Монгол Улсын Татварын мэргэшсэн зөвлөхийн нийгэмлэг

ТАТВАРЫН БОЛОВСРОЛ ҮНДЭСНИЙ ГУРАВДУГААР ЗӨВЛӨГӨӨН
Улаанбаатар хотноо 2026 оны 10 дугаар сард
Ерөнхий зохион байгуулагч: Монгол Улсын Татварын мэргэшсэн зөвлөхийн нийгэмлэг

ЦАХИМ ХЭЛЭЛЦҮҮЛЭГ БОЛЛОО.
Татварын мэргэшсэн зөвлөхүүдийн хувьд Монгол Улсад хэрэгжиж байгаа татвар, санхүүтэй холбоотой хууль, тогтоомж, дүрэм, журамд саналаа нэгтгэн холбогдох байгууллагад хүргүүлэн ажилласаар ирсэн. Энэ удаа Татварын ерөнхий газрын даргын 2023 оны 02 дугаар сарын 28-ны өдрийн А/34 дүгээр тушаалаар баталсан “Татварын хяналт шалгалтын үйл ажиллагааны журам”-ын шинэчлэлийн төсөлтэй холбоотой санал солилцох зорилгоор Татварын мэргэшсэн зөвлөхүүд оролцон цахим хэлэлцүүлэг зохион байгууллаа.
Цахим хэлэлцүүлэгт Татварын мэргэшсэн зөвлөхийн нийгэмлэгийн ерөнхийлөгч, доктор Ү.Галмандах оролцож, тус журмын шинэчлэлийн харьцуулалтыг хийж, оролцогч нарт мэдээлэл хүргэлээ. Хэлэлцүүлэгтээ цаг зав, мэдлэгээ зориулан оролцсон гишүүддээ баярлалаа.
📩 Хэлэлцүүлэгт оролцож амжаагүй гишүүд [email protected] хаягаар 2026 оны 8 дугаар сарын
2-ны дотор саналаа ирүүлнэ үү.

Япон, Монголын татварын мэргэшсэн зөвлөхүүдийн сайн дурын холбооны ерөнхийлөгч Такихето Катогийн урилгаар Монгол, Японы татварын мэргэшсэн зөвлөхүүдийн харилцаа холбоог бэхжүүлэх, хамтын ажиллагаагаа дүгнэн, хэлэлцэх цаашдын зорилтуудаа тодорхойлох зорилгоор хамтарсан уулзалтыг 2026 оны 9 дүгээр сарын 11-16-ны хооронд Япон улсад зохион байгуулна. Уг уулзалтад МУ-ын ТМЗН-ийн Удирдах зөвлөл, хяналтын зөвлөл болон хороодын бүрэлдэхүүнд ажиллаж байгаа гишүүд, Салбарын дарга, менежер болон ТМЗ компанийн төлөөлөл оролцохоор төлөвлөж байна.
Уулзалтаар Япон, Монголын татварын мэргэшсэн зөвлөхүүдийн сайн дурын холбооны гишүүдийн ерөнхий хурал зохион байгуулагдах бөгөөд МУ-ын татварын ТМЗН-ээс олон нийтэд татварын боловсрол хүргэхэд чиглэсэн хийж хэрэгжүүлж байгаа ажлуудын талаар уулзалт болно.
Жич: Хүний тоо хязгаартай.
Та дараах холбоосоор орж бүртгүүлнэ үү. Бүртгүүлсэн гишүүдээс уулзалтын зорилгын хүрээнд үйл ажиллагаа хийж хэрэгжүүлж байгааг харгалзан төлөөлөгч нарыг сонгож холбогдох болно.
https://forms.gle/kPMck9Hb3a1q5wjV7

Хэлэлцүүлэгтээ оролцоорой.

📣📢Монгол Улсын Их Хурлын 2026 оны 06 дугаар сарын 26-ны өдрийн нэгдсэн хуралдаанаар Татварын багц хуульд нэмэлт, өөрчлөлт оруулах тухай хуулийн төслийг эцэслэн баталсантай холбогдуулан Татварын ерөнхий газрын даргын 2023 оны 02 дугаар сарын 28-ны өдрийн А/34 дүгээр тушаалаар баталсан “Татварын хяналт шалгалтын үйл ажиллагааны журам”-ын шинэчлэлд Татварын мэргэшсэн зөвлөхүүд саналаа нэгтгэн өгөх зорилгоор цахим хэлэлцүүлэг зохион байгуулна.
⌛️Бүртгэл https://members.cpta.mn/ хаягаар явагдаж байна.
📩 Хэлэлцүүлэгт оролцож амжихгүй гишүүд [email protected] хаягаар 2026 оны 7 дугаар сарын
29-ны дотор саналаа ирүүлнэ үү.

МЭНДЧИЛГЭЭ
Тулгар төрийн 2235, Их монгол улсын 820, Үндэсний эрх чөлөө, Тусгаар тогтнолоо сэргээн мандуулсны 115, Ардын хувьсгалын 105 жилийн ой, Үндэсний их баяр наадмын мэндийг хүргэе.

Шандаст хурдан морьд төрийн сүлдэнд эргэцэж
Шагайн мэргэ гэрэлтэж дөрвөн бэрх бууна
Есөн цацлын нүдээр ертөнцийн зүг уужирч
Ерөөл магтаал цуурайлж нар ойрхон мандана
Ээтэн хоншоорт гутал эрийн хийморинд өнгө орж
Эгэлгүй хүчтэн бөхчүүдийн ид хаваар гайхуулна
Дорнын хөх огторгуй үүлэн чөлөөгөөр мэлтийж
Долоон бурхнаа нууж монгол наадам эхэлнэ.

Дэлгэр зуны налгар талдаа
Дэнж хотойтол сайхан наадаарай.

Монгол Улсын Татварын мэргэшсэн зөвлөхийн нийгэмлэг.

ЦАХИМ ХИЧЭЭЛҮҮД ҮЕ ШАТТАЙГААР ШИНЭЧЛЭГДЛЭЭ
Татварын мэргэшсэн зөвлөхийн эрх сунгах болон тасралтгүй боловсролын цахим хичээлүүд үе шаттайгаар шинэчлэгдэн www.members.cpta.mn цахим сургалтын программд байршлаа.

📣📢Монгол Улсын Их Хурлын 2026 оны 06 дугаар сарын 26-ны өдрийн нэгдсэн хуралдаанаар Татварын багц хуульд нэмэлт, өөрчлөлт оруулах тухай хуулийн төслийг эцэслэн баталсантай холбогдуулан Татварын ерөнхий газрын даргын 2023 оны 02 дугаар сарын 28-ны өдрийн А/34 дүгээр тушаалаар баталсан “Татварын хяналт шалгалтын үйл ажиллагааны журам”-ын шинэчлэлд Татварын мэргэшсэн зөвлөхүүд саналаа нэгтгэн өгөх зорилгоор цахим хэлэлцүүлэг зохион байгуулна.
⌛️Бүртгэл https://members.cpta.mn/ хаягаар явагдаж байна.
📩 Хэлэлцүүлэгт оролцож амжихгүй гишүүд [email protected] хаягаар 2026 оны 7 дугаар сарын
29-ны дотор саналаа ирүүлнэ үү.

ТАЛАРХАЛ 👏🤝
Татварын мэргэшсэн зөвлөхийн тангарагаа өргөж буй гишүүдэд М.Мөнхчимэг даргатай Сүхбаатар дүүргийн салбараас цэцэг бэлэглэн амжилт, сайхан бүхнийг хүслээ. Мэргэжлийн салбарынхаа эрхэм хүндтэй цолоо гардан авахаар Монгол орныхоо өнцөг булан бүрээс зорин ирсэн гишүүддээ болон тэдний амжилт бүрийг нь хуваалцаж байдаг гэр бүл, хамт олонд нь баярлалаа. 📚🎉👏💐