26/09/2026
So greatful to have you in our club Nick Pearce 💚🩵
Fredagens Frivillig er Nick Pearce🤩
Den ivrige elvepadlaren og vossa-briten sit i styret i Voss Elveklubb og bidreg på dei vekentlege treningane for både nybyrjarar og vidarekomne.
Nick er også med under Ekstremsportveko, der han fungerer som kontaktpunkt mellom kajakklubben og arrangementet. No er han i tillegg involvert i arbeidet med å få på plass eit elveredningslag på Voss.
Men kvifor er Nick frivillig?
– Eg ynskjer å gje noko tilbake til ein sport som har gjeve meg så mykje, og som mellom anna var ein av grunnane til at eg flytta til Voss.
Han brenn særleg for å gje neste generasjon dei same moglegheitene som han sjølv fekk.
– Det er utruleg givande å sjå korleis folk veks og får større tru på seg sjølve når dei utfordrar seg i eit miljø som i starten kan kjennast ganske uvant og unaturlig.
For Nick handlar det også om å ta vare på elvane og naturen – og om å skape eit fellesskap der folk kjenner at dei høyrer til.
Me set stor pris på alle timane, engasjementet og kunnskapen du legg ned for padlemiljøet på Voss – og for å skape eit trygt, inkluderande og aktivt fellesskap rundt elva❣️
