Дорнод аймгийн Явган Алхалтын Холбоо

Тархины алжаал тайлах уулын горхины хоржигнох чимээ сонсох сайхан. Богдхан уулын Зайсангийн ам.

Байгаль дэлхийгээсээ цэнэг авч 7 хоног бүрийн 1 өдөр алхдаг болсноор амьдрал минь дахин эхэлсэн...

Намайг Далхжавын Болорцэцэг гэдэг. Би Сүхбаатар нутгийн эмэгтэй. Улаанбаатар хотод олон жил амьдарч байна. Сүүлийн зургаан жил долоо хоног бүрийн нэг өдрийг өөртөө зориулж алхдаг болсон. 40 нас хүртлээ амьдралынхаа төлөө тэмцээд л байна гээд нэг мэдсэн маш их эрч хүч, энергиэ алдсан байсан. Амархан ядарч сульдаад амьдралын ямар ч эрч хүчгүй байсхийгээд л өвдөөд сүүлдээ эмнэлэгт ойр ойрхон үзүүлээд эрүүл мэнд, сэтгэл зүй тогтворгүй болсон байсан. Залуу насны эрч хүчээ алдаж, стресстэж эхэлсэн яг тэр үедээ би алхсан. Одоо ямар ч бухимдах зүйлгүй дахин шинээр төрсөн мэт эрүүл энх амьдарч байна. Одоогийн байдлаар эх орныхоо олон байгалийн сайханд алхахаас гадна Япон, БНСУ, БНХАУ гээд олон улсад хүртэл алхаж алхалтын спортод өөрийн гэсэн хувь нэмрээ оруулж 3000 орчим км алхсан амжилт гаргажээ.

Хүмүүс бусдаас бүх зүйлийг эрж хайж, бусдаас хамаарсан хүлээстэй амьдарч энэ бүгдэд бие, сэтгэл зүй маш их ядардаг. Харин алхаснаар, байгалийн сайханд аяласнаар өөрийгөө цэнэглэж байгалиас эрч хүч, энергийг авдаг. Ингэж цаг агаарын олон янзын нөхцөлд хурцлагдаж, энэ бүхнийг даван туулж, зорилгодоо хүрч, өөрөө өөрийгөө ялан дийлдэг юм шүү. Энэ гайхамшигтай үр дүнг өөр дээрээ бодитоор мэдэрсэн учраас бусдыг ч гэсэн энэ мэдрэмжийг мэдэрч, эрүүлжиж БАЙГАЛЬ ДЭЛХИЙГЭЭСЭЭ ЦЭНЭГ АВААРАЙ гэж уриалмаар байна.

ЦЭНЭГ | ЭРҮҮЛ МЭНДЭЭ ЦЭНЭГЛЭ

#ЦэнэгАВ #Цэнэг #ЭрүүлМэндийнБэлдмэл