International Taekwon-Do Federation of Mongolia

🇲🇳 МОНГОЛ УЛСЫН ЕРӨНХИЙ САЙДЫН ИВЭЭЛ ДОР

🥋 ITF ТАЕКВОН-ДОГИЙН АЗИ ТИВИЙН АВАРГА ШАЛГАРУУЛАХ XI ТЭМЦЭЭН

📅 2026.08.03–08.09
📍 Монгол Улс

Азийн 1000+ шилдэг тамирчин нэгэн дээвэр дор цуглаж, ур чадвар, хурд хүч, авхаалж самбаагаа сорин өрсөлдөнө.

🔥 Эр зориг
🔥 Тэсвэр хатуужил
🔥 Ялалтын төлөөх тэмүүлэл

Ази тивийн шилдгүүдийн тулаан Монгол Улсад!

Тусгай урилгаар Шинэ Зеланд 🇳🇿 , Австрали 🇦🇺 улсууд оролцоно.

Энхрий бяцхан үрсдээ эх үрсийн баярын мэнд хүргэе
Хүүхэд бүр эрүүл энх байж, хүсэл мөрөөдөл бүхэн нь биелж, хорвоо ертөнц хүүхдийн инээдээр цалгин бялхаж, амар амгалан, аз жаргалаар дүүрэн байх болтугай

ОЛОН УЛСЫН ТАЕКВОН-ДОГИЙН МОНГОЛЫН ХОЛБОО

ЭМГЭНЭЛ

Дамдинсүрэнгийн Гансүрэн
(1976–2026)

Олон улсын таеквон-догийн спортын нэрт зүтгэлтэн, ууган тамирчин, “Хөдөлмөрийн гавьяаны улаан тугийн одон”-т Дамдинсүрэнгийн Гансүрэн нь 2026 оны 5 дугаар сарын 24-ний өдөр зуурдаар таалал төгсөж гэр бүл, үр хүүхэд, төрөл төрөгсөд, анд нөхөд төдийгүй Монголын тулааны урлаг тэр дундаа олон улсын таеквон-догийн спортод нөхөж баршгүй хүнд гарз тохиолоо.

Д.Гансүрэн нь 1976 оны 7 дугаар сарын 29-ний өдөр Ж.Дамдинсүрэнгийн ууган хүү болон Улаанбаатар хотноо мэндэлсэн.
Бага насаа эцэг эхийн асрамж, ясли, цэцэрлэгт хүмүүжиж, 1984–1994 онд нийслэлийн Ерөнхий боловсролын 49 дүгээр сургуулийг төгссөн.

Тэрээр 1994–1998 онд “Их шавь” дээд сургуулийг биеийн тамирын багш, дасгалжуулагч мэргэжлээр, 2004–2006 онд Удирдлагын академийн Төрийн удирдлагын сургуулийг бизнесийн удирдлага, менежментийн чиглэлээр, мөн “Шихихутуг” их сургуулийг эрх зүйч мэргэжлээр тус тус төгсөж, мэдлэг боловсрол, хүмүүн чанараараа бид бүхний бахархал болсон эрхэм хүн байлаа.

Д.Гансүрэн нь 1990 онд БНАСАУ-ын мастер багш Жон Ши Хуаны шавь болж, олон улсын таеквон-догийн спортоор хичээллэж эхэлсэн.

Түүний спортын хөгжилд оруулсан хувь нэмэр, бүтээлч үйлсээс дурдвал:

• 1994 онд Ким Чин Ирийн нэрэмжит Олон улсын таеквон-догийн сургуулийг үүсгэн байгуулсан.

• 2003 онд “Их Гарьд” клубийг байгуулж олон мянган хүүхэд залуусыг энэхүү спортоор шинжлэх ухааны үндэслэлтэйгээр сурган хүмүүжүүлж, Монгол Улсын шилдэг тамирчин, шилдэг дасгалжуулагчдыг бэлтгэн гаргасан гавьяатай.

• Таеквон-догийн спортын сургалт, хөгжлийг шинэ шатанд хүргэж, түүний шавь нар өдгөө олон улсын хэмжээний шилдэг тамирчид болон амжилттай ажиллаж байна.

• Мөн Олон улсын таеквон-догийн Монголын холбооны Ерөнхий нарийн бичгийн дарга, дэд ерөнхийлөгчөөр олон жил ажиллаж, тус спортыг хөгжүүлэх үйлсэд үнэтэй хувь нэмэр оруулсан.

• Олон улсын таеквон-догийн хар бүсийн 6-р дантай, спортын мастер, олон улсын хэмжээний мастер цолтой байв.

Д.Гансүрэн нь туурга тусгаар Монгол Улсынхаа олон мянган залууст эх оронч үзэл, улс гэр, угсаа гарвал, өв соёл, түүх уламжлалаа хамгаалан хайрлах үнэт үзлийг төлөвшүүлэн бэхжүүлсэн оюун санааны удирдагч байлаа.

Түүний амьдралын замнал, хөдөлмөр бүтээлийг төр засгаас өндрөөр үнэлж:
- Монгол Улсын Ерөнхийлөгчийн зарлигаар 2019 онд “Алтан гадас” одонгоор,

- 2026 онд “Хөдөлмөрийн гавьяаны улаан тугийн одон”-гоор тус тус шагнасан билээ.

Эрхэм Та эх оронтой хүний омогшил, элгэн түмний бахархал, эр хүний үнэнч андлал, жудаг ёс, журамт нөхөрлөлийн тод жишээ болсон Монгол эр хүн байлаа. Өргөсөн тангараг, өссөн нутаг, мөргөсөн сүлдэндээ үнэнчээр зүтгэсэн таны үйл хэрэг, үзэл санааг бид үргэлжлүүлэн түүчээлэх болно.

Эрхэм багш, эрхэм зүтгэлтэн, үндэсний үзэл санааны дархан багана болсон Монгол эр хүн Та эх орныхоо мөнх хөх тэнгэрийн дор, ариун хөрсөндөө амгалан нойрс доо.

Талийгаачийн гэр бүл, үр хүүхэд, төрөл төрөгсөд, анд нөхөд, үе үеийн тамирчид, шавь нар, хамт олонд нь гүн эмгэнэл илэрхийлье.

Таны хийсэн бүтээсэн үйл хэрэг, үлдээсэн өвийг бид үргэлжлүүлэн мөнхөд санан дурсах болно.

Хүндэтгэсэн

Олон улсын таеквон-догийн Монголын холбооны хамт олон

International Taekwon-Do Federation of Mongolia

Талархалын пост 🤩

Америкийн Нэгдсэн Улсад ажиллаж амьдарч байгаа олон улсын хэмжээний мастер, спорт сургалтын төвийн ууган тамирчин Лхагвын Уртнасан 2026.08.03-09-ний хооронд Монгол улсын ерөнхий сайдын ивээл дор болох Ази тивийн аварга шалгаруулах тэмцээний үйл ажиллагаанд 350,000 төгрөг хандивлалаа.

Л.Уртнасан ахдаа талархал илэрхийлж, танд болон гэр бүлд нь аз жаргал сайн сайхныг хүсье.

ITF Таеквон-до мандтугай

Амжилт-Хамтын Хүч 🇲🇳

International Taekwon-Do Federation of Mongolia

🤩 Талархалын пост

АНУ-д ажиллаж амьдарч буй 2003, 2013, 2023 онуудын Дэлхийн аваргын хүрэл медальт, Ази тивийн аварга Ядамжавын Энхзул эгчдээ чин сэтгэлийн талархал илэрхийлье.

2026 оны 08 дугаар сарын 03-09-ний өдрүүдэд Монгол Улсад зохион байгуулагдах ITF Таеквон-Догийн Ази тивийн аварга шалгаруулах тэмцээний үйл ажиллагааг дэмжин 500,000 төгрөгийн хандив өргөсөнд гүнээ талархаж байна.

Таны ажил хөдөлмөр, гэр бүл, амьдралд аз жаргал, эрүүл энх, хамгийн сайн сайхан бүхнийг хүсэн ерөөе.

Амжилт-Хамтын Хүч 🇲🇳

International Taekwon-Do Federation of Mongolia

Монгол Улсын Аварга шалгаруулах 31 дэх тэмцээн 3 өдөр үргэлжилж амжилттай өндөрлөлөө.

Холбооны удирдлага, зохион байгуулах хорооны зүгээс тэргүүлсэн клубуудын шагналыг дараах байдлаар өөрчилж /Нэмэгдүүлж/ шагналыг гардууллаа 🔥🔥🔥🔥

🏆Багийн дүнгээр дараах клубүүд тэргүүлж шагналуудаа гардан авлаа

🥇 Илд бамбай клуб 31 алтан медалиар түрүүлж Prius 41 маркын авто машины эзэн боллоо.

🥈 Мөнх Хөх Сүлд-Урлаг, Спортын сургалтын төв 29 алтан медалиар дэд байранд шалгарч 2,000,000 төгрөг, 1 бүтэн дэвжээний эзэн боллоо.

🥉 Yamukhai Taekwondo Club 20 алтан медалиар 3 дугаар байр эзэлж 1,000,000 төгрөг, 1 бүтэн дэвжээний эзэд боллоо.

Мөн дараах орон нутгийн клубүүдэд бүтэн дэвжээ бэлэглэхээр шийдвэрлэлээ.

1. Сүхбаатар аймаг Эхлэл клуб
2. Ховд аймаг Алтайн хөх луу клуб
3. Увс аймаг Ойрадын хүч клуб

Амжилт-Хамтын Хүч 🇲🇳

International Taekwon-Do Federation of Mongolia

2026 оны Монгол Улсын аварга шалгаруулах тэмцээн 3 өдөр амжилттай зохион байгуулагдаж өндөрлөлөө.

Та бүхэндээ амжилт хүсье🇲🇳💯🙂


International Taekwon-Do Federation