04/08/2026
Хүүхдээ спортоор хичээллүүлж эхлэхдээ хэт их амжилтыг яаран хүлээх хэрэггүй.
Спортын эхний хэдэн сар, эхний хэдэн жил зарим хүүхдэд амжилт гаргах хугацаа биш. Эхлээд сууриа тавьж төлөвших, хөдөлгөөний эвслээ олж авах, заалны дүрэм журмаа дагах үе шат байдаг юм.
Зарим аав ээжүүд яагаад хурдан сайжрахгүй байна? яагаад ялагдчихваа? яагаад миний хүүхэд муу байна? гэж яардаг.
Хүүхэд бүрийн хөгжил өөр өөр хурдаар явагддаг. Эхний зорилго нь бэлтгэлдээ дуртай болох, сахилга батаа олох, багтаа уусах, ялагдал, ялалтыг зөвөөр хүлээж авах, өөрийгөө таньж эхлэх, эрүүл бие бялдартай болох юм!
Энэ бүхний дараа л ур чадвар, амжилт аажмаар бий болдог. Мөн дасгалжуулагчид ид шид бүтээгч биш. Тэд хүүхдэд зөв орчин, зөв арга барил, системтэй бэлтгэлийг өгдөг. Харин үр дүн нь цаг хугацаа, хөдөлмөр, хүүхдийн хичээл зүтгэл, эцэг эхийн дэмжлэг нийлж байж гардаг.
Эхний том алхам бол өөрийгөө ялан дийлж, тууштайгаар спортоо орхилгүй бэлтгэлдээ ирдэг байх!
