတာ ခရီးရှည်တစ်ခုဖြစ်ပြီး မြန်မာပြည်သူလူထုနဲ့အတူ ဒီခရီးကို လျှောက်လှမ်းဖို့ ကျွန်တော်တို့ ကတိပြုလိုက်ပါတယ်။