X team

🇮🇹Итали улсын сүрлэг уулсын дунд, цас салхи сөрөн өрнөсөн Милан–Кортина 2026 өвлийн олимпын тэмцээн нь зүгээр нэг уралдаан, энгийн шалгуур байгаагүй юм. Энэ бол олон жилийн уйгагүй хөдөлмөр, тасралтгүй итгэл найдвар, тамирчин ба дасгалжуулагчийн хоорондын нягт холбоо, харилцан итгэлийг сорьсон жинхэнэ шалгуур байлаа.

Бормио хотын цастай нурууны налуу дээр 🇲🇳Монголын далбаа намирч, А. Ариунбат 70 орны 96 шилдэг тамирчны дунд эх орныхоо нэрийг дуурсган уралдлаа. Эхний гараанд 45 дугаар байрт, хоёрдугаар шатанд 39 дүгээр байрт орж, нийлбэр дүнгээр 38 дугаар байрыг эзэлсэн нь Монголын уулын цанын түүхэнд бичигдэх бодит, бахархам амжилт юм.

Гэхдээ энэ амжилтын цаана ганц тамирчин байгаагүй. Түүний ард чимээгүйхэн зогсож, өглөө бүр итгэл өгч, орой бүр дүн шинжилгээ хийж, уналт бүрийн дараа “болно оо” гэж хэлж явсан хүн бий. Тэр бол Үндэсний шигшээ багийн дасгалжуулагч, X Team-н гишүүн бидний найз С.Тэмүүлэн байлаа.

Дасгалжуулагчийн ажил гэдэг индэр дээр зогсохын нэр биш, харин тэр индэрт хүрэх урт, бартаатай замыг тамирчинтайгаа мөр зэрэгцэн туулдаг хүндтэй мэргэжил билээ. Заримдаа тамирчнаасаа илүү догдолж, илүү их санаа зовж, ялалт, ялагдлын аль алинд нь илүү хариуцлага үүрч явдаг хөдөлмөр юм. Энэ бүхнийг Тэмүүлэн найз минь чимээгүйхэн, тууштайгаар, олон жилийн турш хийж ирсэнд найзууд бид чин сэтгэлээсээ баяр хүргэж, цаашдын их амжилтыг нь хүсэн ерөөе.🎉🎉🎉

2026.01.10

🇲🇳🥈 МӨСӨНД АВИРАЛТЫН ДЭЛХИЙН АВАРГАД МӨНГӨН МЕДАЛЬ!

ОУУХ (UIAA)-ийн зохион байгуулж буй БНСУ-ын Чонгсон хотын Мөсөнд авиралтын дэлхийн аварга шалгаруулах тэмцээний эрэгтэйчүүдийн хурдны төрөлд эх орноо төлөөлөн оролцсон МУҮХ-ны багийн тамирчин, спортын мастер О.Сайханжаргал маань мөнгөн медалийн болзол хангаж, бахархам амжилт үзүүллээ.

Энэ бол нэг өдрийн, нэг тэмцээний аз биш —
олон жилийн хөдөлмөр, хөлс, тэсвэр тэвчээр, шантрашгүй зангийн чинь бодит үр дүн шүү найзаа.

Бид чиний хэр их хичээж, хэчнээн их золиос гаргасныг мэднэ.
Итгэл алдалгүй, зорилгодоо үнэнч явж ирсэн чамайгаараа үнэхээр их бахархаж байна 🙌

Медаль гардуулах ёслол удахгүй эхэлнэ.
Энэ бол эхлэл гэдэгт бид итгэж байна.

Чамд чин сэтгэлээсээ баяр хүргэе!
— Хажууд чинь үргэлж байсан, одоо ч байгаа xteam-ийн найзууд 💙

ЭМГЭНЭЛ
ОТГОНБАЯРЫН ШИНЭБАЯР
(1990-2025)

Бидний дотны анд, X-Team гэр бүлийн гишүүдийн нэг Шинэбаяр маань 2025 оны 10 дугаар сарын 5-ны өдөр хүнд өвчний улмаас цаг бусаар хорвоог орхиж бидэнд нөхөж баршгүй гарз тохиолоо.

Шинээ маань зөвхөн уулын оргилд төдийгүй, найз нөхдийнхөө сэтгэлийн оргилд ч хүрч чадсан хүн байлаа. Шинээ үргэлж инээмсэглэн, урам зориг өгч, алиа хошин үг, халуун дотно зангаараа бидний өдрүүдийг гэрэлтэй болгож ирсэн. Ууланд ч, амьдралд ч тэр хэзээд бусдын итгэл найдвар, түшиг тулгуур байсан.
Бидэнтэй хамт байсан аялал, авирсан оргил бүрд хуваалцсан халуун цайны амт, хөгжилтэй яриа, салхи сөрсөн тэр мөчүүд бүгд одоо дурсамж болон зүрхэнд минь амьд байна. Цөөнгүй орой хамт суухдаа ярьсан мөрөөдөл, зорилгынхоо талаар урам зоригтой өгүүлдэг тэр дуу хоолой одоо ч чихэнд сонсогддог юм шиг.
Найз маань амьдралын өнгө бүрийг инээмсэглэлтэйгээр мэдэрч чаддаг, хэзээд өөд рүү тэмүүлдэг, уужим сэтгэлтэй нэгэн байсан. Тэр уулсын орой дээр үлдсэн салхи, манан дунд бидний дурсамж болон үргэлжилж байна.

Гэр бүл, төрөл төрөгсөд, хайртай хүмүүст нь гүн эмгэнэл илэрхийлье.

Амгалан нойрс доо, хайртай анд минь. Чи бидний дурсамжинд үргэлж инээмсэглэн, уулсын салхинд мөнхөд аялсаар байх болно.

2 кино маань бүх IP TV орсон байна шүү. Үзэж амжаагүй хүмүүс үзэх боломжтой боллоо.

Бүх цаг үед биднийг дэмжиж байсан та бүхэндээ бид талархаж банйа. Уул Хад Мөс спорт мандан бадартугай.. Бүх холбоо эсвэл баг нэгнийгээ дэмжтүгэй!!!

ОЛОН УЛСЫН УУЛЫН ӨДРИЙН МЭНД
Уулчид та бүхэн биет бус соёлын өв тээгчид тул та бүхэнд баярын хүргэе...

НҮБ-ын Боловсрол, шинжлэх ухаан, соёлын байгууллага - ЮНЕСКО нь Олон улсын уулын өдөр буюу 2019 оны 12 дугаар сарын 11-нд Альпинизм буюу Өндөр уулын авиралтыг Хүн төрөлхтөний Биет бус соёлын өвөөр албан ёсоор бүртгэж авсан билээ..

Happy International Mountain Day

Coming soon next adventure documentory movie..

Hold on