Milan Club Malta 1979

❗️❗️ AVVIŻ IMPORTANTI ĦAFNA ❗️❗️

Kull min qed iġedded it-tessera tal-Milan Club Malta għall-istaġun 2026/27, jekk jogħġobkom agħtu attenzjoni għal dan li ġej:

➡️ Il-pagament bil-mobile għandu jsir fuq dan in-numru: 9940 9574 (Michelle Fenech – Kaxxiera Tal-kumitat tal-Club), permezz ta' BOV Mobile jew Revolut.

❗️Importanti ħafna li ssegwu d-dettalji kollha b'attenzjoni biex il-proċess tal-ħlas isir b'mod korrett.

Grazzi ħafna tal-koperazzjoni tagħkom.

Bongu u Forza Milan! ❤️🖤

Gheziez membri bhal kull sena waslet il-mizata tal-Club (membership) se jkolna materjal sabih hafna xjitqassam lil membri taghna u dawk godda. Nheggukhom biex tibdew iggeddu s-shubija taghkom ghal Donazzjoni ta €20, kif ukoll ninkoraggukom thajru lil milanisti ohrajn biex jissiehbu maghna halli dejjem nkabru il-familja Milanista f'Malta ghaldaqstant intom tistghu taghmlu dan fil kumdita ta djarkhom billi tithlu fil-link ta hawn taht 👇🏻 u taplikaw online u bhala hlas tistghu thalsu jew Bov jew Revolut. Mbghad nghidulkom meta jiftah lis-stagun tas-Serie A biex tkunu tistghu tigbru l-materjal flimkien ma t-tessera gdida tal-istagun 26/27 min gewwa l-Club . Filwaqt li ninsabu waqt is-Sajf , nixtiequ nawgurawlkom sajf mil isbah u ma ndumux ma nergghu nintaqghu ghal-loghob fil-Milan Club Malta 1979 gewwa l-Hamrun Liberty. Inselmulkom. Forza Milan ❤️🖤

https://ugcng9fa.forms.app/2026-2027

Bov Pay /Revolut : Michelle Fenech (Kaxxiera) 99409574

Kumitat MCM.
Grazzi ghal Antifire Saftey & Security 🔥
Enchanted Music & Entertainment 🎵🎶
J.Curmi Interiors.

Kronaka Milanista minn Frans Deguara...

Camarda jimpressjona... u aktar

Is-Sibt, 25 ta’ Lulju, intlagħbet l-1 partita ta’ ħbiberija tal-Milan, vs Celtic, fis-Celtic Park fi Glasgow, u spiċċat 2-2. Riżultat ġust fejn wara taqsima diżastru, iżda wara l-intervall Amorim biddel it-tim, li lagħab ferm aħjar. Il-protagonista kien iż-żagħżugħ Camarda (li kien għadu kif ġedded il-kuntratt mal-Milan). U wara l-partita Amorin nnifsu ddikjara li “Francesco se jibqa’ magħna”, fejn ġustament mistenni jkun ir-riserva ta’ Gonzalo Ramos. Miegħu lagħab tajjeb ukoll Chukwueze. Imma naturalment kif jiġri f’dawn it-tip ta’ partiti saru żbalji koroh ħafna, partikolarment fid-difiża.
Fil-11’ żball klamoruż ta’ Pavlovic meta qassam lejn Torriani, b il-ballun jispiċċa assist perfett għal DURAN, li tefa’ fix-xibka. U fit-28’ żball kbir ieħor minn passaġġ lura, did-darba minn Ricci, li ħadu Duran u ta lejn FORREST li rdoppja!! Wara l-intervall Camarda biddel il-partita. Appena minuta ġie mwaqqa’ fil-kaxxa, bir-referì Skoċċiż Nick Walsh isaffar penalty. Tah CAMARDA nnifsu, li xeħet il-gowler Sinisalo n-naħa l-oħra għal esekuzzjoni perfetta. U wara xi ċansijiet maħluqa minn Francesco, fit-52’ kross bellezza ta’ Chukwueze sab lil CAMARDA, li bir-ras ippareġġja... doppjetta f’7’ għaż-żagħżugħ ta’ 18-il sena. Il-partita tkompliet b’diversi ċansijiet fuq iż-żewġ naħat, imma l-iskor ma nbidilx. Aħbar kerha kienet li Gila, li daħal fl-46’ kellu joħroġ fis-67’ bi problemi muskolari. Nittamaw li mhux gravi.
Il-Milan bdew hekk (3-4-2-1): Torriani; Tomori, Gabbia, Pavlovic; Athekame, Ricci, Fofana, Comotto; Bartesaghi, Ossola; Kostic.
Fit-2 taqsima lagħbu hekk: Torriani; Gila (68’ Vladimirov), Odogu, Terracciano; Chukwueze, Fofana, Musah, Bartesaghi (60’ Borsani); Loftus-Cheek (60’ Vos), Guernier (76’ Cissè); Camarda. Riservi: Pittarella u Bouyer.

Kurżitajiet.
COMOTTO/CAMARDA. Fit-22 ta’ Lulju, Christian Comotto ġedded il-kuntratt mal-Milan u l-għada għamel l-istess Francesco Camarda. Huma ffirmaw sat-30 ta’ Ġunju, 2031. Is-salarji ma ġewx komunikati uffiċjalment, imma Camarda kellu salarju ta’ madwar €450,000 netti + bonus. Għalhekk qed jissemmew ċifri ta’ bejn €650,000 u €800,000.
MODRIC. Fit-22 ta’ Lulju wkoll, Luka ġedded il-kuntratt u ser jilgħab għal staġun ieħor, minkejja li f’Settembru jagħlaq 41 sena! Għal min jikkritikah minħabba l-età, ta’ min ifakkar kif spiċċa l-istaġun li għadda fost l-iskwadra kollha Milanista. Mela, Luka Modric spiċċa l-1 għall-blalen milgħuba (2,678); l-1 għal dawk it-tqassimiet li rnexxew (2,006); l-1 għal dawk it-tqassimiet f’nofs il-grawnd tal-avversarji (1,209); l-1 bħala pussess tal-ballun gwadanjat (188) u l-1 bħala blalen interċettati (39)!! M’hemmx bżonn ta’ aktar kummenti!
Il-propjetarju Gerry Cardinale hekk ikkummenta: “Personalment inħossni entużjast u grat lejn Luka talli ġedded il-fiduċja tiegħu fil-klabb u fil-proġett il-ġdid li bdejna. Ir-reputazzjoni ta’ Luka titkellem waħedha, huwa rikonoxximent li rebaħ fil-grawnds madwar id-dinja kollha. Huwa plejer vinċenti u jaqbel perfettament mal-valuri tal-Milan. Li jkun magħna fil-grawnd u fid-dressing room għall-istaġun li ġej jirrappreżenta pass ieħor importanti fil-proġett il-ġdid li nedejna taħt il-propjetà tiegħi”. U l-messaġġ ta’ Luka lit-tifosi? “Inħossni ferħan u kuntent li se nibqa’ mal-Milan, klabb li fih ħassejtni milqugħ u maħbub sa mill-ewwel ġurnata. Wara staġun li fih ma lħaqniex l-aspettattivi, ix-xewqa ta’ riskatt hi immensa. Nistennew staġun ġdid u sfida ġdida: proġett li nemmen fih u jimmotivani. Inħossni lest u ppreparat li nkompli nagħti dak kollu li nista’ għal dan il-flokk u nħossni verament orgoljuż li nerġa’ nilbes dawn il-kuluri. Ħerqan li se nirritorna f’San Siro u nisma’ dik l-għajta tat-tifosi. Narakom dalwaqt... Forza Milan, sempre!” X’eżempju għaż-żgħażagħ tal-Milan!!
MALDINI/LEONARDO. A propożitu tat-telenovela dwar il-Kummissarju Tekniku tat-tim nazzjonali l-ġdid kompliet tikber. Infatti wara r-rifjut ta’ Guardiola u Ancelotti, waslet ukoll ta’ Pirlo... wara li nstab li f’Ottubru 2025 kien irreklama bħal “global ambassador” mal-kumpanija tal-imħatri Russa, Fonbet! Qam każ każ nazzjonali u anke politiku. Kellna wkoll ir-rifjut G. Buffon biex jerġa’ jifforma parti minn Club Italia. Allura kif kien mistenni, Paolo Maldini u Leonardo rriżenjaw ukoll (wara biss 16-jum fil-kariga ta’ Direttur Tekniku u “advisor”)!! Issa t-taqtiqa għall-kowċ il-ġdid reġgħet waqgħet bejn Mancini (minn dejjem favorit ta’ Malagò) jew Conte. Maldini nduna li aħjar jitlaq la l-awtonomija mwiegħda fil-verità ma kinitx teżisti, u Leonardo qabel miegħu, u qal biss: “Ma jridux il-bidla”. U flokhom qed jissemmew Claudio Ranieri u Zola... wara Albertini, u ħafna oħrajn, biex il-kriżi li daħal fiha l-futbol Taljan tkompli tikber!! Nittamaw li tiġi solvuta għall-ġid ta’ kulħadd.

Il-partita li jmiss: id-derby Milan-Inter, fil-5 t’Awwissu, fl-12:00 pm, f’Optus Stadium, f’Perth, l-Awstralja, fejn diġà jinsabu r-Rossoneri.

N.B. Wasalna għall-kronaka nru 150!! Nixtieq nirringrazzja lill-Kumitat tal-Milan Club Malta 1979 (partikularment Francesco Bezzina tal-paċenzja biex jippubblikaha), kif ukoll lil Daniel Bugeja li kien talabni nibda nikteb xi ħaġa dwar il-partiti tal-Milan sa mit-23 ta’ Frar, 2024!!... li jfisser li f’sentejn u nofs ktibna 150 kronaka! Għalhekk nieħu din l-opportunità biex nirringrazzja wkoll lit-tifosi Milanisti u l-qarrejja kollha (Milanisti u mhumiex!), b’mod speċjali dawk li jsibu ftit ħin u jiktbu l-ħsibijiet tagħhom. Napprezza kull kumment.

Ritratti (fuq): iż-żewġ żbalji goffi li ġew mingħand Pavlovic u Ricci għall-gowls ta’ Duran u Forrest rispettivament; (nofs): il-penalty stupend u l-pareġġ ta’ Camarda wara daqqa ta’ ras; (taħt): Camarda u Comotto jiffirmaw il-kuntratt ġdid kif ukoll Luka Modric li ffirma għal staġun ieħor mal-Milan.

Kwalunkwe opinjoni espressa minni mhux bilfors hi l-istess tal-Milan Club Malta 1979.

Kronaka Milanista minn Frans Deguara...

L-ewwel partitella, Kostic, u aktar...

Il-Ħadd, 19 ta’ Lulju, f’Milanello saret il-partitella fil-familja Milan, bejn il-kbar vs Milan Futuro, li spiċċat 7-0. Amorim seta’ josserva aħjar il-kundizzjoni atletika tal-plejers li hemm bħalissa. U fost li impressjonaw l-aktar hemm Kostic u Camarda. L-1 taqsima għalqet 2-0, b’gowls ta’ Ossola u propju Kostic, filwaqt li wara l-intervall skorjaw Chukwueze, Pavlovic, Camarda, Loftus-Cheek u Fofana. Issa l-ewwel test veru se jkun is-Sibt li ġej, vs Celtic, fis-Celtic Park ta’ Glasgow (il-ħin għadu mhux magħruf), qabel imorru t-tour fl-Awstralja u l-Indonesja.
Naturalment fl-iskwadra hemm plejers li għandhom jitilqu, kif ukoll hemm dawk nieqsa minħabba l-parteċipazzjoni fit-Tazza tad-Dinja. Infatti nsibu li għad iridu jaslu: Estupinan fl-24 ta’ Lulju (jitlaq żgur); Gimenez u Pulisic fid-29 Lulju għax imweġġgħin; Gonçalo Ramos u Leao (jitlaq ukoll) fid-29 ta’ Lulju f’Perth; De Winter, Jashari u Saelemaekers fit-2 t’Awwissu f’Perth ukoll; Maignan u Rabiot fit-12 t’Awwissu f’Milanello. Imbagħad hemm Modric, li f’dawn il-jiem mistenni jiffirma kuntratt ieħor ta’ sena, u jirritorna lejn l-aħħar ta’ Lulju.
ALLEGRI. L-għada li ġie ppreżentat Amorim (13 ta’ Lulju) kien imiss li jiġi ppreżentat Allegri man-Napoli. U fost il-mistoqsijiet li għamlulu laqtuni dawn. Wara l-ħafna suċċessi, Napoli jirrappreżentaw ir-riskatt wara d-delużjoni mal-Milan? “Mhix kwistjoni ta’ rivinċità. Jiġu annati li jispiċċaw f’ċertu mod. Inħossni dispjaċut kif spiċċa l-istaġun li għadda, anzi nieħu l-okkażjoni ħalli nirringrazzja LIL MIN IKKOLLABORA MIEGĦI meta kont mal-Milan. Kien staġun intens ħafna. Li tirbaħ jew tilħaq l-objettivi mhux faċli, għalhekk nitilqu konxji li xejn mhu skontat minkejja l-aħħar suċċessi. Issa nibdew staġun ieħor”. Meta Cardinale ppreżenta lil Amorim qal li “għandna kowċ li jilgħab biex jirbaħ u mhux biex ma jitlifx”, taħseb li naqas mir-rispett lejk? “Assolutament ma nikkummentax dak li qalet il-propjetà. Nirrepeti, nista’ biss nirringrazzja lil min issapportjani tul l-istaġun kollu. Imbagħad inħossuna ddispjaċuti li sfortunatament ma lħaqniex l-obiettiv prinċipali. Issa ser tibda annata oħra, sabiħa li ngħixuha, fejn għandna 3 kompetizzjonijiet u nitilqu b’entużjażmu kbir”.
FRODI SPORTIVA. Fl-aħħar kronaka semmejna l-inkjesta rigward is-sistema tar-referis u l-frodi sportiva fejn ġew imdaħħla anke l-Inter, u kont spiċċajt insaqsi “...jew imutx kollox fuq ommu!!” Infatti fil-15 ta’ Lulju, il-Procura ta’ Milan talbet l-arkivjazzjoni għas-soċjetà Inter “dwar ir-responsabbiltà amministrativa tagħhom”. Eħħħ, Marotta intelliġenti u b’saħħtu wisq!!
MALDINI/LEONARDO. A propożitu tad-Direttur Tekniku tal-Italja u l-kollaboratur Leonardo, tkompli t-telenovela dwar il-kowċ nazzjonali il-ġdid. U wara ħafna ismijiet, issa qed jissemma’ b’ċertu insistenza saħansitra Pep Guardiola! ...jekk ma jasalx ftehim miegħu, hemm Mancini (favorit tal-President Malagò) jew Pirlo (li dwaru hemm ħafna u ħafna inċertezza mit-tifosi). Issa naraw.
AWAY KIT. Fil-21 ta’ Lulju, il-Milan u l-Puma nedew il-flokk il-ġdid abjad għall-partiti barra San Siro għall-istaġun 2026/27... bit-tema eċċellenti “DOPO ISTANBUL, C'È SEMPRE ATENE”. Interessanti ħafna li bħala testimonial poġġew lill-protagonista assolut ta’ Ateni 2007, Pippo Inzaghi! Nittamaw li jawgura tajjeb għall-istaġun li ġej!
PARTITI TA’ ĦBIBERIJA. L-ewwel partita ser tintlagħab nhar is-Sibt li ġej, 25 ta’ Lulju, vs CELTIC, f’Celtic Park, Glasgow. Imbagħad hemm id-derby vs INTER, fil-5 t’Awwissu, f’Optus Stadium, f’Perth, l-Awstralja; vs CHELSEA fid-9 t’Awwissu f’Gelora B**g Karno Stadium, l-Indonesja; u vs MANCHESTER UNITED fil-15 t’Awwissu (propju f’Jum Santa Marija) f’Tarczynski Arena, fil-Breslavja.
EVANI-DONADONI. Ftit storja. Waqt il-podcast “Derbyssimo Legends x MilanNews” ta’ Stefano Fisico u l-eks plejer Stefano Eranio, intervistaw lil Alberigo Evani, eks ċentrocampista li lagħab mal-Milan bejn l-1980 u l-1993, fejn rebaħ 3 Skudetti, 2 Coppa Campioni, 2 Supercoppa UEFA, 2 Coppe Intercontinentali, 1 Coppa Italia, 2 Supercoppa Italiana ( kif ukoll 2 kampjonati Serie B u Coppa Mitropa). U laqtuni partikolarment xi siltiet, fosthom: Minn fost dawk il-plejers kbar kollha min kien l-aktar li kien jistimolak biex titjieb dejjem aktar? “Donadoni. Kienu jgħidulu ‘l-għadma’ [l’osso] għax ma kien iċedi qatt! Dejjem irid ikun l-ewwel f’kollox, anke jekk nagħmlu l-push-ups dejjem ikun irid jagħmel aktar! Jekk pereżempju ħa nagħmlu 10 hu kien jagħmel 15! Jew jekk waqt ġirja, dejjem ried ikun quddiem. Insomma, kien iġiegħlek titjieb dejjem!” “Dwar il-Milan ‘tiegħi’ aktar inħoss orgolju milli nostalġija, għax huwa dejjem sabiħ meta jirrikonoxxu dak li rnexxielna nwettqu wara daqstant snin. Tant li meta jwaqqfuk u jkellmuk dwar dak il-Milan, ma jsemmux il-ħafna unuri li rbaħna iżda l-mod kif konna nilagħbu!! Għax huwa apprezzat anke minn min mhux tifoso tal-Milan, għax dak it-tim kien modern, innovativ”. Hekk hu, dak huwa li jagħmilna orgoljużi li għexna dawk iż-żminijiet tad-deheb tal-Milan!! U għandna endorsement eċċellenti dwar plejer sottovalutat wisq (forsi anke minħabba l-karattru umli tiegħu). Għax bħal Roberto llum m’għadx hawn dawk it-tip ta’ plejers li jiddribiljaw u jikkrossjaw minn mal-linja!! Kien jogħġobni immens.
SPANJA. Did-darba bix-xieraq insellmu lil Spanja li l-Ħadd, 19 ta’ Lulju, għelbu lill-Arġentina 1-0 (gowl ta’ Fernan Torres fil-106’) wara l-ħin barrani fil-finali tat-Tazza tad-Dinja fi New York, u b’hekk rebħuha għat-tieni darba, wara dik tal-2010. Fit-3 post ġew l-Ingilterra li għelbu lil Franza (ta’ Maignan u Rabiot) 6-4.

Ritratti: mument mill-1 partitella tal-istaġun vs Milan Futuro 7-0; u Andrej Kostic, l-attakkant żagħżugħ li impressjona ħafna; (taħt): Pippo Inzaghi fuq quddiem bħala testimonial tal-flokk away il-ġdid għall-2026/27; u żewġ eks plejers kbar - Alberigo Evani u Roberto Donadoni.

Kwalunkwe opinjoni espressa minni mhux bilfors hi l-istess tal-Milan Club Malta 1979.

Gheziez membri bhal kull sena waslet il-mizata tal-Club (membership) se jkolna materjal sabih hafna xjitqassam lil membri taghna u dawk godda. Nheggukhom biex tibdew iggeddu s-shubija taghkom ghal Donazzjoni ta €20, kif ukoll ninkoraggukom thajru lil milanisti ohrajn biex jissiehbu maghna halli dejjem nkabru il-familja Milanista f'Malta ghaldaqstant intom tistghu taghmlu dan fil kumdita ta djarkhom billi tithlu fil-link ta hawn taht 👇🏻 u taplikaw online u bhala hlas tistghu thalsu jew Bov jew Revolut. Mbghad nghidulkom meta jiftah lis-stagun tas-Serie A biex tkunu tistghu tigbru l-materjal flimkien ma t-tessera gdida tal-istagun 26/27 min gewwa l-Club . Filwaqt li ninsabu waqt is-Sajf , nixtiequ nawgurawlkom sajf mil isbah u ma ndumux ma nergghu nintaqghu ghal-loghob fil-Milan Club Malta 1979 gewwa l-Hamrun Liberty. Inselmulkom. Forza Milan ❤️🖤

https://ugcng9fa.forms.app/2026-2027

Bov Pay /Revolut : Michelle Fenech (Kaxxiera) 99409574

Kumitat MCM.
Grazzi ghal Antifire Saftey & Security 🔥
Enchanted Music & Entertainment 🎵🎶

Kronaka Milanista minn Frans Deguara...

Ir-Raduno, Cardinale, Gila, u aktar...

It-Tnejn, 13 ta’ Lulju, beda r-Raduno għall-istaġun 2026/27. U kuntrarjament għas-snin ta’ qabel, anke Gerry Cardinale kien preżenti... anzi għamel bħal Berslusconi (!) u fl-10:48 rifes Milanello wara li wasal bil-ħelikopter! Miegħu waslu wkoll is-CEO Massimo Calvelli, u d-diriġenti Hendrik Almstadt u Bobby Gardiner, u naturalment il-kowċ Ruben Amorim mal-plejers imsejjħa. Għat-tieni sena konsekuttiva l-Curva Sud m’attendewx bi protesta kontra l-propjetà... għalkemm onestament l-affarijiet jidher li qed jinbidlu (nittamaw li għall-aħjar) li jawguraw tmexxija differenti u aktar preżenzjalista.
Sa fl-aħħar jidher li l-propjetarju Cardinale fehem li ma tistax tibqa’ tiddelega l-ħidma ġo klabb tal-futbol. U wara 4 snin ta’ nuqqas ta’ preżenza totali f’Milanello u anke għall-partiti, li ġabu fallimenti jew kważi, induna li aħjar imexxi direttament hu. Infatti għall-ewwel darba, fit-8 ta’ Lulju ppreżenta l-kowċ il-ġdid Ruben Amorim. U għalkemm ma ħax mistoqsijiet mingħand il-ġurnalisti (bil-preżentazzjoni ssir bl-Ingliż, anke ta’ Amorim), stqarr il-ħsibijiet tiegħu. Fil-verità dawn il-wegħdi qalhom kemm-il dabra, imma dan l-istaġun jidher li jaħdem bil-fatti. Infatti ġa akkwista 2 plejers importanti, Gonzalo Ramos u Mario Gila, difensur tajjeb ħafna mingħand Lazio. U saħaq li l-aħħar deċiżjoni ta’ kull mossa (akkwisti u bejgħ) se tkun f’idejh, għalkemm is-CEO Calvelli għandu l-fakultà li jista’ jonfoq sa €50 miljun, iżda kull firma jrid ikollha wkoll ta’ Cardinale jew ta’ Scaroni. Dan jikkonferma wkoll li Ibra hu biss Advisor, li jagħti l-pariri tiegħu lil Cardinale (u RedBird) u nisperaw għall-benefiċċju tal-Milan!! Amorim iddikjara li jrid futbol offensiv li jiddomina l-avversarji... kliem sabiħ kieku, li qaluh kowċis oħra qablu, bħal Fonseca, imma dak iż-żmien is-soċjetà ma bbakkjatux u ma kinitx disposta li tonfoq investimenti importanti bħalma ġara dis-sena.
GILA. Id-difensur Spanjol Mario Gila ġie akkwistat mingħand Lazio għal €27.5 miljun (nofshom għal Real Madrid li kellhom 50%) u ffirma kuntratt ta’ 5 snin għal salarju ta’ €4.5 miljun. Il-plejer kien entużjażt ħafna u orgoljuż li sieħeb il-Milan (ma ninsewx li ġa kienu ħadmu fuqu Tare u Allegri). Hu għażel in-nru 34 (li kellu mal-Lazio), u hu t-12-il plejer Milanista b’dak in-numru. Infatti nsibu lil Jesper Blomqvist (96/97), Massimo Maccarone (97/98), Simonluca Agazzone (99/00), Michele Ferri (00/01), Umit Davala (01/02), Alessandro Matri (02/03), Gastone Bottini (06/07), Ibrahim Ba (07/08), Bryan Cristante (11/12), Nigel de Jong (12/13-15/16) u Valeri Vladimirov (25/26). Biex inkunu sinċieri ma tantx ġabilhom fortuna!! Nsperaw li...
SKWADRA. Il-plejers imsejjħa għar-raduno huma 26, u naturalment għad jonqos il-11-il plejer li ħadu sehem fit-Tazza tad-Dinja, li għandhom jaslu fil-ġimgħat li ġejjin, skont kemm waslu fil-kwalifikazzjoni. Il-plejerers preżenti huma: gowlers - Bouyer, Pittarella, Terracciano P., Torriani; difensuri - Athekame, Bartesaghi, Gabbia, Gila, Karaca, Odogu, Pavlovic, Terracciano F., Tomori; ċentrokampisti - Comotto, Fofana, Loftus-Cheek, Musah, Ossola, Ricci; attakkanti - Camarda, Chukwueze, Cissè A., Guernier, Kostic, Nkunku, Y. Idrissi. Filwaqt li ż-żgħażagħ Balentien, Malick Cissè, Zeroli u Vos ngħaqdu mal-grupp ta’ Milan Futuro. Imbagħad hemm Ismael Bennacer u Warren Bondo li mhumiex fil-proġett tas-soċjetà.
AMORIM. Fis-13.15, il-kowċ Portugiż Amorim ippreżenta ruħu lill-plejers u f’diskors qasir qalilhom: “Ħbieb, l-ewwel nett intom tridu tintroduċuni mal-istaff, għax tafuhom aħjar minni. Inħossni verament kuntent u orgoljuż li qed hawn magħkom. Għal kwalunkwe ħaġa li jkollkom bżonn, jien hawn għalikom, għad-dispożizzjoni tagħkom. U għal kull diskussjoni ma’ plejers oħra jien dejjem se niddefendikom jekk ikollkom raġun. Kollox sew? Dak kollox. Nibdew, u grazzi”. Infatti l-ewwel sessjoni ta’ taħriġ bdiet fid-9.30 fil-magħluq, bit-tieni sessjoni tibda fis-18.00 sas-19.15, b’folla ta’ madwar 1,000 tifoso (m’attendewx il-Curva) issegwi minn wara ċ-ċint, filwaqt li Cardinale telaq bil-ħelikopter fil-17.12.
RAMOS. Fin-12.30, Gonzalo Ramos li għalkemm mhux imsejjaħ għar-raduno (minħabba l-parteċipazzjoni fit-Tazza tad-Dinja), b’sorpriża mar Milan flimkien mal-familja tiegħu ħalli jidra aktar malajr l-ambjent tal-kapitali Lombarda. U ma naqsitx żjara qasira sal-Milan Store u ritratt mal-flokk bin-numru 9 li dalwaqt se jilbes għall-partiti tal-Milan. Mhux biss, fit-15.30 mar anke Milanello jsellem lid-diriġenti u l-iskwadra li laqgħuh kordjalment wara dis-sorpriża sabiħa!
FRODI SPORTIVA. Wara ġimgħat ta’ silenzju totali, reġgħet feġġet l-inkjesta dwar ir-referis, u did-darba l-Prokura daħlet ukoll lill-Inter. Għax wara l-partiti mal-Verona u Bologna, u Milan fil-Coppa Italia, issa qed tissemma’ wkoll Torino-Inter tas-26 t’April ta’ dis-sena, li fiha d-deżinjatur Gianluca Rocchi għażel lir-referì Mariani “wara l-kunsens tas-soċjetà Nerazzurra”, għax Mariani “hu referì li jogħġobhom”!! L-akkuża hi: “frodi sportiva bejn esponenti ta’ soċjetà sportiva (Inter) u dawk li aġixxew skont ir-rapporti preferenzjali mal-President tal-FIGC, Gabriele Gravina”!! Issa naraw x’se jiġri aktar ’il qudiiem... jew imutx kollox fuq ommu!!
MALDINI/LEONARDO. A propożitu ta’ FIGC, sa fl-aħħar il-President ġdid Giovanni Malagò, ħabbar id-direttur ġdid ta’ Club Italia (jew aħjar Direttur Tekniku), li se jkun Paolo Maldini, u miegħu bħala Advisor (daż-żmien ħafna kliem Ingliż!) se jkollu lil Leonardo... ħabib u kolloga tiegħu, u lagħbu u ħadmu flimkien mal-Milan fl-2018. Dik id-darba kien il-Brażiljan li sejjaħ lil Paolo, u issa Maldini rreċiproka u talbu jgħinu. Huma ffirmaw kuntratt ta’ 4 snin, u flimkien ma’ Malagò issa jaħtru il-Kummissarju Tekniku (selezzjonatur) għat-tim nazzjonali... li barra s-soliti Mancini u Conte, issa hemm ukoll Pioli, li miegħu ħadmu flimkien għar-rebħ tal-kampjonat tal-2022 mill-Milan.
SINNER. U xieraq li bit-tennista Milanista Jannik Sinner, li rebaħ it-turnament l-aktar prestiġjuż ta’ Wimbledon għat-2 sena konsekuttiva! Huwa għeleb lil lin-nru 2 Sascha Zverev 6-7, 7-6, 6-3, 6-4. B’hekk huwa rebaħ il-5 Slam fil-karriera u l-100 rebħa f’turnament maġġuri.


Ritratti: il-kowċ il-ġdid Ruben Amorin ospitat mill-propjetarju Gerry Cardinale f’Milanello fis-7 ta’ Lulju; u ż-żgħażagħ Camarda u Comotto; (taħt): il-kowċ ta’ Milan Futuro Sergio Navarro Barquero; u ż-żewġ plejers leġġendarji Marco Van Basten u Roberto Baggio.

Kwalunkwe opinjoni espressa minni mhux bilfors hi l-istess tal-Milan Club Malta 1979.

Ir-rebbieħ tal-voucher ta’ xahar ta Lulju mill-promozzjoni tal-birthday ta’ Sachico’s, li qed nagħtu kull xahar, huwa Micallef Kyle . Prosit kyle u Forza Milan!

Mil-arkivji tal-Milan Club Malta 1979

Hawnhekk qed naraw wiehed mil-organi tad-Diavolo fejn qed naraw ir-ritratt tal-Player Mark Hateley.