Mantra Yoga & Cafe corner

❤️Хорвоогийн хамгийн нандин эрдэнэ болсон хүүхэд багачууд, энэрэл хайрын ундарга болсон ээжүүддээ Эх үрсийн баярын халуун мэндийг хүргэе🌷🥰

😍🥰40 нас хүрсэн эмэгтэйн гоо үзэсгэлэн нь зөвхөн нүүр будалт, эд хөрөнгөөр хэмжигдэхгүй. Харин түүний амьдралын хэв маяг, дотоод амар амгалан, өөртөө тавьсан анхаарал халамж нь өнгө төрхөнд нь шингэж эхэлдэг гэдэг.

40+ насанд эмэгтэй хүний дүр төрх бол
өнгөрүүлсэн он жилүүдийнх нь “намтар” мэт болдог.
Нойргүйдэл, стресс, буруу дадал зуршил, дотоод бухимдал бүгд царай төрхөн дээр үлддэг.
Харин өөрийгөө хайрлаж, сэтгэлээ ариун байлгаж, эрүүл зөв амьдарсан эмэгтэйгээс тайван дөлгөөн байдал, ухаарал, эрч хүч, эмэгтэйлэг гоо сайхан өөрийн эрхгүй мэдрэгддэг.

Залуу насны гоо үзэсгэлэн бол байгалиас өгсөн бэлэг.
Харин 40 наснаас хойших гоо үзэсгэлэн бол
эмэгтэй хүний өөрийнх нь бүтээсэн үнэ цэнэ байдаг.

Тиймээс эмэгтэй хүний хамгийн үнэтэй гоёл нь
дотоод
❤️амар тайван,
❤️эрүүл дадал,
❤️ухаалаг бодол,
❤️өөрийгөө хайрлах хайр юм.

ОРДООСОО ХАМААРАН СТРЕССЭЭ ТАЙЛАХ АРГА

Бидний дотоод сэтгэл уй гашуу стресс тав тухтай байдлыг зурхайд сар удирддаг.
Хүн бүрийн тайвшрах арга өөр байдаг нь тэдний сарны ордны махбодь өөр байдагтай холбоотой. Хэрвээ та сарны ордоо мэдэхгүй бол нарны орд, төрсөн ордоороо ч хэрэгжүүлэх боломжтой.

Та стресст орсон үедээ доорх аргуудаар өөрийгөө эдгээгээрэй…

ГАЛЫН ОРДУУД (Хонь, Арслан, Нум):
Та гунигаа дотроо хадгалбал бие өвдөнө. Танд "Идэвхитэй үйлдэл" хэрэгтэй. Хамгийн дуртай хэмнэлтэй дуугаа тавиад бүжиглэ, дасгал хийж хөлсөө гарга, эсвэл зүгээр л уулан дээр гарч чангаар орил. Гал үргэлж шатаж, хөдөлж байж тайвширдаг.

ШОРООНЫ ОРДУУД (Үхэр, Охин, Матар)
Таныг хийсвэр үгс хэзээ ч тайвшруулахгүй. Танд "Физик мэдрэмж, Бодит байдал" хэрэгтэй. Ургамалтай харьц, байгальд хөл нүцгэн алхах, маш амттай дуртай хоолоо идэх, эсвэл зүгээр л хайртай хүнээрээ тэврүүлж, илбүүлэхэд таны бүх стресс гадагшилна.

ХИЙН ОРДУУД (Ихэр, Жинлүүр, Хумх)
Та стресстэхээрээ хэт их бодлын эргүүлэгт ордог. Танд "Мэдээллээ гадагшлуулах" хэрэгтэй. Хамгийн сайн найзтайгаа цаг гаргаж ярилц, эсвэл дотор байгаа бүх бодлоо цаасан дээр бичиж буулга. Тархинд байгаа хийгээ гадагшлуулснаар та цэлмэх болно.

УСНЫ ОРДУУД (Мэлхий, Хилэнц, Загас)
Та бүх сэтгэл хөдлөлийг хэт гүнзгий хүлээж авдаг. Танд "Ус ба Нулимс" хэрэгтэй. Хүчээр тэвчих хэрэггүй, зүгээр л сайтар уйл. Халуун ваннд хэвтэх, далайн чимээ сонсох эсвэл усанд сэлэх үед таны бүх хүнд энерги устай хамт урсаж арилдаг.

Дотоод нуураа толь мэт тунгалаг байлгахуй🙏

Хүний амьдралд тохиох үйл явдлууд бидний хяналтаас гадуур өрнөх нь бий. Гэвч тэрхүү шуурганд автах уу, эсвэл дотоод "нам гүм" орон зайдаа очиж төвлөрөх үү гэдэг нь бидний сонголт юм.

"Бодлын ус дөлгөөн болоход орчлон ертөнц тодорхой харагдаж эхэлдэг."

Өнөөдөр таны өдөр ямар ч байсан, амьсгалаараа дамжуулан өөртэйгөө холбогдоорой. Газардуулга хийж, биеэ мэдэрч, зүрхнээсээ ундрах хайрыг түгээнэ гэдэг бол өөрийгөө анагаах хамгийн дээд хүч юм.Таны зүрх амар амгалан байвал, таны ертөнц амар амгалан байна. 😍🥰

Дотор чинь үймэрч, хорсол тачаалын гал дүрэлзэж буйг мэдэрсэн агшиндаа мод болоод хувирчих. Мод юу ч хийдэггүй, юу ч ярьдаггүй, юу ч боддоггүй шүү дээ.

"Биеэ суллаж, амаа хамхиж, сэтгэлээ чөлөөлж хоосон хулс шиг амрагтун" гэсэн үг Махамутрын дуулалд гардаг. Сэтгэлийн үймрэлээ гадагшаа цацах хэрэггүй, дотогшоо булах ч хэрэггүй. Зүгээр л сул зөнд нь орхиод, мод шиг байгтун. Бие, хэлээрээ гадагшлуулах юм бол уруйн ус шиг өөрийг чинь эргээд нэрвэх болно. Хүчлэн дарж, дотогшоо булбал хэзээ нэг өдөр нойрсож байсан галт уул дэлбэрч таарна. Юу ч идэвхийлж хийсний хэрэггүй, хоромхон зуурын сэхээрлээр мод болон хувир.

Өндөр гэгээн Занабазар “Цагийг тохинуулагч залбирал” (төвд: Жинлав цогзол) хэмээх номоо “эвдэрч үл дуусах сав ертөнц, энэлж үл дуусах шим ертөнцийн” бэрх сорилтон дунд зохиож, зон олноо зовлон гамшгаас гэтлэхэд нь туслах авралын дуудлага болгон гэрээсэлжээ. “Гадаад цагийн хүрд дотоод цагийн хүрдэнд харгалзана” гэж Цагийн хүрдний тантар-т өгүүлдэг. Дотоод цагийн хүрд гэдэг нь бидний бие, сэтгэлийн далд үелзэл юм. Дотоод ахуйн хямралаас гадаад цагийн хүрдний хямрал буюу дайн дажин, өвчин тахал, байгалийн элдэв гамшиг шалтгаалдаг. Тийм учраас цагийг тохинуулахын уг үндэс нь өөрсдийн дотоод ахуйг тохинуулах явдал гэж Өндөр гэгээн маань болгоожээ.