22/09/2026
RUCSA नयाँ पदाधिकारीहरूको बैठक तथा निर्णय सम्बन्धी व्यहोरा
मिति २०८३/०६/०६ गते RUCSA क्लबका नवनिर्वाचित/नवनियुक्त पदाधिकारीहरूको बैठक बसी क्लबको आगामी कार्ययोजना, जिम्मेवारी बाँडफाँड तथा संस्थागत गतिविधिका सम्बन्धमा आवश्यक छलफल गरियो।
बैठकमा क्लबको उद्देश्य तथा विधानअनुसार आगामी दिनमा क्लबका गतिविधिहरूलाई प्रभावकारी, व्यवस्थित, पारदर्शी र सहभागितामूलक रूपमा सञ्चालन गर्ने विषयमा छलफल भयो। साथै, प्रत्येक पदाधिकारीले आफ्नो जिम्मेवारी इमानदारीपूर्वक निर्वाह गर्ने तथा क्लबको हित र उद्देश्यलाई प्राथमिकतामा राखेर कार्य गर्ने प्रतिबद्धता व्यक्त गरियो।
बैठकमा छलफलपश्चात् देहायबमोजिमका निर्णयहरू गरियो:
१. नवनिर्वाचित पदाधिकारीहरूले आ–आफ्नो पदको जिम्मेवारी ग्रहण गरी क्लबका नियमित तथा आगामी कार्यक्रमहरू सञ्चालन गर्ने।
२. क्लबको आगामी कार्ययोजना तयार गरी प्राथमिकताका आधारमा सामाजिक, शैक्षिक, खेलकुद, सांस्कृतिक तथा सिर्जनात्मक कार्यक्रमहरू सञ्चालन गर्ने।
३. क्लबका पूर्वपदाधिकारी तथा जिम्मेवार व्यक्तिहरूसँग बैठक बस्ने।
४. कालिकोट जिल्ला अन्तर्गतका क्लबका प्रतिनिधिहरु सङ्ग छलफल गर्ने। ( क्लबका प्रतिनिधिहरुको Email तथा सम्पर्क नम्बर RUCSA को आधिकारिक पेजमा उपलब्ध गराइदिनु होला)
उपरोक्त निर्णयहरू कार्यान्वयन गर्दै RUCSA क्लबलाई थप सक्रिय, व्यवस्थित र उद्देश्यपरक रूपमा अगाडि बढाउने निर्णय गर्दै बैठक सम्पन्न भयो।
बैठकको निर्णयअनुसार
अध्यक्ष: सुमन शाही
सचिव: अग् रोकाय
मिति: २०८३/०६/०६
Rengil United Club For Social Awareness-RUCSA
