Soniuch Sport

ПАРИС-2024 НААДМЫГ ӨНЖИНӨ

Монголын шигшээ баг нэмэлт цагт Польшийн багт 22-20 харьцаатай хожигдлоо. Сүүлийн 2 тоглолтыг гурван хүний бүрэлдэхүүнтэй тоглосон ч эцсээ хүртэл тэмцэж гайхамшигтай тоглолтыг толилууллаа.
Энхбатын Дөлгөөн энэ залууд хэлэх ганц л үг ГАЙХАЛТАЙ...

ОЛИМПЫН ЭРХИЙН ТӨЛӨӨ ДАХИАД ГАНЦ...

Монгол улсын шигшээ баг Унгар улсад зохион байгуулагдаж буй “Парис-2024” Олимпын эрх олгох тэмцээний хасагдах шатны тоглолтоо Францын шигшээ багтай хийж эцсийн мөчид тун харамсалтай ялагдлаа. Одоо тэд Литва болон Польшийн шигшээ багийн хожсонтой 03:20 цагаас 3-р байрын төлөө буюу Олимпын эрхийн төлөө чухал бөгөөд сүүлчийн тоглолтоо хийх юм. Хэдий Ананд алдаа гаргаж тоглолтоос хасагдсан ч бусад залуус маань үүргээ тултал гүйцэтгэж байна.

Шууд дамжуулалт: Premier sports network

БҮХ ОДДЫН ТОГЛОЛТЫН ЭМЭГТЭЙ БАГУУД ТОДОРЛОО

МСБХ-ны Үндэсний Дээд Лигийн 2023-24 улирлын Бүх Оддын тоглолтын санал асуулгад хамгийн өндөр саналыг авч хоёр багийн ахлагчаар сонгогдсон Ө.Индра, Б.Ариунцэцэг нар өөрсдийн багаа бүрдүүллээ.

БҮХ ОДДЫН ТОГЛОЛТЫН ЭРЭГТЭЙ БАГУУД ТОДОРЛОО

МСБХ-ны Үндэсний Дээд Лигийн 2023-24 улирлын Бүх Оддын тоглолтын санал асуулгад хамгийн өндөр саналыг авч хоёр багийн ахлагчаар сонгогдсон М.Өлзий-Орших, Д.Дэлгэрням нар өөрсдийн багаа бүрдүүллээ.

"ПСЖ" ФРАНЦЫН АВАРГУУДЫН ЦОМЫН ЭЗЭН БОЛЛОО

Францын аваргуудын цомын тоглолт "Парк де Пренс" цэнгэлдэх хүрээлэнд "ПСЖ" болон "Тулуз" багуудын хооронд явагдлаа. Тоглолтын 3 дахь минутад "ПСЖ" багаас Ли Канг-ин гоолдож тоглолтын тооны харьцааг нээсэн бол 44 дэх минутад Килиан Мбаппе хоёр дахь гоолыг оруулсанаар тоглолт 2:0 оноогоор өндөрлөсөн юм.
Улирал эхлэхийн өмнө Луис Энрикег ахлах дасгалжуулагчаар аваад байсан "ПСЖ" баг Францын аваргуудын цомд ийнхүү 12 дахь түрүүгээ хүртэж байна.

АНУ-ын Сан Франциско дахь Монголын уран нугаралтын төвийн уран бүтээлчид өнөөдөр/2023.01.03/ NBA-ийн талбайд үзүүлбэрээ толилуулжээ. Тодруулбал, Голден Стэйт Уорриорс баг өөрсдийн Чейз центртээ Атланта Хавкс багийг хүлээн авч тоглож байгаа бөгөөд тоглолтын эхлэлд Монголын уран нугаралтын тоглолт болжээ.
Энэ талаар тус төвийн цахим хуудаснаа “Монгол Улсын Гадаад харилцааны яам, Сан Франциско хот дахь Ерөнхий консулын газар, Бэй Аэриагийн монголчуудын холбоо, Монгол уран нугаралтын төв хамтран сагсан бөмбөгөөр дамжуулан соёл урлагаа сурталчлах зорилгоор 2023 оны нэгдүгээр сарын 2-ны өдөр Америкийн үндэсний сагсан бөмбөгийн холбооны лигийн аварга баг “Golden State Warriors” багийн “Atlanta Hawks” багтай хийх тоглолтын салхийг хагалан, монгол уран нугаралтын гайхамшгийг дэлхийн сая сая хүмүүст үзүүлэх гэж байна. Түүхэн энэ үйл явдлын гэрч болохоор 100 гаруй тасалбарыг худалдан авсан монголчууддаа баярлалаа” гэжээ.
Мөн тоглолт эхэлсэнийг зарлан, тоглолтын цан цохих хүндтэй үүргийг Монгол Улсаас Сан Франциско хотод суугаа Ерөнхий консул Б.Ургамалцэцэг гүйцэтгэсэн аж.

АНУ-д чөлөөт бөхийн 2022 оны Дэлхийн цомын тэмцээн өнгөрсөн амралтын өдрүүдэд болж, Монгол Улсын эрэгтэй, эмэгтэйчүүдийн шигшээ баг өрсөлдлөө.
Монголын эмэгтэй баг хэсэгтээ Японы бөхчүүдийг ялсан бол Украины багт 3:7-гоор дийлджээ. Улмаар тэд хагас шигшээд тэмцээн зохион байгуулагч АНУ-ын багийг 7:3-аар ялснаар хүрэл медаль хүртлээ.
Монголын эмэгтэй бөхчүүд Дэлхийн цомд өмнө нь 2013 онд мөнгө, 2015, 2017, 2018 онд хүрэл медаль хүртэж байв.

Арабын нэгдсэн Эмират улсын Дубай хотод пауэрлифтингийн Ази тивийн аварга шалгаруулах тэмцээний ахмадын М-2 ангиллын эрэгтэйчүүдийн +120 кг-д Ц.Баярхүү нийлбэр дүнгээр 590 кг-ыг өргөж алтан медаль хүртэв.
Тэрбээр суултын төрөлд 190 кг-ыг өргөж мөнгө, шахалтын төрөлд 170 кг-ыг шахаж алт, таталтын төрөлд 230 кг-ыг татаж алтан медалийн эзэн болсон байна.
Тивийн аварга шалгаруулах тэмцээн 12 дугаар сарын 2-8-нд болж байгаа бөгөөд Монгол Улсаа төлөөлөн 12 тамирчин өрсөлдөж байна.

Нүүрсний хулгайн 44₮ их наяд гэхээр бусад хулгай орвол баруун эсвэл зүүн бүсийг тэр чигээр нь авахаар харагдаж байна

via Hustle media

Бразилын шигшээгийн хэвлэлийн бага хурал, бэлтгэл дээр очлоо. Хэвлэлийн бага хуралд ахлах дасгалжуулагч Тите, багийн ахлагч Тиагу Сильва нар оролцсон. Мэдээж сэтгүүлчдийн гол сонирхсон асуулт бол Неймарын маргаашийн тоглолтод оролцох эсэх.
Тите дасгалжуулагч: Неймар өнөөдөр багийн бэлтгэлд бүтэн оролцоно. Бэлтгэлийн байдлаас маргаашийн тоглолтод оролцох эсэхийг шийднэ. Хэрэв бэлтгэл дээр бүх зүйл хэвийн байвал маргааш тоглолтод оролцоно гэв.
-Неймар гараанд гарах уу, эсвэл сэлгээнээс тоглолтыг эхлэх үү? гэсэн асуултад:
-Неймарын эрүүл мэнд, формоос шалтгаална. Би бол түүнийг гараанд гаргахаар тооцоолж байна. Мэдээж багийн эмч, физик эмчилгээний дүгнэлтийг харна. Би шилдэг бүрэлдэхүүнээ тоглолтын эхнээс тоглуулахыг хүсдэг хэмээн хариуллаа.
Дараа нь Катар дахь Бразилын шигшээ багийн бэлтгэлийн бааз- Аль Араби спорт клубын Grand Hamad цэнгэлдэхэд Бразилын шигшээгийн бэлтгэлийг сонирхлоо.
Неймар багийн бүх гишүүдийн хамт бэлтгэлд оролцов. Тэр ч бүү хэл хоёр тал болон тоглоход гоол оруулж байна.

Өчигдөр болсон Аргентин, Польшийн тоглолт дээр Лионель Месси 11 метрийн цохилт алдсан билээ.
Месси дээр алдаа гарсан эсэхийг тодруулахаар шүүгч VAR үзэж байхад хаалгач Шченсны Аргентины Месситэй ярилцаж байсан билээ. Тоглолтын дараа сэтгүүлчид түүнээс юу ярьж байсныг нь сонирхоход польш хаалгач “Шүүгч пенальти заахгүй гэж би түүнд хэлсэн. Тэгээд 100 еврогоор мөрийцсөн. Ийм бооцоо тавьж болох эсэхийг мэдэхгүй. Магадгүй намайг торгож болох юм. Шүүгч пенальти заасан тул би бооцоогоо алдсан. Гэхдээ би Мессид төлөхгүй. Тэр угаасаа баян” гэж ярьжээ. Энэ ДАШТ-д тэрээр хоёр пенальти хаагаад байгаа юм.

Аргентины шигшээ багийн ахлагч Лионель Месси Мексикийн багийн өмсгөлийг газарт унагасан талаар анх удаа тайлбар хийжээ. Үүний төлөө түүнийг Мексикийн ард түмэнд хүндэтгэлгүй хандсан хэмээн буруутгасан билээ.
Тэгвэл Мессийг өмөөрч хөлбөмбөгийн төдийгүй спортын бусад төрлийн нэрт төлөөлөгчид үзэл бодлоо илэрхийлсэн. Домогт боксчин Майк Тайсон “Канело гэгч Лионель Мессийг заналхийлжээ. Хэрэв тэр Мессид гар хүрч зүрхлэх юм бол надад олон жилийн дараа рингдээ буцаж гарахаас өөр аргагүй болох нь” гэж олон нийтийн сүлжээнд бичсэн байна.
Сануулахад, Мексикийн багийг 2:0 оноогоор ялсны дараах Аргентины багийн хувцас солих өрөөний гэрэл зураг олон нийтийн сүлжээнд түгсэн билээ. Гэрэл зургаас үзвэл Мессигийн хөл дор Мексикийн шигшээ багийн өмсгөл хэвтэж байгаа харагддаг. Үүний төлөө Мексикийн боксчин, дэлхийн үнэмлэхүй аварга Канело хочит Сауль Альварес түүнийг буруутгаж байсан юм.
Месси энэ тухай тайлбар хийхдээ “Үүнийг буруу ойлгосон байна. Намайг мэддэг бүх хүн миний зүгээс ямар нэгэн хүндэтгэлгүй харьцсан зүйл байхгүй гэдгийг ойлгож байгаа. Тэр бол тоглолтын дараах хувцас солих өрөө. Би хэзээ ч Мексикийн ард түмэн болон Мексикийн багийн өмсгөлд хүндэтгэлгүй хандаж байгаагүй тул уучлал эрэх шалтгаан байхгүй” гэжээ.
Хожим нь Сауль Альварес Месси болон Аргентины ард түмнээс уучлал эрж буйгаа илэрхийлэв. Тэрбээр бодлогогүй үг хэлсэндээ уучлал хүсээд “Бид бүгд шинэ зүйлд суралцаж байдаг энэ удаа миний ээлж байжээ” гэж нийгмийн сүлжээнд бичсэн байна.