28/08/2026
Takk ❤️
2026 hadde nok vore eit særs krevjande år for heile det norske Kongehuset, med mykje støy, det var rettssak, Epsteinfilene, alvorleg sjukdom og spørsmål om monarkiet si framtid.
Det må ha vore tungt.
Nettopp difor er me i dag så utruleg glade og takksame for at den siste sommaren, då verdas vakraste lagspel verkeleg samla folket og folket samla seg om Slottet, feidde all tvil til side.
Det var til Slottet me gjekk for å feira triumfane.
Det var Kongen me ropte på då me vann store slag midt på natta og ikkje visste kvar me skulle gjera av oss i rein lukkerus.
Nett slik ein knøttespelar som skårar sitt første mål strekkjer armane i veret og jublar mot den kryaste bestefar, nett slik sprang me oppover Karl Johan for å feira i lag med Norges aller største og mest trufaste supportar.
Det var her me verkeleg viste kva som bur i oss av fellesskap og samhald, det var hit me kom for å visa for heile verda kor mykje det betyr for oss å vera røde, kvite, blå.
Det var hit dei rodde, heltane, då dei vende heim.
Dei spinnville jubelscenene frå slottsplassen og bileta av Hans Majestet Kongen som tok i mot laget sitt, representerte noko heilt spesielt og unikt, både i norsk idrettshistorie, men også i verda.
Slikt skjer rett og slett ikkje andre stader.
Ingen andre stader har ein konge sitt valspråk blitt ein monsterhit og ein kulturskatt som folket har sunge og skråla, seint og tidleg.
Aldri før har vel noko kongehus nokon stad vore meir samlande.
Aldri før har noko monarki vore løfta fram som sjølve symbolet på den djupe kjensla av nasjonal styrke og stoltheit i ein verdensmeisterskap.
Aldri før har eit fotballag, ein nasjon, eit folk og ein konge stått sterkare saman.
På ein dag som dette er alle våre hjarta tunge av sorg, men også fylt med glede og takksemd over at kong Harald fekk oppleva alt dette som noko av det siste i gjerninga hans.
Me gjev alt, alt for Norge
ofrar alt, om me må.
Me er raude, kvite, blå,
heile kampen ut skal me stå på
for Norge.
Vårt fedreland.
Takk for kampen, kjære kong Harald.
Kvil deg no ❤️⚽️🇳🇴
NFF Sogn og Fjordane
