Сэлэнгэ аймгийн Шатрын холбоо

♟️ БАЯРТАЙ МЭДЭЭ! 🎉🏆

Таван Хан шатрын клубын тамирчид Төмөрчөдөрийн ТҮВШИНТУЛГА, Баттөрийн ЦОЛМОН нарын олон улсын шатрын цол албан ёсоор баталгаажиж, дэлхийн шатрын тавцанд бүртгэлтэй, олон улсын цолтой тамирчдын эгнээнд албан ёсоор нэгдлээ. 👏🌍

Энэ амжилт бол ганц өдрийн хөдөлмөр биш.

Тэд 5 настайгаасаа эхлэн Таван Хан шатрын клубт тасралтгүй хичээллэж, уйгагүй хөдөлмөр, сахилга бат, тууштай хичээл зүтгэлийнхээ үр дүнд 10 жилийн хамтын ажиллагааг бодит амжилт болгон бүтээж чадлаа.

Энэхүү сайхан амжилтын ард хүүхдүүддээ итгэл хүлээлгэн үргэлж дэмжиж ирсэн аав, ээжүүд, үнэтэй зөвлөгөө, хөдөлмөрөө зориулсан багш дасгалжуулагчид, мөн тусалж дэмжсэн бүх хүмүүст гүн талархал илэрхийлье. 🙏❤️

Энэ бол зөвхөн хоёр тамирчны ялалт бус, Монголын шатрын ирээдүй гэрэлтэж буйн илэрхийлэл юм.

♟️ Төмөрчөдөрийн ТҮВШИНТУЛГА
♟️ Баттөрийн ЦОЛМОН

Та бүхэндээ цаашдын тэмцээн уралдаанд нь өндөр амжилт, эрүүл энх, улам их ялалт хүсэн ерөөе.

🏆 Дэлхийн шатрын ноён оргилд хүрч, Монгол Улсынхаа нэрийг дэлхийд улам өндөрт өргөөрэй! 🇲🇳♟️

"Мөрөөдлийг ур чадвараар, ур чадварыг амжилтаар бүтээнэ."

ШАТАРЧИД ЕВРОПЫГ ЗОРЬЖЭЭ.

Манай шатрын улсын Шигшээ багийн тамирчдыг Шигшээ багийг ахлах дасгалжуулагч Ц. Батсайхан, дасгалжуулагч Б. Ану нар ахалж, Европын цуврал тэмцээнүүдэд оролцохоор эх орноосоо мордож байна.
Баг тамирчдыг МШХ-ны Ерөнхий нарийн бичгийн дарга Ж. Амгалан үдэн гаргаж өгөхдөө Ерөнхийлөгч Г.Занданшатарын захиасыг дамжуулж, амжилт хүсэн, 9-р сард Узбекистан улсын Самарканд хотод болох Дэлхийн шатрын олимпиадын бэлтгэл хангах зорилгоо биелүүлэхийн төлөө хичээн зүтгэхийг даалгасан байна.
Монголын шилдэг шатарчид, баг хамт олондоо амжилт хүсье.