Géneration-ultras

احكيلي علباركاج خويا 🩸

دخلة خيالية من الفاناتيك رادز اليوم ضد الزمالك المصري ..🇩🇿🇪🇬🔥

بِروح برهان ٫ طَهُورًا إسلام .. فالمعروف لا يضيع و الكريم لا ينكر الصنيع ! 🟢⚫🔴

ريسيليانسا ( resilienza ) : تجاوز الاوقات العصيبة ٫ الصمود و التعافي في وجه الأزمات .. اللهم شفاءً لا يغادر سقماً .

فالمروك كون يباتو يسرقو في بعضاهم متقدرش تأمن ادا صح و لا كدب مام كون تكون صح معندها حتى شارم باسكو فالسمانة يخدمو ربعين ايتوندار و عشر ايباش و سبعة و سبعين فوال ... هكا يروح الشارم معندها حتى معنى كي تسرق و لا متسرقش ٫ يا السود و يا النورد كازاوا راكم فنانين من حيث الابداع على سطح المدرجات بصح فالشي لاخر معندكم حتى شارم خليوها فإطار كرة قدم و زهو و ابداع خير مطيح الارواح على طرف قماش معندو حتى معنى .. من الفين و خمسة و حنا نشوفو فليباش يتقلبو مبعد واحد تلقاه خاصو نقطة فوق حرف و لاخر عينو دايرة و ما الخ حيروني غير لعباد لي راهم مخلوعين مشي لي صرا

فالاونة الاخيرة روماركيت بزاف يهدرو على خلاف بين مجموعات الفيراج سود و تغيير مكان الجلوس ٫ حد الساعة رانا نشوفو فنظام و مستوى عالي بزاف من جماهير المولودية عامة و الاولتراس خاصة ٫ يعني فظل هاد الكم الهائل من الاعضاء و التسيير العقلاني لي رانا نشوفو فيه من القدماء منقدرو غير نقولولهم يعطيكم الصحة لأنو باش تنظم هد الغاشي و ميكونش العنف و متكونش تجاوزات و زيد باش تشوف هد ليباركاج لي هوما بحد ذاتهم انا نعتبرهم لوحة فنية بلا ميشقى دير تيفو ... بركاو ما تنساقو ورى اطفال الفايسبوك لي يحطو تصاور الاعضاء و التمهبيل لي يديرو فيه ٫ انسان خدم و نجح نقولو بلي نجح حتى و يكون منافسك بش منقولش عدوك لانها تبقى رياضة و ڤصرة فوق المدرجات لا اكثر و لا اقل !