15/07/2026
Book kinek² slot yo, pat main boi alu nyatuk derian kpg Kelait yo
Pekit Main Bol Tebuka JKKK Kampung Kelait 2026 Nyendiaka Perais Besai
SEBUYAU, 15 Julai — Komiti Pemansang enggau Pengelikun Genturung Pendiau (JKKK) Kampung Kelait deka ngatur Pekit Main Bol Tebuka JKKK Kampung Kelait 2026 berengkah 15 Ogos 2026, nyadi pelasar dikena meransang penyereta raban nembiak dalam aktiviti lumba enggau main.
Pekit ke dibuka ngag*i tim ari mayuh bengkah kandang menua tu bisi nyendiaka perais mata duit enggau trofi ngag*i tim ke menang.
Champion deka mai pulai perais mata duit RM2,000 disempulang trofi enggau midul, lalu lumur dua deka nerima perais mata duit RM1,000 disempulang trofi enggau midul.
Tim ke ba penuduk lumur tiga deka nerima perais mata duit RM800 disempulang trofi enggau midul, lalu penuduk lumur empat deka nerima trofi enggau midul.
Penyereta deka bebayar RM300 seiti tim enggau deposit RM100, lalu pekit tu ditatak ngag*i 32 tim aja.
Berindik ari nya, tim ke bisi ati dilalau ngerejista diri tumu dikena nyeliahka diri asa ati.
Sesi chabut undi deka diatur kena 14 Ogos 2026 (Hari Lima), pukul 2.00 lemai ba Astaka SK Kelait, lalu pemungkal pekit diperambu deka diatur kena 15 Ogos 2026 (Hari Enam).
Semua main deka diatur ninting ujung minggu nyentukka pekit tu tembu.
Pengawa ngatur pekit tu dikearap ulih nyadi pelasar dikena nyerungkai penau baru dalam main bol ba renggat menua, kelimpah ari ngenegapka penyerakup komuniti nengah penyereta ti chakah dalam aktiviti rekreasyen ti bepengerai sereta kompetitif.
Penerang silik tauka pengawa ngerejista diri, mensia mayuh tau betanya ngag*i Alan Shearer ba lumur 017-575 9286 tauka James Tommy ba lumur 016-850 5468.
JKKK Kampung Kelait ngelaluka penyereta semua tim ke bisi ati lalu nesau mensia mayuh datai meri sukung sepemanjai pekit nya dikena ngerichahka agi pengerami bepekit nya. — RBI
| Ruai Berita Iban
Rinduka | Titihka | Kunsika
