Mr. Parash Mani Gelal, Udayapur 1

उदयपुर जिल्लाको समग्र विकास र नागरिकको सहज आवागमनका लागि करोडौँ रुपैयाँका महत्वपूर्ण पुल निर्माण आयोजना सुनिश्चित गराएको छु।

मुख्य आयोजनाहरू:
१. शहरेदेखि मदन भण्डारी राजमार्ग जोड्ने मोटरेबल पक्की पुल।
२. चौदण्डीगढी नगरपालिका–९ हडियादेखि ज्यामिरे वडा कार्यालय जाने सडकअन्तर्गत त्रियुगा नदीमा पक्की पुल।
३. ताप्ली गाउँपालिकास्थित यारीखोला पक्की पुल।
४. चौदण्डीगढी नगरपालिका–५ मा पक्की पुल निर्माण।
५. त्रियुगा पुल–सिबाई, उदयपुरमा पक्की पुल निर्माण।
६. त्रियुगा नगरपालिका–९ खावा टोल हुँदै त्रियुगा नगरपालिका–६ देउरी जाने सडकमा त्रियुगा नदी र साई खोलाको दोभानमा मोटरेबल पुल निर्माण।
७. त्रियुगा नगरपालिका अन्तर्गत थाडीखोला पक्की पुल निर्माण।
८. चौदण्डीगढी नगरपालिका अन्तर्गत चुनियाखोला पक्की पुल निर्माण।
९. चौदण्डीगढी नगरपालिका अन्तर्गत माडीबासखोला पक्की पुल निर्माण।
१०. बेलका नगरपालिका अन्तर्गत लालखहरे खोलामा पक्की पुल निर्माण।
११. बेलका नगरपालिका घुम्ने–रातापानी–आम्बासी–फत्तेपुर (सप्तरी) सडकखण्डको लालखहरे खोलामा पक्की पुल निर्माण।

यी आयोजनाहरू सम्पन्न भएपछि जिल्लाका विभिन्न पालिकाहरूबीचको यातायात सञ्जाल थप सुदृढ हुने, वर्षायाममा हुने आवागमनका समस्या न्यूनीकरण हुने तथा कृषि, व्यापार, शिक्षा, स्वास्थ्यलगायत क्षेत्रको पहुँचमा उल्लेखनीय सुधार आउने अपेक्षा गरिएको छ।

"समृद्ध उदयपुर निर्माणको आधार बलियो पूर्वाधार हो। विकासका यी योजनाहरू उदयपुरको दीर्घकालीन आर्थिक तथा सामाजिक रूपान्तरणका महत्वपूर्ण आधारस्तम्भ बन्नेछन्।"

कोहिपनी नबौलाउनु होला, राचिको टिकट बजेट छैन।
जनता जनार्दनको जय होस ।।

उदयपुरको विकासका लागि करोडौँ रुपैयाँका महत्वपूर्ण पूर्वाधार आयोजना सुनिश्चित गराएको छु।
मुख्य आयोजनाहरू:
१. शहरे देखि मदन भण्डारी राजमार्ग जोड्ने मोटरेबल पक्की पुल, उदयपुर।
२. चौदण्डीगढी नगरपालिका–९ हडियादेखि ज्यामिरे वडा कार्यालय जाने सडकअन्तर्गत त्रियुगा नदीमा पक्की पुल।
३. ताप्ली गाउँपालिकास्थित यारीखोला पक्की पुल।

यी आयोजनाले उदयपुरका विभिन्न क्षेत्रबीचको यातायात पहुँच सहज बनाउने, वर्षायाममा हुने आवतजावतको समस्या समाधान गर्ने तथा स्थानीय आर्थिक गतिविधिलाई थप गति दिने अपेक्षा गरिएको छ। मदन भण्डारी राजमार्ग उदयपुरको प्रमुख रणनीतिक सडक सञ्जालमध्ये एक हो र यसअन्तर्गत पुल तथा सडक पूर्वाधार विस्तारलाई सरकारले प्राथमिकता दिएको छ।

"उदयपुरको समृद्धि, सहज यातायात र दिगो विकासका लागि पूर्वाधार निर्माण हाम्रो प्राथमिकता हो।"

आदरणीय उदयपुरवासी दाजुभाइ तथा दिदीबहिनीहरू,

उदयपुर जिल्लाको विकास र समृद्धिका लागि मैले निरन्तर पहल, समन्वय र संघर्ष गर्दै विभिन्न शीर्षकमा करोडौँ रुपैयाँ बराबरका महत्वपूर्ण बजेट तथा योजनाहरू सुनिश्चित गरेको जानकारी गराउन चाहन्छु।

कहिलेकाहीँ तथ्यभन्दा फरक ढंगले भ्रम फैलाउने प्रयास हुन सक्छ। यस्ता अवस्थामा वास्तविक तथ्य र विकासका उपलब्धिहरूलाई आधार मानेर सत्य कुरा जनतामाझ पुर्‍याइदिनुहुन हार्दिक अनुरोध गर्दछु।

संघीय बजेटमा विकास आयोजना समावेश गराउन सम्बन्धित जनप्रतिनिधि, मन्त्रालय र सरोकारवाला निकायसँग निरन्तर पहल, समन्वय र संघर्ष आवश्यक पर्दछ भन्ने कुरा यहाँहरू सबैमा अवगत नै छ।
उदयपुर क्षेत्र नम्बर १ लगायत सम्पूर्ण उदयपुरको विकास, समृद्धि र नागरिकको जीवनस्तर उकास्ने अभियानमा म र उदयपुर क्षेत्र नम्बर २ का सान्सद सुर्य बहादुर तमाङ ज्यु सदैव प्रतिबद्ध रहनेछौ।

उदयपुर क्षेत्र नम्बर १ र २ का सम्पूर्ण नागरिकहरूको जय होस्!
धन्यवाद।

बजेट पारेका छौ, सबै क्रमशः राख्दै जानेछौ ।
१. सघन शहरी विकास कार्यक्रम अन्तर्गत चौदण्डिगढी नपा को बेल्टार बजार तथा नगर क्षेत्रमा शहरी पुर्वधार निर्माण कार्य को बजेट पारेको ब्यहोरा जानकारी गराउदछु ।

सम्पुर्ण मा नमस्कार,
भोलि बिहान चौदण्डिगढी ९ ज्यामिरेमा ८:०० बजे भेटौ ।

राष्ट्रिय स्वतन्त्र पार्टी (रास्वपा) कोशी प्रदेश अन्तर्गतका १४ वटै जिल्लामा आयोजना हुन गइरहेका ऐतिहासिक प्रथम जिल्ला अधिवेशनहरूको सफलताका लागि हार्दिक शुभकामना व्यक्त गर्दछु।
यस महत्वपूर्ण लोकतान्त्रिक प्रक्रियालाई निष्पक्ष, पारदर्शी, मर्यादित र व्यवस्थित रूपमा सम्पन्न गराउन अहोरात्र खटिनुहुने जिल्ला निर्वाचन समिति सदस्यज्यूहरू, विभिन्न पदमा उम्मेदवारी दिनुहुने सम्पूर्ण उम्मेदवारज्यूहरू, अधिवेशन प्रतिनिधिज्यूहरू तथा रास्वपाप्रति आस्था, विश्वास र सद्भाव राख्नुहुने सम्पूर्ण शुभेच्छुक एवं शुभचिन्तकहरूमा हार्दिक सम्मानसहित शुभकामना व्यक्त गर्दछु।
लोकतान्त्रिक अभ्यास, संगठनात्मक सुदृढीकरण तथा सक्षम, उत्तरदायी र दूरदर्शी नेतृत्व चयनको यो महत्वपूर्ण अवसरले पार्टीलाई अझ सशक्त, व्यवस्थित र जनमुखी बनाउने विश्वास लिएको छु।
कोशी प्रदेशका सबै जिल्लाका अधिवेशनहरू सभ्य, भव्य, मर्यादित तथा सफलतापूर्वक सम्पन्न होऊन् भन्ने हार्दिक शुभेच्छा व्यक्त गर्दछु।
जय लोकतन्त्र ! जय रास्वपा !
पारश मणि गेलाल
प्रतिनिधि सभा सदस्य
उदयपुर क्षेत्र नम्बर १.

अब उदयपुरको भविष्य कोर्नु छ। तेरो मेरो होईन, जनताको साथले सुन्दर उदयपुर बनाउनुछ । यात्रा कठिन छ थाहा छ तर असम्भव छैन । उदयपुरको वर्तमान र बिगतको अध्यारोलाई उज्यालो अनि सम्भावना को मुल बनाउनुछ ।
छिट्टै नै यो यात्रामा सहयोद्दाहरु जोडिने छ सचिवालय बनाएर ।

म बेलका क्षेत्रमा छु । भेट्न चाहनुहुने महानुभावहरुले रामपुर चोक क्षेत्रमा १-१.३० घण्टा सम्म भेट्न सक्नुहुनेछ ।
समय १ बजे देखि ।