The Cricket Guff, Gauradaha, Jhapa, Jhapa District (2026)

22/10/2026

यस अघि मंसिर २३, २५ र २७ मा हुने भनेर घोषणा भएको नेपाल र भारत ए विरुद्धको शृङ्खला अर्को सूचना नआउन्जेलको लागि सरेको छ ।

नेपालले विश्वकप लिग २ मा छैठौँ स्थान सुरक्षित गरेपछी नेपालले आइसिसी विश्वकप प्लेअफमा सहभागी हुनु पर्ने र त्यस प्रतियोगिताको मिति भारत ए विरुद्धको शृङ्खलासँग बाझिएपछी यो शृङ्खला हुने नहुनेमा द्विविधा रहेको थियो । यो शृङ्खला अब कहिलेदेखी हुने र कुन कुन मितिमा हुने भनेर पुन: तालिका प्रकाशन गरिने भएको छ ।

21/10/2026

[ढिला भएपनी]
बडा दशैंको सबैलाई हार्दिक शुभकामना ❤️
खेलाडीहरु मामासँग दशैंको टीका थाप्दै 🤗

21/10/2026

सन्दीपले आफ्नो कप्तानी नहुँदा खेलेका अन्तिम ६ खेलहरुमध्ये ३ खेलहरु विदेशी भूमीमा नामिबिया र नेदरल्याण्ड्स् विरुद्ध खेलेका थिए । जसमा उनले १ विकेट पनि लिन सकेका थिएनन् । त्यसै कारणले उनले एक खेल गुमाएका पनि थिए । बाँकी ३ खेलहरु उनले घरेलु मैदानमा अमेरिका र स्कटल्याण्डविरुद्ध खेलेका थिए । जसमा उनले ती सबै ७ विकेटहरु लिएका हुन् ।

कप्तानीको जिम्मेवारी पछि खेलिएका सबै खेलहरु उनले विदेशी भूमीमा खेलेका हुन् । २ खेल मलेसिया र ४ खेल ओमानमा । त्यहाँ उनले १३ विकेट लिएका छन् ।

रोहित आफू कप्तानी हुँदाका अन्तिम ६ खेलहरुमध्ये ४ खेल विदेशी भूमीमा नेदरल्याण्ड्स र नामिबिया विरुद्ध र २ खेल नेपालमा अमेरिका र स्कट्ल्याण्ड विरुद्ध खेलेका हुन् । नेपालमा उनले ती २२१ मध्ये ६० को औसतले १२० रन जोडेका हुन् । विदेशी भूमिमा खेलिएका ४ खेलमा उनले २५.२५को औसतमा १०१ रन बनाएक हुन् ।

कप्तानीको जिम्मेवारीबाट मुक्त भएपछी उनले खेलेका सबै ६ खेलहरु विदेशी भूमीमा खेलिएका हुन् । त्यहाँ उनको औसत ५०.५ को रहेको छ ।

20/10/2026

नेपाल प्रिमियर लिग (NPL) मा डिसिजन रिब्यु सिस्टम (DRS) त आउने नै भयो, तर त्यसका अतिरिक्त अरु के-के नयाँ प्रविधिहरु भित्रिँदैछन् त? 🏏🤔

NPL को अफिसियल फेसबुक पेजमा सार्वजनिक भएको एनिमेटेड विडियोले निम्न प्रविधी आउने संकेत दिएको छ ।

🔹 NickSense AI Edge Detection: स्टम्प माइकको अडियोसँग सिङ्क्रोनाइज गरिएको एआई-पावर्ड एज डिटेक्सन

🔹 Full 3D Ball Tracking: एलबिडब्लु (LBW) डिसिजनको लागि फुल थ्रीडी बल ट्र्याकिङ

🔹 Run-out & Stumping Reviews: रन-आउट र स्टम्पिङको रिभ्यु

🔹 No Ball Review: नो-बलको सटिक जाँच

🔹 Six-Hitting Analytics: छक्काको दिशा र दूरी विश्लेषण

🔹 Bowling Analytics: बलरको गति र स्विङ विश्लेषण

🔹 Height Wide Analytics: बाउन्सर र वाइड बलको उचाइ विश्लेषण

🔹 Field Settings: ट्याक्टिकल फिल्ड प्लेसमेन्टको विस्तृत जानकारी

नेपाली क्रिकेटकै इतिहासमा पहिलो पटक यति धेरै प्रविधि भित्रिँदा तपाईं कुन चाहिँ फिचरलाई लिएर सबैभन्दा बढी उत्साहित हुनुहुन्छ? तल कमेन्ट गर्नुहोला! 👇

19/10/2026

जर्सी नम्बर बिना खेलिएका ४ खेलको तथ्याङ्क:

जम्मा रन : २६१
औसत: ६५.२५
रन गति: ८५.८५

19/10/2026

लिग २ का केही रोचक तथ्यहरु:
१. नेपालको नेट रन रेट
नेपालले आफ्ना खेलहरु सबै खेलिसकेको छ । अन्त्यमा अंकतालिका अचम्मको देखिएको छ । नेपालको नेट रन रेट ०.००० रहेको छ जुन एकदमै दुर्लभ हुने गर्छ ।
(Edit:
लिगका सबै खेल सकिँदा कुनै टोलीको नेट रन रेट (NRR) ०.००० हुनुको सिधा अर्थ हो— त्यो टोलीले पूरै प्रतियोगिताभरि जति रन रेटमा (प्रति ओभर) रन बनायो, विपक्षी टोलीहरूलाई पनि ठ्याक्कै त्यही रन रेटमा रन बनाउन दियो ।)

२. नेपालले समर्थकहरुलाई दिलाएका झुठा आस्वासनहरु
२०२४ बाट नेपालले खेल्न सुरु भएको यो संस्करणमा २०२४ मा नेपालले समर्थकहरुलाई इमान्दारीपूर्वक निराश तुल्याएको थियो । २०२५को जुनमा नेपालले आफ्नो ट्र्याक छोडेर राम्रो खेल्न थाल्यो । युरोपियन पिचमा दुई शक्तिशाली असोसिएट राष्ट्रलाई डोमिनेट गरेर समर्थकहरुको आँखामा त्यसरी नै छारो हाल्यो, जसरी नेताहरुले चुनाव नजिकिँदै गर्दा हाल्ने गर्छन् । फेरि २०२५ कै अक्टोबरमा नेपालले ४-० ले हार्दै आफ्नो वास्तविक व्यवहार त्यसरी नै देखायो जसरी निर्वाचित नेताले देखाउने गर्दछन् । फेरि घरमा खेलिएका खेलमा ८ मध्ये ६ जितेर अर्को चुनाव आएको जस्तो माहोल बनायो । फेरि नेदरल्याण्ड्स गएर ४-० को वास्तविकता । अहिलेको सिरिज पनि घरेलु सिरिज झैँ ३-१ को रहन पुग्यो । तर अब हामीले No Not Again भन्ने बेला आएको छ ।

३. उत्कृष्ट शृङ्खलाहरु
- स्कटल्याण्ड टुर २०२५ (३-१)
- घरेलु २ शृङ्खलाहरु २०२६ (६-२)
- ओमान टुर २०२६ (३-१)

४. निकृष्ट शृङ्खलाहरु
- घरेलु शृङ्खला २०२४ (१-३)
- क्यानडा भ्रमण २०२४ (०-३-१)
- अमेरिका भ्रमण २०२४ (१-२-१)
- युएई भ्रमण २०२५ (०-४)
- नेदरल्याण्ड्स् भ्रमण २०२६ (०-४)

५. केही गफगाफहरु:
- नेपालले ४ ओटा शतक र १४ ओटा अर्धशतकहरु यही संस्करणमा पाएको छ ।

- रोहित पौडेलले अन्तिम खेलसम्ममा यस सिजनमा १००४, दिपेन्द्रले ९२० र कुशल भुर्तेलले ५९४ रन बनाउन कम्तिमा एक शतक जोडेका छन ।

- रोहित र दिपेन्द्र पछि आसिफ शेख ८२८ रन सहित रन बनाउने नेपालको लिडरबोर्डमा रहेका छन ।

- दिपेन्द्र सिंह ऐरीको जम्मा १८७८ करियर एकदिवसीय रन पूरा भएको छ । जसमा २ सतक र ११ अर्धसतक सामेल छन् । जसमध्ये १ सतक, ७ अर्धसतक सहित ९२० रन यही संस्करणमा बनाएका हुन् ।

- रोहित ३५, दिपेन्द्र ३२, आसिफ ३३, सन्दीप ३०, गुल्शल ३०, ललीत २९, करण २९ । यसरी हेर्दा ३६ नै खेल खेल्ने खेलाडी भेटिएन ।

- पहिलो संस्करणमा ७० विकेट झारेका सन्दिप सर्वाधिक विकेटकर्ताको दोस्रो स्थानमा थिए । यसपाली उनी ५१ विकेट लिँदै तेस्रो स्थानमा रहेका छन् । अब नेदरल्याण्ड्स्का आर्यन दत्त र काइल क्लाइनको खेलले उनी त्यहा रहिरहने वा नरहने भन्ने निर्धारण गर्नेछ ।

- यस संस्करणमा नेपालको प्रगति भनेकै केही महिनाको लागि पाचौँ स्थानमा बस्नु थियो । नेपाली टोलीले आफुलाई शीर्ष ४ मा राख्ने किसिमको प्रदर्शन निरन्तर देखाउन सकेन ।

- अघिल्लो संस्करणले सन्दीप लामिछानेलाई कप्तानी दिलायो, खराब कप्तान जस्तो देखायो र कप्तानीबाट हटायो अनि रोहितलाई सफल कप्तान बनायो । यस संस्करणले रोहितलाई असफल कप्तान तर सफल खेलाडी बनायो । सन्दीपलाई सफल कप्तानको रुपमा फिर्ता ल्यायो ।

- यस संस्करणले दिपेन्द्र सिंह ऐरीलाई एकदिवशीय खेलमा नियमित प्रदर्शनकर्ता बनायो, गुल्शन झालाई भरपर्दा अलराउन्डरको रुपमा अघि सार्यो ।

- यस संस्करणले नेपाललाई ३ लेफ्टी ब्याटर र एक लेफ्टी बोलर लिएर हिँड्ने योजनामा ढाल्यो ।

(Edit 2
- छ वर्षदेखि हामीले इतिहासकै उत्कृष्ट ओपनिङ जोडी भनेर चिनेका कुशल आसिफको जोडीलाई यही चक्रले कमजोर साबित गरिदिएको छ । जसरी छ वर्ष अघि कुशल र आसिफ अनिल मण्डलदेखि सुभाष खकुरेलसम्म, अनिल साहदेखी दिलिप नाथसम्मलाई प्रतिस्थापन गरेका थिए, त्यसरी नै निकट भविष्यमा अर्जुनदेव (अर्जुन+देव) को जोडीले कुशल र आसिफको जोडीलाई प्रतिस्थापन गर्न सक्ने देखिएको छ ।)

- अघिल्लो संस्करणमा नेपालले अन्तिममा १२ मध्ये ११ खेल जितेपछी शीर्ष ३ मा स्थान बनाउदै सानका साथ विश्वकप क्वालिफायर्सको यात्रा गरेको थियो । यसपाली नेपालले अन्तिम ४ मध्ये ३ खेल जितेर फेरि पनि शीर्ष ३मा स्थान बनाएको छ (अन्तिमबाट) । यसपाली पनि नेपाल सानमा प्ले अफ तिरको यात्रामा रहनेछ ।

- यी दुबै संस्करणले एक थोक सिकाए - दुनीयामा कुनै कुराको पनि स्थायित्व हुँदैन । हामी २०२३ मा ODI मान्यता जोगाएर कति ढुक्क भएका थियौँ? त्यो बेला यसरी हामीलाई यसरी प्याक प्याकी पारिनेछ भनेर कसले सोच्यो होला?

अन्तमा छैठौँ स्थानको टोलीले ODI जोगाउने विषयमा आधिकारिक निर्णय भइसकेको छैन । केही भविष्यवाणीहरु र केही प्रतिष्ठित व्यक्ती, संस्थाहरुबाट सकारात्मक हल्लाहरु सुनिएता पनि यस कुरा हालसम्म १००% सत्य भन्ने अवस्था रहेको छैन । अबको नेपालको आगामी यात्रा भनेको प्ले अफ र NPL तिरको हुनेछ ।

19/10/2026

बधाई छ हामी सबैलाई । अबको यात्रा NPL र प्ले अफ तिर ।

19/10/2026

ल आउनुस, एक्छिन गाली गरौँ टुक्टुकेहरुलाई ....

19/10/2026

को होला त त्यो खेलाडी?? 😁

19/10/2026

सन्दीप, करण र ललितमा भर पर्नेछ अबको खेल ।

The Cricket Guff

22/10/2026

21/10/2026

21/10/2026

20/10/2026

19/10/2026

19/10/2026

19/10/2026

19/10/2026

19/10/2026

19/10/2026

Address

Website

Alerts

Shortcuts

Share

Category

Listing takedown request