HaNo FK

22/09/2026

Ungdom søkast til reinhald i Nordøyhallen og garderober ved Nordøy Stadion!

HaNo FK leitar etter ein påliteleg og arbeidsam person til å hjelpe oss med reinhald i Nordøyhallen og Nordøy Grendahus.

Kva vi ser etter:

* Ungdom (frå 15 år og oppover)

* Ansvarsfull og pliktoppfyllande

Kva jobben inneber:

* Ein gang i veka: reinhald av HC-toalett, påfyll av sanitærutstyr, tømme søppel og sjekke påbygget

* Etter arrangement: reinhald av alle toalett, påfyll av sanitærutstyr, tømme søppel, og reinhald av tilbygg. (opplæring vil bli gitt)

* Vasking av garderober ved Nordøy grendahus etter kampar og vask av gymsal etter arrangement ved førespurnad

Kva vi tilbyr:

* Timeløn

* Ei god erfaring å ha på CV-en

Høyrest dette ut som noko for deg, eller din ungdom? Kanskje er de to stykk som vil dele på jobben?

Send ein e-post med litt informasjon om deg til [email protected] innan 30.09.26! Ved spørsmål, ta kontakt med Henrik Åkre telefon 412 13 820

19/09/2026

17/09/2026

G14 på Aafk Drømmetrening

Harøy Idrettslag/HaNo/Lepsøy sitt G14-lag deltok saman med fire andre lag torsdag kveld på Drømmetrening i regi av Aafk. Mat, foredrag, prat med trenarane til dame-og herrelaget i tillegg til treningsøkt med Aafk-spelarar stod på programmet.

Nora Harnes Håheim var som alltid ein inspirerande instruktør, og vi nytta sjølvsagt sjansen til eit lagbilete saman med harøy-spelaren som nettopp fekk sølv i cupen. Aafk damer har hatt ein kjempesesong, og fightar om medalje og europacupspel neste sesong.

Trenarane kom med gode råd. Rekdal, Frigård og damesjef Lindmark snakka alle om å:
- Ha det gøy på vegen
- Korleis vere ein påfyllar for lagkameratane
- Trene på å bli god på EIN ting/ferdigheit

06/09/2026

I morgon måndag spelar damene semifinale i Sunnmørsposten-cup på Nordøy stadion. Vel møtt !

03/09/2026

G14 og G16 med fellestrening

Det gror godt i både jente-og gutefotballen på Nordøyane. J15 har to lag i serien. G14 og G16 benytta avlyst kamp til felles trening torsdag kveld. Storbanespel under perfekte seinsommarforhold. Ekstra kjekt med fire keeperar som kan lære av kvarandre.

29/08/2026

Velkomen til miniturnering på Nordøy Stadion i morgon frå 10.00!⚽️

21/08/2026

Nb!! G16-kampen i dag er flytta til Harøy stadion

20/08/2026

G16 haustopnar fredag 18.30 på Nordøy stadion !