YGN Account Center

ဆာဂျီယို အဂွဲရိုး —
“တနင်္ဂနွေနေ့တုန်းက ဖြစ်တာပါ။ နောက်တစ်နေ့မှာ ယူနိုက်တက်နဲ့ ပွဲကစားရမယ်။ အဲဒီနေ့မှာ ကျွန်တော် အရက်တစ်ခွက်လောက် သောက်ချင်စိတ်ဖြစ်လာတယ်။ အထူးသဖြင့် ‘ဖာနက်’ (Fernet) သောက်ချင်တာပါ။

တစ်ခွက် သောက်လိုက်တယ်။ နောက်တစ်ခွက်… နောက်တစ်ခွက်… ဆိုပြီး သုံးခွက်အထိ သောက်မိသွားတယ်။

နောက်တစ်နေ့ မနက်အိပ်ရာနိုးလာတော့ တော်တော်ကို အခြေအနေဆိုးနေပြီ။ လူတွေက ‘နေကောင်းလား’ လို့ မေးကြတော့ ကျွန်တော်က ‘မကောင်းဘူး’ လို့ပဲ ပြောခဲ့တယ်။

ပွဲစတဲ့အချိန်မှာ ကျွန်တော် အရန်ခုံမှာ ထိုင်နေခဲ့တယ်။ ပွဲကလည်း ၁-၁ နဲ့ သရေကျနေတယ်။

နောက်ဆုံး ကျွန်တော် လူစားဝင်ခွင့်ရလာတယ်။

ကွင်းထဲဝင်ပြီး ပထမဆုံး ဘောလုံးရတာနဲ့ ကျွန်တော် ဘောလုံးကို ဟန်ပြတယ်… ထပ်ဟန်ပြတယ်… ထပ်ပြီး ဟန်ပြတယ်…

ပြီးတော့ ကန်လိုက်တယ်။

ဘောလုံးက ဂိုးရဲ့ အပေါ်ထောင့်တည့်တည့်ထဲ ဝင်သွားခဲ့တယ်။” ⚽️🔥

ဆိုလိုတာကတော့ “မနေ့ညက ဖာနက်သုံးခွက်ကြောင့် မနက်မှာ အခြေအနေမကောင်းပေမယ့်… ယူနိုက်တက်နဲ့ပွဲရောက်တော့ အဲဒီအခြေအနေက ဘာမှမဖြစ်သလို ပထမဆုံးဘောလုံးရတာနဲ့ အပေါ်ထောင့်ထဲ တန်းပို့လိုက်တယ်” ဆိုတဲ့ အဂွဲရိုးရဲ့ မယုံနိုင်စရာ အဖြစ်အပျက်ပါ။ 😭🔥

ကမ္ဘာ့ဖလားမှာ ပြင်သစ်အတွက် တမိနစ်လေးတောင် မကစားခဲ့ရတဲ့ ကန်တေဟာ နားရက်ကို အပြည့်မယူဘဲ ဖီနဘာချီဆီ ပြန်ရောက်ပြီး အသင်းနဲ့အတူ ပူးပေါင်းလေ့ကျင့်ခဲ့ပါတယ်။

အခုဆိုရင် သူက ဖီနာဘာချီအတွက် ချန်ပီယံလိဂ်ခြေစစ်ပွဲအဆင့် ၂ ပွဲစလုံးကို ပါဝင်ကစားပေးခဲ့ပြီးပါပြီ။ သူ မကစားရချိန်ဆိုလည်း နည်းပြရဲ့ ဆုံးဖြတ်ချက်အပေါ် လေးစားမှုပေးပြီး ကန်တေက တလုံးတပါဒမှ ပြောဆိုတာမျိုး မရှိခဲ့ဘဲ နာခံခဲ့ပါတယ်။

သူ ကစားခွင့်ရပြီဆိုရင်လည်း အသင်းအတွက် အစွမ်းကုန် ကစားပေးတော့တာပါပဲ။ အခုဆို ကန်တေက ဖီနာဘာာချီနဲ့အတူ ချန်ပီယံလိဂ်ပွဲတွေ ကစားခွင့်ရဖို့ နောက်ထပ် ၂ပွဲပဲလိုပါတော့တယ်။ ပြင်သစ်ဝါရင့်ကွင်းလယ်လူကြီးကတော့ သူ့ ကစားသမားဘ၀တလျှောက်လုံးမှာ တခြားကစားသမားတွေ လေးစားစရာ၊ အတုယူစရာတွေကိုချည်း လုပ်ပြနေတော့တာပါပဲ။

အကောင်းဆုံး မောင်းကတ်ကို ဆွဲထုတ်ကြည့်ခြင်း
=====================================
(၃) ပွဲမောင်း
=========
ပဲရစ်အက်ဖ်စီ (ဘော်ဒီ)
အဲဗာတန် (ဘော်ဒီ)
အာဆင်နယ် (ဂိုးအပေါ်)

(၄) ပွဲမောင်း
=========
ပီအက်စ်ဂျီ (ဂိုးအောက်)
ရီးရဲလ် (ဘော်ဒီ)
မန်ယူ (ဂိုးအောက်)
နော်တင်ဟမ် (ဂိုးအပေါ်)

ယာဆင် ချိုကို (မက်ဆီရဲ့ ကိုယ်ရံတော်) : “မက်ဆီက ကျွန်တော့်ကို သူ့ရဲ့ ကိုယ်ရံတော်တစ်ယောက်အဖြစ်ပဲ မမြင်ပါဘူး။ သူ့ရဲ့ သူငယ်ချင်းတစ်ယောက်အဖြစ်လည်း သဘောထားပါတယ်။ ကျွန်တော်တို့ အတူတူ စကားပြောကြတယ်၊ ရယ်မောကြတယ်။ အချိန်တွေကြာလာတာနဲ့အမျှလည်း တစ်ယောက်နဲ့တစ်ယောက် ပိုပြီး ရင်းနှီးလာကြပါတယ်။ သူက အမြဲတမ်း ကျွန်တော့်ကို နေ့လယ်စာအတူစားဖို့ ဖိတ်ခေါ်ပြီး အရမ်းကောင်းကောင်း ဆက်ဆံပါတယ်။

သူ ဘလွန်းဒီအောဆု ရရှိခဲ့တုန်းက ကျွန်တော်တို့ လေယာဉ်ပေါ်မှာ ရှိနေခဲ့ပါတယ်။ အဲဒီအချိန်မှာ သူက ကျွန်တော့်ကို ‘ယာဆင်၊ ဒီဘလွန်းဒီအောဆုကို မင်းနဲ့အတူ ယူသွားလိုက်’ လို့ ပြောပါတယ်။ ကျွန်တော်ကလည်း ‘အိုကေ’ လို့ ပြန်ပြောခဲ့ပါတယ်။ အစပိုင်းမှာတော့ သူက တစ်နေရာရာကို ရွှေ့ထားပေးဖို့ပဲ ပြောတာလို့ ကျွန်တော်ထင်ခဲ့ပါတယ်။

ဒါပေမယ့် ကျွန်တော် ဘလွန်းဒီအောဆုကို သူ့ဆီ ပြန်ယူလာပေးတဲ့အခါ သူက သားဖြစ်သူနဲ့ ဇနီးကို ကြည့်ပြီး ‘ပြီးတော့ အကောင်းဆုံး ကိုယ်ရံတော်အတွက် ဘလွန်းဒီအောဆုရှင်ကတော့… ယာဆင်ပဲ!’ လို့ ပြောခဲ့ပါတယ်။

အဲဒီအခိုက်အတန့်က တကယ့်ကို အရမ်းလှပခဲ့ပါတယ်။ ကမ္ဘာ့အကောင်းဆုံးကစားသမားတစ်ယောက်ဆီက ကြားရတဲ့ စကားလုံးတွေဖြစ်လို့ ကျွန်တော် ဘယ်တော့မှ မမေ့နိုင်ပါဘူး။

ကျွန်တော်ဟာ သူ့မိသားစုရဲ့ အစိတ်အပိုင်းတစ်ခုလို ခံစားရပါတယ်။ သူ့ကို ကာကွယ်ပေးဖို့အတွက် ကျွန်တော့်မှာရှိသမျှ အရာအားလုံးကို ပေးဆပ်သွားမှာပါ။ ကိုယ်ခန္ဓာပိုင်းဆိုင်ရာအရပဲ မဟုတ်ဘဲ စိတ်ပိုင်းဆိုင်ရာအရပါ ကာကွယ်ပေးချင်ပါတယ်။ ဘာကြောင့်လဲဆိုတော့ သူက ကျွန်တော့်အပေါ် အရမ်းယုံကြည်ပြီး အားကိုးထားလို့ပါ။

ကျွန်တော်က သူ့အပေါ် လုံးဝသစ္စာရှိပါတယ်။ သူဟာ မယုံနိုင်လောက်အောင် နှိမ့်ချတတ်တဲ့သူဖြစ်သလို တစ်ချိန်တည်းမှာပဲ ကြီးကျယ်ခမ်းနားတဲ့ လူတစ်ယောက်လည်း ဖြစ်ပါတယ်။”

ရော်နယ်ဒိုရဲ့ အချစ်ဇာတ်လမ်း အဆုံးသတ်မဟုတ်ဘဲ ဘဝသစ်တစ်ခန်း စတင်လိုက်ပြီ! 💍❤️

နှစ်ပေါင်းများစွာ အတူလက်တွဲလာခဲ့ကြတဲ့ ခရစ္စတီယာနို ရော်နယ်ဒိုနဲ့ ဂျော်ဂျီနာ ရိုဒရီဂွက်ဇ်တို့အတွက် အခုအချိန်ကတော့ အထူးခြားဆုံးအချိန်တစ်ခု ဖြစ်လာပါတယ်။ လက်စွပ်နှစ်ကွင်းကို အတူတူပြသထားတဲ့ ဓာတ်ပုံနဲ့ “C ❤️ G” ဆိုတဲ့ စာသားလေးက ပရိသတ်တွေအတွက်တော့ အချစ်ဇာတ်လမ်းရဲ့ နောက်ထပ်အခန်းတစ်ခန်းကို ဖွင့်လှစ်လိုက်သလိုပါပဲ။

ဘောလုံးကွင်းထဲမှာ ချန်ပီယံဆုတွေ၊ စံချိန်တွေ၊ အောင်မြင်မှုတွေနဲ့ သမိုင်းရေးခဲ့တဲ့ CR7 ကြီးဟာ အခုတော့ ဘောလုံးကွင်းပြင်ပမှာ သူ့ဘဝရဲ့ အရေးကြီးဆုံး “အောင်ပွဲ” ကို ရယူလိုက်ပြီလားဆိုတာ ပရိသတ်တွေကြားမှာ စိတ်လှုပ်ရှားစရာဖြစ်နေပါတယ်။

နှစ်တွေကြာအောင် အတူတူဖြတ်သန်းခဲ့တဲ့ အချစ်၊ အခက်အခဲတွေကို အတူရင်ဆိုင်ခဲ့တဲ့ မိသားစုဘဝနဲ့ အခုလက်စွပ်လေးတွေကတော့ သူတို့နှစ်ဦးရဲ့ ဆက်ဆံရေးကို ပိုပြီး အဓိပ္ပာယ်ရှိစေပါတယ်။

CR7 ရဲ့ ကစားသမားဘဝမှာ ရယူခဲ့သမျှ ဆုဖလားတွေထက် ဒီအချိန်ကတော့ သူ့အတွက် ပိုပြီး ကိုယ်ပိုင်ဆန်တဲ့ အောင်ပွဲတစ်ခု ဖြစ်လာနိုင်ပါတယ်။ ❤️💍

၃ နှစ်နီးပါး ရပ်နားထားခဲ့ရတဲ့ ပါလက်စတိုင်း ဘောလုံးပြိုင်ပွဲကို စက်တင်ဘာ ၄ ရက်နေ့မှာ နောက်ဆုံးတော့ ပြန်လည်ကျင်းပသွားတော့မှာ ဖြစ်ပါတယ်။

အဆိုပါပြိုင်ပွဲမှာ အနောက်ဘက်ကမ်းဒေသ၊ ဂါဇာဒေသနဲ့ လက်ဘနွန်နိုင်ငံရှိ ပါလက်စတိုင်းဒုက္ခသည်စခန်းတွေက ကလပ်အသင်းပေါင်း ၂၀၀ ကျော် ပါဝင်ယှဉ်ပြိုင်သွားမှာ ဖြစ်ပါတယ်။

ဒီပြိုင်ပွဲကိုတော့ အသက်ဆုံးရှုံးခဲ့ရတဲ့ ပါလက်စတိုင်းအားကစားသမား ၁,၀၁၄ ဦးကို ဂုဏ်ပြုအမှတ်တရအဖြစ် “အာဇာနည် ၁,၀၀၀ ဖလား” (Thousand Martyrs’ Cup) လို့ အမည်ပေးကျင်းပသွားမှာ ဖြစ်ပါတယ်။

နှစ်ပေါင်းများစွာ ရပ်တန့်နေခဲ့တဲ့ ဘောလုံးကွင်းတွေ ပြန်လည်အသက်ဝင်လာပြီး၊ ဘောလုံးကစားခြင်းကနေတစ်ဆင့် ဆုံးရှုံးခဲ့ရသူတွေကို အမှတ်ရဂုဏ်ပြုမယ့် ပြိုင်ပွဲတစ်ခုလည်း ဖြစ်လာမှာပါ။

ဂယ်ရီ နဗီးလ် – “ဒါက ရွိုင်း ကိန်း မန်ချက်စတာယူနိုက်တက်နဲ့ ၂၀၀၀ ခုနှစ်တုန်းက ချုပ်ဆိုခဲ့တဲ့ စာချုပ်ပါ။ တစ်နှစ်လုပ်ခ ပေါင် ၉၅၀,၀၀၀၊ တစ်ပတ်ကို ပေါင် ၂၀,၀၀၀ လောက် ရခဲ့တာပေါ့။

ဒါပေမယ့် ၂၀၀၃ ခုနှစ်ကနေ ၂၀၀၅ ခုနှစ်အထိ တစ်နှစ်လုပ်ခက ပေါင် ၃.၅ သန်းအထိ ရောက်သွားတယ်။ အဲဒီနောက်မှာတော့ သူတို့က မင်းရဲ့လုပ်ခကို ပြန်လျှော့လိုက်တာလား?”

ရွိုင်း ကိန်း – “ဟုတ်တယ်။ အဲဒီအချိန်မှာ သူတို့က ‘မင်းအသက်ကြီးလာပြီ’ ဆိုပြီး ပြောလာကြတယ်။ ဒါကြောင့် အခြေခံလစာထက် ပွဲပိုကစားနိုင်လေ၊ Incentive ကြေးပိုရလေဆိုတဲ့ ပုံစံမျိုး ဖြစ်လာတယ်။ အထူးသဖြင့် ကျွန်တော့်ရဲ့ နောက်ဆုံးနှစ်မှာ အဲဒီလိုပဲ လုပ်ခဲ့ကြတာပေါ့။”

ဂယ်ရီ နဗီးလ် – “စာချုပ်ချုပ်ဆိုတဲ့အချိန် ရရှိတဲ့ Signing-on Fee ကလည်း တစ်နှစ်ကို ပေါင် ၁ သန်းစီနော်။ ၂၀၀၂၊ ၂၀၀၃၊ ၂၀၀၄၊ ၂၀၀၅ အထိ ရှိတယ်။”

ဂျေမီ ကာရေဂါ – “မနေ့က မင်းရဲ့လစာ ဘယ်လောက်ရခဲ့လဲဆိုတာ မင်းပြောပြလို့ ကျွန်တော်သိတယ်။ ရိုးရိုးသားသားပြောရရင် မင်းလုပ်ခရတာ နည်းလွန်းတယ်လို့တောင် ကျွန်တော်ထင်မိတယ်။”

ဂယ်ရီ နဗီးလ် – “ဒါကတော့ ကျွန်တော် နောက်ဆုံးချုပ်ခဲ့တဲ့ စာချုပ်မှာ ရခဲ့တာထက် နှစ်ဆတောင် များတယ်။”

ဂျေမီ ကာရေဂါ – “ဟုတ်ပေမယ့် သူက မင်းထက် သုံးဆလောက် ပိုကောင်းတဲ့ ကစားသမားလေ…”

ရွိုင်း ကိန်း – “ကျွန်တော်တော့ ကိုယ့်တန်ဖိုးနဲ့ မကိုက်အောင် လျှော့တွက်ခံခဲ့ရတယ်လို့ပဲ ထင်တယ်။”

အီယန်ရိုက် – “မားကပ်စ် ရက်ရှ်ဖို့ဒ်ကို မန်ချက်စတာယူနိုက်တက်အသင်းရဲ့ လူစာရင်းထဲ ချက်ချင်းပြန်ထည့်လိုက်တာက သင့်တော်တဲ့ဆုံးဖြတ်ချက်လို့တော့ ကျွန်တော် မထင်ပါဘူး။ ရူဘင် အာမိုရင်က အသင်းအတွက် လုံလောက်တဲ့ ပံ့ပိုးမှု မပေးနိုင်တော့ဘူးလို့ ယူဆတဲ့ ကစားသမားတွေကို အသင်းကနေ ရှင်းထုတ်ဖို့ ကြိုးစားခဲ့တာပါ။ မားကပ်စ်လည်း အဲဒီထဲက တစ်ယောက်ပါ။

ဂယ်ရီ နဗီးလ်နဲ့အတူ ပါဝင်ဆွေးနွေးခဲ့တဲ့ ပွဲတစ်ခုမှာတောင် ကျွန်တော်က မားကပ်စ် ရက်ရှ်ဖို့ဒ်မှာ မန်ချက်စတာယူနိုက်တက်အတွက် ကစားဖို့ လိုအပ်တဲ့ စိတ်ဓာတ်နဲ့ သဘောထား ရှိနေသေးလားဆိုတာ မသေချာဘူးလို့ ပြောခဲ့ဖူးပါတယ်။ အသင်းကနေ ထွက်ခွာပြီးနောက် သူပြောခဲ့တဲ့ စကားတချို့ကို ပြန်ကြည့်လိုက်တဲ့အခါ ဘာကြောင့် အဲဒီလို သံသယတွေ ရှိခဲ့ကြလဲဆိုတာ နားလည်နိုင်ပါတယ်။

အခုတော့ မိုက်ကယ် ကာရစ်ခ်က သူ့ကို အသင်းထဲ ပြန်လည်ပေါင်းစည်းဖို့ ကြိုးစားနေပါတယ်။ ဒါပေမယ့် အသင်းမှာ ဆက်နေခဲ့ပြီး ကြိုးစားအားထုတ်ကာ ယူနိုက်တက်ကို ချန်ပီယံလိဂ်ဝင်ခွင့်ရအောင် ကူညီပေးခဲ့တဲ့ ကစားသမားတွေကရော ဘယ်လိုဖြစ်မလဲ။ ဘယ်သူက အရန်ခုံထိုင်ရမလဲ။ အရေးကြီးတဲ့ ပရီးမီးယားလိဂ်နဲ့ ချန်ပီယံလိဂ်ပွဲတွေမှာ ဘယ်သူတွေ ပွဲထွက်ခွင့်ရမလဲ။

မားကပ်စ်မှာ အရည်အချင်းရှိတာကိုတော့ သံသယမရှိပါဘူး။ ဒါပေမယ့် ကာရစ်ခ်အနေနဲ့ သူ့ရဲ့ ပြန်လာမှုကြောင့် အသင်းရဲ့ အဝတ်လဲခန်းအတွင်း စည်းလုံးညီညွတ်မှု မပျက်စီးစေဖို့ သေချာစီမံရပါမယ်။ ဒီအသင်းအတွက် အစွမ်းကုန် ကြိုးစားခဲ့တဲ့ ကစားသမားတွေကလည်း သူပြန်လာတာနဲ့ ကိုယ့်နေရာတွေ ရုတ်တရက် ဆုံးရှုံးသွားသလိုမျိုး မခံစားရအောင် စီမံပေးဖို့ လိုပါတယ်။”

အကောင်းဆုံး အပေါ်အသင်းကို ရွေးထုတ်ကြည့်ခြင်း
=======================================
လိုင်ယွန် - စပါတာပရပ် (၁၁.၈.၂၀၂၆)
============================
- လိုင်ယွန်က ခြေစမ်းပွဲကာလ အစောပိုင်းပွဲစဉ်တွေမှာ ပေါက်ကွဲအားပြင်းပြင်းနဲ့ စတင်နိုင်ခဲ့ပါတယ်။ ဒါပေမဲ့ နောက်ဆုံးကစားခဲ့တဲ့ ခြေစမ်းပွဲမှာ ဘက်တစ်ကို ၄ ဂိုးပြတ် အရေးနိမ့်သွားတာက သံသယဖြစ်စရာကောင်းခဲ့တာပါ။ အဲ့ဒီနောက်မှာတော့ စပါတာပရပ် အိမ်ကွင်းကိုသွားရောက်ခဲ့ပြီး ၁-၂ နဲ့ ရှုံးထားတာကြောင့် ဒီပွဲမှာ အနိုင်ရလဒ်ကိုမဖြစ်မနေ လိုအပ်ပါတယ်။ နောက်ဆုံး ၅ ပွဲမှာ ၄ ပွဲအထိ သွင်းဂိုးရခဲ့တဲ့ လိုင်ယွန်ရဲ့ တိုက်စစ်ပိုင်းကတော့ မဆိုးလှပါဘူး။

ချက်ကလပ်ဖြစ်တဲ့ စပါတာပရပ်ဟာ ပြည်တွင်းလိဂ်အစပိုင်းမှာ ရုန်းကန်နေရတာ တွေ့ရတယ်။ ပွဲစဉ်-၃ ကစားအပြီးမှာ တစ်ပွဲနိုင်၊ ၂ ပွဲရှုံးပြီး အဆင့် ၁၀ နေရာရောက်နေသလို ပေးဂိုး ၆ ဂိုးအထိ ရှိခဲ့ပါတယ်။ နောက်ဆုံးကစားခဲ့တဲ့ ၅ ပွဲမှာတော့ ၂ ပွဲနိုင်၊ ၃ ပွဲရှုံးပြီး သရေရလဒ်ထွက်ပေါ်ခြင်းမရှိတဲ့ စပါတာပရပ်က ပွဲထိန်းကစားပုံအားနည်းပါတယ်။ အဲ့ဒီ ၅ ပွဲမှာ ၄ ပွဲက အပြန်အလှန်သွင်းဂိုးတွေရှိခဲ့ပြီး ပွဲတိုင်းဂိုးပေးခဲ့ရပါတယ်။

တည်ကြေးမှာတော့ တစ်ဂိုးကွာနဲ့နိုင်ရင် လိုင်ယွန်က ခပ်ပါးပါး နစ်နာဖို့ရှိပါတယ်။ နှစ်သင်းပေါင်း ၃ ဂိုးဆိုရင် ၄၀ လောက် ပျော်ခွင့်ရမှာပါ။ ပထမအကျော့မှာ စပါတာပရပ်က နောက်ကလိုက်ကစားပြီး ၂-၁ နဲ့ နိုင်ပွဲရခဲ့တယ်ဆိုပေမယ့် ပြင်သစ်မြေပေါ်မှာတော့ လွယ်လိမ့်မယ်မထင်ဘူး။ အိုပန်ဒါ၊ တိုလစ်ဆို တို့ရှိနေတဲ့ လိုင်ယွန် တိုက်စစ်က ပွဲထိန်းအားနည်းတဲ့ စပါတာပရပ်ကို အလွတ်ပေးမှာ မဟုတ်ပါဘူး။ ဒီပွဲမှာ လိုင်ယွန် အနိုင်သေချာပြီး ဂိုးပြတ်၊ မပြတ်ဘဲ ကြည့်ရမှာပါ။ စပါတာပရပ်ကို မေ့လိုက်သင့်တယ်။

ရွေးချယ်မှု - လိုင်ယွန်

💔 ဝီလီယန် ပါချိုရဲ့ ရင်နာစရာအကောင်းဆုံး ဇာတ်လမ်း

PSG နောက်ခံလူ ဝီလီယန် ပါချို ဟာ The Players’ Tribune မှာ ရေးသားခဲ့တဲ့ ရင်နာစရာကောင်းလွန်းတဲ့ စာတစ်စောင်ထဲမှာ သူ့မိခင်ရဲ့ ကင်ဆာရောဂါနဲ့ ရင်ဆိုင်ခဲ့ရတဲ့အချိန်တွေ၊ သူ့ဘဝရဲ့ အရေးအကြီးဆုံးနေ့မှာ ကြုံတွေ့ခဲ့ရတဲ့ အဖြစ်အပျက်ကို ပြန်လည်ဖွင့်ဟခဲ့ပါတယ်။

၂၀၁၉ ခုနှစ်မှာ ပါချို ဟာ မိခင်ဖြစ်သူကို တွေ့ဖို့ အိမ်ပြန်ခဲ့ပါတယ်။ အဲဒီအချိန်မှာ မိခင်ဟာ ခန္ဓာကိုယ်အရမ်းပိန်လှီနေပြီဖြစ်ပေမယ့် အရင်လိုပဲ သားဖြစ်သူ စိတ်မပူအောင်—

“မေမေ အဆင်ပြေပါတယ်” လို့ ပြောခဲ့ပါတယ်။

အဲဒီညမှာ ပါချိုဟာ မိခင်ဘေးမှာပဲ အိပ်ခဲ့ပါတယ်။ မိခင်အိပ်ပျော်နေချိန်မှာတော့ သူက မျက်ရည်တွေကို တိတ်တိတ်လေးကျစေရင်း ငိုနေခဲ့ပါတယ်။

အသင်းဆီ ပြန်မသွားခင် မိခင်နဲ့အတူ ဓာတ်ပုံတစ်ပုံရိုက်ထားချင်ခဲ့ပေမယ့် သူ မရဲခဲ့ပါဘူး။ “နောက်တစ်ခါ အခွင့်အရေးရဦးမှာပဲ” လို့ တွေးခဲ့မိပါတယ်။

လအနည်းငယ်ကြာပြီးနောက် ပါချိုဟာ သူ့ဘဝရဲ့ အိပ်မက်တစ်ခုဖြစ်တဲ့ ပရော်ဖက်ရှင်နယ်ကစားသမားဘဝ ပထမဆုံးပွဲထွက်ခွင့် ရတော့မယ်ဆိုတဲ့ သတင်းကို ရရှိခဲ့ပါတယ်။

သူက အဲဒီသတင်းကို မိခင်ဆီ ဖုန်းဆက်ပြောချင်ခဲ့ပေမယ့် မိခင်က ဖုန်းမကိုင်ခဲ့ပါဘူး။ အဲဒီမတိုင်ခင်ညမှာလည်း မိခင်က အရမ်းပင်ပန်းနေတယ် လို့ ပြောထားခဲ့ပါတယ်။

နောက်တစ်နေ့မနက်မှာတော့ ပါချို နိုးလာချိန်မှာ ဖုန်းခေါ်ဆိုမှုတွေနဲ့ မက်ဆေ့ချ်တွေ အများကြီး ရောက်နေခဲ့ပါတယ်။

သူ့မိခင် ဆုံးပါးသွားခဲ့ပြီဖြစ်ပါတယ်။

ဒါပေမယ့် သူ့မိသားစုက အဲဒီသတင်းကို ပါချိုဆီ မပြောခဲ့ကြပါဘူး။ အကြောင်းကတော့ သူ့ဘဝတစ်လျှောက် အိပ်မက်မက်ခဲ့တဲ့ ပထမဆုံးပရော်ဖက်ရှင်နယ်ပွဲကို မိခင်ဆုံးပါးသွားတဲ့သတင်းကြောင့် မပျက်စီးစေချင်လို့ပါ။

ပါချိုဟာ ဘာမှမသိဘဲ ကွင်းထဲဝင်ခဲ့ပါတယ်။ အစွမ်းကုန် ကြိုးစားကစားခဲ့ပြီး ပွဲလည်း ၀-၀ နဲ့ ပြီးဆုံးခဲ့ပါတယ်။ ပွဲပြီးတဲ့အခါ နည်းပြက သူ့ကို အခန်းတစ်ခန်းထဲ ခေါ်သွားခဲ့ပါတယ်။ အဲဒီမှာ သူ့အဖေနဲ့ ယောက်ဖဖြစ်သူတို့ ရှိနေခဲ့ပါတယ်။

အဲဒီအချိန်မှာမှ အမှန်တရားကို ပါချို သိခဲ့ရပါတယ်။
သူ့မိခင်ဟာ အဲဒီမနက်အစောပိုင်းမှာပဲ ဆုံးပါးသွားခဲ့တာပါ။

“တစ်နေ့လုံး လူတိုင်းက သိနေခဲ့ကြတယ်။ လူတိုင်းပဲ။ ကျွန်တော့်နည်းပြ၊ ကျွန်တော့်မိသားစု… ကျွန်တော့်အိပ်မက်ကို အကောင်အထည်ဖော်နိုင်အောင် သူတို့က ဘာမှမပြောခဲ့ကြတာ။ အမေကိုယ်တိုင်လည်း ဒီလိုပဲ ဖြစ်စေချင်မယ်လို့ သူတို့ထင်ခဲ့ကြတယ်…”

အဲဒီအမှန်တရားကို သိလိုက်ရချိန်မှာတော့ ပါချိုဟာ မျက်ရည်တွေကို မထိန်းနိုင်တော့ဘဲ ပြိုလဲငိုကြွေးခဲ့ပါတယ်။

အဲဒီနေ့ဟာ ဝီလီယန် ပါချိုရဲ့ ဘဝတစ်လျှောက် အိပ်မက်မက်ခဲ့တဲ့ အိပ်မက်ကို အကောင်အထည်ဖော်နိုင်ခဲ့တဲ့နေ့ ဖြစ်ခဲ့ပါတယ်။ ဒါပေမယ့် အဲဒီအိပ်မက်ကို မြင်တွေ့ဖို့ သူ့ဘဝမှာ အမြဲတမ်း အားပေးခဲ့တဲ့ မိခင်ကတော့ အဲဒီအချိန်မှာ ရှိမနေတော့ပါဘူး။

အိပ်မက်တစ်ခု အကောင်အထည်ဖော်နိုင်ခဲ့တဲ့နေ့… တစ်ချိန်တည်းမှာပဲ မိခင်ကို ထာဝရဆုံးရှုံးခဲ့ရတဲ့နေ့။ 💔