Жаргалант уулчдын клуб

Жаргалант уулчдын клубын авиралтын баяр болж өндөрлөлөө.
Хэдийгээр авиралтууд дуусаагүй ч эхнээс нь ёслол төгөлдөр тэмдэглэхгүй бол хуучирах талдаа орох гээд байх шиг байна. 😄😊

-💪Хөдөлмөрлөсөн хүмүүс амжилтаа хамт олонтойгоо хуваалцаж, сайхан дурсамж бүтээсэнээ хүүрнэв. 😍

🗻Дэлхийн дээвэр Эверест саммитер 
⛰️Европ тивийн ноён оргил Эльбрус,
🗻Жук-Алтан ирвэс-2026

Эверест авирсан Монголын 17 дахь уулчин Б.Нэргүй клубын хамт олондоо хүндэтгэл үзүүлэв. 🇲🇳🥰🙏

Жук-н пейжийн азтан бүсгүй ирж 8К экспидейшний аялалын цүнх бэлгээ гардан авлаа. 😊

Алтан ирвэс хөтөлбөрийн залуус маань ч хоосонгүй ирж авиралтын удирдагч нартаа хүндэтгэл үзүүлэв. 👏👏

Энэ зуны авиралтуудаа аюул осолгүй дуусгахыг хүсье. 👏💐💪🗻

Мөнх хөх тэнгэр нь биднийгээ ивээг ээ.

8kexpeditions

—Уулын хөтөч сонгох 10 чухал зарчим—

Уулын аялал, авиралтын амжилт зөвхөн оргилд хүрэхээс гадна аюулгүй буцаж ирэхээс эхэлдэг. Тиймээс сайн хөтөч сонгох нь хамгийн чухал шийдвэрүүдийн нэг юм.

1. Хөтөч бол багийнхаа төлөө ажилладаг хүн

—-Хэрэв сонгосон хөтөч таны хамтрагч, багш, халамжлагч байх ёстой.
Бүр дагуулж яваа багийн гишүүдтэйгээ өрсөлдөөд эхлэвэл тэр хүн хөтөч биш юм. Сайн хөтөч өөрийн амжилтыг бус, багийн гишүүн бүрийн аюулгүй байдал, тав тух, ахиц дэвшлийг нэн тэргүүнд тавьдаг. Тэднийг дэмжиж, урамшуулж, хамтдаа зорилгод хүрэхэд чиглэнэ.

2. Хөтөч багийн гишүүдэд анхаарал, халамж тавих ёстой.

—-Хэрэв аялал, авиралтын үеийн зураг, бичлэг авч өгдөг мөн багийн гишүүдэд тавих анхаарлаа бууруулахгүй явдаг хөтөч таарвал маш сайн.
Баг дагуулж явах үедээ зураг, бичлэг хийж нийтийн сошиальд оруулах, зөвхөн өөрийн нүүр номондоо хандалд авах зорилготой хөтөчтэй таарвал зүгээр л холд. Тэр хүн бол хөтөч биш юм. Гэхдээ хөтөчийн гол үүрэг нь контент бүтээх биш, харин багийн аюулгүй байдлыг хангах явдал юм.

3. Маршрутаа сайн мэддэг байх

—-Таны зорьж яваа ууланд таны хөтөч олон удаа баг авч явсан бол давуу тал.
Таны хөтөч зорьж буй ууланд урд нь явж үзээгүй, авираагүй бол та тэр хөтөчөөс зайгаа авсан нь дээр. Хөтөч тухайн уул, авиралтын замын онцлог, олон маршрут, цаг агаарын мэдээ, эрсдэлийг сайн мэддэг байх шаардлагатай. Өмнө нь олон удаа явж байсан туршлага нь аюулгүй байдлыг хангах чухал хүчин зүйл болдог.

4. Мэргэжлийн сургалт, үнэмлэхтэй байх

—-Одоогоор Монгол улсад өндөр уулын хөтөчийн шаардлага гэсэн дүрэм журам байхгүй ч гэсэн хөтөчийг сонгоход хэрэглэх хэд хэдэн асуултыг өөртөө тавиад үз.
1. Тэр хүний тухай гомдол гарч байсан эсэхийг сураглах
2. Таны сонгосон хөтөч өөрийгөө ямар сургалтанд сууж байсан тухай өөрийн нүүр номондоо илэрхийлсэн эсэх
3. Хэдийгээр сургалтанд суусан гэж бичсэн ч өндөр уулын авиралтын түүхийг нь сайн судлах хэрэгтэй.
4. Орчин үеийн уулын хөтөч нь мэргэжлийн сургалт, үнэмлэх, анхны тусламжийн мэдлэгтэй байхаас гадна хамгийн гол шалгуур нь маш сайн туршлагатай байх ёстой. Энэ нь оролцогчдын аюулгүй байдлын баталгаа юм.
5. Хэрэв дээрх шаардлагуудыг чеклээд үзэхэд таны сонголт хийхэд анхны мэдээлэл бэлэн болно. Таны амь нас таны сонголтонд байдаг учир тэр хөтөчийн тухай мэдэхгүйгээ бусдаас асуухаас битгий нэрэлхээрэй.

5. Олон жилийн хөдөлмөр, нэр хүндийн баталгаа.

—Таны сонгосон хөтөчийн харьяалагддаг компани, клуб нэр хүнд сайтай, аялал авиралтын арвин түүхтэй байвал маш сайн. Туршлагатай байгууллага, хамт олон, клубыг сонгох нь эрсдэлийг бууруулдаг. Өмнөх оролцогчдын сэтгэгдэл, туршлагыг судлах нь зөв сонголт хийхэд тусална.
Нэр, түүх нь тодорхойгүй хөтөч ямар ч хариуцлага, ёс зүйн болон санхүү, аюулгүй байдлын эрсдлийг хүлээх
чадваргүй байдаг. Тэд зүгээр алга болдог.

6. Хувцас хэрэгсэл, багажны хангалтанд анхаарал хандуулдаг байх

—-Аялал, авиралт эхлэхийн өмнө хөтөч багийн гишүүдийн хувцас, тоног төхөөрөмжийг шалгаж, шаардлагатай зөвлөгөө өгдөг байх ёстой. Энэ нь осол, хүндрэлээс урьдчилан сэргийлэх чухал алхам юм.
Хэрэв таны хөтөч тийм зан төлөвгүй, төлөвлөлтгүй бол болгоомжлох хэрэгтэй.

7. Таны туршлага, бэлтгэлийг үнэлдэг байх

—-Сайн хөтөч багийн гишүүн бүрийн биеийн бэлтгэл, уулын туршлага, эрүүл мэндийн байдлыг урьдчилан мэдэж байдаг . Ингэснээр аяллын төлөвлөгөөг бодит нөхцөлд тохируулж чадна.
Хэрэв таныг бэлтгэлжилтэнд анхаарал хандуулахгүй “Мөнгөө төл” гэсэн шаардлага тавьж байгаа бол та зүгээр л холдсон нь дээр.

8. Аюулгүй байдлын хэрэгслээр бүрэн хангагдсан байх

—-Анхны тусламжийн цүнх, холбооны хэрэгсэл, навигацийн төхөөрөмж зэрэг нь мэргэжлийн хөтөчийн зайлшгүй авч явах зүйлс юм.Эдгээр зүйлсийг хөтөчөөсөө асууж, шаардах хэрэгтэй. Өндөр ууланд нөхцөл байдал цаг, минут тутамд өөрчлөгдөж байдаг.

9. Эрсдэлийг зөв үнэлдэг байх

—-Хөтөч нь “ Зоригтой” ямар ч цаг агаар, өдөр шөнө ч, цасан нуранга үүсэх эрсдэлтэй цагаар ч хамаагүй явдаг гэж байгаа бол та хурдан зайгаа авсан нь дээр. Мэргэжлийн хөтөч зоригтой байхаас илүү хариуцлагатай байдаг. Тэр цаг агаар, цасан нуранги, замын нөхцөл байдлыг үнэлж, шаардлагатай үед буцах шийдвэр гаргаж чаддаг.

10. Хариуцлагатай, үлгэр жишээ байх

——Хөтөч нь багийнхаа өмнө үлгэр жишээ байх ёстой. Аяллын үеэр мөн авиралтын өмнө согтууруулах ундаа хэрэглэх нь аюулгүй байдалд сөргөөр нөлөөлөх тул мэргэжлийн ёс зүйтэй хөтөч ийм үйлдлээс зайлсхийдэг.
Архи уудаг мөн урд ийм л байдаг, одоо тийм байх ёстой гэсэн хөтөчийг яасан ч сонгож болохгүй. Олон хавар нэгэнтээ гэгчээр нэг удаагийн аялал, авиралтаар та үүрд тэнд үлдэх болно.

Сануулга:…

Сайн хөтөчийн үнэ цэнэ нь оргилд хүргэсэндээ биш, харин багийн гишүүн бүрийг аюулгүй, сэтгэл хангалуун буцаан авчирсандаа оршдог. Ууланд азаар бус, мэдлэг, туршлага, хариуцлагаар аялдаг.
Дээрх шаардлагуудыг сайн уншиж хөтөч сонгохыг сануулж байна.

Анхаарал тавьсанд баярлалаа.

Өндөр уулын ОУХМ. С.Ганхүү.

Энэхүү бичвэрийн санааг ОХУ-н 7 Вершин клубын уулчин, хөтөч Александр Абрамовын хэлсэн үгнээс авав.

Сайн үйлс бүхэн дэлгэртүгэй.

✨️Ууланд алхах, аялах, авирах дуртай күүл хүмүүст энэ өдрийн мэнд хүргэе 🤗

🇲🇳 Алтай таван богд "ХҮЙТЭН" оргилын авиралт маань баруун аймгуудаар малын шүлхий өвчин гарч карентин тавьсантай холбогдуулаад тодорхойгүй хугацаагаар хойшлогдсон байгаа билээ.

🏆ДӨРХӨН БЭРХ цолны болзол хангах гэж байгаа мөн Монгол орныхоо дээвэр оргилд гарах зорилготой хүмүүсийг нэмж бүртгэж эхэллээ. Авиралт сонирхож байгаа хүмүүс маань Нацагдорж Чоглом админтай холбогдоод бүртгүүлээд яваарай. 😎

🏔 8 сарын эхээр зохион байгуулахаар ярилцаж байгаа шүү.

💚 Уулнаас сайхан зүйл бол
Дараагийн уул байдаг.
Владимир Высоцкий

————Зуны тансаглал———-
Хүчилтөрөгчийн диваажинд Их тэнгэр-Цэцээ гүн-Их тэнгэр чиглэлээр 25 км алхалаа. 💪🗻🫰💐

Өнгөрсөн амралтын өдрүүдийн өвлийн өнгө төрх сураггүй болж зуны дунд сарын наран шарж жаргаж алхав. 👌😁😍

Аялал, амралтын сезон хэдийнээ эхлэж Богд уул эзгүй шахуу л байна. 🥲😄🌹

Ирэх 7 хоногтоо уулзацгаая. 🫰🫰🫰

Жаргалант уулчдын клубын гишүүд, авиралтын багт ордог ээлжит хичээлүүдээс та бүхэнд сонирхуулья.

—-Өндөр уулын багийн ахлагчийн зан төлөв —-

—- Ямар нэгэн ажил үйлст багийн ажиллагаа тэр дундаа багийн манлайлагч нарын хүчтэй үйлдлүүд эерэг нөлөө үзүүлж бусдыгаа дагуулж байдаг.
-Улс төр, бизнес, найз нөхөд, сургууль, анги, салбар, сонирхолын бүлгүүдийн үйл ажиллагаанууд ч хамаарна.
-Өндөр уулын хөтөч эсвэл авиралтын багийн ахлагч гэдэг нэр нь харагдаж байдаг ч гавьяа болон гайг нь үүрч, хариуцлага хүлээж байдаг субьектийн тухай товч бичих гэж оролдьё.
-Тэд ямархуу нөхцөлд үйл ажиллагаа явуулдаг, ямар эрх эдлэж, үүрэг хариуцлага үүрч байдаг гээд аялалын болон авиралтын багуудын зан төлөвшил хэр байх, хууль дүрмэнд нийцэж байдаг эсэх талаар маш олон коммент, бичвэр бичмээр байдаг.
—- Юуны өмнө уулын өндрийн нөхцөл гэдэг нь хүний бие махбод, сэтгэлзүй, ур чадварыг зэрэг сорьдог онцгой орчин юм. Агаарын даралт багасах, хүчилтөрөгчийн хэмжээ буурах, цаг агаарын огцом өөрчлөлт, бартаатай зам зэрэг нь аливаа үйл ажиллагааг эрсдэлтэй болгодог. Мэдээж баг маш сайн эсвэл тодорхой түвшний бэлтгэл хангагдсан гэж үзсэн нөхцөлд.
-Ийм нөхцөлд багийн ахлагчийн үүрэг, зан төлөв онцгой ач холбогдолтой болдог.

1. 🗻Уулын өндрийн багийн ахлагч нь өндөр хариуцлагатай байх ёстой. Ахлагчийн гаргасан нэг шийдвэр багийн бүх гишүүдийн аюулгүй байдалд нөлөөлдөг. Жишээлбэл, цаг агаар муудах үед үргэлжлүүлэн авирах эсэх, эсвэл буцах шийдвэр гаргах нь амь насны асуудал ч болж болох юм. Иймээс ахлагч аливаа нөхцөл байдлыг олон талаас нь нягталж, эрсдэлийг зөв үнэлэх чадвартай байх шаардлагатай.
Ямар замаар хэдэн цаг, яаж явах, авирах тухай.

2. 🗻Тайван , тогтвортой зан чанар бол сайн ахлагчийн үндсэн шинж юм. Хүнд нөхцөлд хүмүүс сандарч, айдаст автах нь элбэг. Харин ахлагч тайван байж чадвал багийн гишүүдэд итгэл төрүүлж, нөхцөл байдлыг хяналтдаа байлгаж чадна. Харизм сайн уу? муу юу? гэдэг асуулт өндрийн багт тавигдаж байдаг. Багийн ахлагч харизмтай гишүүнийг илрүүлэх, нөхцөл байдлыг зөвөөр ойлгуулах, бүр эцэст нь тусгаарлах ажиллагаа хийж байх ёстой. Гэхдээ багийн тайван байдлыг алдаглуулсан үед ийм арга хэмжээг авна. Тайван байдал нь зөв шийдвэр гаргах үндэс болдог.

3. 🗻Шуурхай бөгөөд оновчтой шийдвэр гаргах чадвар маш чухал. Ууланд удаан бодож, эргэлзэх боломж хомс байдаг. Зарим үед секунд, минут ч үнэтэй байдаг. Багийн ахлагч маш туршлагатай байх ёстой. Зарим шийдвэрийг бодохоос өмнө булчингийн ой санамжаар автоматаар гүйцэтгэх хэмжээнд хүртлээ боловсрох ёстой гэсэн үг. Олон нөхцөл байдлууд дундаас багийн ахлагч хурдан сэтгэж, нөхцөл байдлыг зөв үнэлж, хамгийн хамгийн хувилбарыг сонгох чадвартай байх ёстой.

4. 🗻Багийн сэтгэлзүйг дэмжих ур чадвар чухал байр суурь эзэлдэг. Урт хугацааны авиралт, хүнд нөхцөлд багийн гишүүд ядарч, урам зориг нь буурах, заримдаа айдас төрөх нь хэвийн үзэгдэл юм. Энэ үед ахлагч урам өгч, зоригжуулж, эерэг уур амьсгалыг хадгалах хэрэгтэй. Хошигнол ч гэсэн багийн ахлагчийн чадварыг харуулж байдаг. Сайн ахлагч багийн гишүүдийн сэтгэлзүйн байдлыг мэдэрч, зөв цагт нь дэмжлэг үзүүлж, шаардлагатай үед нь дарамтыг мэдрүүлж сахилга батыг хангуулж байх ёстой .

5. 🗻Сахилга бат, дүрэм журмыг чанд мөрдөх нь зайлшгүй шаардлага юм. Уулын орчинд жижиг алдаа ч том осол болж хувирах эрсдэлтэй. Иймээс ахлагч аюулгүй ажиллагааны дүрмийг өөрөө чанд мөрдөж, бусдаас ч адилхан шаардах ёстой. Сахилга батыг сахиулж чадаагүйгээс болж асуудал гарахад асуудлыг багийн ахлагч л үүрдэг. Нэг бол асуудал гаргасан гишүүн гэмтэж бэртэх улмаар амь насаа алдах эрсдэлтэй эсвэл багийн ахлагч өөрөө амь насаа алдах эрсдэлтэй учирдаг.

6. 🗻Бусдыг сонсох чадвар бол үр дүнтэй манлайллын нэг хэсэг юм. Заримдаа багийн гишүүд тухайн нөхцөл байдлын талаар өөр өнцгөөс харсан санал гаргаж болно. Ахлагч тэдгээрийг үл ойшоох бус, харин анхааралтай сонсож, зөв шийдвэрт ашиглах хэрэгтэй.

7. 🗻Өөрөө үлгэрлэн манлайлах чанар чухал. Ахлагч зөвхөн үгээр бус, үйлдлээрээ бусдад үлгэр болох ёстой. Багийн ахлагч бие физилогийн маш сайн бэлтгэлжилттэй мөн авиралтын бүхий л талын ур чадвартай, эрэмгий дайчин байх ёстой. Хүнд үед өөрөө идэвхтэй оролцож, бусдаасаа илүү хичээж ажиллах нь багийн итгэлцлийг бэхжүүлдэг.Бэлтгэл сургуулилтыг хамтдаа хийх нь бас багийн уур амьсгалд нөлөөлж байдаг. Гишүүд хэн хэн бэ гэдгийг мэдсэн байдаг.

8. 🗻Эрсдлийг урьдчилан тооцоолох чадвар нь ахлагчийн мэргэжлийн ур чадварын нэг хэсэг юм. Цаг агаарын мэдээ, маршрутын онцлог, багийн гишүүдийн биеийн байдал зэрэг олон хүчин зүйлийг урьдчилан харгалзан үзэх нь ослоос сэргийлэх чухал арга болдог.Багийн ахлагч өөрийн өгөгдлүүдээ маш сайн хөгжүүлсэн байх шаардлагатай.

—-Эцэст нь дүгнэж хэлэхэд багийн ахлагч нь зөвхөн удирдагч бус, найз нөхөр, халамжлан хүмүүжүүлэгч, багш, хариуцлагатай шийдвэр гаргагч, сэтгэлзүйн дэмжигч, манлайлагч хүн байдаг. Түүний зан төлөв, ур чадвар нь багийн амжилт, аюулгүй байдлыг тодорхойлдог хамгийн чухал хүчин зүйлсийн нэг юм.
100 удаа амжилттай явсан ч 1 алдаа таныг хаана ч хүргэж болох учир танаас дээрх зарчимууд , ёс зүй, энэрэнгүй, нигүүлсэнгүй, эрэмгий дайчин, эр зоригтой байхыг шаардаж байдаг.
—-🙏🙏Манай оронд дутагдаж байдаг хөтөч болон авиралт, аялал зохион байгуулагчдын харилцагчийн өмнө хүлээх үүрэг хариуцлага нь зарим улсад хүний амь нас, эрүүл мэнд гэсэн утгаар өөр байдалтай байдгийг товч сонирхуулья.
— Гадаадын зарим оронд өндөр уулын авиралт зарласан, зохион байгуулсан, хөтөч хийсэн хүмүүс нь хуулиар хариуцлагатай байхыг шаардсан хуулийн зохицуулалттай. Худал хэлж мөнгө авах, хүнд нөхцөлд хамтрагчаа орхих, өөрийн туршлага дутуугаас болж үйлчлүүлэгч амь нас, эрүүл мэндээр хохироход заавал хуулийн хариуцлага хүлээж байдаг.
—Өөр өөрийн тусгалаар ойлгохыг хүсье.

Анхаарал тавьсанд баярлалаа.
Амжилт хүсье.

Өндөр уулын ОУХМ. С.Ганхүү

Дараагийн бичвэр “ Ямар Хөтөчтэй ууланд явж болохгүй вэ” гэдэг сэдэв байх болно.

Өвөл шиг зуны дунд сардаа Их тэнгэр-Цэцээ гүн-Их тэнгэр чиглэлээр сайхан алхацгаалаа. 😄😎😊

Шагай давсан их цастай шуурганаар Цэцээ гүндээ бараалхаж сайн явцгааж ирсэнээ дуулгацгаав. 🌨️💪🇲🇳

Эверест саммитер, Эльбрус болон Алтан ирвэсийн багийн төлөөлөл. 🫰🥰

Баруун 3 аймагт гарсан шүлхий өвчний дэгдэлт их газар авч онц байдал тогтоосон сурагтай учир авиралтын багууд анхаарна уу. 🥲🥲

— Зун эхэлж байгаа ч Алтай Таван Богдын мөсөн голууд өөрийнхөө хатуу аашийг үзүүлсээр... 🏔️

Орой авиралтаас буцах замд мөсөн голыг туулах нь жинхэнэ сорилт болдог. Заримдаа бэлхүүс татсан хүйтэн судагт унаж, сэлж гараад ирэх ч энүүхэнд. Гэвч маргааш үүрээр дахиад л оргил өөд тэмүүлэх тул гутлаа хуурай байлгах нь хамгийн чухал даалгавар. 🌨️🌨️

Хэдий хатуу хөтүү ч Алтай Таван Богдын хөндий минь амьдрал бужигнаж, дуу шуутай, яг л байх ёстой газраа ирсэн мэт халуун дулаан мэдрэмжээр дүүрэн байна. 👌👌

Жаргалант уулчдын клубийн гишүүд маань өнгөрсөн 6 дугаар сарын 8-с 13-ны хороонд алс баруун хязгаар Олон ястны өлгий, Оргил уулсын нутаг Ховд аймгийг зориод ирлээ.

Үзэсгэлэнт Сутай хайрхан, Цаст Цамбагарав хайрхандаа амжилттай оргилдож алтан зулайд нь мөргөжээ 🫶🥰😘🙏

Авиралтаа амжилттай хийгээд ирсэн Э.Даваадорж ахлагчтай багт халуун баяр хүргэе 👏👏👏🎉🙏😎