Skodje idrettslag

Hjem
Norge
Skodje
Skodje idrettslag

Ring Veibeskrivelse Nettsted Kontakt bedriften

Skodje idrettslags offisielle Facebook-side!

04/10/2026

Isopor gies bort mot avhenting snarest 🙂
100mm og 150mm MX200.

04/10/2026

Kampar på stadion i veke 41 (05.10. – 11.10.):
Ingen kampar denne veka grunna haustferie. Det blir ei kjeeedelig veke!

02/10/2026

Skodje Idrettslag - Skigruppa står på for å klargjøre løypene til vinteren! 👏

Er du glad i å gå på ski, eller kunne tenke deg å være med å bidra i løypenettet?
Meld deg inn i dugnadsgruppa via Spond :
https://spond.com/invite/FHLKQ

02/10/2026

Skodje sitt gutelag 13 år har opplevd ein noko tung sesong med fleire store tap.
Torsdag kveld var gutane på besøk på Hareid stadion for kamp mot Hareid 2. Då kom ein etterlengta seier.

Skodje tapte 1-4 mot det same laget i førre haustkamp i slutten av august.
Torsdag vart det ein flott revansj med 4-2 seier til Skøyegutane, og dobla poengfangst i haust.

Målskorarar mot Hareid var Christan Solholm med to, eit kvar av David L. Bozkurt og Johan E. Lillebø.

Komande veke har gutane spelefri grunna haustferie, so neste kamp blir heime mot Brattvåg 2 torsdag 15.10.

01/10/2026

Damelaget SØS slo til med storseier i dag, torsdag.
Heile 6-1 enda kampen på Kirkebø stadion mot Valder/Øyne.

SØS-damene leda 2-0 ved pause etter skoring av Hanna Øie og Selma Midtbust-Dyrkorn.

I andre omgong auke damene jamnt og trutt til det sto 6-0 midt i omgongen.
Då synest damene det fikk vere nok, slo av på farta, og let gjestane få redusere til 1-6 kvarteret før slutt.

Tre nye mål i løpet av ti minutt av Selma i andreomgongen, og ekte hat-trick! Trur det faderlege opphavet og tidligare storskorar Nils var stolt i dag.
Den sjette skoringa vart sett inn av Susanna Tafjord.

Hedda Nicolaisen Saure debuterte for SØS i kampen mot Valder/Øyne.

Dommar i kampen var Lars Ove Sletta, Langevåg IL. Eit gult kort til ei øyataus.

01/10/2026

God og spennande gutekamp 15-16 år på stadion i dag, torsdag.
Motstandar var Aksla 2 og det vart spela 11-arfotball.

Skodje gikk kjapt i ledelse 1-0 på eit susan de frispark av Martinus Holvik. Det var spela berre 2 minutt.
Etter ti minutt utligna Aksla til 1-1, men like før pausesignalet fiksa Sem Middelhoek 2-1 til Skøye.

I andreomgongen bølga spelet fram og tilbake, med Skodje som det mest finspelande laget. Meir fysisk fotball frå bygutane.
Midt i omgongen utligna Aksla til 2-2 og spenninga steig.
Kvarteret før slutt ordna storskorar Aron V. Ytrelid 3-2 til Skøye, og det resultatet sto seg kampen ut.

Skodjegutane som knapt har vunne ein kamp før i sesongen har no tre strake seierar og har klatra over midten av tabellen.
Ein kamp attstår for gutane, det er bortekamp mot Sula 16. oktober.

Kampens dommar var Filip Rogne, Brattvåg IL. Han la lista høgt, men rodde det bra i land. Eit gult kort til ein bygut.

01/10/2026

I dag, fyrste dag i oktober, skal SØS-damene møte Valder/Øyne til kamp på Kirkebø stadion. Kampstart som vanleg kl. 18.30.
Sist desse laga møttest var 26. mai i år. Då vann Valder/Øyne 3-1 på Kirkebø.
SØS-damen bør derfor legge seg skikkeleg i selen for å ta revansj for nederlaget i vår.
Flott spelever, so møt opp i hopetal for å heie damen fram til seier!

Førre kamp for SØS, som skulle spelast sist mandag, møtte ikkje motstandar MTG til kampen. Dei klarte ikkje å stille lag.
SØS vart derfor tildelt 3-0 og tre poeng av fotballkretsen.

30/09/2026

Skøyekarane fikk kjærringa skikkeleg på rettkjøl i onsdagens 7.div.kamp mot Harøy/Lepsøy/HaNo2.
Eit nytt trenar-regime har teke over styringa i laget med Ole Andre S. Særsten som hovedtrenar og ringrevane Eirik N. Høivik og Håkon B. Leine som assistentar.
Dei fikk ein pangstart.

Heile 7 innbytarar i dag, dei fleste juniorar, utgjorde forskjellen i dag når dei noko eldre trøytna litt i andreomgongen. Flott å sjå!
Kampen starta med to skoringar av nestor Sondre S. Beite. Det fyrste på straffe etter 10 minutt når han sjølv vart felt. Tre minutt seinarea uka han til 2-0 etter flott kombinasjons-spel. Deretter måtte Sondre gi seg grunna ein skade i straffesituasjonen.
Midt i omgongen fikk Nordøyane straffe, men veterankeeper Brede Waag let seg ikkje lure. Han redda straffa med ei flott beinparade.
Vel fem minutt før pause auka Levi R. Ludvigsen til 3-0 og det meste såg lyst ut.

Andreomgongen starta jamt, men so fikk Skodje innpå nokre løpsvillige juniorar, og laget tok over styringa.
Midt i omgongen auka Skodje til 4-0 av junior Alexander E. Jensen. Nordøyjengen fikkk si redusering til 1-4 minuttet seinare, men Skodje auka til både 5 og 6-1 ved junior Jesper Gundersen og ein annan junior Martin B. Knudsen.

Flott kamp av Skøyekarane som lovar godt før dei tre siste kampane i haust.
Aksla 2, som skulle ha vore neste motstandar, har trekt laget frå seria, so neste kamp blir ikkje før heimekampen mot Godøy 18. oktober.

Grei dømming av Arve Toven, IL Norborg. Eit gult til ein Nordøying.

Godt med publikum på sidelinja i dag, og flott kamparrangement med feiande musikk og speakertjeneste. Slik skal det vere!

30/09/2026

I dag, onsdag og siste dag i september, skal Skøyekarane i 7.divisjon prøve å snu eit par kjærringar. Tap 1-6 mot Guard og 1-9 mot Ravn 2 sit nok litt i skrotten, og onsdagens motstandar blir det ikkje lett å bryne seg på.
Alle nordøyane, beståande av Harøy/Lepsøy og HaNo2 (kvar er det blitt av Fjørtoft?) er dagens motstandar. Dette laget ligg på andreplass på tabellen, bak av alle, Valldal! Skodje er tredje sist.
Vi kan i alle fall love godt ver under kampen, so vel møtt!

29/09/2026

Artig, spennande og innhaldsrik kamp på stadion tirsdagskvelden når jenter 15 år 7-ar var i aksjon mot Ørsta.
Skodje gikk kjapt i ledelse 1-0 ved Sofie Nydal og Ørstatausene svara til 1-1 etter kvarteret.
Knappe ti minutt seinare kom tre raske Skøyemål, eit ved Lilly Hjelvik og to ved Leah M. Lianes. Ørsta reduserte til 2-4 like før pausesignalet.

Andreomgongen starta godt for gjestane frå søre luten. To kjappe mål og det sto 4-4.
Alva Gausdal Vik ga Skøye ledelse på nytt med 5-4, men eit par minutt seinare svara Ørsta igjen til 5-5.
Oline Skotheim Gjerdsbakk ga Skøye ny ledelse 6-5, og rett før slutt avgjorde Leah M. Lianes kampen med si tredje skoring og hat-trick til 7-5.

Kampens dommar var Filip Hyrycz frå arrangørklubben. Grei dømming og ingen kort.

Jentelaget 7-ar inntok tredjeplass på tabellen i 3.div. etter denne kampen.
Laget har no fri fram til 15. oktober grunna haustferia. Motstandar då er HaNo/Lepsøy/Harøy på Harøya.

Adresse

Stadionvegen 1
Skodje
6260

Telefon

+4745866464

Nettsted

http://www.skodjeil.no/

Varslinger

Bli den første som får vite det: Vi sender deg en e-post når Skodje idrettslag legger ut nyheter og kampanjer. E-postadressen din brukes ikke til noe annet formål, og du kan melde deg av når som helst.