What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Sunday 09:00 - 17:00

Just Nepal Foundation, 171 Mahapur Marga, Bansbari, Kathmandu/03, Kathmandu (2026)

20/08/2026

पाचौ छलफल कक्षा।
छलफल कक्षाको दिनहरु बढदै जादा झन् सक्रिय रुपमा सहभागी हुदै हेलम्बु ७ माहंकाल स्थित मनकामना महिला कृषक समुहका सदस्यहरु , आज २०८३ भाद्रा ४ गते जैविक बिबिधता प्रदर्शनी ब्लगको छलफलको पाचौ कक्षा गोडमेल , नाप लिने र गाज सख्या गनेर सम्पन्न भयो।
आजको फिल्ड कार्यमा १४ वटा ब्लगमा सबै भन्दा अग्लो धान १ मिटर ५ सेण्टि भेटियो भनि होचोमा ४५ सेमी सम्म र गाज सख्या ५ देखि १७ सम्म पाइयो , झारहरुमा सामा,बंसो थियो भने रोग किरा खासै भेटिएन , समुहको सक्रियतामा सम्पन्न यस कक्षामा प्राबिधिक सहयोग परियोजनाको तर्फबाट उद्दब कार्की,श्याम लामिछाने र होम बा. कार्कीको रहेको थियो।

17/08/2026

हेलम्बु गाउँपालिका–६, थापाटारस्थित इच्छेश्वरी महिला बचत तथा कृषक समूहमा जस्ट नेपाल फाउन्डेसन (JNF) को आर्थिक सहयोग तथा लि–बर्डको प्राविधिक सहयोगमा स्थापना गरिएको १४ जातको धानको विविधता प्लटमा श्रावण ३१ गते पाँचौ पटक गोडमेल, रोग तथा किराको पहिचान, धानको नापो लिने र गाज सख्या गन्ने साथै नमूना धानको उचाइको नाप लिने कार्य सम्पन्न गरिएको छ। यस प्रक्रियाले छनोट गरिएका नमूना बोटहरूको नियमित अनुगमन, वृद्धि तथा विकासको अभिलेखीकरण, साथै विभिन्न धानका जातबीच तुलनात्मक अध्ययन गर्न सहज हुने अपेक्षा गरिएको छ।

14/08/2026

हेलम्बु गाउँपालिकामा बीउ बैंक स्थापनाका लागि अध्ययन तथा अवलोकन भ्रमण सम्पन्न।
हेलम्बु गाउँपालिकामा स्थानीय तथा रैथाने बालीका बीउहरूको संरक्षण, प्रवर्द्धन तथा दिगो उपयोग गर्दै समुदायस्तरमा बीउ बैंक स्थापना गर्ने उद्देश्यले दुई दिने अध्ययन तथा अवलोकन भ्रमण सम्पन्न भएको छ। हेलम्बु गाउँपालिकाको समन्वय लि-बर्ड को प्राबिधिक सहयोग तथा जस्ट नेपाल फाउन्डेसन (JNF) को आर्थिक सहयोगमा आयोजित उक्त भ्रमणमा सिन्धुपाल्चोक जिल्लाकै पहिलो बीउ बैंकका रूपमा रहेको सुनकोशी गाउँपालिका–२, पिङडाँडा ठोकर्पास्थित बीउ बैंक तथा कोन्ज्योसोम गाउँपालिकामा रहेको नेपालकै पहिलो बीउ बैंकको अध्ययन तथा अवलोकन गरिएको थियो।
अध्ययन भ्रमणका क्रममा बीउ बैंक स्थापना तथा सञ्चालनको प्रक्रिया, स्थानीय तथा रैथाने बालीका बीउहरूको संकलन, संरक्षण, भण्डारण, व्यवस्थापन तथा समुदायको सहभागिताबारे प्रत्यक्ष जानकारी तथा अनुभव आदानप्रदान गरिएको थियो। साथै, स्थानीय स्तरमा लोप हुँदै गएका रैथाने बाली तथा कृषि जैविक विविधताको संरक्षणमा बीउ बैंकले खेल्ने महत्वपूर्ण भूमिकाबारे समेत छलफल गरिएको थियो।
हेलम्बु गाउँपालिकामा पनि स्थानीय आवश्यकता र सम्भावनाका आधारमा समुदायको सक्रिय सहभागितामा बीउ बैंक स्थापना गरी रैथाने तथा स्थानीय बालीका बीउहरूको संरक्षण गर्ने उद्देश्यले भ्रमण आयोजना गरिएको हो। यसले कृषकहरूलाई गुणस्तरीय तथा स्थानीय रूपमा अनुकूलित बीउको सहज उपलब्धता सुनिश्चित गर्नुका साथै कृषि जैविक विविधताको संरक्षण र खाद्य सुरक्षामा समेत योगदान पुर्‍याउने अपेक्षा गरिएको छ।
अध्ययन तथा अवलोकन भ्रमणमा हेलम्बु गाउँपालिका वडा नं. १, २, ५ र ७ का वडा अध्यक्षहरू, कार्यपालिका सदस्यहरू, स्थानीय जलवायु अभियन्ताहरू तथा CCAM–2 परियोजना टोलीको सहभागिता रहेको थियो। भ्रमणबाट प्राप्त अनुभव र सिकाइलाई हेलम्बु गाउँपालिकामा बीउ बैंक स्थापनाको आगामी योजना तथा कार्यान्वयनमा उपयोग गरिनेछ।

05/08/2026

हेलम्बु गाउँपालिका–३, पाल्चोक, शेरास्थित शेराबेँसी महिला कृषक समूह तथा हेलम्बु गाउँपालिका–६, थापाटारस्थित इच्छेश्वरी महिला कृषक समूहको अगुवाइमा कालोपत्रे सडक किनारमा रोपिएका आलङ्कारिक तथा धार्मिक बिरुवाहरूको संरक्षणका लागि स्थानीय बाँसको प्रयोग गरी घेराबार निर्माण कार्य सक्रिय पुर्वक भइरहेको छ।

01/08/2026

हेलम्बु गाउँपालिका–६ स्थित नयाँबस्ती सामुदायिक वन उपभोक्ता समितिको अगुवाइ तथा जस्ट नेपाल फाउन्डेसनको सहयोगमा श्रावण १६ गते नयाँबस्ती सामुदायिक वन क्षेत्रमा वृक्षारोपण कार्यक्रम सम्पन्न भएको छ। कार्यक्रम अन्तर्गत टिमुर १६० बोट र भटमासे २०० बोट रोपण गरिएको छ। यस कार्यक्रमले वन क्षेत्रको हरियाली प्रवर्द्धन, जैविक विविधता संरक्षण, मानव–वन्यजन्तु द्वन्द्व न्यूनीकरण तथा स्थानीय समुदायको जीविकोपार्जनमा सकारात्मक योगदान पुग्ने अपेक्षा गरिएको छ।

01/08/2026

पाठाशाला !!!
हेलम्बु गाउपालिका वडा न २ किउल स्थित मनकामना महिला बचत तथा कृषक समुहमा JNF र LI- BIRD आर्थिक , प्राबिधिक सहयोगमा संचालित धानको पाचौ पाठाशाला आज साउन १६ गते सम्पन्न भएको छ।
जिमलचार र खुमलचारको ४ वटा बराबरको प्लट रहेको यस पाठाशालामा आज गोडमेल , प्रत्येक प्लटमा ५ /५ वटा बिरुवाको उचाई लिनुका साथै सबैको गाज पनि गनेका थियौ।
बिरुवाको उचाइको सरदर ८० सेमी पुगेको र गाज संख्या १८ सम्म पुगेको भेटियो भने , झारमा सामा ,मोथे , राते , काने ,बंसो र मलिडो पाएका थियौ , रोग तथा किरा खासै पाइएन। धानको प्रबिधि बारेमा धेरै छलफल गरेर पुन एउटा प्लेटमा पशुको पिसाब राखेर कक्षा समापन गरेका थियौ।

01/08/2026

सडक किनार वृक्षारोपण कार्यक्रम !!!
मिति: २०८३/०४/१५
हेलम्बु गाउँपालिका र जस्ट नेपाल फाउन्डेसन को सहकार्यमा हेलम्बु गाउँपालिका–३, पाल्चोक, शेरास्थित कालोपत्रे सडक किनारमा शेराबेँसी महिला कृषक समूह को अगुवाइमा जैकारान्डा (Jacaranda), बोगनभिलिया (Bougainvillea), शमी, नीम, पेन्सिल धुपी, झुप्पे धुपी, कपूर, बेल तथा रुद्राक्षलगायत धार्मिक एवं आलङ्कारिक बिरुवाहरूको वृक्षारोपण कार्यक्रम सम्पन्न भएको छ।
यस कार्यक्रमले सडक सौन्दर्यीकरण, हरियाली, पर्यटन प्रवर्द्धन तथा स्थानीय जैविक विविधता संरक्षणमा सकारात्मक योगदान पुग्ने अपेक्षा गरिएको छ।
उक्त कार्यक्रम सफलतापूर्वक सम्पन्न गर्न सहयोग पुर्‍याउनुहुने शेराबेसी महिला कृषक समूहका सम्पूर्ण सदस्यहरू तथा प्रत्यक्ष–अप्रत्यक्ष रूपमा सहयोग गर्नुहुने सबैप्रति हार्दिक धन्यवाद व्यक्त गर्दछौं। साथै, कार्यक्रमको समन्वय तथा सफल कार्यान्वयनमा विशेष भूमिका स्थानीय जलवायु अभियन्ता सुभाष खड्का तथा गीता थापाले निर्वाह गर्नुभएको थियो।

30/07/2026

सडक किनार वृक्षारोपण कार्यक्रम
मिति: २०८३/०४/१४

हेलम्बु गाउँपालिका र जस्ट नेपाल फाउन्डेसन को सहकार्यमा हेलम्बु गाउँपालिका–६, थापाटारस्थित कालोपत्रे सडक किनारमा इच्छेश्वरी महिला बचत तथा कृषक समूह को अगुवाइमा इच्छेश्वरी मन्दिर प्राङ्गणदेखि नयाँबस्ती घुम्तीसम्म (Jacaranda), बगनवेली, समी, नीम, पेन्सिल धुपी, झुप्पे धुपी, कपूर, बेल तथा रुद्राक्षलगायत धार्मिक एवं आलङ्कारिक बिरुवाहरूको वृक्षारोपण कार्यक्रम सम्पन्न भएको छ।
यस कार्यक्रमले सडक सौन्दर्यीकरण, हरियाली प्रवर्द्धन तथा स्थानीय जैविक विविधता संरक्षणमा सकारात्मक योगदान पुग्ने अपेक्षा गरिएको छ।
उक्त कार्यक्रम सफलतापूर्वक सम्पन्न गर्न विशेष सहयोग पुर्‍याउनुहुने हेलम्बुस्थित नेपाल प्रहरीका सुरक्षाकर्मीहरू, इच्छेश्वरी महिला बचत तथा कृषक समूहका सम्पूर्ण सदस्यहरू तथा प्रत्यक्ष–अप्रत्यक्ष रूपमा सहयोग गर्नुहुने सबैप्रति हार्दिक धन्यवाद व्यक्त गर्दछौं। साथै, यस कार्यक्रमको समन्वय तथा सफल कार्यान्वयनमा विशेष भूमिका निर्वाह गर्नुहुने स्थानीय जलवायु अभियन्ता श्री सुजन पण्डितप्रति विशेष आभार तथा हार्दिक धन्यवाद व्यक्त गर्दछौं।

28/07/2026

चौथो कृषक पाठशाला !!!
मिति: २०८३/०४/११
हेलम्बु गाउँपालिका–६, नयाँबस्तीस्थित गोदावरी महिला कृषक समूह मा सञ्चालित चौथो कृषक पाठशाला अन्तर्गत चारवटा प्लटमा गोडमेल, रोग तथा किराको पहिचान, साथै प्रत्येक प्लटका पाँच–पाँच वटा नमूना धानका बोटहरूलाई धागो बाँधेर चिन्ह लगाउने कार्य सम्पन्न गरिएको छ। यस प्रक्रियाले छनोट गरिएका नमूना बोटहरूको नियमित अनुगमन, वृद्धि तथा विकासको अभिलेखीकरण तथा विभिन्न व्यवस्थापन प्रविधिहरूको तुलनात्मक अध्ययनलाई थप व्यवस्थित बनाउन सहयोग पुग्ने अपेक्षा गरिएको छ।

प्लटहरूको सूक्ष्म अवलोकनका क्रममा चारवटै प्लटमध्ये जम्मा तीनवटाn बोटमा पहेँलो डाँठे गबारो (Yellow Stem Borer) को प्रकोप देखिएको पाइएको छ। उक्त प्रकोपको नियमित अनुगमन गर्दै आवश्यक व्यवस्थापनका उपायहरू अवलम्बन गरिनेछ।

साथै, चारवटा प्लटमध्ये एक प्लटमा गाईको मूत्र प्रयोग गरी त्यसबाट प्राप्त हुने नतिजाको नियमित अनुगमन तथा अभिलेखीकरण गर्ने निर्णयसमेत गरिएको छ।

27/07/2026

जैविक विविधता प्रदर्शनि ब्लक!!!
हेलम्बु गाउँपालिका-७, महांकालस्थित मनकामना महिला बचत तथा कृषक समूहमा जस्ट नेपाल फाउन्डेसन (JNF) को आर्थिक सहयोग तथा लि–बर्डको प्राविधिक सहयोगमा सञ्चालित धान कृषक पाठशाला अन्तर्गत श्रावण १० गते १४ वटा (४ × ४ )वर्ग मि. प्लटमा गोडमेल, रोग तथा किराको पहिचान, साथै नमूना धानका बोटहरूलाई धागो बाँधेर चिन्ह लगाउने कार्य सम्पन्न गरिएको छ। यस प्रक्रियाले छनोट गरिएका नमूना बोटहरूको नियमित अनुगमन, वृद्धि तथा विकासको अभिलेखीकरण तथा विभिन्न व्यवस्थापन प्रविधिहरूको तुलनात्मक अध्ययनलाई थप व्यवस्थित बनाउन सहयोग पुग्ने अपेक्षा गरिएको छ साथै प्लटहरूको निरीक्षणका क्रममा तीनवटा प्लटका करिब ५० प्रतिशत बिरुवामा पहेँलोपन देखिएको पाइयो। थप सूक्ष्म निरीक्षण गर्दा पहेँलो डाँठे गबारो (Yellow Stem Borer) को प्रकोप पुष्टि भएको छ। उक्त समस्या महाँकाल फाँटका धेरैजसो धानबालीमा समेत देखियो।

Just Nepal Foundation

20/08/2026

17/08/2026

14/08/2026

05/08/2026

01/08/2026

01/08/2026

01/08/2026

30/07/2026

28/07/2026

27/07/2026

Address

Opening Hours

Telephone

Website

Alerts

Contact The Business

Shortcuts

Share

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Sunday	09:00 - 17:00