LS Updates

Real Madrid on 🔥

Amb. Muhammad Dalha ya bayyana haka ne a wata hira ta musamman da ya yi da manema labarai, yayin da yake bayyanawa duniya takararsa a gidansa da ke Tudun Yola.

Sannan Amb. Dalha ya fito da manufofinsa a sarari kan yadda jihar Kano za ta zama abar koyi a cikin jihohin Najeriya.

Da yake tsokaci kan matsalolin tsaro, ɗan takarar gwamnan ya bayyana matakan da gwamnatinsa za ta ɗauka domin magance su, matuƙar ya hau mulki.

Haka kuma, ya yi bayani kan yadda zai haɓaka harkar kasuwanci domin ganin Kano ta ci gaba da amsa sunanta na cibiyar kasuwanci.

A wani ɓangare kuma, yayin amsa tambayar wani ɗan jarida kan yadda wasu ke ganin Jam’iyyar PDP ta mutu murus a jihar Kano, Amb. Dalha ya ce ba mutuwa ta yi ba; a maimakon haka, yanzu za ta ƙara fito da ƙarfi fiye da yadda take a baya.