OLSC Mongolia

2025 онд Ливэрпүүл маань хүсэн хүлээсэн 20 дахь Лигийн түрүүгээ хүртэж, мартагдашгүй олон ялалтыг байгуулсан ч иртэй довтлогч Жотагаа үүрд алдсан дэндүү харамсалтай явдал тохиолдож, баг маань ч давхар хямарч, хэсэгхэн уналттэй хүнд үеийг ч туулаад амжлаа.

Ирж буй 2026 онд баг маань илүү гайхалтай тоглож, бид бүхнийг баярлуулсан жил байгаасай гэж хүснэм..

Ливэрпүүлийн үнэнч хөгжөөн дэмжигч олон түмэн, та бүгдийнхээ гэр бүлд айлчлан ирж буй Шинэ оны мэндийг дэвшүүлж байна 🎊🎆

Тэргүүн Б.Бадруул

Копууд та бүхэндээ зул сарын баярын мэнд хүргэе!

Merry Christmas, everyone! 🔴

"Мөрөөдөл биелсэн аялал №2" копуудын сэтгэгдлээс..

📌24 Dec 2024, Liverpool vs Manchester City тоглолт

Хорин жил улаан зүрхээр амьдарч, Ливэрпүүлд итгэж, баяр хөөр, гашуун ялагдлын аль алиныг нь хамт туулсан би энэ багийн тоглолтыг Анфилдэд үзэхийг зүгээр нэг мөрөөдөл гэж боддог байлаа.

Гэвч тэр мөрөөдөл минь биелсэн өдөр бүх зүйл утга учиртай болж хувирсан юм.

Оффишл эрхтэй хөгжөөн дэмжигчдийн клуб байна гэдэг, копууд бидний мөрөөдлийн аяллыг бодит болгох тасалбарууд хямд үнээр олдож байгаад талархаад ханашгүй.

“You’ll Never Walk Alone” дуу эхлэх мөчид мянга мянган улаан дэмжигчдийн зүрх нэгэн зэрэг цохилж байгааг мэдрэх нь үнэхээр гайхамшигтай байлаа. Тэр үед би нэг л зүйлийг бүрэн ойлгосон. Ливэрпүүл бол зүгээр нэг хөл бөмбөгийн клуб биш, энэ бол соёл, заншил, итгэл, үнэнч байдлын ордон байж.

Салах, Ван Дэйк зэрэг тоглогчид талбай дээр зүрх сэтгэлээ бүхэлд нь зориулж, Анфилдын уур амьсгал үгээр илэрхийлэхийн аргагүй байв.

Тоглолтын уур амьсгал, агаарт шингэсэн тэр бүх догдлол, хүмүүний нүргээн, бөмбөгний цохилт, баярын уухай бүгд нэгэн утгад цул болж хувирсан.

Тэр бүхнийг илэрхийлэх ганцхан үг байжээ.

Тэр үг бол — Ливэрпүүл.

Та бүхэндээ 15 жилийн ойн мэнд хүргэе.

Чи хэзээ ч ганцаараа алхахгүй.
Ц.Өнөболд

"Мөрөөдөл биелсэн аялал №1" копуудын сэтгэгдлээс..

📌19 May, 2024 улирлын хаалтын тоглолт

Ө: Юуны түрүүнд Монгол дахь Ливэрпүүлийн фэн клубийн хамт олонд 15 жилийн ойн баярын мэндийг та бүхэндээ хүргэе. Юргэн Клоппын сүүлчийн тоглолтыг очиж үзэх ховор боломжийг олгосон та бүхэнд чин сэтгэлийн талархал илэрхийлье.

Энэ бүхэн домогт дасгалжуулагч Клопп маань багаа орхино гэсэн мэдээг сонссон тэр өглөөнөөс хойш сүүлийн тоглолтыг нь заавал үзэх юмсан гэсэн хүслээс эхэлсэн билээ.

Гэсэн ч билетийн үнэ тэнгэрт хадсан, олдоц ч маш муу байв. Тэр үед манай баг аваргын төлөө өрсөлдөж байсан учраас сүүлчийн тоглолтын дараа аваргын цом өргөж, ялалтын парад үзэх болов уу гэж дотроо горьдож байлаа.

Харин манай фэн клубт сүүлийн тоглолтын 14 тасалбар маш хямд үнээр олгогдсон тухай сонсоод клубийн шугамаар тоглолт үзэх ховор боломж гарч ирсэн нь бидний хувьд үнэхээрийн аз завшаантай хэрэг болсон. Ийнхүү эргэлзэлгүйгээр Английг зорихоор шийдсэн.

Олон жил зөвхөн зурагтаар харж, очихыг мөрөөдсөн Анфилд цэнгэлдэхэд хөл тавих тэр мөч үнэхээр гайхамшигтай байв. “This is Anfield” хэмээх алдарт самбарт гараараа хүрэхэд сэтгэл догдолж, нүдэнд нулимс цийлгэнэж, олон жилийн мөрөөдөл бодит болсон мэт санагдсан. Цэнгэлдэхийн зүлэг талбайг хажуугаас нь харахад бүх зүйл үлгэр шиг санагдаж байлаа.

Коп стэндээс тоглолтоо үзэхэд л Ливэрпүүл яагаад Анфилд дээрээ ямагт хүчирхэг байдгийг ойлгосон. Копууд 90 минутын турш зогсолтгүй багаа дэмжиж, хажууд суусан хүний үг ч сонсогдохооргүй чанга дуулж байлаа. Тэд яг л талбайд хамт тоглож байгаа мэт эрч хүчээ багтаа өгч, сэтгэлээсээ дэмжиж байв.

Тоглолтын өмнө болон дараа нь YNWA-г копуудын дунд хамт дуулсан тэр мөч үнэхээр сэтгэл хөдөлгөж, нулимс өөрийн эрхгүй гарч байлаа. “You’ll Never Walk Alone” гэх үгийн утга тэр мөчид зүрхний гүнээс мэдрэгдсэн.

Тоглолт сайхан болж, бид Клоппоо сэтгэл дүүрэн үдэж гаргасан.

Анфилдад очиж үзээгүй байгаа копууддаа заавал очоорой гэж хэлье.

Тэр газар, тэр хот үнэхээр ид шидтэй, онцгой мэдрэмжийг төрүүлдэг юм байна.
Анфилд бол зөвхөн цэнгэлдэх биш харин сүнс, итгэл, хайр оршдог газар юм байна билээ.

Чи хэзээ ч ганцаараа алхахгүй.
Ж.Өгөөдэй, Ө.Дөлгөөн нараас

Одоогоос 15 жилийн өмнө Спортын цонх форумд учран танилцсан Ливэрпүүлийн дэмжигч хэсэг залуус 2010 оны 11 сарын 07-ны өдөр МҮОХ-ны хурлын танхимд цуглаж, анхны бүх гишүүдийн хурлаа хийж, Ливэрпүүлийн фэн клубийг албан ёсоор байгуулсан түүхтэй.

Ливэрпүүлийн Монгол дахь дэмжигчдэдээ 15 жилийн ойн мэнд хүргэе!

⚽️⚽️⚽️

EPL-ийн тоглолтгүй амралтын өдрөө Монголын дотоодын лигийн тоглолтоо хамтдаа үзэцгээе, копуудаа.

Намрын нэмэх градустай сүүлийн өдрүүдийн нэг бололтой. +10'C-тай байх нь.

Бямба гарагийн 16:00 цагт Монголын хөл бөмбөгийн талбайд Fanzone-ын суудалдаа суунгаа шар айраг, халуун уух зүйлсээ уугаад багаа хамтдаа дэмжиж болох нь ээ.

Эрхэм хүндэт фанатууд аа!

Хангарьдын FAN EVENT иргэн ирлээ!
Бидний дараагийн чухал тоглолт Дэрэн фс-тэй хийх тоглолт байх болно.

Ялалтын төлөө хамтдаа цуглаж багаа дэмжих цаг ирлээ! 💪
Талбай дээр ирээд багийнхаа урам зориг, хоёр дахь тоглогч нь болоорой!

📅 11/10 (Бямба) 15:00
📍 Монголын Хөлбөмбөгийн Холбооны Цэнгэлдэх Хүрээлэн

🎉 ФАНАТУУДАД ЗОРИУЛСАН ОНЦГОЙ ҮЙЛ АЖИЛЛАГАА!
✅ Hot Drink: Coffee, Tea
✅ Drink: Beer 2+1 🍻
✅ Merch: Jersey sale 🎽
✅ Photo Zone: Photo Zone дээр зургаа даруулаарай!

𝐏𝐨𝐰𝐞𝐫𝐞𝐝 𝐛𝐲:
⚡️www.apeiro.mn

𝐒𝐩𝐨𝐧𝐬𝐨𝐫𝐞𝐝 𝐛𝐲:
🏭 Эрдэнэт үйлдвэр ТӨҮГ
💧 Maya Water
🤝 Амар Даатгал - Amar Insurance
💪 Scitec Nutrition Mongolia
🏋️ Champ Fitness
🏥 Рехамед Эмнэлэг
👕 STDesign хувцасны хэвлэл

Одоогоос 5 жилийн өмнөх энэ өдөр Диого Жота маань Ливэрпүүлийн тоглогч болж байлаа....

Always in our hearts. Forever our #20 ❤️

OLSC Certificate 25/26 маань иржээ.

YNWA!

Ливэрпүүлийн ахлагч Вөржил Ван Дайк дэбютээ хийснээс хойш 7 жил өнгөрч байгаа бөгөөд өнгөрсөн хугацаанд Анфилддаа ердөө 3 удаа л хожигдсон (лигийн тэмцээний хүрээнд) байдаг.

Энэ бол үнэхээр мундаг амжилт бөгөөд бусад Топ багууд өнгөрсөн уг хугацаанд хэд хожигдсоныг тооцож үзэхэд;

Ман Ютд - 33 удаа Олд Траффордод ялагдсан
Челси - 27 удаа Стэмфорд Брижид ялагдсан
Арсенал - 22 удаа Эмирэйтсдээ ялагдсан
Ман сити - 11 удаа Этихадад ялагдсан байдаг.

Ван Дайкын хувьд эдгээр топ багуудын эсрэг мөн л Анфилдад хожигдож байгаагүй бол харин бүгдийнх нь талбайд хожиж үзсэн байдаг билээ 💪

Мөрөөдлөөрөө амьдарсан жаалхүү Астон Вилла клубыг зорьлоо.

Астон Вилла клуб Харви Эллиотийг 35 сая фунтээр худалдаж авах нөхцөлтэйгээр улирлын турш зээлээр тоглуулахаар тохиролцсон байна.

16 настайдаа Фулхэмийн академиас ирж байсан Харви хүүхэд байхаасаа Ливерпүүл клубын үнэнч фэн байсан гэдэг.

Харви Мөрөөдлийнхөө багт тоглосон жилүүддээ Премиер лигт 2 удаа,лигийн цомд 2 удаа,FA cup,Клубуудын ДАШТ,
Английн супер цомд тус бүр 1 удаа түрүүлэхэд онцгой хувь нэмэр оруулсан юм.

Баярлалаа Little Diamond минь.Цаашдийн замналд нь амжилт хүсье.